Drinking 3 Cups Of Tea: ਰੋਜ਼ਾਨਾ ਤਿੰਨ ਕੱਪ ਚਾਹ ਇੰਝ ਘਟਾਏਗੀ ਬੁਢਾਪੇ ਦਾ ਡਰ, ਖੋਜ 'ਚ ਹੈਰਾਨ ਕਰਨ ਵਾਲਾ ਖੁਲਾਸਾ
Slow Down Ageing: ਰੋਜ਼ਾਨਾ ਤਿੰਨ ਕੱਪ ਚਾਹ ਦੇ ਸੇਵਨ ਨਾਲ ਬੁਢਾਪੇ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਜੀ ਹਾਂ ਇਹ ਅਸੀਂ ਨਹੀਂ ਸਗੋਂ ਹਾਲ ਵਿੱਚ ਹੋਈ ਇੱਕ ਖੋਜ ਕਹਿ ਰਹੀ ਹੈ। ਆਓ ਜਾਂਦੇ ਹਾਂ ਇਸ ਬਾਰੇ ਵਿਸਥਾਰ ਦੇ ਵਿੱਚ...
Drinking 3 Cups Of Tea: ਚਾਹ ਨਾ ਸਿਰਫ਼ ਸਵਾਦ ਨੂੰ ਵਧਾਉਂਦੀ ਹੈ ਬਲਕਿ ਤੁਹਾਡੀ ਉਮਰ ਵੀ ਵਧਾ ਸਕਦੀ ਹੈ। ਹਾਲ ਹੀ 'ਚ ਹੋਈ ਇਕ ਖੋਜ ਨੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ ਕਿ ਰੋਜ਼ਾਨਾ ਤਿੰਨ ਕੱਪ ਚਾਹ ਪੀਣ ਨਾਲ ਜੈਵਿਕ ਉਮਰ ਘੱਟ ਹੋ ਸਕਦੀ ਹੈ। ਚੀਨੀ ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਚਾਹ ਵਿੱਚ ਪਾਏ ਜਾਣ ਵਾਲੇ ਕੁੱਝ ਸ਼ਕਤੀਸ਼ਾਲੀ ਤੱਤ ਤੁਹਾਨੂੰ ਲੰਬੇ ਸਮੇਂ ਤੱਕ ਜਵਾਨ ਰੱਖਣ ਵਿੱਚ ਮਦਦ ਕਰ ਸਕਦੇ ਹਨ।
ਹੁਣ ਤੱਕ, ਕਈ ਖੋਜਾਂ ਨੇ ਦਿਖਾਇਆ ਹੈ ਕਿ ਕਾਲੀ ਚਾਹ ਵਿੱਚ ਅਜਿਹੇ ਤੱਤ ਹੁੰਦੇ ਹਨ ਜੋ ਦਿਲ, ਅੰਤੜੀਆਂ ਅਤੇ ਦਿਮਾਗ ਦੀ ਸਿਹਤ ਲਈ ਫਾਇਦੇਮੰਦ ਹੁੰਦੇ ਹਨ। ਜਾਨਵਰਾਂ 'ਤੇ ਕੀਤੇ ਗਏ ਅਧਿਐਨਾਂ ਨੇ ਇਹ ਵੀ ਦਿਖਾਇਆ ਹੈ ਕਿ ਚਾਹ ਵਿੱਚ ਪਾਏ ਜਾਣ ਵਾਲੇ ਫਲੇਵੋਨੋਇਡ ਨਾਮਕ ਮਿਸ਼ਰਣ ਕੀੜੇ-ਮਕੌੜਿਆਂ ਅਤੇ ਚੂਹਿਆਂ ਦੀ ਉਮਰ ਵਧਾਉਣ ਵਿੱਚ ਮਦਦ ਕਰ ਸਕਦੇ ਹਨ।
