ਭੋਜਨ ਬਣ ਜਾਂਦਾ ਜ਼ਹਿਰ! ਵਾਰ-ਵਾਰ ਗਰਮ ਕਰਕੇ ਕਦੇ ਨਾ ਖਾਓ ਇਹ ਚੀਜ਼ਾਂ
ਸਾਡੇ ਵਿੱਚੋਂ ਜ਼ਿਆਦਾਤਰ ਸਰਦੀਆਂ ਦੇ ਮੌਸਮ ਵਿੱਚ ਇੱਕ ਵਾਰ ਵਿੱਚ ਵਧੇਰੇ ਭੋਜਨ ਪਕਾਉਣਾ ਪਸੰਦ ਕਰਦੇ ਹਨ ਤਾਂ ਜੋ ਦੂਜੀ ਵਾਰ ਇਸਨੂੰ ਗਰਮ ਕਰਕੇ ਖਾਧਾ ਜਾ ਸਕੇ। ਹਾਲਾਂਕਿ, ਅਜਿਹਾ ਕਰਨ ਵਿੱਚ ਕੋਈ ਸਮੱਸਿਆ ਨਹੀਂ
No To Reheat These Foods: ਸਾਡੇ ਵਿੱਚੋਂ ਜ਼ਿਆਦਾਤਰ ਸਰਦੀਆਂ ਦੇ ਮੌਸਮ ਵਿੱਚ ਇੱਕ ਵਾਰ ਵਿੱਚ ਵਧੇਰੇ ਭੋਜਨ ਪਕਾਉਣਾ ਪਸੰਦ ਕਰਦੇ ਹਨ ਤਾਂ ਜੋ ਦੂਜੀ ਵਾਰ ਇਸਨੂੰ ਗਰਮ ਕਰਕੇ ਖਾਧਾ ਜਾ ਸਕੇ। ਹਾਲਾਂਕਿ, ਅਜਿਹਾ ਕਰਨ ਵਿੱਚ ਕੋਈ ਸਮੱਸਿਆ ਨਹੀਂ, ਜਦੋਂ ਤੱਕ ਤੁਸੀਂ ਇੱਥੇ ਦੱਸੇ ਗਏ ਕੁਝ ਭੋਜਨ ਪਦਾਰਥਾਂ ਨੂੰ ਇਸ ਅਭਿਆਸ ਤੋਂ ਬਾਹਰ ਰੱਖਦੇ ਹੋ। ਕਿਹੜੇ-ਕਿਹੜੇ ਭੋਜਨ ਹਨ, ਜੋ ਦੁਬਾਰਾ ਗਰਮ ਕਰਕੇ ਖਾਣ 'ਤੇ ਹੌਲੀ ਜ਼ਹਿਰ ਵਾਂਗ ਕੰਮ ਕਰਦੇ ਹਨ, ਜਾਣੋ ਇੱਥੇ...
1. ਆਲੂ
ਆਲੂ ਨੂੰ ਜ਼ਿਆਦਾਤਰ ਸਬਜ਼ੀਆਂ ਵਿੱਚ ਵਰਤਿਆਂ ਜਾਂਦਾ ਹੈ। ਬੈਚਲਰ ਆਲੂਆਂ ਨੂੰ ਉਬਾਲ ਕੇ ਫਰਿੱਜ ਵਿੱਚ ਸਟੋਰ ਕਰਨਾ ਪਸੰਦ ਕਰਦੇ ਹਨ ਤਾਂ ਜੋ ਭੁੱਖ ਲੱਗਣ 'ਤੇ ਇਸ ਨੂੰ ਦੁਬਾਰਾ ਗਰਮ ਕਰਕੇ ਖਾਧਾ ਜਾ ਸਕੇ। ਹਾਲਾਂਕਿ, ਅਜਿਹਾ ਕਰਨਾ ਤੁਹਾਡੇ ਪੇਟ ਅਤੇ ਪਾਚਨ ਲਈ ਬਹੁਤ ਖਰਾਬ ਹੋ ਸਕਦਾ ਹੈ। ਆਲੂਆਂ ਨੂੰ ਉਬਾਲ ਕੇ ਸਟੋਰ ਨਹੀਂ ਕਰਨਾ ਚਾਹੀਦਾ ਤੇ ਉਨ੍ਹਾਂ ਨੂੰ ਵਾਰ-ਵਾਰ ਗਰਮ ਕਰਕੇ ਨਹੀਂ ਖਾਣਾ ਚਾਹੀਦਾ। ਕਿਉਂਕਿ ਇਹ ਸਟਾਰਚ ਨਾਲ ਭਰਪੂਰ ਹੁੰਦਾ ਹੈ।
