ਵਿਦੇਸ਼ 'ਚ ਛੁੱਟੀਆਂ ਮਨਾਉਣ ਗਏ ਵਿਅਕਤੀ ਨੇ ਬੈਗ 'ਚ ਰੱਖ ਲਈ ਇਹ ਛੋਟੀ ਜਿਹੀ ਚੀਜ਼, ਹੁਣ ਅੱਧੀ ਜ਼ਿੰਦਗੀ ਹੋਊਗੀ ਖਰਾਬ
ਤੁਸੀਂ ਜਿੱਥੇ ਵੀ ਛੁੱਟੀਆਂ ਮਨਾਉਣ ਜਾਂਦੇ ਹੋ, ਉੱਥੋਂ ਦੇ ਨਿਯਮਾਂ ਨੂੰ ਜਾਣਨਾ ਜ਼ਰੂਰ ਯਕੀਨੀ ਬਣਾਓ। ਉਹਨਾਂ ਬਾਰੇ ਧਿਆਨ ਨਾਲ ਪੜ੍ਹੋ। ਅਜਿਹਾ ਹੋ ਸਕਦਾ ਹੈ ਕਿ ਅਣਜਾਣੇ ਵਿੱਚ ਕੀਤੀ ਗਈ ਇੱਕ ਛੋਟੀ ਜਿਹੀ ਗਲਤੀ ਇੰਨੀ ਭਾਰੀ ਪੈ ਸਕਦੀ ਹੈ ਕਿ
ਤੁਸੀਂ ਜਿੱਥੇ ਵੀ ਛੁੱਟੀਆਂ ਮਨਾਉਣ ਜਾਂਦੇ ਹੋ, ਉੱਥੋਂ ਦੇ ਨਿਯਮਾਂ ਨੂੰ ਜਾਣਨਾ ਯਕੀਨੀ ਬਣਾਓ। ਉਹਨਾਂ ਬਾਰੇ ਧਿਆਨ ਨਾਲ ਪੜ੍ਹੋ। ਅਜਿਹਾ ਹੋ ਸਕਦਾ ਹੈ ਕਿ ਅਣਜਾਣੇ ਵਿੱਚ ਕੀਤੀ ਗਈ ਇੱਕ ਛੋਟੀ ਜਿਹੀ ਗਲਤੀ ਇੰਨੀ ਭਾਰੀ ਪੈ ਸਕਦੀ ਹੈ ਕਿ ਤੁਸੀਂ ਪਿੱਟਦੇ ਰਹਿ ਜਾਓਗੇ। ਕਿਉਂਕਿ ਇੱਕ ਵਿਅਕਤੀ ਨਾਲ ਅਜਿਹਾ ਹੋਇਆ ਹੈ। ਉਹ ਵਿਦੇਸ਼ ਦੌਰੇ 'ਤੇ ਗਿਆ ਸੀ, ਪਰ ਇੱਕ ਛੋਟੀ ਜਿਹੀ ਲਾਪਰਵਾਹੀ ਕਾਰਨ ਵੱਡੀ ਮੁਸੀਬਤ ਵਿਚ ਫਸ ਗਿਆ ਅਤੇ ਹੁਣ ਉਸ 'ਤੇ 7 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ ਹੈ। ਉਹ ਉਦੋਂ ਤੱਕ ਨਹੀਂ ਵਾਪਸ ਨਹੀਂ ਆ ਸਕਦਾ ਜਦੋਂ ਤੱਕ ਉਹ ਪੂਰਾ ਜੁਰਮਾਨਾ ਅਦਾ ਨਹੀਂ ਕਰ ਦਿੰਦਾ।
ਬੀਬੀਸੀ ਦੀ ਰਿਪੋਰਟ ਮੁਤਾਬਕ ਅਮਰੀਕਾ ਦੇ ਰਹਿਣ ਵਾਲੇ ਟਾਈਲਰ ਵੇਨਰਿਚ ਨੇ ਸੁਣਿਆ ਸੀ ਕਿ ਬ੍ਰਿਟੇਨ ਦੇ ਤੁਰਕ ਅਤੇ ਕੈਕੋਸ ਟਾਪੂ ਬਹੁਤ ਸੁੰਦਰ ਹਨ। ਉਹ ਕਈ ਸਾਲਾਂ ਤੋਂ ਇੱਥੇ ਜਾਣ ਦੀ ਯੋਜਨਾ ਬਣਾ ਰਿਹਾ ਸੀ। ਇੱਕ ਦਿਨ ਅਚਾਨਕ ਉਹ ਆਪਣਾ ਬੈਗ ਪੈਕ ਕਰਕੇ ਚਲਾ ਗਿਆ। ਦੋਸਤਾਂ ਨਾਲ ਪੂਰੇ ਟਾਪੂ ਦੀ ਯਾਤਰਾ ਕੀਤੀ। ਗੰਨ ਰੇਂਜ ਦਾ ਦੌਰਾ ਕਰਨ ਵੀ ਗਏ ਸਨ। ਉੱਥੇ ਉਸ ਨੇ ਦੋ ਗੋਲੀਆਂ ਆਪਣੇ ਬੈਗ ਵਿਚ ਰੱਖ ਲਈਆਂ। ਉਸਨੂੰ ਇਹ ਨਹੀਂ ਪਤਾ ਸੀ ਕਿ ਇਸ ਕਾਰਨ ਉਹ ਮੁਸੀਬਤ ਵਿੱਚ ਫਸ ਜਾਵੇਗਾ।
