Heart Attack: ਮਰਦਾਂ ਤੇ ਔਰਤਾਂ 'ਚ ਹਾਰਟ ਅਟੈਕ ਦੇ ਵੱਖੋ-ਵੱਖ ਲੱਛਣ? ਜਾਣੋ ਕਦੋਂ ਹੋਣਾ ਚਾਹੀਦਾ ਸਾਵਧਾਨ
Symptoms of heart attack: ਇਨ੍ਹੀਂ ਦਿਨੀਂ ਦਿਲ ਦੇ ਦੌਰੇ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਅਜਿਹੀ ਸਥਿਤੀ ਵਿੱਚ ਡਾਕਟਰ ਵੀ ਮਰੀਜ਼ ਨੂੰ ਪਹਿਲਾ ਸਵਾਲ ਇਹੀ ਪੁੱਛਦੇ ਹਨ ਕਿ ਤੁਹਾਨੂੰ ਹਾਰਟ ਅਟੈਕ ਤੋਂ ਪਹਿਲਾਂ ਕੀ ਲੱਛਣ...
Symptoms of heart attack: ਇਨ੍ਹੀਂ ਦਿਨੀਂ ਦਿਲ ਦੇ ਦੌਰੇ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਅਜਿਹੀ ਸਥਿਤੀ ਵਿੱਚ ਡਾਕਟਰ ਵੀ ਮਰੀਜ਼ ਨੂੰ ਪਹਿਲਾ ਸਵਾਲ ਇਹੀ ਪੁੱਛਦੇ ਹਨ ਕਿ ਤੁਹਾਨੂੰ ਹਾਰਟ ਅਟੈਕ ਤੋਂ ਪਹਿਲਾਂ ਕੀ ਲੱਛਣ ਦਿਖਾਈ ਦਿੱਤੇ ਸਨ? ਜਾਂ ਤੁਸੀਂ ਕੀ ਮਹਿਸੂਸ ਕੀਤਾ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਔਰਤਾਂ ਤੇ ਮਰਦਾਂ ਵਿੱਚ ਹਾਰਟ ਅਟੈਕ ਦੇ ਲੱਛਣ ਇੱਕ ਦੂਜੇ ਤੋਂ ਕਾਫ਼ੀ ਵੱਖਰੇ ਹੁੰਦੇ ਹਨ। ਇਸ ਲਈ ਹਾਰਟ ਅਟੈਕ ਦੇ ਲੱਛਣਾਂ ਨੂੰ ਦੇਖ ਕੇ ਕਦੇ ਵੀ ਭੁਲੇਖਾ ਨਾ ਖਾਓ। ਅੱਜ ਅਸੀਂ ਇਸ ਬਾਰੇ ਗੱਲ ਕਰਾਂਗੇ ਕਿ ਮਰਦਾਂ ਤੇ ਔਰਤਾਂ ਵਿੱਚ ਹਾਰਟ ਅਟੈਕ ਦੇ ਲੱਛਣ ਕੀ ਹਨ। ਸਭ ਤੋਂ ਪਹਿਲਾਂ, ਅਸੀਂ ਇਸ ਬਾਰੇ ਗੱਲ ਕਰਾਂਗੇ ਕਿ ਮਰਦਾਂ ਤੇ ਔਰਤਾਂ ਵਿੱਚ ਦਿਲ ਦੇ ਦੌਰੇ ਦੇ ਲੱਛਣ ਇੱਕ ਦੂਜੇ ਤੋਂ ਕਿਵੇਂ ਵੱਖਰੇ ਹਨ?
ਮਰਦਾਂ ਤੇ ਔਰਤਾਂ ਦੇ ਦਿਲ ਦੀ ਬਣਤਰ ਇੱਕ ਦੂਜੇ ਤੋਂ ਵੱਖਰੀ
ਔਰਤਾਂ ਦੇ ਫੇਫੜਿਆਂ, ਦਿਮਾਗ ਤੇ ਮਾਸਪੇਸ਼ੀਆਂ ਤੋਂ ਲੈ ਕੇ ਹਰ ਛੋਟੀ ਚੀਜ਼ ਦੀ ਬਣਤਰ ਮਰਦਾਂ ਨਾਲੋਂ ਵੱਖਰੀ ਹੁੰਦੀ ਹੈ ਜਾਂ ਸਿਰਫ਼ ਇੰਨਾ ਕਹਿ ਲਵੋ ਕਿ ਔਰਤਾਂ ਤੇ ਮਰਦਾਂ ਦੀ ਸਰੀਰਕ ਬਣਤਰ ਇੱਕ ਦੂਜੇ ਤੋਂ ਵੱਖਰੀ ਹੁੰਦੀ ਹੈ। ਇਸ ਲਈ ਇਹ ਲਾਜ਼ਮੀ ਹੈ ਕਿ ਦਿਲ ਦੀ ਬਣਤਰ ਤੇ ਇਸ ਦੇ ਕੰਮ ਕਰਨ ਦੇ ਢੰਗ ਵਿੱਚ ਕੁਝ ਫਰਕ ਹੋਵੇ। ਤੁਹਾਨੂੰ ਦੱਸ ਦੇਈਏ ਕਿ ਔਰਤ ਦਾ ਦਿਲ ਛੋਟਾ ਹੁੰਦਾ ਹੈ ਤੇ ਖੂਨ ਦੀਆਂ ਨਾੜੀਆਂ ਤੰਗ ਹੁੰਦੀਆਂ ਹਨ। ਦੂਜੇ ਪਾਸੇ ਮਰਦਾਂ ਦਾ ਦਿਲ ਵੱਡਾ ਹੁੰਦਾ ਹੈ ਤੇ ਖੂਨ ਦੀਆਂ ਨਾੜੀਆਂ ਵੀ ਵੱਡੀਆਂ ਹੁੰਦੀਆਂ ਹਨ। ਮਰਦਾਂ ਨਾਲੋਂ ਔਰਤਾਂ ਵਿੱਚ ਦਿਲ ਦੀ ਬਿਮਾਰੀ ਵੱਖਰੇ ਤੌਰ 'ਤੇ ਹੋ ਸਕਦੀ ਹੈ।
