ਗਾਂ ਦਾ ਜਾਂ ਮੱਝ ਦਾ? ਜਾਣੋ ਦੋਵਾਂ ਵਿੱਚੋਂ ਕਿਹੜਾ ਦੁੱਧ ਜ਼ਿਆਦਾ ਫਾਇਦੇਮੰਦ? ਸਿਹਤ ਮਾਹਿਰ ਤੋਂ ਜਾਣੋ
ਦੁੱਧ ਨੂੰ ਅਜਿਹਾ ਭੋਜਨ ਮੰਨਿਆ ਜਾਂਦਾ ਹੈ ਜੋ ਸਾਡੇ ਸਰੀਰ ਨੂੰ ਪੂਰਾ ਪੋਸ਼ਣ ਦੇ ਸਕਦਾ ਹੈ। ਭਾਰਤੀ ਘਰਾਂ 'ਚ ਸਭ ਤੋਂ ਵੱਧ ਗਾਂ ਅਤੇ ਮੱਝ ਦਾ ਦੁੱਧ ਪੀਤਾ ਜਾਂਦਾ ਹੈ। ਦੋਵਾਂ ਦੇ ਦੁੱਧ ਵਿੱਚ ਕੈਲਸ਼ੀਅਮ, ਵਿਟਾਮਿਨ D ਅਤੇ ਵਿਟਾਮਿਨ B-12 ਪਾਏ ਜਾਂਦੇ
Cow Milk vs Buffalo Milk: ਦੁੱਧ ਨੂੰ ਅਜਿਹਾ ਭੋਜਨ ਮੰਨਿਆ ਜਾਂਦਾ ਹੈ ਜੋ ਸਾਡੇ ਸਰੀਰ ਨੂੰ ਪੂਰਾ ਪੋਸ਼ਣ ਦੇ ਸਕਦਾ ਹੈ। ਭਾਰਤੀ ਘਰਾਂ ਵਿੱਚ ਸਭ ਤੋਂ ਵੱਧ ਗਾਂ ਅਤੇ ਮੱਝ ਦਾ ਦੁੱਧ ਪੀਤਾ ਜਾਂਦਾ ਹੈ। ਦੋਵਾਂ ਦੇ ਦੁੱਧ ਵਿੱਚ ਕੈਲਸ਼ੀਅਮ, ਵਿਟਾਮਿਨ D ਅਤੇ ਵਿਟਾਮਿਨ B-12 ਪਾਏ ਜਾਂਦੇ ਹਨ। ਦੁੱਧ ਵਿੱਚ ਫਾਸਫੋਰਸ ਵਰਗੇ ਖਣਿਜ ਤੱਤ ਵੀ ਹੁੰਦੇ ਹਨ। ਹਾਲਾਂਕਿ ਕੁਝ ਲੋਕਾਂ ਨੂੰ ਗੈਸਟ੍ਰਿਕ ਸਮੱਸਿਆ ਕਾਰਨ ਦੁੱਧ ਨਹੀਂ ਪਚਦਾ, ਅਤੇ ਕੁਝ ਲੋਕ ਲੈਕਟੋਜ਼ ਇੰਟੋਲਰੈਂਸ ਦੇ ਸ਼ਿਕਾਰ ਹੁੰਦੇ ਹਨ। ਇਸ ਲਈ ਗਾਂ ਅਤੇ ਮੱਝ ਦੇ ਦੁੱਧ ਵਿੱਚੋਂ ਕਿਹੜਾ ਸਾਡੇ ਸਰੀਰ ਲਈ ਵੱਧ ਫਾਇਦੇਮੰਦ ਹੈ, ਇਹ ਜਾਣਨਾ ਮਹੱਤਵਪੂਰਨ ਹੈ।
ਗਾਂ ਤੇ ਮੱਝ ਦਾ ਦੁੱਧ – ਕਿਹੜਾ ਵਧੀਆ?
