![ABP Premium](https://cdn.abplive.com/imagebank/Premium-ad-Icon.png)
Sugar Disease: ਭੁੰਨ ਕੇ, ਉਬਾਲ ਕੇ ਜਾਂ ਮੈਸ਼ ਕਰਕੇ...ਕਿਤੇ ਤੁਸੀਂ ਤਾਂ ਨਹੀਂ ਗਲਤ ਢੰਗ ਨਾਲ ਖਾ ਰਹੇ ਆਲੂ, ਇਸ ਤਰੀਕੇ ਨਾਲ ਵੱਧ ਸਕਦੀ ਸ਼ੂਗਰ
Health Care News: ਹਾਂ ਅਸੀਂ ਜ਼ਿਆਦਾਤਰ ਆਲੂ ਨੂੰ ਭੁੰਨ ਕੇ, ਮੈਸ਼ ਕਰਕੇ, ਕੱਟ ਕੇ, ਤਲ ਕੇ ਜਾਂ ਉਬਾਲ ਖਾਂਦੇ ਹਾਂ। ਪਰ ਇਨ੍ਹਾਂ ਵਿੱਚੋਂ ਕੁੱਝ ਤਰੀਕੇ ਸਾਡੀ ਸਿਹਤ ਲਈ ਬਹੁਤ ਹੀ ਘਾਤਕ ਹਨ।
![Sugar Disease: ਭੁੰਨ ਕੇ, ਉਬਾਲ ਕੇ ਜਾਂ ਮੈਸ਼ ਕਰਕੇ...ਕਿਤੇ ਤੁਸੀਂ ਤਾਂ ਨਹੀਂ ਗਲਤ ਢੰਗ ਨਾਲ ਖਾ ਰਹੇ ਆਲੂ, ਇਸ ਤਰੀਕੇ ਨਾਲ ਵੱਧ ਸਕਦੀ ਸ਼ੂਗਰ Sugar Disease: By roasting, boiling or mashing, you are eating potatoes incorrectly, this way sugar can increase Sugar Disease: ਭੁੰਨ ਕੇ, ਉਬਾਲ ਕੇ ਜਾਂ ਮੈਸ਼ ਕਰਕੇ...ਕਿਤੇ ਤੁਸੀਂ ਤਾਂ ਨਹੀਂ ਗਲਤ ਢੰਗ ਨਾਲ ਖਾ ਰਹੇ ਆਲੂ, ਇਸ ਤਰੀਕੇ ਨਾਲ ਵੱਧ ਸਕਦੀ ਸ਼ੂਗਰ](https://feeds.abplive.com/onecms/images/uploaded-images/2024/01/06/e60d358772ccda5992b41fd4d6daef441704517018802700_original.jpg?impolicy=abp_cdn&imwidth=1200&height=675)
