Christmas Day History: ਕ੍ਰਿਸਮਸ ਡੇਅ ਮਨਾਉਣ ਦੇ ਪਿੱਛੇ ਕੀ ਹੈ ਕਹਾਣੀ? ਇੱਥੇ ਜਾਣੋ ਇਤਿਹਾਸ ਦੇ ਨਾਲ ਜੁੜੇ 6 ਰੋਚਕ ਤੱਥ
25 ਦਸੰਬਰ ਆਉਂਦੇ ਹੀ ਪੂਰੀ ਦੁਨੀਆ ਕ੍ਰਿਸਮਸ ਦੇ ਰੰਗ ਵਿੱਚ ਰੰਗੀ ਹੋਈ ਨਜ਼ਰ ਆਉਂਦੀ ਹੈ। ਅੱਜ ਪੂਰੇ ਸੰਸਾਰ ਦੇ ਵਿੱਚ ਇਹ ਦਿਨ ਬਹੁਤ ਹੀ ਗਰਮਜੋਸ਼ੀ ਅਤੇ ਉਤਸ਼ਾਹ ਦੇ ਨਾਲ ਸੈਲੀਬ੍ਰੇਟ ਕੀਤਾ ਜਾ ਰਿਹਾ ਹੈ। ਇਸ ਦਿਨ ਦਾ ਲੋਕ ਸਾਲ ਭਰ ਬੇਸਬਰੀ...
25 ਦਸੰਬਰ ਆਉਂਦੇ ਹੀ ਪੂਰੀ ਦੁਨੀਆ ਕ੍ਰਿਸਮਸ ਦੇ ਰੰਗ ਵਿੱਚ ਰੰਗੀ ਹੋਈ ਨਜ਼ਰ ਆਉਂਦੀ ਹੈ। ਅੱਜ ਪੂਰੇ ਸੰਸਾਰ ਦੇ ਵਿੱਚ ਇਹ ਦਿਨ ਬਹੁਤ ਹੀ ਗਰਮਜੋਸ਼ੀ ਅਤੇ ਉਤਸ਼ਾਹ ਦੇ ਨਾਲ ਸੈਲੀਬ੍ਰੇਟ ਕੀਤਾ ਜਾ ਰਿਹਾ ਹੈ। ਇਸ ਦਿਨ ਦਾ ਲੋਕ ਸਾਲ ਭਰ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। ਹਾਲਾਂਕਿ ਇਹ ਤਿਉਹਾਰ ਇਸਾਈ ਧਰਮ ਨਾਲ ਸੰਬੰਧਿਤ ਹੈ, ਪਰ ਅੱਜ ਕ੍ਰਿਸਮਸ ਨੂੰ ਪੂਰੀ ਦੁਨੀਆ ਇਕੱਠੇ ਹੋ ਕੇ ਮਨਾਇਆ ਜਾਂਦਾ ਹੈ। ਸਜੇ ਹੋਏ ਕ੍ਰਿਸਮਸ ਟਰੀ, ਰੌਸ਼ਨੀ ਨਾਲ ਜਗਮਗਾਉਂਦੇ ਘਰ, ਕੇਕ ਅਤੇ ਤੋਹਫਿਆਂ ਦੇ ਨਾਲ ਇਹ ਦਿਨ ਆਪਸੀ ਪਿਆਰ ਅਤੇ ਸ਼ਾਂਤੀ ਦਾ ਸੰਦੇਸ਼ ਦਿੰਦਾ ਹੈ।
ਇਸ ਦੇ ਪਿੱਛੇ ਕੀ ਇਤਿਹਾਸ ਕੀ ਹੈ?
