![ABP Premium](https://cdn.abplive.com/imagebank/Premium-ad-Icon.png)
High Blood Pressure : ਰਿਸਰਚ 'ਚ ਹੈਰਾਨ ਕਰ ਦੇਣ ਵਾਲਾ ਖੁਲਾਸਾ, ਰੋਜ਼ਾਨਾ ਸ਼ਰਾਬ ਪੀਣ ਵਾਲਿਆਂ 'ਚ ਹਾਈ ਬਲੱਡ ਪ੍ਰੈਸ਼ਰ ਦਾ ਹੁੰਦੈ ਜ਼ਿਆਦਾ ਖ਼ਤਰਾ
ਖੋਜ ਨੇ ਪਤਾ ਚੱਲਿਆ ਹੈ ਕਿ ਬਿਨਾਂ ਹਾਈ ਬਲੱਡ ਪ੍ਰੈਸ਼ਰ ਵਾਲੇ ਨੌਜਵਾਨਾਂ ਵਿੱਚ ਵੀ ਰੋਜ਼ਾਨਾ ਸ਼ਰਾਬ ਦੇ ਸੇਵਨ ਨਾਲ ਬਲੱਡ ਪ੍ਰੇਸ਼ਰ ਦਾ ਖ਼ਤਰਾ ਜ਼ਿਆਦਾ ਤੇਜ਼ੀ ਨਾਲ ਵੱਧ ਸਕਦਾ ਹੈ। ਵਿਸ਼ਲੇਸ਼ਣ ਨੇ ਪਹਿਲੀ ਵਾਰ ਪੁਸ਼ਟੀ ਕੀਤੀ ਕਿ ਹਾਈ ਬਲੱਡ ਪ੍ਰੈਸ਼ਰ...
![High Blood Pressure : ਰਿਸਰਚ 'ਚ ਹੈਰਾਨ ਕਰ ਦੇਣ ਵਾਲਾ ਖੁਲਾਸਾ, ਰੋਜ਼ਾਨਾ ਸ਼ਰਾਬ ਪੀਣ ਵਾਲਿਆਂ 'ਚ ਹਾਈ ਬਲੱਡ ਪ੍ਰੈਸ਼ਰ ਦਾ ਹੁੰਦੈ ਜ਼ਿਆਦਾ ਖ਼ਤਰਾ Shocking revelation in the research, the risk of high blood pressure is higher in daily drinkers High Blood Pressure : ਰਿਸਰਚ 'ਚ ਹੈਰਾਨ ਕਰ ਦੇਣ ਵਾਲਾ ਖੁਲਾਸਾ, ਰੋਜ਼ਾਨਾ ਸ਼ਰਾਬ ਪੀਣ ਵਾਲਿਆਂ 'ਚ ਹਾਈ ਬਲੱਡ ਪ੍ਰੈਸ਼ਰ ਦਾ ਹੁੰਦੈ ਜ਼ਿਆਦਾ ਖ਼ਤਰਾ](https://feeds.abplive.com/onecms/images/uploaded-images/2023/08/07/3e0d9982fce3a28b4fb3318f9d6b33f51691393755894497_original.jpg?impolicy=abp_cdn&imwidth=1200&height=675)
