![ABP Premium](https://cdn.abplive.com/imagebank/Premium-ad-Icon.png)
Health News: ਭੁੱਲ ਕੇ ਵੀ ਪੈਂਟ ਦੀ ਪਿਛਲੀ ਜੇਬ 'ਚ ਨਾ ਪਾਓ ਪਰਸ! ਚੋਰੀ ਦਾ ਨਹੀਂ ਸਗੋਂ ਸਿਹਤ ਲਈ ਵੱਡਾ ਖਤਰਾ...
Healthy Lifestyle: ਕੀ ਤੁਸੀਂ ਜਾਣਦੇ ਹੋ ਕਿ ਅਜਿਹਾ ਕਰਨਾ ਤੁਹਾਡੇ ਲਈ ਬਹੁਤ ਨੁਕਸਾਨਦਾਇਕ ਹੈ? ਚੋਰੀ ਦੇ ਲਿਹਾਜ਼ ਨਾਲ ਹੀ ਨਹੀਂ ਸਗੋਂ ਸਿਹਤ ਦੇ ਲਿਹਾਜ਼ ਨਾਲ ਵੀ ਪਰਸ ਨੂੰ ਪਿਛਲੀ ਜੇਬ 'ਚ ਰੱਖਣਾ ਬਹੁਤ ਖਤਰਨਾਕ ਹੈ।
![Health News: ਭੁੱਲ ਕੇ ਵੀ ਪੈਂਟ ਦੀ ਪਿਛਲੀ ਜੇਬ 'ਚ ਨਾ ਪਾਓ ਪਰਸ! ਚੋਰੀ ਦਾ ਨਹੀਂ ਸਗੋਂ ਸਿਹਤ ਲਈ ਵੱਡਾ ਖਤਰਾ... don t keep your wallet in your back pocket it can be hazardous for health Health News: ਭੁੱਲ ਕੇ ਵੀ ਪੈਂਟ ਦੀ ਪਿਛਲੀ ਜੇਬ 'ਚ ਨਾ ਪਾਓ ਪਰਸ! ਚੋਰੀ ਦਾ ਨਹੀਂ ਸਗੋਂ ਸਿਹਤ ਲਈ ਵੱਡਾ ਖਤਰਾ...](https://feeds.abplive.com/onecms/images/uploaded-images/2023/04/06/00b15c8091311281bca988c34307fb611680764605162469_original.jpg?impolicy=abp_cdn&imwidth=1200&height=675)
Wallet in back pocket: ਪੂਰੀ ਦੁਨੀਆ ਵਿੱਚ ਜ਼ਿਆਦਾਤਰ ਮਰਦ ਪੈਸੇ, ਕਾਰਡ ਤੇ ਹੋਰ ਜ਼ਰੂਰੀ ਦਸਤਾਵੇਜ਼ ਆਦਿ ਰੱਖਣ ਲਈ ਬਟੂਏ ਦੀ ਵਰਤੋਂ ਕਰਦੇ ਹਨ। ਇਹ ਵੀ ਦੇਖਿਆ ਗਿਆ ਹੈ ਕਿ ਜ਼ਿਆਦਾਤਰ ਮਰਦ ਆਪਣਾ ਪਰਸ ਜੀਨਸ ਜਾਂ ਪੈਂਟ ਦੀ ਪਿਛਲੀ ਜੇਬ ਵਿਚ ਰੱਖਦੇ ਹਨ। ਕਈ ਵਾਰ ਇਹ ਪਰਸ ਬਹੁਤ ਮੋਟਾ ਹੋ ਜਾਂਦਾ ਹੈ ਜਿਸ ਕਾਰਨ ਬੈਠਣ 'ਚ ਕਾਫੀ ਦਿੱਕਤ ਆਉਂਦੀ ਹੈ। ਫਿਰ ਵੀ ਲੋਕ ਇਸ ਨੂੰ ਆਪਣੀ ਪਿਛਲੀ ਜੇਬ ਵਿੱਚ ਰੱਖਦੇ ਹਨ ਤੇ ਲਾਪ੍ਰਵਾਹੀ ਨਾਲ ਬੈਠ ਜਾਂਦੇ ਹਨ।
ਪਰ, ਕੀ ਤੁਸੀਂ ਜਾਣਦੇ ਹੋ ਕਿ ਅਜਿਹਾ ਕਰਨਾ ਤੁਹਾਡੇ ਲਈ ਬਹੁਤ ਨੁਕਸਾਨਦਾਇਕ ਹੈ? ਚੋਰੀ ਦੇ ਲਿਹਾਜ਼ ਨਾਲ ਹੀ ਨਹੀਂ ਸਗੋਂ ਸਿਹਤ ਦੇ ਲਿਹਾਜ਼ ਨਾਲ ਵੀ ਪਰਸ ਨੂੰ ਪਿਛਲੀ ਜੇਬ 'ਚ ਰੱਖਣਾ ਬਹੁਤ ਖਤਰਨਾਕ ਹੈ। ਪਿਛਲੀ ਜੇਬ! ਪਰਸ ਰੱਖਣ ਦੀ ਇਹ ਆਦਤ ਸਰੀਰ ਦੇ ਕਈ ਹਿੱਸਿਆਂ ਨੂੰ ਨੁਕਸਾਨ ਪਹੁੰਚਾ ਰਹੀ ਹੈ। ਆਓ ਜਾਣਦੇ ਹਾਂ ਇਹ ਤੁਹਾਡੇ ਸਰੀਰ ਨੂੰ ਕਿਵੇਂ ਨੁਕਸਾਨ ਪਹੁੰਚਾ ਰਿਹਾ ਹੈ।