ਖੋਜ
ਚੇਂਗਦੂ, ਚੀਨ ਦੀ ਸਿਚੁਆਨ ਯੂਨੀਵਰਸਿਟੀ ਦੇ ਮਾਹਿਰਾਂ ਨੇ 5,998 ਬ੍ਰਿਟਿਸ਼ ਲੋਕਾਂ, ਜਿਨ੍ਹਾਂ ਦੀ ਉਮਰ 37 ਤੋਂ 73 ਸਾਲ ਦੇ ਵਿਚਕਾਰ ਸੀ ਅਤੇ 7,931 ਚੀਨੀ ਲੋਕਾਂ ਜਿਨ੍ਹਾਂ ਦੀ ਉਮਰ 30 ਤੋਂ 79 ਸਾਲ ਸੀ, ਦੇ ਅੰਕੜਿਆਂ ਦਾ ਵਿਸ਼ਲੇਸ਼ਣ ਕੀਤਾ। ਜਿਸ ਵਿੱਚ ਉਹਨਾਂ ਲੋਕਾਂ ਤੋਂ ਉਨ੍ਹਾਂ ਦੀ ਚਾਹ ਪੀਣ ਦੀਆਂ ਆਦਤਾਂ ਬਾਰੇ ਪੁੱਛਿਆ ਗਿਆ, ਜਿਵੇਂ ਕਿ ਉਹ ਕਿਸ ਕਿਸਮ ਦੀ ਚਾਹ ਪੀਂਦੇ ਹਨ (ਜਿਵੇਂ ਕਿ ਹਰੀ, ਕਾਲੀ, ਪੀਲੀ ਜਾਂ ਓਲੋਂਗ) ਅਤੇ ਉਹ ਕਿੰਨੇ ਕੱਪ ਪੀਂਦੇ ਹਨ। ਟੀਮ ਨੇ ਫਿਰ ਭਾਗੀਦਾਰਾਂ ਦੀ ਜੀਵ-ਵਿਗਿਆਨਕ ਉਮਰ ਦੇ ਲੱਛਣਾਂ ਜਿਵੇਂ ਕਿ ਬਲੱਡ ਪ੍ਰੈਸ਼ਰ, ਕੋਲੈਸਟ੍ਰੋਲ ਅਤੇ ਸਰੀਰ ਦੀ ਚਰਬੀ ਦੀ ਪ੍ਰਤੀਸ਼ਤਤਾ ਦੀ ਤੁਲਨਾ ਕਰਕੇ ਉਹਨਾਂ ਦੀ ਜੈਵਿਕ ਉਮਰ ਦੀ ਗਣਨਾ ਕੀਤੀ।
ਖੋਜ ਦੇ ਨਤੀਜੇ?
ਖੋਜਕਰਤਾਵਾਂ ਨੇ ਪਾਇਆ ਕਿ ਚਾਹ ਪੀਣ ਵਾਲਿਆਂ ਨੇ ਹੌਲੀ ਜੈਵਿਕ ਬੁਢਾਪੇ ਦੇ ਸੰਕੇਤ ਦਿਖਾਏ। ਅਜਿਹੇ ਭਾਗੀਦਾਰਾਂ ਵਿੱਚ ਮਰਦ ਹੋਣ, ਅਲਕੋਹਲ ਦਾ ਸੇਵਨ ਕਰਨ ਅਤੇ ਸਿਹਤਮੰਦ ਖੁਰਾਕ ਲੈਣ ਦੀ ਸੰਭਾਵਨਾ ਵੱਧ ਸੀ। ਉਹਨਾਂ ਨੂੰ ਇਨਸੌਮਨੀਆ ਅਤੇ ਚਿੰਤਾ ਦੇ ਲੱਛਣਾਂ ਦਾ ਅਨੁਭਵ ਕਰਨ ਦੀ ਸੰਭਾਵਨਾ ਵੀ ਘੱਟ ਸੀ।
ਤਿੰਨ ਕੱਪ ਚਾਹ ਐਂਟੀ-ਏਜਿੰਗ ਲਈ ਫਾਇਦੇਮੰਦ
