Hair Fall: ਵਾਲਾਂ ਦੇ ਝੜਨ ਨੂੰ ਨਜ਼ਰਅੰਦਾਜ਼ ਕਰਨਾ ਪੈ ਸਕਦਾ ਭਾਰੀ! ਜਾਣੋ ਕਿਹੜੀਆਂ ਬਿਮਾਰੀਆਂ ਦੇ ਸ਼ੁਰੂਆਤੀ ਲੱਛਣ
ਵਾਲ ਝੜਨਾ ਇੱਕ ਆਮ ਸਮੱਸਿਆ ਹੈ ਜੋ ਕਿਸੇ ਵੀ ਉਮਰ ਦੇ ਲੋਕਾਂ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। ਇਹ ਕਈ ਕਾਰਕਾਂ ਕਰਕੇ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ ਵਾਲਾਂ ਦਾ ਝੜਨਾ ਕਿਸੇ ਘਾਤਕ ਬਿਮਾਰੀਆਂ ਦੇ ਸ਼ੁਰੂਆਤੀ ਲੱਛਣ ਹੋ ਸਕਦੇ ਹਨ।
Hair Fall Causes: ਵਾਲ ਝੜਨਾ ਇੱਕ ਆਮ ਸਮੱਸਿਆ ਹੈ ਜੋ ਕਿਸੇ ਵੀ ਉਮਰ ਦੇ ਲੋਕਾਂ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। ਇਹ ਕਈ ਕਾਰਕਾਂ ਕਰਕੇ ਹੋ ਸਕਦਾ ਹੈ। ਪਰ ਵਾਲ ਝੜਨਾ ਸਿਰਫ ਵਾਲਾਂ ਨਾਲ ਜੁੜੀ ਸਮੱਸਿਆ ਨਹੀਂ ਹੈ। ਅੱਜ ਦੇ ਦੌਰ ਵਿੱਚ ਖਾਣ-ਪੀਣ ਦੀ ਮਾੜੀ ਜੀਵਨ ਸ਼ੈਲੀ ਅਤੇ ਵੱਧ ਰਹੇ ਪ੍ਰਦੂਸ਼ਣ ਦੀ ਵਜ੍ਹਾ ਕਰਕੇ ਬਹੁਤ ਸਾਰੇ ਲੋਕ ਵਾਲਾਂ ਦੇ ਝੜਨ ਵਰਗੀ ਸਮੱਸਿਆ ਤੋਂ ਪੀੜਤ ਹਨ। ਵਾਲ ਝੜਨਾ (hair fall) ਵੀ ਇਸ ਗੱਲ ਦਾ ਸੰਕੇਤ ਹੋ ਸਕਦਾ ਹੈ ਕਿ ਤੁਹਾਡਾ ਸਰੀਰ ਬਿਮਾਰ ਹੈ। ਅਕਸਰ ਲੋਕ ਕਹਿੰਦੇ ਹਨ ਕਿ ਵਾਲ ਝੜਨ ਦਾ ਕਾਰਨ ਗਲਤ ਕਾਸਮੈਟਿਕਸ ਦੀ ਵਰਤੋਂ ਹੈ, ਪਰ ਅਜਿਹਾ ਨਹੀਂ ਹੈ। ਗੁਰੂਗ੍ਰਾਮ ਦੇ ਸੀਕੇ ਬਿਰਲਾ ਹਸਪਤਾਲ ਦੇ ਸਲਾਹਕਾਰ ਚਮੜੀ ਦੇ ਮਾਹਿਰ ਡਾਕਟਰ ਰੁਬੇਨ ਭਸੀਨ ਪਾਸੀ ਦੇ ਅਨੁਸਾਰ, ਵਾਲਾਂ ਦਾ ਝੜਨਾ ਗੰਭੀਰ ਸਮੱਸਿਆਵਾਂ ਨੂੰ ਦਰਸਾਉਂਦਾ ਹੈ। ਆਓ ਜਾਣਦੇ ਹਾਂ ਇਸ 'ਤੇ ਡਾਕਟਰ ਹੋਰ ਕੀ ਕਹਿੰਦੇ ਹਨ।
ਹੋਰ ਪੜ੍ਹੋ : ਔਰਤਾਂ ਦਾ ਦਿਲ ਜਲਦੀ ਦੇ ਸਕਦਾ ਧੋਖਾ! ਇਨ੍ਹਾਂ ਸੰਕੇਤਾਂ ਨੂੰ ਨਜ਼ਰਅੰਦਾਜ਼ ਨਾ ਕਰੋ, ਲੱਛਣ ਪਛਾਣ ਕਰੋ ਬਚਾਅ
ਵਾਲ ਝੜਨਾ ਆਮ ਗੱਲ ਨਹੀਂ ਹੈ!
