Mini Stroke : ਬੋਲਦੇ... ਤੁਰਦੇ ਜਾਂ ਸਰੀਰ ਦੇ ਇੱਕ ਪਾਸੇ ਦੇ ਅੰਗ ਅਚਾਨਕ ਕੰਮ ਕਰਨਾ ਬੰਦ ਕਰ ਦੇਣ, ਤਾਂ ਹੋ ਸਕਦੀ ਦਿਮਾਗ ਨਾਲ ਜੁੜੀ ਇਹ ਬਿਮਾਰੀ

ਕਈ ਵਾਰ ਲੋਕ ਅਚਾਨਕ ਸਰੀਰ ਵਿੱਚ ਬੇਹੋਸ਼ੀ, ਹੱਥਾਂ-ਪੈਰਾਂ ਦਾ ਸਹੀ ਤਰੀਕੇ ਨਾਲ ਕੰਮ ਨਾ ਕਰਨਾ ਤੇ ਬੋਲਣ ਵਿੱਚ ਮੁਸ਼ਕਲ ਵਰਗੇ ਲੱਛਣ ਮਹਿਸੂਸ ਕਰ ਸਕਦੇ ਹਨ। ਇਹ ਲੱਛਣ ਬਿਲਕੁਲ ਬਰੇਨ ਸਟ੍ਰੋਕ ਭਾਵ ਅਧਰੰਗ ਵਰਗੇ ਹੁੰਦੇ ਹਨ।

Transient Ischemic Attack

Warning Signs Of A TIA : ਕਈ ਵਾਰ ਲੋਕ ਅਚਾਨਕ ਸਰੀਰ ਵਿੱਚ ਬੇਹੋਸ਼ੀ, ਹੱਥਾਂ-ਪੈਰਾਂ ਦਾ ਸਹੀ ਤਰੀਕੇ ਨਾਲ ਕੰਮ ਨਾ ਕਰਨਾ ਤੇ ਬੋਲਣ ਵਿੱਚ ਮੁਸ਼ਕਲ ਵਰਗੇ ਲੱਛਣ ਮਹਿਸੂਸ ਕਰ ਸਕਦੇ ਹਨ। ਇਹ ਲੱਛਣ ਬਿਲਕੁਲ ਬਰੇਨ ਸਟ੍ਰੋਕ ਭਾਵ ਅਧਰੰਗ ਵਰਗੇ ਹੁੰਦੇ ਹਨ ਪਰ ਮਰੀਜ਼ ਕੁਝ ਸਮੇਂ ਬਾਅਦ ਹੀ ਨਾਰਮਲ ਹੋ ਜਾਂਦਾ ਹੈ। ਇਸ ਨੂੰ ਅਸਥਾਈ ਇਸਕੇਮਿਕ ਅਟੈਕ (transient ischemic attack) ਕਿਹਾ ਜਾਂਦਾ ਹੈ। TIA (Transient Ischemic Attack) ਸਿਰਫ ਕੁਝ ਮਿੰਟ ਰਹਿੰਦੀ ਹੈ ਅਤੇ ਸਰੀਰ ਨੂੰ ਕੋਈ ਸਥਾਈ ਨੁਕਸਾਨ ਨਹੀਂ ਪਹੁੰਚਾਉਂਦੀ। ਤੁਸੀਂ ਇਸਨੂੰ ਮਿੰਨੀ ਸਟ੍ਰੋਕ ਵੀ ਕਹਿ ਸਕਦੇ ਹੋ। ਇਹ ਇੱਕ ਚਿਤਾਵਨੀ ਵੀ ਹੋ ਸਕਦੀ ਹੈ ਕਿ ਮਰੀਜ਼ ਨੂੰ ਸਟ੍ਰੋਕ (Stroke) ਦਾ ਖ਼ਤਰਾ ਹੈ। ਅਜਿਹੇ ਮਾਮਲਿਆਂ ਵਿੱਚ, 3 ਵਿੱਚੋਂ 1 ਵਿਅਕਤੀ ਜਿਸਨੂੰ ਪਹਿਲਾਂ ਅਸਥਾਈ ਇਸਕੀਮਿਕ ਅਟੈਕ (transient ischemic attack) ਹੋਇਆ ਹੈ, ਨੂੰ ਇੱਕ ਸਾਲ ਦੇ ਅੰਦਰ ਸਟ੍ਰੋਕ ਹੋਣ ਦਾ ਖ਼ਤਰਾ ਹੈ। ਇਸ ਲਈ ਤੁਹਾਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ।

Transient Ischemic Attack ਦੇ ਲੱਛਣ (Transient Ischemic Attack Symptoms) 

Transient Ischemic Attack ਦੇ ਲੱਛਣ ਕੁਝ ਮਿੰਟਾਂ ਬਾਅਦ ਅਲੋਪ ਹੋ ਜਾਂਦੇ ਹਨ। ਹਾਲਾਂਕਿ, ਬਹੁਤ ਸਾਰੇ ਮਾਮਲਿਆਂ ਵਿੱਚ ਇਹ ਲੱਛਣ 24 ਘੰਟਿਆਂ ਤਕ ਰਹਿ ਸਕਦੇ ਹਨ। ਬ੍ਰੇਨ ਸਟ੍ਰੋਕ ਵਾਂਗ ਇਸ ਦੇ ਲੱਛਣ ਸਰੀਰ ਵਿੱਚ ਅਚਾਨਕ ਆ ਜਾਂਦੇ ਹਨ। ਜਿਸ ਵਿੱਚ...

1. ਚਿਹਰੇ, ਬਾਹਾਂ ਜਾਂ ਲੱਤਾਂ ਵਿੱਚ ਕਮਜ਼ੋਰੀ, ਸੁੰਨ ਹੋਣਾ ਜਾਂ ਅਧਰੰਗ ਵਰਗਾ ਮਹਿਸੂਸ ਹੋਣਾ।
2. ਸਰੀਰ ਦੇ ਇੱਕ ਪਾਸੇ ਅੰਗਾਂ ਦਾ ਕੰਮ ਕਰਨਾ ਬੰਦ ਕਰ ਦੇਣਾ
3. ਬੋਲਣ ਵਿੱਚ ਦਿੱਕਤ ਹੋਣਾ ਅਤੇ ਸਾਫ਼ ਬੋਲਣ ਵਿੱਚ ਅਸਮਰੱਥ ਹੋਣਾ
4. ਘੱਟ ਜਾਂ ਧੁੰਦਲੀ ਨਜ਼ਰ ਅਤੇ ਇੱਕ ਅੱਖ ਦੀ ਘਟੀ ਹੋਈ ਗਤੀ
5. ਚੱਕਰ ਆਉਣਾ ਜਾਂ ਹੱਥਾਂ ਪੈਰਾਂ ਦਾ ਸਹੀ ਢੰਗ ਨਾਲ ਸੰਤੁਲਨ ਨਾ ਰੱਖਣਾ

ਟ੍ਰਾਂਸੇਂਟ ਇਸਕੇਮਿਕ ਅਟੈਕ ਦੇ ਕਾਰਨ (Transient iSchemic Attack Causes)  

• ਉੱਚ ਕੋਲੇਸਟ੍ਰੋਲ
• ਹਾਈ ਬਲੱਡ ਪ੍ਰੈਸ਼ਰ
• ਦਿਲ ਦੀ ਬਿਮਾਰੀ
• ਸ਼ੂਗਰ ਅਤੇ ਮੋਟਾਪਾ
• ਕੋਰਾਨਾ ਦੀ ਗੰਭੀਰ ਲਾਗ
• ਪਰਿਵਾਰ ਵਿੱਚ ਸਟ੍ਰੋਕ ਦਾ ਇਤਿਹਾਸ ਹੋਣਾ

Transient Ischemic Attack ਦੇ ਮਾਮਲੇ ਵਿੱਚ ਕੀ ਕਰਨਾ ਹੈ?

ਜੇਕਰ ਕਿਸੇ ਵਿਅਕਤੀ ਨੂੰ ਇਹਨਾਂ ਵਿੱਚੋਂ ਕੋਈ ਵੀ ਲੱਛਣ ਦਿਖਾਈ ਦਿੰਦਾ ਹੈ ਤਾਂ ਪੀੜਤ ਨੂੰ ਤੁਰੰਤ ਹਸਪਤਾਲ ਲਿਜਾਣਾ ਚਾਹੀਦਾ ਹੈ। ਇਸ ਤਰ੍ਹਾਂ ਤੁਸੀਂ ਮਰੀਜ਼ ਨੂੰ ਗੰਭੀਰ ਦੌਰਾ ਪੈਣ ਤੋਂ ਬਚਾ ਸਕਦੇ ਹੋ।