Health Benefits of Lasoda: ਗਰਮੀਆਂ ਦਾ ਇਹ ਫਲ ਕਰਦਾ ਹੈ ਐਲਰਜੀ-BP ਸਮੇਤ ਕਈ ਬੀਮਾਰੀਆਂ ਦੂਰ
ਲਸੋਡਾ ਕੁਝ ਅਫਰੀਕੀ ਦੇਸ਼ਾਂ ਵਿੱਚ ਵੀ ਉਗਾਇਆ ਜਾਂਦਾ ਹੈ।ਇੰਡੀਅਨ ਇੰਸਟੀਚਿਊਟ ਆਫ ਹਾਰਟੀਕਲਚਰ (IIH), ਬੈਂਗਲੁਰੂ ਦੀ ਖੋਜ ਦੇ ਅਨੁਸਾਰ ਲਸੋਡਾ ਫਲ ਵਿੱਚ ਭਰਪੂਰ ਚਿਕਿਤਸਕ ਗੁਣ ਹਨ।
Health Benefits of Lasoda: ਹਰ ਮੌਸਮ ‘ਚ ਕੁਝ ਖਾਸ ਫਲ ਅਜਿਹੇ ਹੁੰਦੇ ਹਨ, ਜੋ ਸਾਲ ਭਰ ਦੇਖਣ ਨੂੰ ਨਹੀਂ ਮਿਲਦੇ। ਇਨ੍ਹਾਂ ਦੁਰਲੱਭ ਅਤੇ ਮਨਮੋਹਕ ਫਲਾਂ ਵਿੱਚੋਂ ਇੱਕ ਹੈ ਲਸੋਡਾ। ਇਹ ਇੱਕ ਫਲ ਅਤੇ ਇੱਕ ਸਬਜ਼ੀ ਦੋਨੋ ਹੈ।। ਜ਼ਿਆਦਾਤਰ ਲੋਕ ਇਸ ਤੋਂ ਅਚਾਰ ਬਣਾ ਕੇ ਸਾਲ ਭਰ ਵਰਤਦੇ ਹਨ। ਇਹ ਇੱਕ ਅਜਿਹਾ ਫਲ ਹੈ ਜਿਸ ਨੂੰ ਕਈ ਤਰੀਕਿਆਂ ਨਾਲ ਇਸਤੇਮਾਲ ਕਰ ਕੇ ਲਾਭ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।
ਲਸੋਡਾ ਦੀ ਵਰਤੋਂ
ਮਾਹਿਰਾਂ ਅਨੁਸਾਰ ਜਦੋਂ ਲਸੋਡਾ ਕੱਚਾ ਹੁੰਦਾ ਹੈ ਤਾਂ ਇਸ ਦੀ ਸਬਜ਼ੀ ਬਣ ਜਾਂਦੀ ਹੈ। ਪੱਕਣ ਤੋਂ ਬਾਅਦ ਇਹ ਮਿੱਠਾ ਹੋ ਜਾਂਦਾ ਹੈ। ਅੰਗਰੇਜ਼ੀ ਵਿੱਚ ਲਸੋਡਾ ਨੂੰ ਇੰਡੀਅਨ ਚੈਰੀ ਅਤੇ ਗਲਾਬੇਰੀ ਕਿਹਾ ਜਾਂਦਾ ਹੈ। ਖਾਸ ਗੱਲ ਇਹ ਹੈ ਕਿ ਲਸੋਡਾ ਦਾ ਫਲ ਗਰਮੀਆਂ ‘ਚ ਮਈ ਤੋਂ ਜੁਲਾਈ ਤੱਕ ਹੀ ਮਿਲਦਾ ਹੈ। ਇਹ ਇੱਕ ਦੁਰਲੱਭ ਫਲ ਮੰਨਿਆ ਜਾ ਸਕਦਾ ਹੈ, ਪਰ ਇਹ ਬਹੁਤ ਹੀ ਫਾਇਦੇਮੰਦ ਅਤੇ ਲਾਭਦਾਇਕ ਫਲ ਹੈ।
ਲਸੋਡਾ ਵਿੱਚ ਹਨ ਕਈ ਚਿਕਿਤਸਕ ਗੁਣ
ਇੰਡੀਅਨ ਇੰਸਟੀਚਿਊਟ ਆਫ ਹਾਰਟੀਕਲਚਰ (IIH), ਬੈਂਗਲੁਰੂ ਦੀ ਖੋਜ ਦੇ ਅਨੁਸਾਰ ਲਸੋਡਾ ਫਲ ਵਿੱਚ ਭਰਪੂਰ ਚਿਕਿਤਸਕ ਗੁਣ ਹਨ। ਇਹ ਫਲ ਜ਼ਿਆਦਾਤਰ ਭਾਰਤ, ਪਾਕਿਸਤਾਨ, ਸ਼੍ਰੀਲੰਕਾ, ਬੰਗਲਾਦੇਸ਼, ਮੱਧ ਪੂਰਬ ਅਤੇ ਮਿਆਂਮਾਰ ਵਿੱਚ ਪਾਇਆ ਜਾਂਦਾ ਹੈ। ਲਸੋਡਾ ਕੁਝ ਅਫਰੀਕੀ ਦੇਸ਼ਾਂ ਵਿੱਚ ਵੀ ਉਗਾਇਆ ਜਾਂਦਾ ਹੈ। ਜਦੋਂ ਲਸੋਦਾ ਨੂੰ ਚੰਗੀ ਤਰ੍ਹਾਂ ਪਕਾਇਆ ਜਾਵੇ ਤਾਂ ਇਸ ਦਾ ਸਵਾਦ ਮਿੱਠਾ ਹੋ ਜਾਂਦਾ ਹੈ। ਲਸੋਡੇ ਵਿੱਚ ਕਾਰਬੋਹਾਈਡ੍ਰੇਟ, ਪ੍ਰੋਟੀਨ, ਫੈਟ ਅਤੇ ਫਾਈਬਰ ਦੀ ਚੰਗੀ ਮਾਤਰਾ ਪਾਈ ਜਾਂਦੀ ਹੈ।