Health News : ਅਮੈਰੀਕਨ ਹਾਰਟ ਐਸੋਸੀਏਸ਼ਨ ਜਰਨਲ ਹਾਈਪਰਟੈਨਸ਼ਨ ਵਿੱਚ ਬੁੱਧਵਾਰ ਨੂੰ ਪ੍ਰਕਾਸ਼ਿਤ ਸੱਤ ਅੰਤਰਰਾਸ਼ਟਰੀ ਖੋਜ ਵਿਸ਼ਲੇਸ਼ਣ ਦੇ ਅਨੁਸਾਰ, ਰੋਜ਼ਾਨਾ ਸ਼ਰਾਬ ਪੀਣ ਵਾਲੇ ਵਿਅਕਤੀ ਜਲਦ ਹੀ ਹਾਈ ਬਲੱਡ ਪ੍ਰੈਸ਼ਰ ਦਾ ਸ਼ਿਕਾਰ ਹੋ ਸਕਦਾ ਹੈ। ਖੋਜ ਨੇ ਪਤਾ ਚੱਲਿਆ ਹੈ ਕਿ ਬਿਨਾਂ ਹਾਈ ਬਲੱਡ ਪ੍ਰੈਸ਼ਰ ਵਾਲੇ ਨੌਜਵਾਨਾਂ ਵਿੱਚ ਵੀ ਰੋਜ਼ਾਨਾ ਸ਼ਰਾਬ ਦੇ ਸੇਵਨ ਨਾਲ ਬਲੱਡ ਪ੍ਰੇਸ਼ਰ ਦਾ ਖ਼ਤਰਾ ਜ਼ਿਆਦਾ ਤੇਜ਼ੀ ਨਾਲ ਵੱਧ ਸਕਦਾ ਹੈ। ਵਿਸ਼ਲੇਸ਼ਣ ਨੇ ਪਹਿਲੀ ਵਾਰ ਪੁਸ਼ਟੀ ਕੀਤੀ ਕਿ ਹਾਈ ਬਲੱਡ ਪ੍ਰੈਸ਼ਰ ਘੱਟ ਅਤੇ ਜ਼ਿਆਦਾ ਸ਼ਰਾਬ ਦਾ ਸੇਵਨ ਕਰਨ ਵਾਲੇ ਦੋਵਾਂ ਤਰ੍ਹਾਂ ਦੇ ਲੋਕਾਂ ਵਿੱਚ ਹਾਈ ਬਲੱਡ ਪ੍ਰੈਸ਼ਰ ਦੇ ਮਾਮਲੇ ਵੇਖੇ ਗਏ ਹਨ। ਅਲਕੋਹਲ ਦੇ ਘੱਟ ਪੱਧਰ ਵੀ ਹਾਈ ਬਲੱਡ ਪ੍ਰੈਸ਼ਰ ਅਤੇ ਕਾਰਡੀਓਵੈਸਕੁਲਰ ਜੋਖਮ ਦਾ ਕਾਰਨ ਬਣ ਸਕਦੇ ਹਨ।
ਇਟਲੀ ਵਿੱਚ ਮੋਡੇਨਾ ਅਤੇ ਰੇਜੀਓ ਐਮਿਲਿਆ ਯੂਨੀਵਰਸਿਟੀ ਦੇ ਮੈਡੀਕਲ ਸਕੂਲ ਵਿੱਚ ਮਹਾਂਮਾਰੀ ਵਿਗਿਆਨ ਅਤੇ ਜਨ ਸਿਹਤ ਦੇ ਪ੍ਰੋਫੈਸਰ ਮਾਰਕੋ ਵਿਨਸੇਟੀ ਨੇ ਕਿਹਾ, ਸਾਨੂੰ ਉਹਨਾਂ ਨੌਜਵਾਨਾ ਵਿੱਚ ਲਾਭਕਾਰੀ ਪ੍ਰਭਾਵ ਨਹੀਂ ਮਿਲਿਆ ਜੋ ਘੱਟ ਮਾਤਰਾ ਵਿੱਚ ਸ਼ਰਾਬ ਪੀਂਦੇ ਹਨ। ਵਿਨਸੇਟੀ ਨੇ ਕਿਹਾ, ਸਾਨੂੰ ਇਹ ਜਾਣ ਕੇ ਕੁਝ ਹੈਰਾਨੀ ਹੋਈ ਕਿ ਬਲੱਡ ਪ੍ਰੈਸ਼ਰ ਵਿੱਚ ਤਬਦੀਲੀ ਉਨ੍ਹਾਂ ਲੋਕਾਂ ਵਿੱਚ ਵੀ ਦੇਖੀ ਗਈ ਜੋ ਪਹਿਲਾਂ ਹੀ ਘੱਟ ਵਿੱਚ ਸ਼ਰਾਬ ਪੀਂਦੇ ਹਨ, ਪਰ ਇਹ ਉਨ੍ਹਾਂ ਲੋਕਾਂ ਨਾਲੋਂ ਘੱਟ ਹੈ ਜੋ ਜ਼ਿਆਦਾ ਸ਼ਰਾਬ ਪੀਂਦੇ ਹਨ। ਇਸ ਸਾਲ ਦੇ ਸ਼ੁਰੂ ਵਿੱਚ, ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਨੇ ਵੀ ਚੇਤਾਵਨੀ ਦਿੱਤੀ ਸੀ ਕਿ ਸ਼ਰਾਬ ਦੀ ਕੋਈ ਸੁਰੱਖਿਅਤ ਮਾਤਰਾ ਨਹੀਂ ਹੈ ਜੋ ਸਿਹਤ ਨੂੰ ਪ੍ਰਭਾਵਤ ਨਹੀਂ ਕਰਦੀ ਹੈ।
ਪਹਿਲੀ ਬੂੰਦ ਤੋਂ ਹੀ ਸ਼ੁਰੂ ਹੋ ਜਾਂਦੈ ਖ਼ਤਰਾ
ਗੈਰ-ਸੰਚਾਰੀ ਰੋਗ ਪ੍ਰਬੰਧਨ ਲਈ ਕਾਰਜਕਾਰੀ ਯੂਨਿਟ ਦੀ ਅਗਵਾਈ ਤੇ ਅਲਕੋਹਲ ਲਈ ਖੇਤਰੀ ਸਲਾਹਕਾਰ,ਡਾ. ਕੈਰੀਨਾ ਫਰੇਰਾ ਬੋਰਗੇਸ ਨੇ ਕਿਹਾ ਕਿ ਅਸੀਂ ਅਲਕੋਹਲ ਦੀ ਵਰਤੋਂ ਦੇ ਅਖੌਤੀ ਸੁਰੱਖਿਅਤ ਪੱਧਰਾਂ ਬਾਰੇ ਗੱਲ ਨਹੀਂ ਕਰ ਸਕਦੇ। ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਤੁਸੀਂ ਕਿੰਨਾ ਪੀਂਦੇ ਹੋ। ਪੀਣ ਵਾਲੇ ਦੀ ਸਿਹਤ ਲਈ ਖ਼ਤਰਾ ਪਹਿਲੀ ਬੂੰਦ ਨਾਲ ਸ਼ੁਰੂ ਹੁੰਦਾ ਹੈ। ਇਸ ਬਾਰੇ ਅਸੀਂ ਸਿਰਫ ਇਹ ਕਹਿ ਸਕਦੇ ਹਾਂ ਕਿ ਇਹ ਨਿਸ਼ਚਤ ਹੈ ਕਿ ਤੁਸੀਂ ਜਿੰਨਾ ਜ਼ਿਆਦਾ ਪੀਂਦੇ ਹੋ, ਇਹ ਓਨਾ ਹੀ ਜ਼ਿਆਦਾ ਨੁਕਸਾਨਦੇਹ ਹੁੰਦਾ ਹੈ ਜਾਂ ਦੂਜੇ ਸ਼ਬਦਾਂ ਵਿੱਚ ਤੁਸੀਂ ਜਿੰਨਾ ਘੱਟ ਪੀਂਦੇ ਹੋ, ਓਨਾ ਹੀ ਸੁਰੱਖਿਅਤ ਹੁੰਦਾ ਹੈ। ਅਧਿਐਨ ਲਈ, ਖੋਜਕਰਤਾਵਾਂ ਨੇ 1997 ਅਤੇ 2021 ਦੇ ਵਿਚਕਾਰ ਪ੍ਰਕਾਸ਼ਿਤ ਸੱਤ ਅਧਿਐਨਾਂ ਵਿੱਚ ਸਾਰੇ ਹਿੱਸੇਦਾਰਾਂ ਦੇ ਸਿਹਤ ਡੇਟਾ ਦੀ ਸਮੀਖਿਆ ਕੀਤੀ ਅਤੇ 19,548 ਨੌਜਵਾਨਾਂ ਨੂੰ ਸ਼ਾਮਲ ਕੀਤਾ।
