ਗਾਲ ਬਲੈਡਰ ਕੱਢਣ ਤੋਂ ਬਾਅਦ ਕਿਹੜੀਆਂ ਚੀਜ਼ਾਂ ਦੇ ਸੇਵਨ ਤੋਂ ਬਚਣਾ ਚਾਹੀਦਾ, ਡਾਕਟਰ ਨੇ ਦੱਸਿਆ ਕੀ ਖਾਣਾ ਚਾਹੀਦਾ ਹੈ ਤੇ ਕੀ ਨਹੀਂ!
ਅੱਜਕੱਲ੍ਹ ਬਹੁਤ ਸਾਰੇ ਲੋਕਾਂ ਨੂੰ ਪਿੱਤੇ ਦੀ ਪੱਥਰੀ ਦੀ ਸਮੱਸਿਆ ਹੋਣ ਲੱਗੀ ਹੈ। ਜਿਸ ਕਰਕੇ ਲੋਕਾਂ ਨੂੰ ਅਕਸਰ ਹੀ ਸਰਜਰੀ ਕਰਵਾ ਕੇ ਆਪਣਾ ਗਾਲ ਬਲੈਡਰ ਰੀਮੂਵ ਕਰਵਾਉਣਾ ਪੈਂਦਾ ਹੈ। ਫਿਰ ਲੋਕਾਂ ਦੇ ਮਨ ਚ ਇਹ ਚਿੰਤਾ ਰਹਿੰਦੀ ਹੈ ਕੀ ਖਾਣਾ ਚਾਹੀਦਾ?
ਗਾਲ ਬਲੈਡਰ ਯਾਨੀ ਪਿੱਤਾ, ਸਰੀਰ ਦਾ ਇੱਕ ਅਜਿਹਾ ਅੰਗ ਹੈ ਜੋ ਸਾਡੇ ਸਰੀਰ ਵਿੱਚ ਬਾਈਲ ਨੂੰ ਸਟੋਰ ਕਰਨ ਅਤੇ ਚਰਬੀ ਪਚਾਉਣ ਵਿੱਚ ਮਦਦ ਕਰਦਾ ਹੈ। ਪਰ ਕਈ ਵਾਰੀ ਗਾਲ ਬਲੈਡਰ ਵਿੱਚ ਪੱਥਰੀ ਬਣ ਜਾਂਦੀ ਹੈ। ਇਸ ਤੋਂ ਬਾਅਦ ਬਲੈਡਰ ਨੂੰ ਸਰਜਰੀ ਰਾਹੀਂ ਕੱਢਣਾ ਪੈਂਦਾ ਹੈ। ਤੁਹਾਡੇ ਆਸ-ਪਾਸ ਕਈ ਲੋਕ ਮਿਲ ਜਾਣਗੇ ਜਿਨ੍ਹਾਂ ਦਾ ਗਾਲ ਬਲੈਡਰ ਨਹੀਂ ਹੁੰਦਾ। ਵੈਸੇ ਦੇਖਿਆ ਜਾਏ ਤਾਂ ਅੱਜ ਦੇ ਵਿੱਚ 10 ਲੋਕਾਂ ਵਿੱਚੋਂ 8 ਦੇ ਪਿੱਤੇ ਦੀ ਪੱਥਰੀ ਵਾਲੀ ਸਰਜਰੀ ਹੋਈ ਹੁੰਦੀ ਹੈ। ਹਾਲਾਂਕਿ ਇਸ ਨਾਲ ਤੁਹਾਡੇ ਜੀਵਨ ‘ਤੇ ਵੱਡਾ ਅਸਰ ਨਹੀਂ ਪੈਂਦਾ, ਪਰ ਕੁਝ ਚੀਜ਼ਾਂ ਨੂੰ ਤੁਸੀਂ ਪਹਿਲਾਂ ਵਾਂਗ ਖਾ ਅਤੇ ਪਚਾ ਨਹੀਂ ਸਕਦੇ। ਲੋਕਾਂ ਦੇ ਮਨ ਵਿੱਚ ਇਹ ਸਵਾਲ ਹੁੰਦਾ ਹੈ ਕਿ ਗਾਲ ਬਲੈਡਰ ਕੱਢਣ ਤੋਂ ਬਾਅਦ ਉਹ ਕਿਹੜੀਆਂ ਚੀਜ਼ਾਂ ਨਹੀਂ ਖਾ ਸਕਦੇ।
ਗਾਲ ਬਲੈਡਰ ਸਰਜਰੀ ਤੋਂ ਬਾਅਦ ਕੀ ਨਹੀਂ ਖਾਣਾ ਚਾਹੀਦਾ?
