ਖੂਬਸੂਰਤ ਦਿੱਸਣ ਦੇ ਚੱਕਰ 'ਚ ਕਿਤੇ ਕਰਵਾ ਨਾ ਬੈਠਿਓ ਨੁਕਸਾਨ, ਔਰਤਾਂ ਨੂੰ ਮੇਕਅੱਪ ਦੀਆਂ ਗਲਤੀਆਂ ਪੈ ਸਕਦੀਆਂ ਭਾਰੀ
ਚਾਹੇ ਕਿਤੇ ਬਾਹਰ ਜਾਣਾ ਹੋਵੇ ਜਾਂ ਪਾਰਟੀ ਵਿੱਚ ਸ਼ਾਮਲ ਹੋਣਾ ਹੋਵੇ, ਔਰਤਾਂ ਲਈ ਮੇਕਅੱਪ ਜ਼ਰੂਰੀ ਹੋ ਜਾਂਦਾ ਹੈ।
Makeup Tips: ਚਿਹਰੇ ਨੂੰ ਖੂਬਸੂਰਤ ਬਣਾਉਣ ਲਈ ਕਈ ਗੱਲਾਂ ਦਾ ਧਿਆਨ ਰੱਖਣਾ ਪੈਂਦਾ ਹੈ। ਚਮਕਦਾਰ ਤੇ ਨਿੱਖਰੀ ਸਕਿੱਨ ਲਈ ਘਰੇਲੂ ਨੁਸਖਿਆਂ ਤੋਂ ਲੈ ਕੇ ਮਹਿੰਗੇ ਸਕਿਨ ਕੇਅਰ ਪ੍ਰੋਡਕਟਸ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਚਾਹੇ ਕਿਤੇ ਬਾਹਰ ਜਾਣਾ ਹੋਵੇ ਜਾਂ ਪਾਰਟੀ ਵਿੱਚ ਸ਼ਾਮਲ ਹੋਣਾ ਹੋਵੇ, ਔਰਤਾਂ ਲਈ ਮੇਕਅੱਪ ਜ਼ਰੂਰੀ ਹੋ ਜਾਂਦਾ ਹੈ।
ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਮੇਕਅੱਪ ਨਾਲ ਚਮੜੀ ਸੁੰਦਰ ਬਣ ਜਾਂਦੀ ਹੈ ਤੇ ਆਤਮ-ਵਿਸ਼ਵਾਸ ਵੀ ਵਧਦਾ ਹੈ। ਹਾਲਾਂਕਿ ਜੇਕਰ ਮੇਕਅੱਪ ਠੀਕ ਤਰ੍ਹਾਂ ਨਾਲ ਨਹੀਂ ਕੀਤਾ ਜਾਂਦਾ ਤਾਂ ਚਮੜੀ ਨਾਲ ਜੁੜੀਆਂ ਕਈ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਦਰਅਸਲ, ਮੇਕਅਪ ਵਿੱਚ ਵਰਤੇ ਜਾਣ ਵਾਲੇ ਹਾਨੀਕਾਰਕ ਕੈਮੀਕਲ ਚਮੜੀ 'ਤੇ ਮਾੜੇ ਪ੍ਰਭਾਵ ਛੱਡ ਸਕਦੇ ਹਨ। ਇਸ ਲਈ ਮੇਕਅੱਪ ਦੌਰਾਨ ਕਦੇ ਵੀ ਇਹ 5 ਗਲਤੀਆਂ ਨਾ ਕਰੋ...
ਗੰਦੇ ਮੇਕਅਪ ਬੁਰਸ਼ ਦੀ ਵਰਤੋਂ
ਮੇਕਅੱਪ ਕਰਨ ਤੋਂ ਬਾਅਦ ਜੇਕਰ ਮੇਕਅੱਪ ਬੁਰਸ਼ ਤੇ ਸਪੰਜ ਨੂੰ ਚੰਗੀ ਤਰ੍ਹਾਂ ਨਾਲ ਸਾਫ਼ ਨਾ ਕੀਤਾ ਜਾਵੇ ਤਾਂ ਚਮੜੀ ਦੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਨ੍ਹਾਂ ਉਤਪਾਦਾਂ ਦੀ ਲੰਬੇ ਸਮੇਂ ਤੱਕ ਵਰਤੋਂ ਕਰਨ ਨਾਲ ਕੀਟਾਣੂ ਵਧਣ ਲੱਗਦੇ ਹਨ, ਜੋ ਚਮੜੀ ਦੇ ਸੈੱਲਾਂ ਤੱਕ ਪਹੁੰਚ ਜਾਂਦੇ ਹਨ ਤੇ ਇਨਫੈਕਸ਼ਨ ਦਾ ਕਾਰਨ ਬਣ ਸਕਦੇ ਹਨ। ਇਸ ਲਈ ਜਦੋਂ ਵੀ ਤੁਸੀਂ ਮੇਕਅੱਪ ਬੁਰਸ਼ ਤੇ ਸਪੰਜ ਦੀ ਵਰਤੋਂ ਕਰਦੇ ਹੋ, ਉਨ੍ਹਾਂ ਨੂੰ ਧੋਵੋ।
ਚਮੜੀ ਨੂੰ ਮੋਇਸਚਰਾਈਜ਼ ਨਾ ਕਰਨਾ