Eating potatoes incorrectly : ਆਲੂ ਨੂੰ ਸਾਡੇ ਦੇਸ਼ ਦੇ ਵਿੱਚ ਖੂਬ ਪਸੰਦ ਕੀਤਾ ਜਾਂਦਾ ਹੈ। ਜਿਸ ਕਰਕੇ ਇਹ ਭਾਰਤ ਦੀ ਲਗਭਗ ਹਰ ਰਸੋਈ ਦੇ ਵਿੱਚ ਆਮ ਪਾਇਆ ਜਾਂਦਾ ਹੈ। ਇਸ ਦੀ ਵਰਤੋਂ ਸਬਜ਼ੀਆਂ ਤੋਂ ਲੈ ਕੇ ਕਈ ਵਿਦੇਸ਼ੀ ਡਿਸ਼ਸ ਤੱਕ ਹੁੰਦੀ ਹੈ। ਆਲੂ ਦਾ ਸੁਆਦ ਹਰ ਕਿਸੇ ਨੂੰ ਪਸੰਦ ਆਉਂਦਾ ਹੈ। ਜਿਸ ਕਰਕੇ ਲੋਕ ਸਨੈਕ ਦੇ ਵਿੱਚ ਵੀ ਇਸ ਨੂੰ ਖੂਬ ਖਾਉਂਦੇ ਹਨ। ਆਲੂ ਦੇ ਚਿਪਸ (potato chips) ਜੋ ਕਿ ਹਰ ਕਿਸੇ ਦਾ ਪਸੰਦੀਦਾ ਸਨੈਕਸ ਵਿੱਚੋਂ ਇੱਕ ਹੈ। ਪਰ ਤੁਹਾਨੂੰ ਪਤਾ ਹੈ ਕਿ ਅਸੀਂ ਗਲਤ ਢੰਗ ਦੇ ਨਾਲ ਆਲੂ ਨੂੰ ਖਾ (Eating potatoes incorrectly way) ਰਹੇ ਹਾਂ ਜਿਸ ਕਰਕੇ ਸ਼ੂਗਰ ਵੱਧਣ ਦਾ ਖਤਰਾ ਬਣਿਆ ਰਹਿੰਦਾ ਹੈ। ਜੀ ਹਾਂ ਅਸੀਂ ਜ਼ਿਆਦਾਤਰ ਆਲੂ ਨੂੰ ਭੁੰਨ ਕੇ, ਮੈਸ਼ ਕਰਕੇ, ਕੱਟ ਕੇ, ਤਲ ਕੇ ਜਾਂ ਉਬਾਲ ਖਾਂਦੇ ਹਾਂ। ਪਰ ਇਨ੍ਹਾਂ ਵਿੱਚੋਂ ਕੁੱਝ ਤਰੀਕੇ ਸਾਡੀ ਸਿਹਤ ਲਈ ਬਹੁਤ ਹੀ ਘਾਤਕ ਹਨ। ਆਓ ਜਾਣਦੇ ਹਾਂ ਕਿਸ ਤਰੀਕ ਨਾਲ ਆਲੂ ਖਾਣਾ ਚਹੀਦਾ ਹੈ, ਤਾਂ ਜੋ ਸਾਡੇ ਸਰੀਰ ਉੱਤੇ ਮਾੜੇ ਪ੍ਰਭਾਵ ਨਾ ਪਵੇ।
ਅੱਜ ਦਿੱਲੀ ਦੇ ਮੰਨੇ-ਪ੍ਰਮੰਨੇ ਐਂਡੋਕਰੀਨੋਲੋਜਿਸਟ ਡਾਕਟਰ ਸੰਜੇ ਕਾਲੜਾ ਅਤੇ ਕੇਂਦਰੀ ਆਲੂ ਖੋਜ ਕੇਂਦਰ ਦੇ ਸਾਬਕਾ ਮੁਖੀ ਵਿਗਿਆਨੀ ਸ਼ੰਭੂ ਕੁਮਾਰ ਇਸ ਗੱਲ ਉੱਤੇ ਰੌਸ਼ਣੀ ਪਾਉਣਗੇ ਕਿ ਕਿਹੜੇ ਆਲੂਆਂ ਵਿੱਚ ਸ਼ੂਗਰ ਹੁੰਦੀ ਹੈ ਅਤੇ ਕਿਵੇਂ ਆਲੂਆਂ ਨੂੰ ਪਕਾਉਣ ਨਾਲ ਸਰੀਰ ਵਿੱਚ ਗਲੂਕੋਜ਼ ਦੀ ਮਾਤਰਾ ਅਚਾਨਕ ਵੱਧ ਜਾਂਦੀ ਹੈ।
ਕੀ ਉਬਲੇ ਆਲੂ ਖਾਣ ਨਾਲ ਸ਼ੂਗਰ ਵਧਦੀ ਹੈ?