ਡਾ: ਪਾਸੀ ਨੇ ਟਾਈਮਜ਼ ਨਾਓ ਟੀਮ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਵਾਲਾਂ ਦਾ ਝੜਨਾ ਸਿਰਫ਼ ਇੱਕ ਨਹੀਂ ਬਲਕਿ 5 ਬਿਮਾਰੀਆਂ ਨੂੰ ਦਰਸਾਉਂਦੀ ਹੈ। ਆਓ ਜਾਣਦੇ ਹਾਂ ਵਿਸਥਾਰ ਦੇ ਵਿੱਚ...
ਥਾਇਰਾਇਡ (Thyroid)
ਥਾਇਰਾਇਡ ਵਿੱਚ ਹਾਰਮੋਨਸ ਅਸੰਤੁਲਿਤ ਹੋ ਜਾਂਦੇ ਹਨ, ਜੋ ਵਾਲਾਂ ਦੇ ਵਿਕਾਸ ਨੂੰ ਪ੍ਰਭਾਵਿਤ ਕਰਦੇ ਹਨ ਅਤੇ ਵਾਲਾਂ ਦੇ ਝੜਨ ਨੂੰ ਵਧਾਉਂਦੇ ਹਨ। ਇਸ ਕਾਰਨ ਵਾਲ ਮੁੱਖ ਤੌਰ 'ਤੇ ਸਿਰ 'ਤੇ ਅਤੇ ਕਈ ਵਾਰ ਤਾਂ ਆਈਬ੍ਰੋ ਦੇ ਵੀ ਵਾਲ ਡਿੱਗ ਜਾਂਦੇ ਹਨ। ਥਾਇਰਾਇਡ ਦੇ ਕੁਝ ਮਰੀਜ਼ਾਂ ਨੂੰ ਵਾਲ ਝੜਨ ਦੇ ਨਾਲ-ਨਾਲ ਗੰਜੇਪਨ ਦੀ ਸਮੱਸਿਆ ਦਾ ਵੀ ਸਾਹਮਣਾ ਕਰਨਾ ਪੈਂਦਾ ਹੈ। ਜੇਕਰ ਜ਼ਿਆਦਾ ਵਾਲ ਝੜ ਰਹੇ ਹਨ ਤਾਂ ਇੱਕ ਵਾਰ ਥਾਇਰਾਇਡ ਦਾ ਟੈਸਟ ਕਰਵਾਓ।
ਪੋਸ਼ਣ ਦੀ ਘਾਟ (nutritional deficiency)
ਭੋਜਨ ਵਿੱਚ ਜ਼ਰੂਰੀ ਪੌਸ਼ਟਿਕ ਤੱਤਾਂ ਦੀ ਕਮੀ ਵਾਲਾਂ ਦੀ ਮਜ਼ਬੂਤੀ ਅਤੇ ਵਿਕਾਸ ਨੂੰ ਵੀ ਪ੍ਰਭਾਵਿਤ ਕਰਦੀ ਹੈ। ਮੁੱਖ ਵਿਟਾਮਿਨ ਅਤੇ ਖਣਿਜ ਜਿਵੇਂ ਵਿਟਾਮਿਨ ਬੀ-12, ਵਿਟਾਮਿਨ ਡੀ, ਆਇਰਨ ਅਤੇ ਜ਼ਿੰਕ ਸਿਹਤਮੰਦ ਵਾਲਾਂ ਲਈ ਜ਼ਰੂਰੀ ਹਨ। ਇਨ੍ਹਾਂ ਪੋਸ਼ਕ ਤੱਤਾਂ ਦੀ ਕਮੀ ਹੋਣ 'ਤੇ ਵਾਲ ਕਮਜ਼ੋਰ, ਬੇਜਾਨ ਅਤੇ ਝੜਨ ਲੱਗ ਪੈਂਦੇ ਹਨ। ਵਾਲ ਝੜਨਾ ਦਰਸਾਉਂਦਾ ਹੈ ਕਿ ਤੁਹਾਡੇ ਸਰੀਰ ਵਿੱਚ ਇਨ੍ਹਾਂ ਤੱਤਾਂ ਦੀ ਕਮੀ ਹੈ।
ਅਨੀਮੀਆ (anemia)
