ਮੋਟੇ ਲੋਕਾਂ ਲਈ ਖ਼ੁਸ਼ਖ਼ਬਰੀ! ਦਿਲ ਦੀਆਂ ਬਿਮਾਰੀਆਂ ਦਾ ਖਤਰਾ ਰਹਿੰਦਾ ਘੱਟ, ਹੈਰਾਨ ਕਰਨ ਵਾਲਾ ਹੋਇਆ ਖੁਲਾਸਾ
ਮੰਨਿਆ ਜਾਂਦਾ ਹੈ ਕਿ ਮੋਟਾਪਾ ਦਿਲ ਦੀ ਬਿਮਾਰੀ ਅਤੇ ਹਾਈ ਕੋਲੈਸਟ੍ਰੋਲ ਦੇ ਖ਼ਤਰੇ ਨੂੰ ਵਧਾਉਂਦਾ ਹੈ, ਪਰ ਖੋਜ ਸੁਝਾਅ ਦਿੰਦੀ ਹੈ ਕਿ MC4R ਨਾਮਕ ਦਾ ਇੱਕ ਜੀਨ, ਜੋ ਕਿ ਮੋਟਾਪੇ ਲਈ ਜ਼ਿੰਮੇਵਾਰ ਹੈ, ਦਿਲ ਦੀ ਬਿਮਾਰੀ ਤੋਂ ਵੀ ਬਚਾਅ ਕਰ ਸਕਦਾ ਹੈ।
ਮੋਟਾਪੇ ਨੂੰ ਲੈਕੇ ਇੱਕ ਤਾਜ਼ਾ ਅਧਿਐਨ ਵਿੱਚ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ। ਇਹ ਅਧਿਐਨ ਮੋਟਾਪੇ ਅਤੇ ਦਿਲ ਦੀ ਬਿਮਾਰੀ ਦੇ ਕੁਨੈਕਸ਼ਨ ਨੂੰ ਚੁਣੌਤੀ ਦਿੰਦਾ ਹੈ। ਆਮ ਤੌਰ 'ਤੇ ਇਹ ਮੰਨਿਆ ਜਾਂਦਾ ਹੈ ਕਿ ਮੋਟਾਪਾ ਦਿਲ ਦੀ ਬਿਮਾਰੀ ਅਤੇ ਹਾਈ ਕੋਲੇਸਟ੍ਰੋਲ ਦੇ ਖਤਰੇ ਨੂੰ ਵਧਾਉਂਦਾ ਹੈ, ਪਰ ਹਾਲ ਹੀ ਵਿੱਚ ਕੀਤੀ ਗਈ ਖੋਜ ਤੋਂ ਪਤਾ ਲੱਗਿਆ ਹੈ ਕਿ MC4R ਨਾਮਕ ਇੱਕ ਜੀਨ, ਜੋ ਮੋਟਾਪੇ ਲਈ ਜ਼ਿੰਮੇਵਾਰ ਹੈ, ਦਿਲ ਦੀ ਬਿਮਾਰੀ ਤੋਂ ਵੀ ਬਚਾਅ ਕਰ ਸਕਦਾ ਹੈ।
ਖੋਜ ਤੋਂ ਪਤਾ ਲੱਗਾ ਹੈ ਕਿ MC4R ਜੀਨ ਦੇ ਇੱਕ ਦੁਰਲੱਭ ਰੂਪ ਵਾਲੇ ਲੋਕਾਂ ਵਿੱਚ LDL (ਮਾੜੇ ਕੋਲੈਸਟ੍ਰੋਲ) ਦਾ ਪੱਧਰ ਘੱਟ ਹੁੰਦਾ ਹੈ ਅਤੇ ਦਿਲ ਦੀ ਬਿਮਾਰੀ ਦਾ ਖ਼ਤਰਾ ਘੱਟ ਹੁੰਦਾ ਹੈ। ਵਿਗਿਆਨੀਆਂ ਦੇ ਅਨੁਸਾਰ, ਇਹ ਜੀਨ ਲਗਭਗ ਇੱਕ ਪ੍ਰਤੀਸ਼ਤ ਮੋਟੇ ਲੋਕਾਂ ਅਤੇ ਪੰਜ ਪ੍ਰਤੀਸ਼ਤ ਮੋਟੇ ਬੱਚਿਆਂ ਵਿੱਚ ਪਾਇਆ ਜਾਂਦਾ ਹੈ। ਇਸ ਖੋਜ ਦੇ ਅਨੁਸਾਰ, ਯੂਕੇ ਵਿੱਚ ਹਰ 300 ਲੋਕਾਂ ਵਿੱਚੋਂ ਇੱਕ ਵਿੱਚ ਇਹ ਜੀਨ ਪਰਿਵਰਤਨ ਹੋ ਸਕਦਾ ਹੈ।
ਇਸ ਖੋਜ ਦਾ ਉਦੇਸ਼ ਇਹ ਸਮਝਣਾ ਸੀ ਕਿ ਕਿਵੇਂ ਕੁਝ ਲੋਕ ਮੋਟੇ ਹੋਣ ਦੇ ਬਾਵਜੂਦ ਦਿਲ ਦੀ ਬਿਮਾਰੀ ਤੋਂ ਬਚੇ ਰਹਿੰਦੇ ਹਨ। ਕੈਂਬਰਿਜ ਯੂਨੀਵਰਸਿਟੀ ਦੇ ਮੈਟਾਬੋਲਿਜ਼ਮ ਮਾਹਿਰਾਂ ਦੁਆਰਾ ਕੀਤੇ ਗਏ ਇਸ ਅਧਿਐਨ ਵਿੱਚ ਪਾਇਆ ਗਿਆ ਕਿ MC4R ਜੀਨ ਸਾਡੇ ਦਿਮਾਗ ਵਿੱਚ ਇੱਕ ਪ੍ਰੋਟੀਨ ਨੂੰ ਏਨਕੋਡ ਕਰਦਾ ਹੈ ਅਤੇ ਭੁੱਖ ਨੂੰ ਕੰਟਰੋਲ ਕਰਦਾ ਹੈ। ਜਦੋਂ ਇਹ ਜੀਨ ਸਹੀ ਢੰਗ ਨਾਲ ਕੰਮ ਕਰਦਾ ਹੈ, ਤਾਂ ਵਿਅਕਤੀ ਘੱਟ ਖਾਂਦਾ ਹੈ।