ਡਾਕਟਰ ਵਿਸ਼ਾਲ ਖੁਰਾਨਾ ਨੇ ਦੱਸਿਆ ਕਿ ਗਾਲ ਬਲੈਡਰ ਕੱਢਣ ਤੋਂ ਬਾਅਦ ਪ੍ਰੋਸੈਸਡ ਮੀਟ, ਤਲੀ ਹੋਈਆਂ ਅਤੇ ਜ਼ਿਆਦਾ ਚਰਬੀ ਵਾਲੀਆਂ ਚੀਜ਼ਾਂ ਕੁਝ ਮਰੀਜ਼ਾਂ ਵਿੱਚ ਪੇਟ ਦਰਦ, ਦਸਤ, ਗੈਸ ਅਤੇ ਅਪਚ ਵਰਗੇ ਲੱਛਣ ਵਧਾ ਸਕਦੀਆਂ ਹਨ। ਇਸ ਲਈ ਇਨ੍ਹਾਂ ਤੋਂ ਬਚਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਹਾਲਾਂਕਿ ਇਹ ਡਾਇਟ ਤੁਹਾਡੇ ਲੱਛਣ ਅਤੇ ਫੂਡ ਪਚਾਉਣ ਦੀ ਸਮਰੱਥਾ ਅਨੁਸਾਰ ਵੱਖ-ਵੱਖ ਹੋ ਸਕਦੀ ਹੈ।
ਕੁਝ ਰਿਸਰਚਾਂ ਵਿੱਚ ਉਹ ਖਾਣ-ਪੀਣ ਦਰਸਾਇਆ ਗਿਆ ਹੈ ਜੋ ਸਮੱਸਿਆ ਪੈਦਾ ਕਰ ਸਕਦਾ ਹੈ। ਇਸ ਵਿੱਚ ਪ੍ਰੋਸੈਸਡ ਮੀਟ, ਫੁੱਲ-ਫੈਟ ਵਾਲਾ ਚੀਜ਼, ਕੁਝ ਸਬਜ਼ੀਆਂ ਅਤੇ ਫਲਾਂ ਦਾ ਸੇਵਨ, ਤਲੀ-ਭੁੰਨੀ ਚੀਜ਼ਾਂ, ਸੌਸ ਅਤੇ ਸਨੈਕਸ ਸ਼ਾਮਲ ਹਨ। ਸ਼ੁਰੂਆਤੀ ਦਿਨਾਂ ਵਿੱਚ ਤੁਹਾਨੂੰ ਘੱਟ-ਚਰਬੀ ਅਤੇ ਹਲਕਾ, ਸੁਪਚਿਆ ਖਾਣਾ ਲੈਣਾ ਚਾਹੀਦਾ ਹੈ। ਇਸ ਤੋਂ ਬਾਅਦ ਹੌਲੀ- ਹੌਲੀ ਹੋਰ ਚੀਜ਼ਾਂ ਨੂੰ ਡਾਇਟ ਵਿੱਚ ਸ਼ਾਮਲ ਕੀਤਾ ਜਾ ਸਕਦਾ ਹੈ।
ਗਾਲ ਬਲੈਡਰ ਕੱਢਣ ਤੋਂ ਬਾਅਦ ਕਿਹੜੀਆਂ ਚੀਜ਼ਾਂ ਤੋਂ ਬਚਣਾ ਚਾਹੀਦਾ ਹੈ?
ਸਰਜਰੀ ਤੋਂ ਬਾਅਦ ਤੁਹਾਨੂੰ ਚਰਬੀ ਵਾਲੀਆਂ ਚੀਜ਼ਾਂ ਤੋਂ ਬਚਣਾ ਚਾਹੀਦਾ ਹੈ। ਜਿਗਰ ਅਤੇ ਤੁਹਾਡੇ ਡਾਈਜੈਸਟਿਵ ਸਿਸਟਮ ਨੂੰ ਸਮਝਣ ਲਈ ਸਮਾਂ ਲੱਗਦਾ ਹੈ ਕਿ ਹੁਣ ਗਾਲ ਬਲੈਡਰ ਨਹੀਂ ਹੈ।
ਖਾਣ ਵਿੱਚ ਜ਼ਿਆਦਾ ਤਲੀ ਹੋਈ ਚੀਜ਼ਾਂ, ਮਸਾਲੇਦਾਰ ਖਾਣਾ ਅਤੇ ਮੀਟ ਤੋਂ ਬਚਣਾ ਚਾਹੀਦਾ ਹੈ। ਇਸ ਦੀ ਬਜਾਏ, ਖਾਣੇ ਵਿੱਚ ਫਾਈਬਰ ਨਾਲ ਭਰਪੂਰ ਚੀਜ਼ਾਂ ਨੂੰ ਵੱਧ ਤੋਂ ਵੱਧ ਸ਼ਾਮਲ ਕਰੋ।
ਇੱਕ ਵਾਰ ਵਿੱਚ ਬਹੁਤ ਜ਼ਿਆਦਾ ਖਾਣ ਤੋਂ ਬਚੋ। ਇਸ ਦੀ ਬਜਾਏ ਤੁਹਾਨੂੰ ਛੋਟੇ-ਛੋਟੇ ਅਤੇ ਜਲਦੀ-ਜਲਦੀ ਮੀਲ ਲੈਣੇ ਚਾਹੀਦੇ ਹਨ, ਤਾਂ ਜੋ ਪਾਚਨ ਤੰਤਰ ‘ਤੇ ਜ਼ੋਰ ਨਾ ਪਵੇ।
ਆਪਣੇ ਡਾਕਟਰ ਤੋਂ ਆਪਣੀ ਲਈ ਡਾਇਟ ਦੀ ਸਲਾਹ ਲਵੋ ਅਤੇ ਹੌਲੀ-ਹੌਲੀ ਪਾਚਨ ਤੰਤਰ ਦੇ ਕੰਮ ਨੂੰ ਸਮਝਦਿਆਂ ਨਵੀਆਂ ਅਤੇ ਹੋਰ ਚੀਜ਼ਾਂ ਖਾਣੇ ਵਿੱਚ ਸ਼ਾਮਲ ਕਰੋ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
