ਘਰ 'ਚ ਹੀ ਬਣਾਓ ਪਰਫੈਕਟ ਢਾਬਾ ਸਟਾਈਲ ਆਲੂ ਪਾਲਕ, ਖਾਣ ਤੋਂ ਬਾਅਦ ਸਭ ਕਰਨਗੇ ਤਾਰੀਫ
ਸਰਦੀਆਂ ਦੇ ਮੌਸਮ ਦੇ ਵਿੱਚ ਬਾਜ਼ਾਰਾਂ ਦੇ ਵਿੱਚ ਹਰੀਆਂ ਸਬਜ਼ੀਆਂ ਖੂਬ ਆਉਂਦੀਆਂ ਹਨ। ਡਾਕਟਰ ਵੀ ਚੰਗੀ ਸਿਹਤ ਦੇ ਲਈ ਹਰੀਆਂ ਸਬਜ਼ੀਆਂ ਖਾਣ ਲਈ ਕਹਿੰਦੇ ਹਨ। ਅੱਜ ਤੁਹਾਨੂੰ ਢਾਬਾ ਸਟਾਈਲ ਆਲੂ ਪਾਲਕ ਬਣਾਉਣ ਦਾ ਤਰੀਕਾ ਦੱਸ ਰਹੇ ਹਾਂ।
Dhaba Style Aloo Palak: ਸਰਦੀਆਂ ਦੇ ਮੌਸਮ ਦੇ ਵਿੱਚ ਬਾਜ਼ਾਰਾਂ ਦੇ ਵਿੱਚ ਹਰੀਆਂ ਸਬਜ਼ੀਆਂ ਖੂਬ ਆਉਂਦੀਆਂ ਹਨ। ਡਾਕਟਰ ਵੀ ਚੰਗੀ ਸਿਹਤ ਦੇ ਲਈ ਹਰੀਆਂ ਸਬਜ਼ੀਆਂ ਖਾਣ ਲਈ ਕਹਿੰਦੇ ਹਨ। ਅੱਜ ਤੁਹਾਨੂੰ ਢਾਬਾ ਸਟਾਈਲ ਆਲੂ ਪਾਲਕ ਬਣਾਉਣ ਦਾ ਤਰੀਕਾ ਦੱਸ ਰਹੇ ਹਾਂ। ਇਸ ਨੂੰ ਬਣਾਉਣ ਲਈ ਤੁਹਾਨੂੰ ਬਹੁਤ ਸਾਰੀਆਂ ਚੀਜ਼ਾਂ ਦੀ ਜ਼ਰੂਰਤ ਨਹੀਂ ਹੈ, ਸਗੋਂ ਤੁਸੀਂ ਇਸ ਸਬਜ਼ੀ ਨੂੰ ਘਰ 'ਚ ਮੌਜੂਦ ਚੀਜ਼ਾਂ ਨਾਲ ਤਿਆਰ ਕਰ ਸਕਦੇ ਹੋ।
ਹੋਰ ਪੜ੍ਹੋ : 31 ਦਿਨਾਂ ਤੱਕ ਬਾਥੂ ਦਾ ਪਾਣੀ ਪੀਣ ਨਾਲ ਸਰੀਰ ਨੂੰ ਮਿਲਣਗੇ ਕਈ ਫਾਇਦੇ! ਜਾਣੋ ਤਿਆਰ ਕਰਨ ਦਾ ਸਹੀ ਤਰੀਕਾ
ਢਾਬਾ ਸਟਾਈਲ ਆਲੂ ਪਾਲਕ ਕਿਵੇਂ ਬਣਾਈਏ-
ਪਾਲਕ ਦੀ ਇੱਕ ਗੁੱਛੀ
ਸਰ੍ਹੋਂ ਦਾ ਤੇਲ 3 ਚਮਚ
ਆਲੂ 3 ਦਰਮਿਆਨੇ ਆਕਾਰ (ਕੱਟੇ ਹੋਏ)
ਲਾਲ ਮਿਰਚ 1 ਚਮਚ
ਹੀਂਗ 1/4 ਚਮਚ
ਜੀਰਾ 1/2 ਚਮਚਾ
ਪਿਆਜ਼ 2 ਦਰਮਿਆਨਾ (ਕੱਟਿਆ ਹੋਇਆ)
ਲਸਣ 1 ਚਮਚ (ਕੱਟਿਆ ਹੋਇਆ)
ਅਦਰਕ 1 ਚਮਚ (ਕੱਟਿਆ ਹੋਇਆ)
ਹਰੀ ਮਿਰਚ 2 ਕੱਟੀ ਹੋਈ