ਇਸ ਵਿੱਚ ਕੈਲਸ਼ੀਅਮ, ਫਾਸਫੋਰਸ, ਜ਼ਿੰਕ ਅਤੇ ਆਇਰਨ ਦੀ ਚੰਗੀ ਮਾਤਰਾ ਹੁੰਦੀ ਹੈ। ਇਸ ਵਿੱਚ ਪੈਕਟਿਨ ਨਾਮਕ ਇੱਕ ਬਹੁਤ ਸ਼ਕਤੀਸ਼ਾਲੀ ਐਂਟੀਆਕਸੀਡੈਂਟ ਵੀ ਹੁੰਦਾ ਹੈ। ਇਹ ਤੱਤ ਸਾਡੇ ਸਰੀਰ ਨੂੰ ਕਈ ਬਿਮਾਰੀਆਂ ਤੋਂ ਬਚਾਉਂਦਾ ਹੈ। ਪੈਕਟਿਨ ਨੂੰ ਕਈ ਤਰ੍ਹਾਂ ਦੀਆਂ ਲਾਗਾਂ ਨੂੰ ਰੋਕਣ ਲਈ ਵੀ ਪ੍ਰਭਾਵਸ਼ਾਲੀ ਮੰਨਿਆ ਜਾ ਸਕਦਾ ਹੈ।
ਕੀ ਕਹਿੰਦੀ ਹੈ ਰਿਸਰਚ
ਖੋਜ ਵਿੱਚ ਇਹ ਸਿੱਧ ਹੋਇਆ ਹੈ ਕੀ ਲਸੋਡਾ ਕਈ ਬੀਮਾਰੀਆਂ ਤੋਂ ਰਾਹਤ ਦਿਵਾਉਣ ‘ਚ ਕਾਰਗਰ ਮੰਨਿਆ ਜਾਂਦਾ ਹੈ। ਇਹ ਫਲ ਚਮੜੀ ਸੰਬੰਧੀ ਸਮੱਸਿਆਵਾਂ, ਹੈਜ਼ਾ, ਸਿਰ ਦਰਦ, ਬਲੱਡ ਪ੍ਰੈਸ਼ਰ ਆਦਿ ਸਮੇਤ ਕਈ ਸਮੱਸਿਆਵਾਂ ਤੋਂ ਛੁਟਕਾਰਾ ਦਿਵਾਉਣ ਲਈ ਰਾਮਬਾਣ ਸਾਬਤ ਹੋ ਸਕਦਾ ਹੈ। ਇਸ ਦੇ ਪੱਤਿਆਂ ਦੀ ਵਰਤੋਂ ਦਵਾਈਆਂ ਵਿੱਚ ਕੀਤੀ ਜਾਂਦੀ ਹੈ। ਮਾਹਿਰਾਂ ਮੁਤਾਬਕ ਇਹ ਫਲ ਬਦਹਜ਼ਮੀ ਅਤੇ ਹੈਜ਼ੇ ਤੋਂ ਰਾਹਤ ਦਿਵਾਉਣ ‘ਚ ਫਾਇਦੇਮੰਦ ਹੁੰਦਾ ਹੈ। ਖੋਜਾਂ ਨੇ ਦਿਖਾਇਆ ਹੈ ਕਿ ਲਸੋਡਾ ਫਲ ਵਿੱਚ ਐਂਟੀ-ਡਾਇਬੀਟਿਕ ਗੁਣ ਹੁੰਦੇ ਹਨ। ਇਸ ਫਲ ਵਿੱਚ ਐਂਟੀ-ਐਲਰਜਿਕ ਗੁਣ ਹੁੰਦੇ ਹਨ ਅਤੇ ਇਸ ਦੇ ਸੇਵਨ ਨਾਲ ਬਲੱਡ ਪ੍ਰੈਸ਼ਰ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਇਸ ਵਿਚ ਕੈਂਸਰ ਵਿਰੋਧੀ ਗੁਣ ਵੀ ਹੁੰਦੇ ਹਨ। ਕਮਜ਼ੋਰ ਹੱਡੀਆਂ ਤੋਂ ਪੀੜਤ ਲੋਕ ਜੇਕਰ ਇਸ ਫਲ ਦਾ ਸੇਵਨ ਕਰਨ ਤਾਂ ਉਨ੍ਹਾਂ ਨੂੰ ਸਿਰਫ਼ 2 ਮਹੀਨਿਆਂ ‘ਚ ਹੀ ਚਮਤਕਾਰੀ ਫਾਇਦੇ ਮਿਲ ਸਕਦੇ ਹਨ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