ਆਮ ਤੌਰ 'ਤੇ ਘਰ 'ਚ ਆਲੂ ਉਬਾਲ ਕੇ ਚੀਜ਼ਾਂ ਬਣਾਈਆਂ ਜਾਂਦੀਆਂ ਹਨ ਪਰ ਇਹ ਤਰੀਕਾ ਸਭ ਤੋਂ ਮਾੜੇ ਤਰੀਕਿਆਂ 'ਚੋਂ ਇਕ ਹੈ। ਡਾਕਟਰ ਸੰਜੇ ਕੁਮਾਰ ਦਾ ਕਹਿਣਾ ਹੈ ਕਿ ਆਲੂ ਨੂੰ ਉਬਾਲਣ ਤੋਂ ਬਾਅਦ ਇਸ ਦਾ ਛਿਲਕਾ ਬਹੁਤ ਪਤਲਾ ਹੋ ਜਾਂਦਾ ਹੈ ਅਤੇ ਉਤਰ ਜਾਂਦਾ ਹੈ ਪਰ ਆਲੂ ਵਿੱਚ ਸ਼ੂਗਰ ਦੀ ਮਾਤਰਾ ਬਰਕਰਾਰ ਰਹਿੰਦੀ ਹੈ। ਆਲੂ ਵਿੱਚ ਲਗਭਗ 2 ਪ੍ਰਤੀਸ਼ਤ ਸ਼ੂਗਰ ਹੁੰਦੀ ਹੈ। ਇਸ ਤਰ੍ਹਾਂ ਆਲੂ ਖਾਣ ਨਾਲ ਸ਼ੂਗਰ ਵਧਦੀ ਹੈ।
ਜੇ ਤੁਸੀਂ ਇਸ ਨੂੰ ਭੁੰਨ ਕੇ ਖਾਓ ਤਾਂ ਕੀ ਹੁੰਦਾ ਹੈ?
ਡਾ: ਸੰਜੇ ਦੱਸਦੇ ਹਨ ਕਿ ਆਲੂਆਂ ਨੂੰ ਖਾਣ ਦਾ ਸਭ ਤੋਂ ਵਧੀਆ ਤਰੀਕਾ ਹੈ ਇਸ ਨੂੰ ਕੁਕਰ, ਮਾਈਕ੍ਰੋਵੇਵ ਜਾਂ ਅੱਗ 'ਤੇ ਭੁੰਨ ਕੇ ਖਾਇਆ ਜਾਵੇ। ਇਸ ਵਿੱਚ ਸ਼ੂਗਰ ਦੀ ਮਾਤਰਾ ਸਭ ਤੋਂ ਘੱਟ ਹੁੰਦੀ ਹੈ। ਵਿਗਿਆਨੀ ਡਾ: ਸ਼ੰਭੂ ਦਾ ਕਹਿਣਾ ਹੈ ਕਿ ਜਦੋਂ ਆਲੂ ਨੂੰ ਭੁੰਨਿਆ ਜਾਂਦਾ ਹੈ ਤਾਂ ਇਸ ਦੇ ਛਿਲਕੇ ਵਿਚ ਮੌਜੂਦ ਸਟਾਰਚ ਜੋ ਕਿ ਸ਼ੂਗਰ ਵਿਚ ਬਦਲ ਜਾਂਦਾ ਹੈ, ਸੜ ਜਾਂਦਾ ਹੈ ਅਤੇ ਇਸ ਦੀ ਜ਼ਿਆਦਾਤਰ ਸ਼ੂਗਰ ਨਸ਼ਟ ਹੋ ਜਾਂਦੀ ਹੈ। ਭੁੰਨੇ ਹੋਏ ਆਲੂ ਖਾਣਾ ਸਿਹਤ ਲਈ ਸਭ ਤੋਂ ਵਧੀਆ ਹੈ।
ਜਦੋਂ ਤੁਸੀਂ ਇਸ ਨੂੰ ਮੈਸ਼ ਅਤੇ ਕੱਟਦੇ ਹੋ ਤਾਂ ਕੀ ਹੁੰਦਾ ਹੈ?