ਸਾਹਮਣੇ ਆਏ ਅੰਕੜੇ
ਖੋਜਾਂ ਵਿੱਚ ਪਤਾ ਲੱਗਿਆ ਕਿ, ਜੋ ਲੋਕ ਹਰ ਰੋਜ਼ ਔਸਤਨ 12 ਗ੍ਰਾਮ ਅਲਕੋਹਲ ਦਾ ਸੇਵਨ ਕਰਦੇ ਹਨ, ਉਨ੍ਹਾਂ ਦੇ ਬਲੱਡ ਪ੍ਰੈਸ਼ਰ (ਟੌਪ ਨੰਬਰ) ਵਿੱਚ 1.25 ਮਿਲੀਮੀਟਰ Hg ਦਾ ਵਾਧਾ ਹੋਇਆ ਹੈ, ਜਦੋਂ ਕਿ 48 ਗ੍ਰਾਮ ਅਲਕੋਹਲ ਦਾ ਸੇਵਨ ਕਰਨ ਵਾਲੇ ਲੋਕਾਂ ਵਿੱਚ 4.9 mm Hg ਦਾ ਵਾਧਾ ਹੋਇਆ ਹੈ। ਦੂਜੇ ਪਾਸੇ, ਜੇ ਅਸੀਂ ਬਲੱਡ ਪ੍ਰੈਸ਼ਰ ਦੇ ਹੇਠਲੇ ਸੰਖਿਆ ਦੀ ਗੱਲ ਕਰੀਏ, ਤਾਂ ਰੋਜ਼ਾਨਾ ਔਸਤਨ 12 ਗ੍ਰਾਮ ਅਲਕੋਹਲ ਦਾ ਸੇਵਨ ਕਰਨ ਵਾਲੇ ਲੋਕਾਂ ਵਿੱਚ ਡਾਇਸਟੋਲਿਕ ਬਲੱਡ ਪ੍ਰੈਸ਼ਰ 1.14 mm Hg ਵਧਿਆ, ਜਦ ਕਿ ਇਹ 3.1 ਮਿਲੀਮੀਟਰ ਵਧਿਆ। ਉਹ ਲੋਕ ਜੋ ਪ੍ਰਤੀ ਦਿਨ ਔਸਤਨ 48 ਗ੍ਰਾਮ ਅਲਕੋਹਲ ਦਾ ਸੇਵਨ ਕਰਦੇ ਹਨ।
ਸ਼ਰਾਬ ਨਿਸ਼ਚਿਤ ਤੌਰ 'ਤੇ ਵਧੇ ਹੋਏ ਬਲੱਡ ਪ੍ਰੈਸ਼ਰ ਦਾ ਇਕਮਾਤਰ ਕਾਰਨ ਨਹੀਂ ਹੈ, ਵਿਨਸੇਟੀ ਨੇ ਕਿਹਾ, ਹਾਲਾਂਕਿ, ਸਾਡੀ ਖੋਜ ਇਸ ਗੱਲ ਦੀ ਪੁਸ਼ਟੀ ਕਰਦੀ ਹੈ ਕਿ ਇਹ ਇੱਕ ਕਾਰਕ ਹੋ ਸਕਦਾ ਹੈ, ਇਸ ਲਈ ਅਲਕੋਹਲ ਦਾ ਸੇਵਨ ਸੀਮਤ ਕਰਨ ਦੀ ਸਿਫਾਰਸ਼ ਕੀਤੀ ਜਾਂਦੀ ਹੈ, ਅਤੇ ਪਰਹੇਜ਼ ਕਰਨਾ ਤਾਂ ਹੋਰ ਵੀ ਵਧੀਆ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)