ਹਲਦੀ ਪਾਊਡਰ 1/4 ਚਮਚ
ਕਾਲੀ ਮਿਰਚ ਪਾਊਡਰ 2 ਚਮਚੇ
ਧਨੀਆ ਪਾਊਡਰ 1 ਚਮਚ
ਜੀਰਾ ਪਾਊਡਰ 1/4 ਚੱਮਚ
ਅਮਚੂਰ ਪਾਊਡਰ 1/2 ਚੱਮਚ
ਲੋੜ ਅਨੁਸਾਰ ਗਰਮ ਪਾਣੀ
ਟਮਾਟਰ 2 ਕੱਟੇ ਹੋਏ
ਸੁਆਦ ਅਨੁਸਾਰ ਲੂਣ
ਖੰਡ ਦੀ ਇੱਕ ਚੂੰਡੀ
ਨਿੰਬੂ ਦਾ ਰਸ 1 ਚਮਚ
ਇੱਕ ਚੁਟਕੀ ਗਰਮ ਮਸਾਲਾ
ਇੱਕ ਮੁੱਠੀ ਭਰ ਹਰਾ ਧਨੀਆ (ਕੱਟਿਆ ਹੋਇਆ)
ਇਸ ਸਬਜ਼ੀ ਨੂੰ ਬਣਾਉਣ ਲਈ ਪਾਲਕ ਦੀਆਂ ਪੱਤੀਆਂ ਨੂੰ ਧੋ ਕੇ ਸਾਫ਼ ਰਸੋਈ ਦੇ ਤੌਲੀਏ ਜਾਂ ਟਿਸ਼ੂ ਨਾਲ ਸੁਕਾਓ। ਫਿਰ ਇਸ ਨੂੰ ਕੱਟ ਕੇ ਇਕ ਕਟੋਰੀ 'ਚ ਕੱਢ ਲਓ। ਹੁਣ ਇੱਕ ਪੈਨ ਨੂੰ ਤੇਜ਼ ਅੱਗ 'ਤੇ ਰੱਖੋ ਅਤੇ ਇਸ ਵਿੱਚ ਤੇਲ ਪਾਓ ਅਤੇ ਇਸ ਨੂੰ ਉਦੋਂ ਤੱਕ ਗਰਮ ਹੋਣ ਦਿਓ ਜਦੋਂ ਤੱਕ ਕਿ ਉਸ ਵਿੱਚੋਂ ਧੂੰਆਂ ਨਾ ਨਿਕਲਣ ਲੱਗੇ। ਜਦੋਂ ਧੂੰਆਂ ਨਿਕਲ ਜਾਵੇ, ਅੱਗ ਨੂੰ ਘੱਟ ਕਰੋ ਅਤੇ ਇਸਨੂੰ ਥੋੜਾ ਠੰਡਾ ਹੋਣ ਦਿਓ। ਫਿਰ ਇਸ 'ਚ ਕੱਟੇ ਹੋਏ ਆਲੂ ਪਾਓ ਅਤੇ ਮੱਧਮ ਅੱਗ 'ਤੇ ਅੱਧੇ ਤੋਂ ਜ਼ਿਆਦਾ ਪਕਾਏ ਜਾਣ ਤੱਕ ਭੁੰਨ ਲਓ। ਆਲੂ ਨੂੰ ਥੋੜੀ-ਥੋੜੀ ਦੇਰ ਬਾਅਦ ਹਿਲਾਉਂਦੇ ਰਹੋ। ਜਦੋਂ ਆਲੂ ਅੱਧੇ ਤੋਂ ਵੱਧ ਪਕ ਜਾਣ ਤਾਂ ਉਨ੍ਹਾਂ ਨੂੰ ਕਿਸੇ ਬਰਤਨ ਦੇ ਵਿੱਚ ਕੱਢ ਲਓ।
ਉਸੇ ਤੇਲ ਵਿੱਚ, ਲਾਲ ਮਿਰਚ, ਹੀਂਗ, ਜੀਰਾ, ਪਿਆਜ਼ ਪਾਓ ਅਤੇ ਪਿਆਜ਼ ਹਲਕੇ ਸੁਨਹਿਰੀ ਭੂਰੇ ਹੋਣ ਤੱਕ ਪਕਾਓ ਅਤੇ ਫਿਰ ਲਸਣ, ਅਦਰਕ ਅਤੇ ਹਰੀ ਮਿਰਚ ਪਾਓ ਅਤੇ ਪਿਆਜ਼ ਦੇ ਪੂਰੀ ਤਰ੍ਹਾਂ ਸੁਨਹਿਰੀ ਭੂਰੇ ਹੋਣ ਤੱਕ ਪਕਾਓ। ਅੱਗ ਨੂੰ ਘੱਟ ਕਰੋ ਅਤੇ ਗਰਮ ਪਾਣੀ ਦੇ ਛਿੱਟੇ ਦੇ ਨਾਲ ਸਾਰੇ ਪਾਊਡਰ ਮਸਾਲੇ ਪਾਓ, ਚੰਗੀ ਤਰ੍ਹਾਂ ਮਿਲਾਓ ਅਤੇ ਫਿਰ ਤੇਲ ਵੱਖ ਹੋਣ ਤੱਕ ਤੇਜ਼ ਅੱਗ 'ਤੇ ਪਕਾਓ। ਹੁਣ ਟਮਾਟਰ, ਨਮਕ ਅਤੇ ਚੀਨੀ ਪਾ ਕੇ ਮਿਕਸ ਕਰੋ ਅਤੇ ਤੇਜ਼ ਅੱਗ 'ਤੇ ਟਮਾਟਰ ਦੇ ਪੱਕਣ ਅਤੇ ਤੇਲ ਵੱਖ ਹੋਣ ਤੱਕ ਪਕਾਓ।
ਜਦੋਂ ਟਮਾਟਰ ਪੱਕ ਜਾਂਦੇ ਹਨ, ਮਸਾਲਾ ਦੇ ਉੱਪਰ ਕੱਟਿਆ ਹੋਇਆ ਪਾਲਕ ਪਾਓ ਅਤੇ ਬਿਨਾਂ ਹਿਲਾਏ ਢੱਕ ਦਿਓ ਅਤੇ ਘੱਟ ਅੱਗ 'ਤੇ 3-4 ਮਿੰਟਾਂ ਤੱਕ ਪਕਾਓ ਜਾਂ ਜਦੋਂ ਤੱਕ ਪਾਲਕ ਆਪਣੀ ਨਮੀ ਛੱਡ ਨਾ ਜਾਵੇ। ਫਿਰ ਢੱਕਣ ਨੂੰ ਹਟਾਓ ਅਤੇ ਮਿਕਸ ਕਰੋ। ਹੁਣ ਇਸ ਨੂੰ ਉਦੋਂ ਤੱਕ ਪਕਾਓ ਜਦੋਂ ਤੱਕ ਸਾਰੀ ਨਮੀ ਖਤਮ ਨਹੀਂ ਹੋ ਜਾਂਦੀ।
ਇਸ ਵਿਚ ਗਰਮ ਪਾਣੀ ਪਾਓ ਅਤੇ ਪਾਲਕ ਨੂੰ ਥੋੜ੍ਹਾ ਹੋਰ ਪਕਾਓ। ਫਿਰ ਤਲੇ ਹੋਏ ਆਲੂ ਨੂੰ ਨਿੰਬੂ ਦਾ ਰਸ ਦੇ ਨਾਲ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ। ਕੁਝ ਦੇਰ ਪਕਾਉਣ ਤੋਂ ਬਾਅਦ, ਗਰਮ ਮਸਾਲਾ ਅਤੇ ਤਾਜ਼ਾ ਧਨੀਆ ਪਾਓ। ਆਲੂ ਪਾਲਕ ਦੀ ਸਬਜ਼ੀ ਤਿਆਰ ਹੈ। ਇਸ ਨੂੰ ਗਰਮਾ-ਗਰਮ ਸਰਵ ਕਰੋ। ਇਸ ਨੂੰ ਤੁਸੀਂ ਰੋਟੀਆਂ ਨਾਲ ਜਾਂ ਤੰਦੂਰੀ ਰੋਟੀਆਂ ਦੇ ਨਾਲ ਖਾ ਸਕਦੇ ਹੋ।
Before You Go
ਪੰਜਾਬ ਸਰਕਾਰ ਦਾ ਵੱਡਾ ਐਕਸ਼ਨ, 8 ਦਵਾਈਆਂ ਦੇ ਇਸਤੇਮਾਲ ਤੇ ਖਰੀਦ ‘ਤੇ ਰੋਕ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
