Health Care News: ਫਲੂ ਵਰਗੇ ਨੇ Covid-19 JN.1 Variant ਦੇ ਲੱਛਣ, ਇਸ ਤੋਂ ਬਚਣ ਲਈ ਜਾਣੋ ਦੇਸੀ ਉਪਾਅ
Covid-19 JN.1 Variant: JN.1 ਦੇ ਜ਼ਿਆਦਾਤਰ ਮਾਮਲੇ ਕਾਫ਼ੀ ਹਲਕੇ ਹਨ। ਇਸ ਦੇ ਲੱਛਣ ਹਨ ਬੁਖਾਰ, ਖੰਘ, ਨੱਕ ਵਗਣਾ, ਗਲੇ ਵਿੱਚ ਖਰਾਸ਼, ਸਰੀਰ ਵਿੱਚ ਦਰਦ ਅਤੇ ਥਕਾਵਟ। ਇਸਦੇ ਲੱਛਣ ਫਲੂ ਵਰਗੇ ਨੇ।
Covid-19 JN.1 Variant: ਇੱਕ ਵਾਰ ਫਿਰ ਕਰੋਨਾ (coronavirus) ਦਾ ਕਹਿਰ ਦੇਖਣ ਨੂੰ ਮਿਲ ਰਿਹਾ ਹੈ। ਜਿਸ ਨੇ ਪੂਰੀ ਦੁਨੀਆ ਦੇ ਵਿੱਚ ਇੱਕ ਫਿਰ ਤੋਂ ਚਿੰਤਾਵਾਂ ਨੂੰ ਵਧਾ ਦਿੱਤਾ ਹੈ। ਸਾਲ 2020 ਤੋਂ ਬਾਅਦ ਸੰਸਾਰ ਖੌਫ ਦੇ ਵਿੱਚ ਹੀ ਸਾਹ ਲੈ ਰਿਹਾ ਹੈ। ਕੁੱਝ ਦਿਨ ਸੁੱਖ ਦੇ ਲੰਘਦੇ ਨੇ ਤੇ ਕੋਰੋਨਾ ਦਾ ਕੋਈ ਨਾ ਕੋਈ ਨਵਾਂ ਰੂਪ ਨਿਕਲ ਆਉਂਦਾ ਹੈ। ਹੁਣ ਨਵਾਂ ਰੂਪ Covid 19 JN.1 ਚਿੰਤਾਵਾਂ ਵਧਾ ਰਿਹਾ ਹੈ। ਇਹ Omicron ਪਰਿਵਾਰ ਦਾ ਇੱਕ ਰੂਪ ਹੈ ਅਤੇ ਇਸਨੂੰ ਕਾਫ਼ੀ ਖਤਰਨਾਕ ਵੀ ਕਿਹਾ ਜਾਂਦਾ ਹੈ। ਇਸ ਨੂੰ WHO ਦੁਆਰਾ 'variant of concern' ਦੱਸਿਆ ਗਿਆ ਹੈ। ਭਾਰਤ ਵਿੱਚ ਵੀ ਇਸ ਦੇ ਮਾਮਲੇ ਤੇਜ਼ੀ ਨਾਲ ਵੱਧ ਰਹੇ ਹਨ। ਅਜਿਹੀ ਸਥਿਤੀ ਵਿੱਚ, ਆਓ ਜਾਣਦੇ ਹਾਂ ਕਿ ਕੋਰੋਨਾ ਦਾ ਨਵਾਂ ਰੂਪ ਕਿੰਨਾ ਖਤਰਨਾਕ ਹੈ, ਇਸਦੇ ਲੱਛਣ ਕੀ ਹਨ ਅਤੇ ਇਸ ਤੋਂ ਬਚਣ ਲਈ ਕੀ ਕਰਨਾ ਚਾਹੀਦਾ ਹੈ...