ਅਜਿਹੇ ਵਿੱਚ ਕਈ ਵਾਰ ਮਨ ਵਿੱਚ ਇਹ ਸਵਾਲ ਜ਼ਰੂਰ ਆਉਂਦਾ ਹੈ ਕਿ ਆਖਿਰ ਕ੍ਰਿਸਮਸ 25 ਦਸੰਬਰ ਨੂੰ ਹੀ ਕਿਉਂ ਮਨਾਇਆ ਜਾਂਦਾ ਹੈ? ਇਸ ਦੇ ਪਿੱਛੇ ਕੀ ਇਤਿਹਾਸ ਹੈ ਅਤੇ ਇਸ ਤਿਉਹਾਰ ਨੂੰ ਪਹਿਲੀ ਵਾਰ ਕਿਵੇਂ ਮਨਾਇਆ ਗਿਆ ਸੀ? ਜੇ ਤੁਹਾਡੇ ਮਨ ਵਿੱਚ ਵੀ ਇਹ ਸਾਰੇ ਸਵਾਲ ਹਨ, ਤਾਂ ਇਸ ਲੇਖ ਵਿੱਚ ਤੁਹਾਨੂੰ ਪੂਰੀ ਜਾਣਕਾਰੀ ਮਿਲੇਗੀ। ਆਓ, ਕ੍ਰਿਸਮਸ ਡੇ ਨਾਲ ਜੁੜੇ ਰੋਚਕ ਤੱਥਾਂ ਬਾਰੇ ਵਿਸਥਾਰ ਨਾਲ ਜਾਣੀਏ।
ਕ੍ਰਿਸਮਸ ਡੇ ਦੇ ਇਤਿਹਾਸ ਨਾਲ ਜੁੜੇ ਦਿਲਚਸਪ ਤੱਥ
ਈਸਾ ਮਸੀਹ ਦਾ ਜਨਮਦਿਨ – ਕ੍ਰਿਸਮਸ ਡੇ ਨੂੰ ਈਸਾ ਮਸੀਹ (Jesus Christ) ਦੇ ਜਨਮਦਿਨ ਵਜੋਂ ਮਨਾਇਆ ਜਾਂਦਾ ਹੈ। ਈਸਾ ਮਸੀਹ ਨੂੰ ਇਸਾਈ ਧਰਮ ਦੇ ਮਾਨਣ ਵਾਲੇ ਆਪਣਾ ਰੱਬ ਮੰਨਦੇ ਹਨ ਅਤੇ ਉਹਨਾਂ ਨੂੰ ਯਿਸੂ ਮਸੀਹ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਉਹਨਾਂ ਦਾ ਜਨਮ ਬੇਥਲੇਹਮ ਵਿੱਚ ਹੋਇਆ ਸੀ ਅਤੇ ਉਹ ਮਨੁੱਖਤਾ, ਪਿਆਰ ਅਤੇ ਮੁਆਫੀ ਦਾ ਸੰਦੇਸ਼ ਲੋਕਾਂ ਤੱਕ ਲੈ ਕੇ ਆਏ ਸਨ।
25 ਦਸੰਬਰ ਦੀ ਤਾਰੀਖ ਦੇ ਪਿੱਛੇ ਦਾ ਤੱਥ – ਬਾਈਬਲ ਵਿੱਚ ਯਿਸੂ ਮਸੀਹ ਦੇ ਜਨਮ ਦੀ ਸਹੀ ਤਾਰੀਖ ਦਾ ਕੋਈ ਸਿੱਧਾ ਜ਼ਿਕਰ ਨਹੀਂ ਮਿਲਦਾ। ਪਰ ਚੌਥੀ ਸਦੀ ਵਿੱਚ ਰੋਮਨ ਸਾਮਰਾਜ ਨੇ 25 ਦਸੰਬਰ ਨੂੰ ਯਿਸੂ ਦੇ ਜਨਮ ਦਿਨ ਵਜੋਂ ਮਾਨਤਾ ਦਿੱਤੀ। ਉਸ ਤੋਂ ਬਾਅਦ ਹੀ ਹਰ ਸਾਲ 25 ਦਸੰਬਰ ਨੂੰ ਕ੍ਰਿਸਮਸ ਡੇ ਮਨਾਇਆ ਜਾਣ ਲੱਗਾ।