ਹਾਲਾਂਕਿ, ਜਦੋਂ ਇਹ ਖਰਾਬ ਹੋ ਜਾਂਦਾ ਹੈ, ਤਾਂ ਇੱਕ ਵਿਅਕਤੀ ਨੂੰ ਜ਼ਿਆਦਾ ਭੁੱਖ ਲੱਗਦੀ ਹੈ ਅਤੇ ਤੇਜ਼ੀ ਨਾਲ ਭਾਰ ਵਧਦਾ ਹੈ। ਖੋਜਕਰਤਾਵਾਂ ਦੇ ਅਨੁਸਾਰ, ਇਹ ਜੀਨ ਮੋਟਾਪੇ ਵਿੱਚ ਯੋਗਦਾਨ ਪਾਉਂਦਾ ਹੈ, ਪਰ ਇੱਕ ਰੇਅਰ ਵੈਰੀਐਂਟ ਵਾਲੇ ਲੋਕਾਂ ਵਿੱਚ ਮਾੜੇ ਕੋਲੈਸਟ੍ਰੋਲ ਦੇ ਪੱਧਰ ਕਾਫ਼ੀ ਘੱਟ ਹੁੰਦੇ ਹਨ, ਜਿਸ ਨਾਲ ਦਿਲ ਦੀ ਬਿਮਾਰੀ ਦਾ ਜੋਖਮ ਘੱਟ ਜਾਂਦਾ ਹੈ।
ਹਜ਼ਾਰਾਂ ਲੋਕਾਂ 'ਚ ਕੀਤੀ ਗਈ ਜਾਂਚ
ਅਧਿਐਨ ਵਿੱਚ 7,719 ਬੱਚਿਆਂ ਅਤੇ 124 ਬਾਲਗਾਂ ਦੇ ਜੀਨਾਂ ਦੀ ਜਾਂਚ ਕੀਤੀ ਗਈ ਜਿਨ੍ਹਾਂ ਦਾ ਮੋਟਾਪਾ MC4R ਜੀਨ ਵਿੱਚ ਨੁਕਸ ਕਾਰਨ ਹੋਇਆ ਸੀ। ਫਿਰ ਉਨ੍ਹਾਂ ਦੀ ਤੁਲਨਾ ਯੂਕੇ ਬਾਇਓਬੈਂਕ ਦੇ 336,000 ਵਿਅਕਤੀਆਂ ਨਾਲ ਕੀਤੀ ਗਈ। ਨਤੀਜਿਆਂ ਤੋਂ ਪਤਾ ਲੱਗਾ ਕਿ MC4R ਦੀ ਘਾਟ ਵਾਲੇ ਵਿਅਕਤੀਆਂ ਵਿੱਚ ਆਮ ਆਬਾਦੀ ਨਾਲੋਂ ਬਿਹਤਰ ਬਲੱਡ ਪ੍ਰੈਸ਼ਰ ਅਤੇ ਕੋਲੈਸਟ੍ਰੋਲ ਪ੍ਰੋਫਾਈਲ ਅਤੇ ਦਿਲ ਦੀ ਸਿਹਤ ਬਿਹਤਰ ਸੀ।
ਕੀ ਕਹਿੰਦੀ ਰਿਪੋਰਟ?
ਇਸ ਖੋਜ ਦੇ ਨਤੀਜੇ ਦਰਸਾਉਂਦੇ ਹਨ ਕਿ MC4R ਜੀਨ ਦਿਮਾਗ ਰਾਹੀਂ ਸਰੀਰ ਦੇ ਚਰਬੀ ਦੇ ਪਾਚਕ ਕਿਰਿਆ ਨੂੰ ਕੰਟਰੋਲ ਕਰਦਾ ਹੈ। ਇਸ ਜੀਨ ਦੀ ਖਰਾਬੀ ਵਾਲੇ ਲੋਕਾਂ ਦਾ ਭਾਰ ਵਧਦਾ ਹੈ, ਪਰ ਉਨ੍ਹਾਂ ਵਿੱਚ ਟ੍ਰਾਈਗਲਿਸਰਾਈਡਸ ਅਤੇ ਮਾੜੇ ਕੋਲੈਸਟ੍ਰੋਲ ਦਾ ਪੱਧਰ ਘੱਟ ਹੁੰਦਾ ਹੈ। ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ MC4R ਜੀਨ ਦੇ ਕੰਮ ਨੂੰ ਸਮਝਣ ਨਾਲ ਦਿਲ ਦੀ ਬਿਮਾਰੀ ਅਤੇ ਉੱਚ ਕੋਲੈਸਟ੍ਰੋਲ ਲਈ ਨਵੀਆਂ ਦਵਾਈਆਂ ਦਾ ਵਿਕਾਸ ਹੋ ਸਕਦਾ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