ਕੋਵਿਡ JN.1 ਦੇ ਲੱਛਣ
ਮਾਹਿਰਾਂ ਅਨੁਸਾਰ ਜੇ.ਐਨ.1 ਦੇ ਜ਼ਿਆਦਾਤਰ ਮਾਮਲੇ ਕਾਫ਼ੀ ਹਲਕੇ ਰਹੇ ਹਨ। ਇਸ ਦੇ ਲੱਛਣ ਹਨ ਬੁਖਾਰ, ਖੰਘ, ਨੱਕ ਵਗਣਾ, ਗਲੇ ਵਿੱਚ ਖਰਾਸ਼, ਸਰੀਰ ਵਿੱਚ ਦਰਦ ਅਤੇ ਥਕਾਵਟ। ਇਸਦੇ ਲੱਛਣ ਫਲੂ ਵਰਗੇ ਹੀ ਨਜ਼ਰ ਆ ਰਹੇ ਹਨ। ਜੇਕਰ ਇਨ੍ਹਾਂ ਲੱਛਣਾਂ ਦੇ ਨਾਲ ਸਾਹ ਲੈਣ ਵਿੱਚ ਤਕਲੀਫ਼ ਹੁੰਦੀ ਹੈ ਤਾਂ ਫਿਰ ਚਿੰਤਾ ਦੀ ਗੱਲ ਹੈ। ਫਲੂ ਦੇ ਲੱਛਣਾਂ ਨੂੰ ਘੱਟ ਕਰਨ ਲਈ ਕੁਝ ਘਰੇਲੂ ਉਪਾਅ ਅਪਣਾਏ ਜਾ ਸਕਦੇ ਹਨ।
ਕਿਉਂਕਿ ਕੋਵਿਡ 19 ਦੇ ਨਵੇਂ ਰੂਪ ਦੇ ਲੱਛਣ ਫਲੂ ਨਾਲ ਬਹੁਤ ਮਿਲਦੇ-ਜੁਲਦੇ ਹਨ, ਇਸ ਤੋਂ ਬਚਣ ਲਈ, ਕੋਰੋਨਾ ਨਾਲ ਜੁੜੇ ਨਿਯਮਾਂ ਦੀ ਪਾਲਣਾ ਕਰਨ ਦੇ ਨਾਲ, ਤੁਸੀਂ ਕੁਝ ਉਪਾਅ ਕਰ ਸਕਦੇ ਹੋ।
ਪੀਣ ਵਾਲੇ ਪਾਣੀ ਨੂੰ ਘੱਟ ਨਾ ਕਰੋ
ਸਾਹ ਸਬੰਧੀ ਫਲੂ ਜਾਂ ਪੇਟ ਦੇ ਫਲੂ ਦੀ ਸਥਿਤੀ ਵਿੱਚ ਵਿਅਕਤੀ ਨੂੰ ਬਹੁਤ ਸਾਰਾ ਪਾਣੀ ਪੀਣਾ ਚਾਹੀਦਾ ਹੈ। ਤੁਸੀਂ ਹੋਰ ਤਰਲ ਪਦਾਰਥ ਵੀ ਲੈ ਸਕਦੇ ਹੋ। ਪਾਣੀ ਨੱਕ, ਮੂੰਹ ਅਤੇ ਗਲੇ ਨੂੰ ਨਮ ਰੱਖਣ ਵਿੱਚ ਮਦਦ ਕਰਦਾ ਹੈ ਅਤੇ ਸਰੀਰ ਵਿੱਚ ਜਮ੍ਹਾਂ ਹੋਏ ਬਲਗ਼ਮ ਤੋਂ ਛੁਟਕਾਰਾ ਪਾਉਂਦਾ ਹੈ। ਇਸ ਲਈ ਸਰੀਰ ਵਿੱਚ ਡੀਹਾਈਡ੍ਰੇਸ਼ਨ ਨਾ ਹੋਣ ਦਿਓ।
ਪੂਰੀ ਤਰ੍ਹਾਂ ਆਰਾਮ ਕਰੋ
ਜਦੋਂ ਤੁਹਾਨੂੰ ਫਲੂ ਹੁੰਦਾ ਹੈ, ਜਿੰਨਾ ਸੰਭਵ ਹੋ ਸਕੇ ਆਰਾਮ ਕਰੋ ਅਤੇ ਭਰਪੂਰ ਨੀਂਦ ਲਓ। ਚੰਗੀ ਨੀਂਦ ਲੈਣ ਨਾਲ ਇਮਿਊਨ ਸਿਸਟਮ ਮਜ਼ਬੂਤ ਹੁੰਦਾ ਹੈ ਅਤੇ ਸਰੀਰ ਨੂੰ ਫਲੂ ਵਰਗੇ ਵਾਇਰਸਾਂ ਨਾਲ ਲੜਨ ਵਿੱਚ ਮਦਦ ਮਿਲਦੀ ਹੈ। ਇਸ ਲਈ ਨੀਂਦ ਨਾਲ ਸਮਝੌਤਾ ਨਾ ਕਰੋ ਅਤੇ ਆਰਾਮ ਕਰੋ।
ਆਪਣੀ ਖੁਰਾਕ ਵਿੱਚ ਜ਼ਿੰਕ ਦਾ ਜ਼ਿਆਦਾ ਸੇਵਨ ਕਰੋ