ਕਿਸੇ ਵੀ ਵਿਅਕਤੀ ਨੂੰ ਦਿਲ ਦਾ ਦੌਰਾ ਉਦੋਂ ਪੈਂਦਾ ਹੈ ਜਦੋਂ ਕੋਲੈਸਟ੍ਰੋਲ ਪਲੇਕ ਧਮਨੀਆਂ ਦੀਆਂ ਕੰਧਾਂ ਅੰਦਰ ਜੰਮਣ ਲੱਗਦੀ ਹੈ। ਇਸ ਨਾਲ ਖੂਨ ਦੀਆਂ ਨਾੜੀਆਂ ਨੂੰ ਨੁਕਸਾਨ ਹੁੰਦਾ ਹੈ। ਦੂਜੇ ਪਾਸੇ ਮਰਦਾਂ ਵਿੱਚ ਪਲੇਕ ਆਮ ਤੌਰ 'ਤੇ ਦਿਲ ਤੱਕ ਖੂਨ ਪਹੁੰਚਾਉਣ ਵਾਲੀਆਂ ਸਭ ਤੋਂ ਵੱਡੀਆਂ ਧਮਨੀਆਂ 'ਤੇ ਇਕੱਠਾ ਹੁੰਦਾ ਹੈ। ਔਰਤਾਂ ਦੀਆਂ ਸਭ ਤੋਂ ਛੋਟੀਆਂ ਖੂਨ ਦੀਆਂ ਨਾੜੀਆਂ ਵਿੱਚ ਇਹ ਪਲੇਕ ਜਮ੍ਹਾਂ ਹੁੰਦੀ ਹੈ। ਇਸੇ ਕਰਕੇ ਦੋਵਾਂ ਨੂੰ ਹਾਰਟ ਅਟੈਕ ਦਾ ਤਰੀਕਾ ਵੱਖਰਾ ਹੁੰਦਾ ਹੈ।
ਕੀ ਮਰਦਾਂ ਤੇ ਔਰਤਾਂ ਲਈ ਦਿਲ ਦੇ ਦੌਰੇ ਦੇ ਲੱਛਣ ਵੱਖਰੇ?
ਮਰਦਾਂ ਵਿੱਚ ਦਿਲ ਦੇ ਦੌਰੇ ਦੇ ਲੱਛਣ
- ਅਚਾਨਕ ਬਹੁਤ ਜ਼ਿਆਦਾ ਪਸੀਨਾ ਆਉਣਾ
- ਛਾਤੀ ਦਾ ਦਰਦ
- ਗਲਾ ਤੇ ਜਬਾੜੇ 'ਚ ਦਰਦ ਹੋਣਾ
- ਸਾਹ ਦੀ ਕਮੀ
- ਦਿਲ ਦੀ ਜਲਨ ਤੇ ਧੜਕਣ
ਔਰਤਾਂ ਵਿੱਚ ਦਿਲ ਦੇ ਦੌਰੇ ਦੇ ਲੱਛਣ
- ਖੱਟੇ ਡਕਾਰ
- ਤਣਾਅ ਤੇ ਚਿੰਤਾ
- ਮਤਲੀ
- ਬਦਹਜ਼ਮੀ
- ਸਾਹ ਫੁੱਲਣਾ
- ਚੱਕਰ ਆਉਣੇ
- ਨੀਂਦ ਨਾ ਆਉਣਾ
ਜੇਕਰ ਤੁਸੀਂ ਅਜਿਹੇ ਕੋਈ ਲੱਛਣ ਦੇਖਦੇ ਹੋ ਤਾਂ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰੋ।
ਇਹ ਵੀ ਪੜ੍ਹੋ: Black Turmeric Farming: ਕਿਸਾਨਾਂ ਨੂੰ ਕਾਲੀ ਹਲਦੀ ਕਰੇਗੀ ਮਾਲੋਮਾਲ! ਇੱਕੋ ਸੀਜ਼ਨ 'ਚ 30 ਤੋਂ 40 ਲੱਖ ਰੁਪਏ ਮੁਨਾਫਾ
Disclaimer: ਇਸ ਲੇਖ ਵਿੱਚ ਦੱਸੇ ਗਏ ਤਰੀਕਿਆਂ, ਵਿਧੀਆਂ ਤੇ ਸੁਝਾਵਾਂ ਦੀ ਪਾਲਣਾ ਕਰਨ ਤੋਂ ਪਹਿਲਾਂ, ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਲਓ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