ਕ੍ਰਿਸਮਸ ਨਾਮ ਦੇ ਪਿੱਛੇ ਦੀ ਕਹਾਣੀ – ‘ਕ੍ਰਿਸਮਸ’ ਨਾਮ ਸੁਣਨ ਵਿੱਚ ਬਹੁਤ ਹੀ ਸੁੰਦਰ ਅਤੇ ਵਿਲੱਖਣ ਲੱਗਦਾ ਹੈ। ਦਰਅਸਲ ਇਹ ਸ਼ਬਦ Christ’s Mass ਤੋਂ ਲਿਆ ਗਿਆ ਹੈ, ਜਿਸਦਾ ਅਰਥ ਹੈ ਈਸਾ ਮਸੀਹ ਲਈ ਕੀਤੀ ਜਾਣ ਵਾਲੀ ਖ਼ਾਸ ਪ੍ਰਾਰਥਨਾ। ਇਸੀ ਕਰਕੇ ਕ੍ਰਿਸਮਸ ਦੇ ਦਿਨ ਚਰਚਾਂ ਵਿੱਚ ਵਿਸ਼ੇਸ਼ ਪ੍ਰਾਰਥਨਾਵਾਂ ਕੀਤੀਆਂ ਜਾਂਦੀਆਂ ਹਨ।
ਕ੍ਰਿਸਮਸ ਟਰੀ ਦੀ ਪਰੰਪਰਾ – ਕ੍ਰਿਸਮਸ ਟਰੀ ਨੂੰ ਸਜਾਉਣ ਦੀ ਰਿਵਾਇਤ ਕਾਫ਼ੀ ਪੁਰਾਣੀ ਮੰਨੀ ਜਾਂਦੀ ਹੈ। ਇਸ ਦੀ ਸ਼ੁਰੂਆਤ ਜਰਮਨੀ ਤੋਂ ਹੋਈ ਦੱਸੀ ਜਾਂਦੀ ਹੈ, ਜਿੱਥੇ ਸਦਾ-ਹਰੇ ਦਰੱਖ਼ਤ ਨੂੰ ਜੀਵਨ ਅਤੇ ਉਮੀਦ ਦੀ ਨਿਸ਼ਾਨੀ ਵਜੋਂ ਸਜਾਇਆ ਜਾਂਦਾ ਸੀ। ਹੌਲੀ-ਹੌਲੀ ਇਹ ਰਿਵਾਇਤ ਪੂਰੀ ਦੁਨੀਆ ਵਿੱਚ ਫੈਲ ਗਈ ਅਤੇ ਅੱਜ ਕ੍ਰਿਸਮਸ ਟਰੀ ਤਿਉਹਾਰ ਦਾ ਇੱਕ ਅਹਿਮ ਹਿੱਸਾ ਬਣ ਚੁੱਕਾ ਹੈ।
ਸਾਂਤਾ ਕਲੌਜ਼ ਨਾਲ ਸੰਬੰਧ – ਸੇਂਟ ਨਿਕੋਲਸ ਇਕ ਬਹੁਤ ਦਿਆਲੂ ਵਿਅਕਤੀ ਸਨ, ਜੋ ਅਕਸਰ ਬੱਚਿਆਂ ਦੀ ਮਦਦ ਕਰਦੇ ਰਹਿੰਦੇ ਸਨ। ਉਹ ਗਰੀਬਾਂ ਅਤੇ ਬੱਚਿਆਂ ਦੀ ਸਹਾਇਤਾ ਲਈ ਜਾਣੇ ਜਾਂਦੇ ਸਨ। ਸਮੇਂ ਦੇ ਨਾਲ-ਨਾਲ ਉਹਨਾਂ ਦੀ ਇਹ ਛਵੀ ਤੋਹਫ਼ੇ ਵੰਡਣ ਵਾਲੇ ਸਾਂਤਾ ਕਲੌਜ਼ ਦੇ ਰੂਪ ਵਿੱਚ ਲੋਕਪ੍ਰਿਯ ਹੋ ਗਈ।
ਕ੍ਰਿਸਮਸ ਦਾ ਕੇਕ – ਕਿਉਂਕਿ ਕ੍ਰਿਸਮਸ ਡੇ ਨੂੰ ਈਸਾ ਮਸੀਹ ਦੇ ਜਨਮਦਿਨ ਵਜੋਂ ਮਨਾਇਆ ਜਾਂਦਾ ਹੈ, ਇਸ ਲਈ ਇਸ ਦਿਨ ਕੇਕ ਕੱਟਣ ਦੀ ਪਰੰਪਰਾ ਵੀ ਚੱਲੀ ਆ ਰਹੀ ਹੈ। ਲੋਕ ਖ਼ਾਸ ਤੌਰ ‘ਤੇ ਕ੍ਰਿਸਮਸ ‘ਤੇ ਕੇਕ ਕੱਟਦੇ ਹਨ, ਬਿਲਕੁਲ ਉਸੇ ਤਰ੍ਹਾਂ ਜਿਵੇਂ ਦੁਨੀਆ ਭਰ ਵਿੱਚ ਲੋਕ ਆਪਣੇ ਜਨਮਦਿਨ ‘ਤੇ ਕੇਕ ਕੱਟ ਕੇ ਖੁਸ਼ੀ ਮਨਾਉਂਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
