Tasty rice recipes: ਬਚੇ ਹੋਏ ਚਾਵਲਾਂ ਦੀ ਇੰਝ ਵਰਤੋ ਕਰਕੇ ਬਣਾਓ ਸਵਾਦਿਸ਼ਟ ਡਿਸ਼, ਟੇਸਟ 'ਚ ਸਭ ਤੋਂ ਬੈਸਟ
Kitchen Hacks: ਜ਼ਿਆਦਾਤਰ ਘਰਾਂ ਵਿੱਚ ਲਗਪਗ ਚਾਵਲ ਰੋਜ਼ਾਨਾ ਬਣਾਏ ਜਾਂਦੇ ਹਨ। ਅਜਿਹੇ 'ਚ ਕਈ ਵਾਰ ਚੌਲਾਂ ਦੀ ਬੱਚਤ ਹੋ ਜਾਂਦੀ ਹੈ। ਕਈ ਵਾਰ ਸਮਝ ਨਹੀਂ ਆਉਂਦਾ ਕਿ ਇਸਦਾ ਕੀ ਅਤੇ ਕਿਵੇਂ ਵਰਤਣਾ ਹੈ।
Kitchen Hacks: ਜ਼ਿਆਦਾਤਰ ਘਰਾਂ ਵਿੱਚ ਲਗਪਗ ਚਾਵਲ ਰੋਜ਼ਾਨਾ ਬਣਾਏ ਜਾਂਦੇ ਹਨ। ਅਜਿਹੇ 'ਚ ਕਈ ਵਾਰ ਚੌਲਾਂ ਦੀ ਬੱਚਤ ਹੋ ਜਾਂਦੀ ਹੈ। ਕਈ ਵਾਰ ਸਮਝ ਨਹੀਂ ਆਉਂਦਾ ਕਿ ਇਸਦਾ ਕੀ ਅਤੇ ਕਿਵੇਂ ਵਰਤਣਾ ਹੈ। ਅੱਜ ਅਸੀਂ ਤੁਹਾਨੂੰ ਬਚੇ ਹੋਏ ਚਾਵਲਾਂ ਦੀ ਸਹੀ ਵਰਤੋਂ ਕਰਨ ਦਾ ਤਰੀਕਾ ਦੱਸਦੇ ਹਾਂ। ਅਕਸਰ ਘਰੇਲੂ ਔਰਤਾਂ ਇਸ ਗੱਲ ਨੂੰ ਲੈ ਕੇ ਚਿੰਤਤ ਹੁੰਦੀਆਂ ਹਨ ਕਿ ਬਚਿਆ ਹੋਇਆ ਬਾਸੀ ਭੋਜਨ ਕਿਸੇ ਨੂੰ ਕਿਵੇਂ ਖਿਲਾਇਆ ਜਾਵੇ। ਅਜਿਹੇ 'ਚ ਬਚੇ ਹੋਏ ਚਾਵਲਾਂ ਤੋਂ ਨਵੀਂ ਡਿਸ਼ ਬਣਾ ਕੇ ਤੁਸੀਂ ਆਸਾਨੀ ਨਾਲ ਕਿਸੇ ਨੂੰ ਵੀ ਖਿਲਾ ਸਕਦੇ ਹੋ। ਤੁਹਾਨੂੰ ਦੱਸ ਰਹੇ ਹਾਂ 3 ਅਜਿਹੇ ਸ਼ਾਨਦਾਰ ਪਕਵਾਨ, ਜਿਨ੍ਹਾਂ ਨੂੰ ਦੇਖ ਕੇ ਬੱਚਿਆਂ ਤੋਂ ਲੈ ਕੇ ਬਜ਼ੁਰਗ ਤੱਕ ਹਰ ਕੋਈ ਇਸ ਡਿਸ਼ ਨੂੰ ਬਹੁਤ ਸੁਆਦ ਨਾਲ ਖਾਵੇਗਾ। ਤੁਸੀਂ ਬਚੇ ਹੋਏ ਚਾਵਲਾਂ ਨਾਲ ਸਵਾਦਿਸ਼ਟ ਡਿਸ਼ ਨੂੰ ਬਣਾ ਸਕਦੇ ਹੋ। ਜਾਣੋ ਨੁਸਖਾ -
