ਅਦਾਕਾਰ ਦੀ ਪਤਨੀ ਨੇ ਦੱਸਿਆ ਪਤਲੇ ਹੋਣ ਦਾ ਰਾਜ਼, ਬਿਨਾਂ 'ਫੈਂਸੀ ਡਾਈਟ' ਦੇ ਘਟਾਇਆ 60 ਕਿਲੋ ਭਾਰ  

ਬਹੁਤ ਸਾਰੇ ਲੋਕਾਂ ਦਾ ਭਾਰ ਘਟਾਉਣ ਦਾ ਟੀਚਾ ਹੁੰਦਾ ਹੈ ਤੇ ਆਪਣੇ ਉਦੇਸ਼ ਨੂੰ ਪੂਰਾ ਕਰਨ ਲਈ ਬਹੁਤ ਸਾਰੇ ਤਰੀਕਿਆਂ ਨੂੰ ਅਪਣਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਪਰ ਇਹ ਸਮਝਣਾ ਮਹੱਤਵਪੂਰਣ ਹੈ ਕਿ ਰਾਤੋ ਰਾਤ ਭਾਰ ਘੱਟ ਨਹੀਂ ਹੁੰਦਾ। ਇਹ ਇਕ ਯਾਤਰਾ ਹੈ ਜਿਸ 'ਚ ਸਮਰਪਣ, ਸਖਤ ਮਿਹਨਤ ਅਤੇ ਬਹੁਤ ਸਬਰ ਦੀ ਲੋੜ ਹੈ। ਕਲੀਨਿਕਲ ਨਿਊਟ੍ਰੀਸ਼ਨਿਸਟ ਰਿਆ ਬੈਨਰਜੀ ਅੰਕੋਲਾ ਨੇ ਇੰਸਟਾਗ੍ਰਾਮ 'ਤੇ ਆਪਣੀ ਫਿਟਨੈਸ ਯਾਤਰਾ ਬਾਰੇ ਪੋਸਟ ਕੀਤਾ ਹੈ ਤਾਂ ਜੋ ਉਹ ਅਜਿਹਾ ਕਰਨ ਦਾ ਸਹੀ ਤਰੀਕਾ ਦੱਸ ਸਕੇ।

ria

ਬਹੁਤ ਸਾਰੇ ਲੋਕਾਂ ਦਾ ਭਾਰ ਘਟਾਉਣ ਦਾ ਟੀਚਾ ਹੁੰਦਾ ਹੈ ਤੇ ਆਪਣੇ ਉਦੇਸ਼ ਨੂੰ ਪੂਰਾ ਕਰਨ ਲਈ ਬਹੁਤ ਸਾਰੇ ਤਰੀਕਿਆਂ ਨੂੰ ਅਪਣਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਪਰ ਇਹ ਸਮਝਣਾ ਮਹੱਤਵਪੂਰਣ ਹੈ ਕਿ ਰਾਤੋ ਰਾਤ ਭਾਰ ਘੱਟ ਨਹੀਂ ਹੁੰਦਾ। ਇਹ ਇਕ ਯਾਤਰਾ ਹੈ ਜਿਸ 'ਚ ਸਮਰਪਣ, ਸਖਤ ਮਿਹਨਤ ਅਤੇ ਬਹੁਤ ਸਬਰ ਦੀ ਲੋੜ ਹੈ। ਕਲੀਨਿਕਲ ਨਿਊਟ੍ਰੀਸ਼ਨਿਸਟ ਰਿਆ ਬੈਨਰਜੀ ਅੰਕੋਲਾ ਨੇ ਇੰਸਟਾਗ੍ਰਾਮ 'ਤੇ ਆਪਣੀ ਫਿਟਨੈਸ ਯਾਤਰਾ ਬਾਰੇ ਪੋਸਟ ਕੀਤਾ ਹੈ ਤਾਂ ਜੋ ਉਹ ਅਜਿਹਾ ਕਰਨ ਦਾ ਸਹੀ ਤਰੀਕਾ ਦੱਸ ਸਕੇ।

 

ਅਦਾਕਾਰ ਸਲੀਲ ਅੰਕੋਲਾ ਦੀ ਪਤਨੀ ਰਿਆ ਨੇ ਦੱਸਿਆ ਕਿ ਕਿਵੇਂ ਉਸ ਨੇ ਬਿਨਾਂ ਕਿਸੇ ‘ਫੈਂਸੀ ਡਾਈਟ’ ਦੇ ਚਾਰ ਸਾਲਾਂ ਵਿੱਚ 60 ਕਿਲੋਗ੍ਰਾਮ ਭਾਰ ਘਟਾ ਦਿੱਤਾ। 42 ਸਾਲਾ ਨਿਊਟ੍ਰੀਸ਼ਨਿਸਟ ਨੇ ਲਿਖਿਆ, "ਅਤੇ ਤੁਸੀਂ ਇਸ 'ਤੇ ਵਿਸ਼ਵਾਸ ਨਹੀਂ ਕਰੋਗੇ, ਮੈਨੂੰ ਅਜਿਹਾ ਕਰਨ ਲਈ ਕਿਸੇ ਵੀ ਫੈਂਸੀ ਡਾਈਟ ਦੀ ਜ਼ਰੂਰਤ ਨਹੀਂ ਪਈ।"

 

 

"ਮੈਂ ਬਹੁਤ ਜ਼ਿਆਦਾ ਕੈਫੀਨ ਵਰਤਣ ਤੋਂ ਪਰਹੇਜ਼ ਕੀਤਾ (ਇਸ ਦੀ ਬਜਾਏ ਬਹੁਤ ਸਾਰਾ ਪਾਣੀ ਪੀਤਾ)"

"ਮੈਂ ਗੈਰ-ਸਿਹਤਮੰਦ ਭੋਜਨ ਨੂੰ ਨਜ਼ਰਅੰਦਾਜ਼ ਕੀਤਾ (ਮੈਂ ਹਮੇਸ਼ਾਂ ਆਪਣੇ ਸਰੀਰ ਦੀ ਜ਼ਰੂਰਤ ਨੂੰ ਸੁਣਦੀ ਰਹੀ)"

"ਮੈਂ ਕਈ ਤਰ੍ਹਾਂ ਦੀਆਂ ਵਰਕਆਊਟ ਦੀਆਂ ਕਿਸਮਾਂ ਜਿਵੇਂ ਜਾਗਿੰਗ ਜਾਂ ਤੇਜ਼ ਵਾਕਿੰਗ ਦਾ ਆਨੰਦ ਲਿਆ ਜੋ ਵੀ ਮੈਨੂੰ ਹਲਕਾ ਫੁਲਕਾ ਲੱਗਿਆ।"

 

ਉਨ੍ਹਾਂ ਕਿਹਾ, "ਪੂਰੀ ਤਰ੍ਹਾਂ ਚੀਨੀ ਨੂੰ ਵੀ ਨਜ਼ਰਅੰਦਾਜ਼ ਕਰ ਦਿੱਤਾ।" ਰਿਆ ਨੇ ਸਪੱਸ਼ਟ ਕੀਤਾ, "ਇੱਥੇ ਬਹੁਤ ਸਾਰੇ ਆਰਗੈਨਿਕ ਨਮਕ ਉਪਲਬਧ ਹਨ। ਉਨ੍ਹਾਂ ਨੂੰ ਅਜ਼ਮਾਓ ਕਿਉਂਕਿ ਉਹ ਸਵਾਦ 'ਚ ਬਰਾਬਰ ਹਨ। ਮੈਂ ਆਪਣੇ ਭੋਜਨ ਵਿੱਚ ਵਾਧੂ ਨਮਕ ਪਾਉਣਾ ਬੰਦ ਕਰ ਦਿੱਤਾ।" ਉਸ ਨੇ ਇਹ ਵੀ ਕਿਹਾ ਕਿ ਭਾਰ ਘਟਾਉਣ ਦੀ ਪ੍ਰਕਿਰਿਆ ਹੌਲੀ ਹੈ ਅਤੇ ਕਿਸੇ ਨੂੰ ਵੀ 'ਹਤਾਸ਼' ਨਹੀਂ ਹੋਣਾ ਚਾਹੀਦਾ।

 

 

ਉਸਨੇ ਲਿਖਿਆ, "ਮੈਂ ਆਪਣੇ ਗੋਲ ਤੋਂ ਭਟਕਣ ਤੋਂ ਬਚਦੀ ਰਹੀ ਅਤੇ ਆਪਣੇ ਸਰੀਰ ਨੂੰ ਕਾਫ਼ੀ ਸਮਾਂ ਦਿੱਤਾ (ਇੱਕ ਸਮਾਂ ਸੀ ਜਦੋਂ ਮੈਂ ਇੱਕ ਮਹੀਨੇ ਵਿੱਚ ਸਿਰਫ 2 ਕਿਲੋ ਘਟਾਇਆ ਸੀ ਅਤੇ ਮੈਂ ਇਸ ਨਾਲ ਠੀਕ ਸੀ)।" ਉਸ ਨੇ ਇਹ ਵੀ ਜ਼ੋਰ ਦਿੱਤਾ ਕਿ ਉਸ ਨੇ ਆਪਣੇ ਆਪ ਨੂੰ ਪਰਿਵਾਰਕ 'ਸਮਾਜਿਕ ਇਕੱਠ' ਤੋਂ ਵੱਖ ਨਹੀਂ ਕੀਤਾ। ਉਸ ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਲਿਖੀ, "ਮੈਂ ਆਪਣੇ ਆਪ ਨੂੰ ਸਮਾਜਿਕ ਇਕੱਠਾਂ ਅਤੇ ਪਰਿਵਾਰ ਨਾਲ ਖਾਣਾ ਖਾਣ ਤੋਂ ਵੱਖ ਨਹੀਂ ਕੀਤਾ (ਪਰ ਰਾਤ ਦੇ ਖਾਣੇ ਲਈ ਟੇਬਲ ਦੀ ਚੋਣ ਕੀਤੀ)।"