ਇੱਕ ਵਾਰ ਸਟਾਰਚ ਨੂੰ ਗਰਮ ਕਰਨ ਤੋਂ ਬਾਅਦ ਜਦੋਂ ਇਸਨੂੰ ਸਟੋਰ ਕੀਤਾ ਜਾਂਦਾ ਹੈ ਤਾਂ ਆਲੂ ਵਿੱਚ ਬੋਟੂਲਿਜ਼ਮ ਨਾਮਕ ਇੱਕ ਦੁਰਲੱਭ ਬੈਕਟੀਰੀਆ ਵਧਦਾ ਹੈ। ਜੋ ਫੂਡ ਪੁਆਇਜ਼ਨਿੰਗ ਦਾ ਕਾਰਨ ਬਣ ਸਕਦਾ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਬੈਕਟੀਰੀਆ ਭੋਜਨ ਨੂੰ ਗਰਮ ਕਰਨ ਦੌਰਾਨ ਵੀ ਆਸਾਨੀ ਨਾਲ ਨਹੀਂ ਮਰਦਾ। ਇਸ ਲਈ ਬਿਹਤਰ ਹੈ ਕਿ ਤੁਸੀਂ ਆਲੂਆਂ ਨੂੰ ਇੱਕ ਵਾਰ ਤਿਆਰ ਕਰਕੇ ਖਾ ਕੇ ਖਤਮ ਕਰੋ।
2. ਪਾਲਕ ਨੂੰ ਵਾਰ-ਵਾਰ ਗਰਮ ਨਾ ਕਰੋ
ਸਰਦੀਆਂ ਦੇ ਮੌਸਮ ਵਿੱਚ ਪਾਲਕ ਦਾ ਸਾਗ ਅਤੇ ਭਾਜੀ ਲਗਭਗ ਹਰ ਘਰ ਵਿੱਚ ਖਾਧੀ ਜਾਂਦੀ ਹੈ। ਉਂਜ, ਸਾਡੇ ਇੱਥੇ ਇਹ ਰੁਝਾਨ ਹੈ ਕਿ ਜਦੋਂ ਅਸੀਂ ਸਾਗ ਬਣਾਉਂਦੇ ਹਾਂ ਤਾਂ ਉਸ ਨੂੰ ਵਾਰ-ਵਾਰ ਗਰਮ ਕਰਕੇ ਖਾਂਦੇ ਰਹਿੰਦੇ ਹਾਂ। ਅਜਿਹਾ ਕਰਨ ਨਾਲ ਸਿਹਤ 'ਤੇ ਮਾੜਾ ਅਸਰ ਪੈ ਸਕਦਾ ਹੈ। ਕਿਉਂਕਿ ਸਾਗ ਵਿੱਚ ਨਾਈਟ੍ਰੇਟ ਹੁੰਦੇ ਹਨ। ਜਦੋਂ ਇਸ ਨੂੰ ਵਾਰ-ਵਾਰ ਗਰਮ ਕਰਕੇ ਖਾਧਾ ਜਾਂਦਾ ਹੈ ਤਾਂ ਇਹ ਕੈਂਸਰ ਸੈੱਲਾਂ ਦੇ ਵਿਕਾਸ ਨੂੰ ਵਧਾ ਸਕਦਾ ਹੈ।
3. ਤੇਲ ਨੂੰ ਵਾਰ-ਵਾਰ ਗਰਮ ਨਾ ਕਰੋ