ਚੌਲਾਂ ਦੇ ਕਟਲੇਟ- ਤੁਸੀਂ ਉਬਲੇ ਹੋਏ ਚੌਲਾਂ ਤੋਂ ਕਟਲੇਟ ਵੀ ਬਣਾ ਸਕਦੇ ਹੋ। ਇਸ ਦੇ ਲਈ ਪਿਆਜ਼, ਗਾਜਰ, ਬੀਨਜ਼ ਵਰਗੀਆਂ ਸਬਜ਼ੀਆਂ ਨੂੰ ਬਾਰੀਕ ਕੱਟ ਲਓ। ਹੁਣ ਇਨ੍ਹਾਂ ਨੂੰ ਪੀਸ ਕੇ 2 ਉਬਲੇ ਹੋਏ ਆਲੂਆਂ 'ਚ ਮਿਲਾ ਲਓ। ਬਚੇ ਹੋਏ ਚੌਲਾਂ ਨੂੰ ਇੱਕ ਬਰਤਨ ਵਿੱਚ ਮੈਸ਼ ਕਰੋ। ਚੌਲਾਂ 'ਚ ਆਲੂ ਅਤੇ ਸਬਜ਼ੀਆਂ ਨੂੰ ਚੰਗੀ ਤਰ੍ਹਾਂ ਮਿਲਾ ਲਓ। ਕੁਝ ਰੋਟੀ ਦੇ ਟੁਕੜੇ ਮਿਲਾਓ। ਹੁਣ ਸਵਾਦ ਅਨੁਸਾਰ ਮਸਾਲਾ ਜਿਵੇਂ ਕਿ ਨਮਕ, ਹਰੀ ਮਿਰਚ, ਗਰਮ ਮਸਾਲਾ, ਅਦਰਕ, ਥੋੜ੍ਹਾ ਜਿਹਾ ਨਿੰਬੂ ਦਾ ਰਸ ਪਾਓ। ਪੂਰੇ ਮਿਸ਼ਰਣ ਨੂੰ ਆਟੇ ਦੀ ਤਰ੍ਹਾਂ ਗੁੰਨ੍ਹੋ। ਇਸ 'ਚ ਮੈਦਾ ਅਤੇ ਕੌਰਨਫਲੋਰ ਦਾ ਬੈਟਰ ਤਿਆਰ ਕਰ ਲਓ। ਆਟੇ ਵਿਚ ਥੋੜ੍ਹਾ ਨਮਕ ਅਤੇ ਕਾਲੀ ਮਿਰਚ ਵੀ ਮਿਲਾਓ। ਹੁਣ ਇਸ ਨੂੰ ਆਪਣੇ ਹਿਸਾਬ ਨਾਲ ਕੋਈ ਵੀ ਆਕਾਰ ਦਿਓ ਅਤੇ ਇਸ ਨੂੰ ਬੈਟਰ ਵਿਚ ਡੁਬੋ ਕੇ ਫਰਾਈ ਕਰੋ। ਸੁਆਦੀ ਚਾਵਲਾਂ ਦੇ ਕਟਲੇਟ ਤਿਆਰ ਹਨ। ਇਸ ਨੂੰ ਕਿਸੇ ਵੀ ਚਟਨੀ ਨਾਲ ਖਾ ਸਕਦੇ ਹੋ।
ਚਾਵਲਾਂ ਦਾ ਚੀਲਾ- ਤੁਸੀਂ ਬਚੇ ਹੋਏ ਚਾਵਲਾਂ ਤੋਂ ਚੀਲਾ ਵੀ ਬਣਾ ਸਕਦੇ ਹੋ। ਚਾਵਲਾਂ ਨੂੰ ਮਿਕਸਰ 'ਚ ਪੀਸ ਕੇ ਬੈਟਰ ਦੀ ਤਰ੍ਹਾਂ ਬਣਾ ਲਓ। ਹੁਣ ਇਸ ਵਿਚ ਥੋੜੀ ਜਿਹੀ ਸੂਜੀ ਅਤੇ ਦਹੀਂ ਪਾ ਕੇ ਢੱਕ ਕੇ ਰੱਖ ਦਿਓ। ਨਮਕ, ਕਾਲੀ ਮਿਰਚ, ਬਾਰੀਕ ਕੱਟਿਆ ਪਿਆਜ਼, ਹਰੀ ਮਿਰਚ ਅਤੇ ਧਨੀਆ ਪਾਓ। ਹੁਣ ਪੂਰੇ ਬੈਟਰ ਨੂੰ ਚੰਗੀ ਤਰ੍ਹਾਂ ਨਾਲ ਫੈਂਟ ਲਓ ਅਤੇ ਪੈਨ 'ਤੇ ਤੇਲ ਲਗਾ ਕੇ ਇਸ ਨੂੰ ਚੀਲੇ ਜਾਂ ਡੋਸੇ ਦੀ ਤਰ੍ਹਾਂ ਬਣਾ ਲਓ। ਜਦੋਂ ਇਹ ਭੂਰਾ ਹੋ ਜਾਵੇ ਤਾਂ ਇਸ ਨੂੰ ਪਲਟ ਦਿਓ। ਟਮਾਟਰ ਦੀ ਚਟਣੀ ਨਾਲ ਸਰਵ ਕਰੋ।
ਲੈਮਨ ਰਾਈਸ- ਜੇਕਰ ਘਰ 'ਚ ਚਾਵਲ ਬਚੇ ਹਨ ਤਾਂ ਤੁਸੀਂ ਇਸ ਤੋਂ ਲੈਮਨ ਰਾਈਸ ਵੀ ਬਣਾ ਸਕਦੇ ਹੋ। ਇਸ ਨੂੰ ਬਣਾਉਣ ਵਿੱਚ ਸਿਰਫ਼ 10 ਮਿੰਟ ਲੱਗਣਗੇ। ਤੁਸੀਂ ਥੋੜੀ ਜਿਹੀ ਚਨੇ ਦੀ ਦਾਲ ਨੂੰ ਭਿਓ ਦਿਓ। ਹੁਣ ਇਕ ਪੈਨ ਵਿਚ ਤੇਲ ਗਰਮ ਕਰੋ ਅਤੇ ਇਸ ਵਿਚ ਸਰ੍ਹੋਂ, ਕੜੀ ਪੱਤਾ, ਸੁੱਕੀ ਲਾਲ ਮਿਰਚ ਪਾਓ। ਕੁਝ ਮੂੰਗਫਲੀ ਫਰਾਈ ਕਰ ਲਓ। ਹੁਣ ਇਸ ਵਿਚ ਪਿਆਜ਼ ਅਤੇ ਚਨਾ ਦਾਲ ਪਾ ਕੇ ਹਿਲਾਓ। ਹੁਣ ਹਰੀ ਮਿਰਚ ਪਾਓ। ਬਾਅਦ ਵਿਚ ਬਾਕੀ ਬਚੇ ਚਾਵਲ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਅਖੀਰ ਵਿੱਚ ਨਿੰਬੂ ਦਾ ਰਸ ਪਾਓ ਅਤੇ ਧਨੀਆ ਪੱਤਿਆਂ ਨਾਲ ਗਾਰਨਿਸ਼ ਕਰੋ। ਸਵਾਦਿਸ਼ਟ ਲੈਮਨ ਰਾਈਸ ਤਿਆਰ ਹੈ।
ਇਹ ਵੀ ਪੜ੍ਹੋ: Hair Fall: ਕੀ ਕਸਰਤ ਨਾਲ ਝੜ ਰਹੇ ਤੁਹਾਡੇ ਵੀ ਵਾਲ? ਇਹ ਇਸ ਦਾ ਕਾਰਨ ਤੇ ਉਪਾਅ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