ਕਰੂਜ਼ 'ਤੇ ਸਵਾਰ ਹੋਣ ਤੋਂ ਪਹਿਲਾਂ ਗ੍ਰਿਫਤਾਰ
ਜਦੋਂ ਉਹ ਵਾਪਸ ਆਉਣ ਲੱਗੇ ਤਾਂ ਉਨ੍ਹਾਂ ਨੂੰ ਕਰੂਜ਼ 'ਤੇ ਚੜ੍ਹਨ ਤੋਂ ਪਹਿਲਾਂ ਹੀ ਉਸ ਨੂੰ ਰੋਕ ਦਿੱਤਾ ਗਿਆ। ਕਿਉਂਕਿ ਉਸ ਦੇ ਬੈਗ ਵਿੱਚੋਂ 9 ਐਮਐਮ ਦੀਆਂ ਦੋ ਗੋਲੀਆਂ ਮਿਲੀਆਂ ਸਨ। ਸੁਰੱਖਿਆ ਕਰਮੀਆਂ ਨੇ ਉਸ ਨੂੰ ਤੁਰੰਤ ਗ੍ਰਿਫਤਾਰ ਕਰ ਲਿਆ। ਜਦੋਂ ਮਾਮਲਾ ਅਦਾਲਤ ਵਿਚ ਪਹੁੰਚਿਆ ਤਾਂ ਅਦਾਲਤ ਨੇ ਉਸ 'ਤੇ 9,000 ਡਾਲਰ ਯਾਨੀ ਲਗਭਗ 7.5 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ। ਇੰਨਾ ਹੀ ਨਹੀਂ ਉਸ ਨੂੰ ਅਗਲੇ ਤਿੰਨ ਹਫ਼ਤਿਆਂ ਲਈ ਨਿਆਂਇਕ ਹਿਰਾਸਤ ਵਿੱਚ ਰੱਖਣ ਦਾ ਹੁਕਮ ਦਿੱਤਾ ਗਿਆ। ਅਦਾਲਤ ਨੇ ਕਿਹਾ ਕਿ ਉਹ ਪੂਰਾ ਜੁਰਮਾਨਾ ਅਦਾ ਕਰਨ ਤੋਂ ਬਾਅਦ ਹੀ ਟਾਪੂ ਛੱਡ ਸਕੇਗਾ।
ਬ੍ਰਿਟਿਸ਼ ਕਾਨੂੰਨ ਦੇ ਅਨੁਸਾਰ, ਜੇਕਰ ਕੋਈ ਵਿਅਕਤੀ ਤੁਰਕ ਅਤੇ ਕੈਕੋਸ ਆਈਲੈਂਡਜ਼ ਵਿੱਚ ਬੰਦੂਕ ਜਾਂ ਇਸ ਦੀਆਂ ਗੋਲੀਆਂ ਸਮੇਤ ਪਾਇਆ ਜਾਂਦਾ ਹੈ, ਤਾਂ ਉਸ ਨੂੰ ਘੱਟੋ-ਘੱਟ 12 ਸਾਲ ਦੀ ਕੈਦ ਦੀ ਸਜ਼ਾ ਹੋ ਸਕਦੀ ਹੈ। ਲੱਖਾਂ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਜਾ ਸਕਦਾ ਹੈ। ਬ੍ਰਿਟੇਨ 'ਚ ਲਗਾਤਾਰ ਹੋ ਰਹੀਆਂ ਗੋਲੀਬਾਰੀ ਦੀਆਂ ਘਟਨਾਵਾਂ ਦਰਮਿਆਨ ਪ੍ਰਸ਼ਾਸਨ ਨੇ ਇਹ ਕਾਨੂੰਨ ਬਣਾਇਆ ਸੀ। ਹਾਲਾਂਕਿ ਹੁਣ ਤੱਕ ਕਿਸੇ ਵੀ ਸੈਲਾਨੀ ਨੂੰ ਇੰਨੀ ਲੰਬੀ ਸਜ਼ਾ ਨਹੀਂ ਮਿਲੀ ਹੈ। ਵੇਨਰੀਚ ਤੋਂ ਪਹਿਲਾਂ ਚਾਰ ਹੋਰ ਅਮਰੀਕੀ ਸੈਲਾਨੀ ਵੀ ਇਸੇ ਤਰ੍ਹਾਂ ਦੇ ਹਾਲਾਤਾਂ ਵਿੱਚ ਫਸ ਗਏ ਸਨ। ਕੁਝ 'ਤੇ 5 ਲੱਖ ਰੁਪਏ ਦਾ ਜ਼ੁਰਮਾਨਾ ਲਗਾਇਆ ਗਿਆ, ਜਦਕਿ ਕੁਝ 'ਤੇ 8 ਲੱਖ ਰੁਪਏ ਦਾ ਜ਼ੁਰਮਾਨਾ ਲਗਾਇਆ ਗਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