ਦੋਵੇਂ ਹੀ ਪੋਸ਼ਕ ਹਨ, ਇਸ ਲਈ ਚੋਣ ਕਰਨਾ ਥੋੜ੍ਹਾ ਮੁਸ਼ਕਲ ਹੈ। ਅਸਲ 'ਚ ਕਿਹੜਾ ਦੁੱਧ ਕਿਸੇ ਲਈ ਲਾਭਕਾਰੀ ਹੈ, ਇਹ ਇਨਸਾਨ ਦੀ ਸਿਹਤ ਤੇ ਸਰੀਰ ਦੀ ਲੋੜ 'ਤੇ ਨਿਰਭਰ ਕਰਦਾ ਹੈ। ਉਦਾਹਰਨ ਲਈ, ਕੈਲਸ਼ੀਅਮ ਦੋਵੇਂ ਦੇ ਦੁੱਧ ਵਿੱਚ ਹੁੰਦਾ ਹੈ, ਪਰ ਮੱਝ ਦੇ ਦੁੱਧ ਵਿੱਚ ਵੱਧ ਮਿਲਦਾ ਹੈ। ਇਸ ਲਈ ਕਿਹੜਾ ਦੁੱਧ ਪੀਣਾ ਚਾਹੀਦਾ ਹੈ, ਇਹ ਸਰੀਰਕ ਜ਼ਰੂਰਤ ਅਨੁਸਾਰ ਤੈਅ ਕੀਤਾ ਜਾਂਦਾ ਹੈ।
ਕੈਲਸ਼ੀਅਮ ਲਈ ਕਿਹੜਾ ਦੁੱਧ ਸਹੀ?
ਮੱਝ ਦਾ ਦੁੱਧ ਗਾੜਾ ਹੁੰਦਾ ਹੈ, ਇਸ ਲਈ ਇਸ ਵਿੱਚ ਕੈਲਸ਼ੀਅਮ ਵੀ ਵੱਧ ਮਿਲਦਾ ਹੈ। ਜਿਨ੍ਹਾਂ ਨੂੰ ਹੱਡੀਆਂ ਨਾਲ ਸੰਬੰਧਤ ਬਿਮਾਰੀ ਹੈ, ਦੰਦ ਕਮਜ਼ੋਰ ਹਨ ਜਾਂ ਕੈਲਸ਼ੀਅਮ ਦੀ ਘਾਟ ਹੈ, ਉਹਨਾਂ ਲਈ ਮੱਝ ਦਾ ਦੁੱਧ ਪੀਣਾ ਫਾਇਦੇਮੰਦ ਹੈ। ਪਰ ਧਿਆਨ ਰੱਖੋ ਕਿ ਕੈਲਸ਼ੀਅਮ ਦੀ ਬਹੁਤ ਵੱਧ ਮਾਤਰਾ ਨਾਲ ਕਿਡਨੀ ਵਿੱਚ ਪੱਥਰੀ ਬਣ ਸਕਦੀ ਹੈ। ਇਸ ਕਰਕੇ ਕਿਡਨੀ ਦੇ ਮਰੀਜ਼ਾਂ ਨੂੰ ਜਾਂ ਜਿਨ੍ਹਾਂ ਦੇ ਸਰੀਰ ਵਿੱਚ ਪਹਿਲਾਂ ਹੀ ਕੈਲਸ਼ੀਅਮ ਪੂਰਾ ਹੈ, ਉਹਨਾਂ ਨੂੰ ਮੱਝ ਦਾ ਦੁੱਧ ਘੱਟ ਪੀਣਾ ਚਾਹੀਦਾ ਹੈ।
ਹਜ਼ਮ ਦੇ ਹਿਸਾਬ ਨਾਲ ਕਿਹੜਾ ਦੁੱਧ ਫਾਇਦੇਮੰਦ?