ਜਾਣੋ ਪਿਛਲੀ ਜੇਬ 'ਚ ਪਰਸ ਰੱਖਣ ਦੇ ਨੁਕਸਾਨ
ਬਿਜ਼ਨੈੱਸ ਇਨਸਾਈਡਰ ਦੀ ਇੱਕ ਰਿਪੋਰਟ ਮੁਤਾਬਕ ਜੇਕਰ ਕਿਸੇ ਨੂੰ ਵੀ ਆਪਣੀ ਪਿਛਲੀ ਜੇਬ 'ਚ ਪਰਸ ਰੱਖਣ ਦੀ ਅਜਿਹੀ ਆਦਤ ਹੈ ਤਾਂ ਉਸ ਨੂੰ ਇਸ ਆਦਤ ਨੂੰ ਤੁਰੰਤ ਠੀਕ ਕਰਨਾ ਚਾਹੀਦਾ ਹੈ। ਇਹ ਆਦਤ ਤੁਹਾਡੇ ਬੈਠਣ ਦੀ ਸਥਿਤੀ ਤੇ ਪਿੱਠ ਲਈ ਬਹੁਤ ਖਤਰਨਾਕ ਹੈ।
ਡਾਕਟਰ ਅਰਨੀ ਐਂਗਰਿਸਟ ਨੇ ਹਫਿੰਗਟਨ ਪੋਸਟ ਨੂੰ ਦੱਸਿਆ ਕਿ ਪਰਸ ਨੂੰ ਪਿਛਲੀ ਜੇਬ ਵਿੱਚ ਰੱਖਣ ਨਾਲ ਬੈਠਣ ਵੇਲੇ ਅਸੰਤੁਲਨ ਪੈਦਾ ਹੁੰਦਾ ਹੈ, ਜੋ ਕੁੱਲ੍ਹੇ ਤੇ ਪੇਡੂ ਲਈ ਨੁਕਸਾਨਦੇਹ ਹੁੰਦਾ ਹੈ। ਪੇਡੂ ਇੱਕ ਬੇਸਿਨ-ਆਕਾਰ ਦੀ ਬਣਤਰ ਹੈ ਜੋ ਸਰੀਰ ਵਿੱਚ ਰੀੜ੍ਹ ਦੀ ਹੱਡੀ ਤੇ ਪੇਟ ਦੇ ਅੰਗਾਂ ਦਾ ਸਮਰਥਨ ਕਰਦੀ ਹੈ।
ਇਹ ਬਿਮਾਰੀਆਂ ਹੋ ਸਕਦੀਆਂ
ਇਸ ਤੋਂ ਇਲਾਵਾ ਪਰਸ ਨੂੰ ਪਿਛਲੀ ਜੇਬ 'ਚ ਰੱਖਣ ਦੀ ਆਦਤ ਕਈ ਹੋਰ ਸਮੱਸਿਆਵਾਂ ਨੂੰ ਜਨਮ ਦਿੰਦੀ ਹੈ। ਇਸ ਨਾਲ ਅਸਥਾਈ ਦਰਦ, ਡੀਜਨਰੇਸ਼ਨ ਤੇ ਸਾਇਟਿਕਾ ਵਰਗੀਆਂ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ। ਇਸ ਤੋਂ ਇਲਾਵਾ ਇਹ ਓਸਟੀਓਆਰਥਾਈਟਿਸ, ਓਸਟੀਓਪੋਰੋਸਿਸ ਦਾ ਖਤਰਾ ਵੀ ਵਧਾਉਂਦਾ ਹੈ। ਜੇਕਰ ਕੋਈ ਲੰਬੇ ਸਮੇਂ ਤੋਂ ਅਜਿਹਾ ਕਰ ਰਿਹਾ ਹੈ ਤਾਂ ਇਸ ਨਾਲ ਜੋੜਾਂ ਦਾ ਦਰਦ ਵੀ ਹੋ ਸਕਦਾ ਹੈ।
ਛੋਟਾ ਪਰਸ ਵੀ ਹਾਨੀਕਾਰਕ
ਅਜਿਹਾ ਨਹੀਂ ਕਿ ਸਿਰਫ਼ ਮੋਟੇ ਜਾਂ ਵੱਡੇ ਪਰਸ ਹੀ ਇਸ ਨੁਕਸਾਨ ਦਾ ਕਾਰਨ ਬਣਦੇ ਹਨ। ਇੱਕ ਛੋਟਾ ਜਿਹਾ ਪਰਸ ਵੀ ਸਾਇਟਿਕਾ ਦਾ ਦਰਦ ਪੈਦਾ ਕਰ ਸਕਦਾ ਹੈ। ਰਿਪੋਰਟ ਮੁਤਾਬਕ ਜੇਕਰ ਕੋਈ ਵਿਅਕਤੀ ਆਪਣੀ ਜੇਬ 'ਚ ਪਰਸ ਰੱਖਦਾ ਹੈ ਤੇ ਉਸ 'ਤੇ ਬੈਠ ਕੇ 30 ਮਿੰਟ ਤੱਕ ਕਾਰ ਚਲਾਉਂਦਾ ਹੈ ਤਾਂ ਉਸ ਨੂੰ ਕਮਰ ਦਰਦ ਜਾਂ ਸਾਇਟਿਕ ਦਰਦ ਦੀ ਸ਼ਿਕਾਇਤ ਹੋਣ ਦੀ ਸੰਭਾਵਨਾ ਹੁੰਦੀ ਹੈ। ਅਜਿਹੇ 'ਚ ਆਪਣੇ ਪਰਸ ਨੂੰ ਹਮੇਸ਼ਾ ਸਾਹਮਣੇ ਵਾਲੀ ਜੇਬ 'ਚ ਜਾਂ ਬੈਗ 'ਚ ਰੱਖੋ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)