ਮੇਕਅੱਪ ਤੋਂ ਪਹਿਲਾਂ ਚਮੜੀ ਨੂੰ ਮੋਇਸਚਰਾਈਜ਼ ਕਰਨਾ ਚਾਹੀਦੀ ਹੈ। ਇਸ ਕਾਰਨ ਚਿਹਰੇ 'ਤੇ ਮੇਕਅੱਪ ਲੰਬੇ ਸਮੇਂ ਤੱਕ ਬਣਿਆ ਰਹਿੰਦਾ ਹੈ। ਮੋਇਸਚਰਾਈਜ਼ਿੰਗ ਚਮੜੀ 'ਤੇ ਇੱਕ ਪਰਤ ਬਣਾਉਂਦੀ ਹੈ, ਜਿਸ ਕਾਰਨ ਮੇਕਅੱਪ ਉਤਪਾਦ ਚਮੜੀ ਨੂੰ ਨੁਕਸਾਨ ਨਹੀਂ ਪਹੁੰਚਾਉਂਦੇ ਪਰ ਜੇਕਰ ਮੇਕਅੱਪ ਤੋਂ ਪਹਿਲਾਂ ਚਮੜੀ ਨੂੰ ਮੋਇਸਚਰਾਈਜ਼ਨਾ ਨਾ ਕੀਤਾ ਜਾਵੇ ਤਾਂ ਇਸ ਨਾਲ ਚਮੜੀ ਦੀਆਂ ਕਈ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਮੇਕਅਪ ਰਿਮੂਵ ਨਾ ਕਰਨਾ
ਕਈ ਵਾਰ ਮੇਕਅੱਪ ਹਟਾਉਣ ਲਈ ਸਿੱਧੇ ਫੇਸ ਵਾਸ਼ ਦੀ ਵਰਤੋਂ ਕਰਨਾ ਗਲਤ ਹੈ। ਇਸ ਕਾਰਨ ਮੇਕਅੱਪ ਉਤਪਾਦ ਚਮੜੀ 'ਤੇ ਬਣਿਆ ਰਹਿੰਦਾ ਹੈ ਤੇ ਨੁਕਸਾਨ ਪਹੁੰਚਾ ਸਕਦਾ ਹੈ। ਇਸ ਲਈ ਮੇਕਅੱਪ ਨੂੰ ਸਹੀ ਢੰਗ ਨਾਲ ਉਤਾਰਨਾ ਚਾਹੀਦਾ ਹੈ। ਇਸ ਲਈ ਰਿਮੂਵਰ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਤੁਸੀਂ ਤੇਲਯੁਕਤ ਮਾਇਸਚਰਾਈਜ਼ਰ ਲਗਾ ਕੇ ਵੀ ਮੇਕਅੱਪ ਹਟਾ ਸਕਦੇ ਹੋ। ਇਸ ਤੋਂ ਬਾਅਦ ਹੀ ਆਪਣਾ ਚਿਹਰਾ ਧੋਵੋ, ਤਾਂ ਕਿ ਮੇਕਅੱਪ ਚਮੜੀ ਦੀ ਡੂੰਘਾਈ ਤੱਕ ਸਾਫ਼ ਹੋ ਜਾਵੇ।
ਹੈਵੀ ਫਾਊਂਡੇਸ਼ਨ ਦੀ ਵਰਤੋਂ
ਅੱਜ-ਕੱਲ੍ਹ ਕਈ ਕੰਮ ਵਾਲੀਆਂ ਥਾਵਾਂ 'ਤੇ ਮੇਕਅੱਪ ਦੀ ਲੋੜ ਹੁੰਦੀ ਹੈ। ਅਜਿਹੀ ਸਥਿਤੀ ਵਿੱਚ ਜੇਕਰ ਤੁਸੀਂ ਰੋਜ਼ਾਨਾ ਹੈਵੀ ਫਾਊਂਡੇਸ਼ਨ ਦੀ ਵਰਤੋਂ ਕਰਦੇ ਹੋ, ਤਾਂ ਇਸ ਨਾਲ ਚਮੜੀ ਦੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ ਤੇ ਕਈ ਮਾੜੇ ਪ੍ਰਭਾਵ ਵੀ ਹੋ ਸਕਦੇ ਹਨ।
ਸੌਣ ਤੋਂ ਪਹਿਲਾਂ ਮੇਕਅੱਪ ਨਾ ਹਟਾਉਣਾ
ਰਾਤ ਨੂੰ ਚਮੜੀ ਨੂੰ ਠੀਕ ਹੋਣ ਦਾ ਸਮਾਂ ਮਿਲਦਾ ਹੈ। ਇਸ ਦੌਰਾਨ ਚਮੜੀ ਕਿਸੇ ਵੀ ਚੀਜ਼ ਨੂੰ ਡੂੰਘਾਈ ਨਾਲ ਸੋਖ ਲੈਂਦੀ ਹੈ। ਜੇਕਰ ਤੁਹਾਡੇ ਚਿਹਰੇ 'ਤੇ ਮੇਕਅਪ ਲਗਾਇਆ ਜਾਂਦਾ ਹੈ ਤਾਂ ਇਸ ਨਾਲ ਚਮੜੀ ਦੀ ਐਲਰਜੀ, ਚਮੜੀ ਦਾ ਨੀਰਸਪਨ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਲਈ ਕਦੇ ਵੀ ਸੌਣ ਤੋਂ ਪਹਿਲਾਂ ਮੇਕਅੱਪ ਉਤਾਰਨਾ ਨਾ ਭੁੱਲੋ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