ਪਾਚਣ ਦੇ ਨਜ਼ਰੀਏ ਨਾਲ ਵੇਖਿਆ ਜਾਵੇ ਤਾਂ ਹਜ਼ਮ ਸਹੀ ਰੱਖਣ ਲਈ ਗਾਂ ਦਾ ਦੁੱਧ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਗਾਂ ਦਾ ਦੁੱਧ ਹਲਕਾ ਹੁੰਦਾ ਹੈ ਅਤੇ ਆਸਾਨੀ ਨਾਲ ਪਚ ਜਾਂਦਾ ਹੈ। ਇਸ ਦੇ ਨਾਲ ਹੀ ਗਾਂ ਦੇ ਦੁੱਧ ਵਿੱਚ ਸਾਰੇ ਜ਼ਰੂਰੀ ਪੋਸ਼ਕ ਤੱਤ ਹੁੰਦੇ ਹਨ ਜੋ ਸਰੀਰ ਲਈ ਲਾਜ਼ਮੀ ਹਨ। ਗਾਂ ਦਾ ਦੁੱਧ ਹਲਕਾ ਹੋਣ ਕਰਕੇ ਛੋਟਿਆਂ ਬੱਚਿਆਂ ਨੂੰ ਵੀ ਇਹੀ ਪਿਲਾਇਆ ਜਾਂਦਾ ਹੈ। ਜਿਨ੍ਹਾਂ ਨੂੰ ਗੈਸਟ੍ਰਿਕ ਸਮੱਸਿਆ ਜਾਂ ਐਸਿਡਿਟੀ ਦੀ ਦਿੱਕਤ ਹੈ, ਉਹਨਾਂ ਨੂੰ ਮੱਝ ਦਾ ਦੁੱਧ ਘੱਟ ਪੀਣਾ ਚਾਹੀਦਾ ਹੈ।
ਵਿਟਾਮਿਨ-ਡੀ ਲਈ ਵੀ ਗਾਂ ਦਾ ਦੁੱਧ ਵਧੀਆ
ਜੇ ਕਿਸੇ ਦੇ ਸਰੀਰ ਵਿੱਚ ਵਿਟਾਮਿਨ-ਡੀ ਦੀ ਘਾਟ ਹੈ ਤਾਂ ਉਹਨਾਂ ਲਈ ਗਾਂ ਦਾ ਦੁੱਧ ਸਭ ਤੋਂ ਠੀਕ ਮੰਨਿਆ ਜਾਂਦਾ ਹੈ, ਕਿਉਂਕਿ ਇਹ ਦੁੱਧ ਹਲਕਾ ਹੁੰਦਾ ਹੈ ਅਤੇ ਜਲਦੀ ਅਬਜ਼ਾਰਬ ਹੋ ਜਾਂਦਾ ਹੈ। ਵਿਟਾਮਿਨ-ਡੀ ਦੇ ਸਪਲੀਮੈਂਟ ਲੈਣ ਵਾਲੇ ਲੋਕਾਂ ਨੂੰ ਵੀ ਆਪਣੀ ਡਾਇਟ ਵਿੱਚ ਗਾਂ ਦਾ ਦੁੱਧ ਸ਼ਾਮਲ ਕਰਨਾ ਚਾਹੀਦਾ ਹੈ।
ਗਾਂ ਦਾ ਦੁੱਧ ਇਹਨਾਂ ਲਈ ਵੀ ਫਾਇਦੇਮੰਦ
ਬਜ਼ੁਰਗਾਂ ਨੂੰ ਗਾਂ ਦਾ ਦੁੱਧ ਪੀਣਾ ਚਾਹੀਦਾ ਹੈ ਕਿਉਂਕਿ ਉਮਰ ਵਧਣ ਨਾਲ ਉਨ੍ਹਾਂ ਦੀ ਪਾਚਣ ਸ਼ਕਤੀ ਕਮਜ਼ੋਰ ਹੋਣ ਲੱਗਦੀ ਹੈ।
ਨਵਜਾਤ ਅਤੇ ਛੋਟੇ ਬੱਚਿਆਂ ਨੂੰ ਵੀ ਗਾਂ ਦਾ ਦੁੱਧ ਪੀਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।
ਜੇ ਕਿਸੇ ਨੂੰ ਕੋਈ ਬਿਮਾਰੀ ਹੈ ਜਾਂ ਦਵਾਈ ਲੈ ਰਹੇ ਹਨ, ਤਾਂ ਉਹਨਾਂ ਨੂੰ ਵੀ ਗਾਂ ਦਾ ਦੁੱਧ ਪੀਣਾ ਚਾਹੀਦਾ ਹੈ ਜਾਂ ਆਪਣੇ ਡਾਕਟਰ ਦੀ ਸਲਾਹ ਅਨੁਸਾਰ ਦੁੱਧ ਦਾ ਸੇਵਨ ਕਰਨਾ ਚਾਹੀਦਾ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