ਭਾਰਤੀ ਘਰਾਂ ਵਿੱਚ ਅਕਸਰ ਦੇਖਿਆ ਜਾਂਦਾ ਹੈ ਕਿ ਇੱਕ ਵਾਰ ਪਕੌੜੇ ਤਿਆਰ ਹੋਣ ਤੋਂ ਬਾਅਦ ਬਾਕੀ ਬਚੇ ਤੇਲ ਨੂੰ ਭਰ ਕੇ ਸਟੋਰ ਕਰ ਲਿਆ ਜਾਂਦਾ ਹੈ ਤਾਂ ਜੋ ਇਸ ਦੀ ਮੁੜ ਵਰਤੋਂ ਕੀਤੀ ਜਾ ਸਕੇ। ਹਾਲਾਂਕਿ, ਅਜਿਹਾ ਕਰਨ ਨਾਲ ਤੁਹਾਡੀ ਸਿਹਤ 'ਤੇ ਨੁਕਸਾਨ ਹੋ ਸਕਦਾ ਹੈ। ਕਿਉਂਕਿ ਜਦੋਂ ਤੇਲ ਨੂੰ ਵਾਰ-ਵਾਰ ਗਰਮ ਕੀਤਾ ਜਾਂਦਾ ਹੈ, ਤਾਂ ਇਹ ਜ਼ਹਿਰੀਲੇ ਤੱਤਾਂ ਨਾਲ ਭਰ ਜਾਂਦਾ ਹੈ ਤੇ ਜਿਸ ਦੀ ਵਰਤੋਂ ਨਾਲ ਸਰੀਰ ਵਿੱਚ ਫ੍ਰੀ ਰੈਡੀਕਲਸ ਦੀ ਗਿਣਤੀ ਵਧ ਸਕਦੀ ਹੈ।
4. ਚੌਲ
ਬਹੁਤੇ ਭਾਰਤੀ ਘਰਾਂ ਵਿੱਚ ਦੁਪਹਿਰ ਦੇ ਖਾਣੇ ਦੀ ਕਲਪਨਾ ਚੌਲਾਂ ਤੋਂ ਬਿਨਾਂ ਨਹੀਂ ਕੀਤੀ ਜਾ ਸਕਦੀ। ਯਾਨੀ ਲਗਭਗ ਹਰ ਘਰ ਵਿੱਚ ਦਿਨ ਵਿੱਚ ਇੱਕ ਵਾਰ ਚੌਲ ਜ਼ਰੂਰ ਬਣਦੇ ਹਨ। ਜਦੋਂ ਇਹ ਚੌਲ ਬਾਕੀ ਰਹਿ ਜਾਂਦੇ ਹਨ ਤਾਂ ਇਨ੍ਹਾਂ ਨੂੰ ਗਰਮ ਕਰਕੇ ਖਾਧਾ ਜਾਂਦਾ ਹੈ। ਹਾਲਾਂਕਿ, ਅਜਿਹਾ ਕਰਨਾ ਤੁਹਾਡੀ ਸਿਹਤ ਨੂੰ ਖਰਾਬ ਕਰਨ ਦਾ ਇੱਕ ਆਸਾਨ ਤਰੀਕਾ ਹੈ। ਕਿਉਂਕਿ ਚੌਲਾਂ ਵਿਚ ਬੈਕਟੀਰੀਆ ਬਹੁਤ ਤੇਜ਼ੀ ਨਾਲ ਵਧਦੇ ਹਨ ਤੇ ਇਨ੍ਹਾਂ ਨੂੰ ਗਰਮ ਕਰਨ 'ਤੇ ਚੌਲ ਹੌਲੀ ਜ਼ਹਿਰ ਵਿਚ ਬਦਲ ਜਾਂਦੇ ਹਨ, ਜਿਸ ਨੂੰ ਖਾਣ ਨਾਲ ਤੁਹਾਨੂੰ ਪੇਟ ਦਰਦ, ਢਿੱਲੀ ਮੋਸ਼ਨ ਤੇ ਦਸਤ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਇਹ ਵੀ ਪੜ੍ਹੋ: ਸੰਤਰਾ, ਕੇਲਾ ਅਤੇ ਸੇਬ ਖਾਂਦੇ ਸਮੇਂ ਨਾ ਕਰੋ ਇਹ ਵੱਡੀ ਗਲਤੀ, ਜਾਣੋ ਇਨ੍ਹਾਂ ਨੂੰ ਖਾਣ ਦਾ ਸਹੀ ਤਰੀਕਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