ਡਾ: ਕਾਲੜਾ ਦਾ ਕਹਿਣਾ ਹੈ ਕਿ ਸਭ ਤੋਂ ਮਾੜਾ ਤਰੀਕਾ ਪਾਣੀ 'ਚ ਉਬਾਲ ਕੇ ਮੈਸ਼ ਹੋਏ ਆਲੂਆਂ ਨੂੰ ਖਾਣਾ ਹੈ। ਜਿਵੇਂ ਆਲੂ ਪਰਾਂਠੇ ਜਾਂ ਕਚੌਰੀਆਂ ਬਣਾ ਕੇ ਖਾਣਾ। ਜੇਕਰ ਆਲੂ ਨੂੰ ਮੈਸ਼ ਕੀਤਾ ਜਾਵੇ ਤਾਂ ਇਸ ਨੂੰ ਖਾਣ ਨਾਲ ਸਰੀਰ 'ਚ ਸ਼ੂਗਰ ਦੀ ਮਾਤਰਾ ਵੱਧ ਜਾਂਦੀ ਹੈ।
ਤਲੇ ਹੋਏ ਆਲੂ ਖਾਣਾ ਕਿੰਨਾ ਸੁਰੱਖਿਅਤ ਹੈ?
ਤੇਲ 'ਚ ਤਲੇ ਹੋਏ ਆਲੂ ਖਾਣਾ ਸਿਹਤ ਲਈ ਸਭ ਤੋਂ ਜ਼ਿਆਦਾ ਨੁਕਸਾਨਦੇਹ ਹੁੰਦਾ ਹੈ। ਜੇਕਰ ਨਮਕ ਅਤੇ ਤੇਲ ਨੂੰ ਜ਼ਿਆਦਾ ਮਾਤਰਾ 'ਚ ਮਿਲਾ ਦਿੱਤਾ ਜਾਵੇ ਤਾਂ ਇਹ ਸ਼ੂਗਰ, ਹਾਈ ਬੀਪੀ ਅਤੇ ਕੋਲੈਸਟ੍ਰੋਲ ਵਰਗੀਆਂ ਬਿਮਾਰੀਆਂ ਨੂੰ ਸੱਦਾ ਦੇਣ ਦੇ ਬਰਾਬਰ ਹੈ। ਜਿਵੇਂ ਚਿਪਸ, ਫਰੈਂਚ ਫਰਾਈਜ਼, ਆਲੂ ਟਿੱਕੀ ਆਦਿ।
ਇਸ ਆਲੂ ਵਿੱਚ ਸ਼ੂਗਰ ਘੱਟ ਹੁੰਦੀ ਹੈ
ਡਾਕਟਰ ਸ਼ੰਭੂ ਕੁਮਾਰ ਦਾ ਕਹਿਣਾ ਹੈ ਕਿ ਸਾਰੇ ਆਲੂਆਂ ਵਿੱਚ ਸ਼ੂਗਰ ਨਹੀਂ ਹੁੰਦੀ। ਖੇਤ ਵਾਲੇ ਤਾਜ਼ੇ ਆਲੂ ਖਾਣ ਲਈ ਸਭ ਤੋਂ ਵਧੀਆ ਹਨ। ਇਸ ਵਿੱਚ ਸ਼ੂਗਰ ਵੀ ਘੱਟ ਹੁੰਦੀ ਹੈ, ਚਾਹੇ ਉਹ ਕਿਸੇ ਵੀ ਕਿਸਮ ਦੇ ਕਿਉਂ ਨਾ ਹੋਵੇ। ਪਰ ਕੋਲਡ ਸਟੋਰੇਜ ਵਿਚ 4 ਡਿਗਰੀ ਸੈਲਸੀਅਸ ਵਿਚ ਰੱਖੇ ਆਲੂਆਂ ਵਿਚ ਮੈਟਾਬੋਲਿਜ਼ਮ ਵਿਚ ਬਦਲਾਅ ਹੋਣ ਕਾਰਨ ਸ਼ੂਗਰ ਦੀ ਮਾਤਰਾ ਵਧ ਜਾਂਦੀ ਹੈ ਅਤੇ ਇਸ ਨੂੰ ਜ਼ਿਆਦਾ ਖਾਣਾ ਸਿਹਤ ਲਈ ਘਾਤਕ ਸਾਬਿਤ ਹੁੰਦਾ ਹੈ।
Disclaimer: ਇਸ ਲੇਖ ਵਿਚ ਦੱਸੇ ਗਏ ਤਰੀਕਿਆਂ ਅਤੇ ਸੁਝਾਵਾਂ ਨੂੰ ਅਪਣਾਉਣ ਤੋਂ ਪਹਿਲਾਂ,ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)