ਫਲੂ ਤੋਂ ਬਚਣ ਲਈ ਆਪਣੀ ਖੁਰਾਕ ਵਿੱਚ ਜ਼ਿੰਕ ਦੀ ਭਰਪੂਰ ਮਾਤਰਾ ਨੂੰ ਸ਼ਾਮਲ ਕਰੋ। ਜ਼ਿੰਕ ਨਾਲ ਭਰਪੂਰ ਚੀਜ਼ਾਂ ਨੂੰ ਆਪਣੀ ਡਾਈਟ 'ਚ ਸ਼ਾਮਲ ਕਰੋ। ਜ਼ਿੰਕ ਲਾਲ ਮੀਟ, ਦਾਲ, ਚਨੇ, ਫਲੀਆਂ, ਮੇਵੇ, ਬੀਜ, ਡੇਅਰੀ ਉਤਪਾਦਾਂ ਅਤੇ ਅੰਡੇ ਵਿੱਚ ਭਰਪੂਰ ਮਾਤਰਾ ਵਿੱਚ ਪਾਇਆ ਜਾਂਦਾ ਹੈ।
ਪਾਣੀ ਅਤੇ ਨਮਕ ਵਾਲੇ ਗਰਾਰੇ
ਕੋਸੇ ਪਾਣੀ ਅਤੇ ਨਮਕ ਨਾਲ ਗਰਾਰੇ ਕਰਨ ਨਾਲ ਗਲੇ ਦੀ ਖਰਾਸ਼ ਤੋਂ ਰਾਹਤ ਮਿਲਦੀ ਹੈ। ਗਾਰਗਲਿੰਗ ਬਲਗ਼ਮ ਨੂੰ ਸਾਫ਼ ਕਰ ਸਕਦੀ ਹੈ ਅਤੇ ਜ਼ੁਕਾਮ ਅਤੇ ਬੁਖ਼ਾਰ ਦੇ ਲੱਛਣਾਂ ਨੂੰ ਘਟਾ ਸਕਦੀ ਹੈ। ਇਸ ਤੋਂ ਇਲਾਵਾ ਗਰਮ ਪਾਣੀ ਦੀ ਭਾਫ਼ ਲਓ। ਇਸ ਨਾਲ ਨੱਕ, ਸਾਈਨਸ, ਗਲੇ ਅਤੇ ਫੇਫੜਿਆਂ ਨੂੰ ਰਾਹਤ ਮਿਲਦੀ ਹੈ। ਭਾਫ਼ ਲੈਣ ਨਾਲ ਸੁੱਕੀ ਖਾਂਸੀ, ਨੱਕ ਵਿੱਚ ਜਲਨ ਅਤੇ ਛਾਤੀ ਦੀ ਜਕੜਨ ਤੋਂ ਰਾਹਤ ਮਿਲਦੀ ਹੈ।
ਹਰਬਲ ਚਾਹ ਪੀਓ
ਕਈ ਜੜੀ ਬੂਟੀਆਂ ਵਿੱਚ ਕੁਦਰਤੀ ਐਂਟੀਵਾਇਰਲ ਅਤੇ ਐਂਟੀ-ਬੈਕਟੀਰੀਅਲ ਗੁਣ ਪਾਏ ਜਾਂਦੇ ਹਨ। ਹਰਬਲ ਚਾਹ ਵੀ ਇਨ੍ਹਾਂ ਗੁਣਾਂ ਨਾਲ ਭਰਪੂਰ ਹੁੰਦੀ ਹੈ। ਅਜਿਹੀ ਸਥਿਤੀ 'ਚ ਹਰੀ ਜਾਂ ਕਾਲੀ ਚਾਹ, ਹਲਦੀ, ਤਾਜ਼ੇ ਜਾਂ ਸੁੱਕੇ ਅਦਰਕ, ਤਾਜ਼ੇ ਲੱਸਣ ਅਤੇ ਲੌਂਗ ਦੀ ਚਾਹ ਪੀਣਾ ਫਾਇਦੇਮੰਦ ਹੋ ਸਕਦਾ ਹੈ।
ਹੋਰ ਪੜ੍ਹੋ : ਕੜਾਕੇ ਦੀ ਠੰਡ 'ਚ ਵੀ ਨਹੀਂ ਛੂਹ ਪਾਵੇਗੀ ਕੋਈ ਬਿਮਾਰੀ, ਬਸ ਰੋਜ਼ਾਨਾ ਦੁੱਧ 'ਚ ਮਿਲਾਕੇ ਪੀਓ ਇਹ ਚੀਜ਼
Disclaimer: ਇਸ ਲੇਖ ਵਿਚ ਦੱਸੇ ਗਏ ਤਰੀਕਿਆਂ ਅਤੇ ਸੁਝਾਵਾਂ ਨੂੰ ਅਪਣਾਉਣ ਤੋਂ ਪਹਿਲਾਂ,ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
