Real And Fake Eggs: ਅਸਲੀ ਅਤੇ ਨਕਲੀ ਅੰਡੇ ਦੀ ਪਛਾਣ ਕਿਵੇਂ ਕਰੀਏ? ਕੀ ਤੁਹਾਨੂੰ ਪਤਾ ਨਕਲੀ ਅੰਡੇ ਦੀ ਕੀਮਤ?

Egg:ਅੰਡੇ ਦਾ ਸੇਵਨ ਸਰੀਰ ਦੇ ਲਈ ਫਾਇਦੇਮੰਦ ਹੁੰਦਾ ਹੈ। ਇਸ ਨੂੰ ਹਰ ਮੌਸਮ ਦੇ ਵਿੱਚ ਖਾਇਆ ਜਾ ਸਕਦਾ ਹੈ। ਪਰ ਹੱਦ ਨਾਲੋਂ ਵੱਧ ਇਸ ਦਾ ਸੇਵਨ ਸਿਹਤ ਦੇ ਲਈ ਖਤਰਨਾਕ ਸਾਬਿਤ ਹੋ ਸਕਦਾ ਹੈ। ਅੰਡੇ ਦੀ ਡਿਮਾਂਡ ਕਰਕੇ ਬਾਜ਼ਾਰਾਂ ਦੇ ਵਿੱਚ ਨਕਲੀ ਅੰਡੇ ਵੀ

( Image Source : Freepik )

How to identify real and fake eggs: ਅੰਡਾ ਪ੍ਰੋਟੀਨ ਦਾ ਸਭ ਤੋਂ ਵਧੀਆ ਸਰੋਤ ਹੈ। ਦੇਸ਼ ਭਰ ਵਿੱਚ ਹਰ ਮੌਸਮ ਵਿੱਚ ਅੰਡੇ ਦੀ ਮੰਗ ਹੁੰਦੀ ਹੈ। ਹਾਲਾਂਕਿ ਠੰਡ ਦੇ ਆਉਣ ਨਾਲ ਇਸ ਦੀ ਮੰਗ ਵੀ ਵਧ ਜਾਂਦੀ ਹੈ। ਪਰ ਕਲਪਨਾ ਕਰੋ ਕਿ ਜੇਕਰ ਇਹ ਅੰਡਾ ਨਕਲੀ ਬਣਨਾ ਸ਼ੁਰੂ ਹੋ ਜਾਵੇ ਤਾਂ ਤੁਸੀਂ ਕੀ ਕਰੋਗੇ। ਕਿਉਂਕਿ ਬਾਜ਼ਾਰ ਵਿੱਚ ਨਕਲੀ ਅੰਡੇ ਵੀ ਮੌਜੂਦ ਹਨ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਤੁਸੀਂ ਅਸਲੀ ਅਤੇ ਨਕਲੀ ਅੰਡੇ ਦੀ ਪਛਾਣ ਕਿਵੇਂ ਕਰ ਸਕਦੇ ਹੋ। ਨਕਲੀ ਅੰਡੇ ਦੇ ਸੇਵਨ ਨਾਲ ਤੁਹਾਡੀ ਸਿਹਤ ਖਰਾਬ ਹੋ ਸਕਦੀ ਹੈ।

ਅੰਡੇ

ਦੇਸ਼ ਭਰ ਵਿੱਚ ਅੰਡੇ ਦੀ ਮੰਗ ਸਭ ਤੋਂ ਵੱਧ ਹੈ। ਰਿਪੋਰਟਾਂ ਮੁਤਾਬਕ ਭਾਰਤ ਦੁਨੀਆ ਦਾ ਤੀਜਾ ਸਭ ਤੋਂ ਵੱਡਾ ਅੰਡੇ ਉਤਪਾਦਕ ਦੇਸ਼ ਹੈ। ਅਮਰੀਕਾ ਚੋਟੀ 'ਤੇ ਹੈ, ਜਦਕਿ ਚੀਨ ਦੂਜੇ ਸਥਾਨ 'ਤੇ ਹੈ। ਭਾਰਤ ਵਿੱਚ ਸਭ ਤੋਂ ਵੱਧ ਅੰਡੇ ਦਾ ਉਤਪਾਦਨ ਤਾਮਿਲਨਾਡੂ ਵਿੱਚ ਹੁੰਦਾ ਹੈ, ਜਦੋਂ ਕਿ ਇਕੱਲੇ ਹੈਦਰਾਬਾਦ ਵਿੱਚ ਹਰ ਰੋਜ਼ 75 ਲੱਖ ਅੰਡੇ ਦੀ ਖਪਤ ਹੁੰਦੀ ਹੈ। ਹੁਣ ਅੰਡਿਆਂ ਦਾ ਕਾਰੋਬਾਰ ਵੱਡਾ ਹੈ, ਇਸ ਲਈ ਨਕਲੀ ਅੰਡੇ ਵੀ ਬਾਜ਼ਾਰ 'ਚ ਵਿਕਦੇ ਹਨ।

ਅਸਲੀ ਅਤੇ ਨਕਲੀ ਅੰਡੇ (How to identify real and fake eggs)