ਅਨੀਮੀਆ, ਜੋ ਅਕਸਰ ਆਇਰਨ ਦੀ ਘਾਟ ਕਾਰਨ ਲਾਲ ਸੈੱਲਾਂ ਦੀ ਕਮੀ ਕਾਰਨ ਹੁੰਦਾ ਹੈ, ਵਾਲਾਂ ਦੇ ਝੜਨ ਨਾਲ ਜੁੜੀ ਇਕ ਹੋਰ ਸਥਿਤੀ ਹੈ। ਨਵੇਂ ਵਾਲ ਪੈਦਾ ਕਰਨ ਲਈ ਸਰੀਰ ਨੂੰ ਆਕਸੀਜਨ ਦੀ ਨਿਰੰਤਰ ਸਪਲਾਈ ਦੀ ਲੋੜ ਹੁੰਦੀ ਹੈ। ਸਰੀਰ ਵਿੱਚ ਆਇਰਨ ਅਤੇ ਲਾਲ ਖੂਨ ਦੇ ਸੈੱਲਾਂ ਦੀ ਕਮੀ ਕਾਰਨ ਆਕਸੀਜਨ ਦੀ ਸਪਲਾਈ ਹੌਲੀ ਹੋ ਜਾਂਦੀ ਹੈ, ਜਿਸ ਕਾਰਨ ਵਾਲ ਝੜਦੇ ਹਨ।
ਤਣਾਅ (stress)
ਡਾਕਟਰਾਂ ਦਾ ਕਹਿਣਾ ਹੈ ਕਿ ਮਾਨਸਿਕ ਤਣਾਅ ਅਤੇ ਚਿੰਤਾ ਵਾਲ ਝੜਨ ਦਾ ਇੱਕ ਆਮ ਕਾਰਨ ਹੋ ਸਕਦਾ ਹੈ। ਤਣਾਅ ਇੱਕ ਸਥਿਤੀ ਪੈਦਾ ਕਰ ਸਕਦਾ ਹੈ ਜਿਸਨੂੰ ਟੇਲੋਜਨ ਇਫਲੂਵਿਅਮ ਕਿਹਾ ਜਾਂਦਾ ਹੈ। ਇਸ ਨਾਲ ਵਾਲ ਝੜਨ ਵਿੱਚ ਅਚਾਨਕ ਵਾਧਾ ਹੋ ਜਾਂਦਾ ਹੈ, ਜੋ ਚਿੰਤਾਜਨਕ ਹੋ ਸਕਦਾ ਹੈ।
ਆਟੋਇਮਿਊਨ ਡਿਸਆਰਡਰ (autoimmune disorders)
ਐਲੋਪੇਸ਼ੀਆ ਏਰੇਟਾ ਵਰਗੀਆਂ ਆਟੋਇਮਿਊਨ ਬਿਮਾਰੀਆਂ ਇਮਿਊਨ ਸਿਸਟਮ 'ਤੇ ਹਮਲਾ ਕਰਦੀਆਂ ਹਨ, ਜਿਸ ਵਿਚ ਵਾਲ ਵੀ ਸ਼ਾਮਲ ਹੁੰਦੇ ਹਨ, ਨਤੀਜੇ ਵਜੋਂ ਸਿਰ ਅਤੇ ਸਰੀਰ ਦੇ ਹੋਰ ਹਿੱਸਿਆਂ 'ਤੇ ਧੱਬਿਆਂ ਵਿਚ ਵਾਲ ਝੜਦੇ ਹਨ। ਐਲੋਪੇਸ਼ੀਆ ਏਰੀਆਟਾ ਅਚਾਨਕ ਪ੍ਰਗਟ ਹੋ ਸਕਦਾ ਹੈ ਅਤੇ ਗੰਭੀਰਤਾ ਵਿੱਚ ਵੱਖ-ਵੱਖ ਹੋ ਸਕਦਾ ਹੈ। ਇਸ 'ਚ ਸ਼ੁਰੂ 'ਚ ਤੁਹਾਨੂੰ ਸਿਰ 'ਤੇ ਗੰਜੇਪਨ ਦੇ ਛੋਟੇ-ਛੋਟੇ ਧੱਬੇ ਨਜ਼ਰ ਆਉਂਦੇ ਹਨ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