ਦਿ ਲੈਂਸੇਟ ਰੀਜਨਲ ਹੈਲਥ - ਵੈਸਟਰਨ ਪੈਸੀਫਿਕ ਜਰਨਲ ਵਿੱਚ ਲਿਖਦੇ ਹੋਏ, ਵਿਗਿਆਨੀਆਂ ਨੇ ਕਿਹਾ ਕਿ exposure response relationship ਸੁਝਾਅ ਦਿੰਦਾ ਹੈ ਕਿ ਰੋਜ਼ਾਨਾ ਲਗਭਗ ਤਿੰਨ ਕੱਪ ਚਾਹ ਜਾਂ ਛੇ ਤੋਂ ਅੱਠ ਗ੍ਰਾਮ ਚਾਹ ਪੱਤੀਆਂ ਦਾ ਸੇਵਨ ਸਭ ਤੋਂ ਵੱਧ ਉਮਰ ਵਿਰੋਧੀ ਲਾਭ ਪ੍ਰਦਾਨ ਕਰ ਸਕਦਾ ਹੈ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਦਰਮਿਆਨੀ ਚਾਹ ਦਾ ਸੇਵਨ ਨਿਯਮਤ ਚਾਹ ਪੀਣ ਵਾਲਿਆਂ ਵਿੱਚ ਬੁਢਾਪੇ ਦੇ ਸਭ ਤੋਂ ਮਜ਼ਬੂਤ ਲਾਭ ਦਰਸਾਉਂਦਾ ਹੈ। ਜਿਨ੍ਹਾਂ ਲੋਕਾਂ ਨੇ ਚਾਹ ਪੀਣਾ ਬੰਦ ਕਰ ਦਿੱਤਾ ਉਨ੍ਹਾਂ ਦੀ ਜੈਵਿਕ ਉਮਰ ਵਿੱਚ ਤੇਜ਼ੀ ਨਾਲ ਵਾਧਾ ਦੇਖਿਆ ਗਿਆ।
ਵਿਗਿਆਨੀਆਂ ਨੇ ਅੱਗੇ ਕਿਹਾ ਕਿ ਪੋਲੀਫੇਨੌਲ (ਜੋ ਚਾਹ ਵਿੱਚ ਮੁੱਖ ਬਾਇਓ-ਐਕਟਿਵ ਪਦਾਰਥ ਹਨ) ਅੰਤੜੀਆਂ ਦੇ ਮਾਈਕ੍ਰੋਬਾਇਓਟਾ ਨੂੰ ਨਿਯੰਤ੍ਰਿਤ ਕਰਨ ਲਈ ਜਾਣੇ ਜਾਂਦੇ ਹਨ, ਜੋ ਪ੍ਰਤੀਰੋਧਕਤਾ, ਮੇਟਾਬੋਲਿਜ਼ਮ ਅਤੇ ਬੋਧਾਤਮਕ ਫੰਕਸ਼ਨ ਵਿੱਚ ਉਮਰ-ਸਬੰਧਤ ਤਬਦੀਲੀਆਂ ਨੂੰ ਨਿਯੰਤਰਿਤ ਕਰਨ 'ਤੇ ਮਹੱਤਵਪੂਰਣ ਪ੍ਰਭਾਵ ਪਾ ਸਕਦੇ ਹਨ। ਹਾਲਾਂਕਿ ਖੋਜਕਰਤਾਵਾਂ ਨੇ ਇਹ ਜਾਂਚ ਨਹੀਂ ਕੀਤੀ ਕਿ ਕੀ ਕੁੱਝ ਕਿਸਮ ਦੀਆਂ ਚਾਹਾਂ ਨੇ ਜੈਵਿਕ ਉਮਰ ਨੂੰ ਪ੍ਰਭਾਵਤ ਕੀਤਾ ਹੈ, ਉਹਨਾਂ ਨੂੰ ਬ੍ਰਿਟੇਨ ਅਤੇ ਚੀਨ ਵਿੱਚ ਚਾਹ ਪੀਣ ਵਾਲਿਆਂ ਵਿੱਚ ਕੋਈ 'ਮਹੱਤਵਪੂਰਨ ਅੰਤਰ' ਨਹੀਂ ਮਿਲਿਆ, ਜਿੱਥੇ ਕ੍ਰਮਵਾਰ ਕਾਲੀ ਚਾਹ ਅਤੇ ਹਰੀ ਚਾਹ ਸਭ ਤੋਂ ਆਮ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