ਸਵਾਲ ਇਹ ਹੈ ਕਿ ਤੁਸੀਂ ਇਹ ਕਿਵੇਂ ਪਛਾਣੋਗੇ ਕਿ ਤੁਸੀਂ ਨਕਲੀ ਅੰਡਾ ਖਾ ਰਹੇ ਹੋ ਜਾਂ ਅਸਲੀ? ਸੋਸ਼ਲ ਮੀਡੀਆ 'ਤੇ ਅਕਸਰ ਇਸ ਗੱਲ ਦੀ ਚਰਚਾ ਹੁੰਦੀ ਹੈ ਕਿ ਕਿਵੇਂ ਨਕਲੀ ਅੰਡੇ ਬਾਜ਼ਾਰ 'ਚ ਅੰਨ੍ਹੇਵਾਹ ਵੇਚੇ ਜਾ ਰਹੇ ਹਨ। ਇਸ ਤਰ੍ਹਾਂ ਦੀਆਂ ਕਈ ਵੀਡੀਓਜ਼ ਵੱਖ-ਵੱਖ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਵੀ ਵਾਇਰਲ ਹੋ ਰਹੀਆਂ ਹਨ, ਜਿਸ 'ਚ ਲੋਕ ਨਕਲੀ ਅਤੇ ਅਸਲੀ ਅੰਡੇ 'ਚ ਫਰਕ ਦੱਸ ਰਹੇ ਹਨ।

ਨਕਲੀ ਅੰਡਿਆਂ ਬਾਰੇ ਕਿਹਾ ਜਾਂਦਾ ਹੈ ਕਿ ਇਸ ਨੂੰ ਬਣਾਉਣ ਵਿਚ ਪਲਾਸਟਿਕ ਅਤੇ ਰਬੜ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਲਈ, ਫਾਇਰ ਟੈਸਟ ਰਾਹੀਂ ਅਸੀਂ ਤੁਰੰਤ ਅਸਲੀ ਅਤੇ ਨਕਲੀ ਦਾ ਪਤਾ ਲਗਾ ਸਕਦੇ ਹਾਂ। ਤੁਹਾਨੂੰ ਦੱਸ ਦੇਈਏ ਕਿ ਜ਼ਿਆਦਾਤਰ ਫੂਡ ਪ੍ਰੋਡਕਟਸ 'ਚ ਅਸਲੀ ਜਾਂ ਨਕਲੀ ਦੀ ਪਛਾਣ ਸਿਰਫ ਫਾਇਰ ਟੈਸਟ ਕਰਕੇ ਹੀ ਕੀਤੀ ਜਾ ਸਕਦੀ ਹੈ। ਜੇਕਰ ਤੁਸੀਂ ਅੰਡੇ ਦੀ ਬਾਹਰੀ ਪਰਤ ਨੂੰ ਸਾੜਦੇ ਹੋ, ਤਾਂ ਅਸਲੀ ਆਂਡਾ ਸਿਰਫ ਕਾਲਾ ਹੋ ਜਾਵੇਗਾ, ਜਦੋਂ ਕਿ ਨਕਲੀ ਆਂਡਾ ਬਲਣ ਲੱਗ ਜਾਵੇਗਾ। ਕਿਉਂਕਿ ਨਕਲੀ ਅੰਡੇ ਪਲਾਸਟਿਕ ਦੇ ਹੋਣ ਕਾਰਨ ਅੱਗ ਲੱਗ ਜਾਂਦੀ ਹੈ। ਹਾਲਾਂਕਿ, ਅਜੇ ਤੱਕ ਇਸ ਗੱਲ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ ਕਿ ਨਕਲੀ ਅੰਡੇ ਵਿੱਚ ਪਲਾਸਟਿਕ ਹੁੰਦਾ ਹੈ।

ਅੰਡੇ ਦਾ ਰੇਟ

ਬਾਜ਼ਾਰ ਵਿੱਚ ਅੰਡਿਆਂ ਦੇ ਰੇਟ ਵੱਖੋ-ਵੱਖਰੇ ਹਨ। ਭਾਵੇਂ ਥੋਕ ਬਾਜ਼ਾਰ ਵਿੱਚ ਅੰਡੇ ਦਾ ਰੇਟ 4 ਰੁਪਏ ਪ੍ਰਤੀ ਨਗ ਹੈ, ਪਰ ਇਸ ਦਾ ਰੇਟ ਸੀਜ਼ਨ ਦੇ ਹਿਸਾਬ ਨਾਲ ਵਧਦਾ-ਘਟਦਾ ਰਹਿੰਦਾ ਹੈ। ਨਕਲੀ ਅੰਡਿਆਂ ਦਾ ਰੇਟ ਕੁਦਰਤੀ ਅੰਡਿਆਂ ਨਾਲੋਂ ਘੱਟ ਹੈ ਅਤੇ ਥੋਕ ਬਾਜ਼ਾਰ ਵਿੱਚ ਇਸ ਦਾ ਰੇਟ ਹੋਰ ਵੀ ਘੱਟ ਹੋ ਜਾਂਦਾ ਹੈ। ਹਾਲਾਂਕਿ, ਦੁਕਾਨਦਾਰ ਸਮਾਨ ਦਰ 'ਤੇ ਗਾਹਕਾਂ ਨੂੰ ਨਕਲੀ ਅਤੇ ਅਸਲੀ ਦੋਵੇਂ ਅੰਡੇ ਦਿੰਦੇ ਹਨ। ਜਿਸ ਕਾਰਨ ਗਾਹਕਾਂ ਨੂੰ ਦੁਕਾਨਦਾਰ 'ਤੇ ਸ਼ੱਕ ਵੀ ਨਹੀਂ ਹੁੰਦਾ।