ਮੈਦਾ, ਚਟਨੀ ਜਾਂ ਅੰਦਰ ਭਰਿਆ ਮਾਲ... ਮੋਮੋਜ਼ ‘ਚ ਕਿਹੜੀ ਚੀਜ਼ ਸਭ ਤੋਂ ਖ਼ਤਰਨਾਕ ?
Momos Side Effects: ਜ਼ਿਆਦਾਤਰ ਮੋਮੋਜ਼ ਸਟਾਲ ਤੇ ਦੁਕਾਨਾਂ ਬਿਨਾਂ FSSAI ਲਾਇਸੈਂਸ ਤੋਂ ਚਲਦੀਆਂ ਹਨ, ਜਿਸਦਾ ਮਤਲਬ ਹੈ ਕਿ ਇੱਥੇ ਗੈਰ-ਸਵੱਛ ਤੇ ਮਾੜੀ ਗੁਣਵੱਤਾ ਵਾਲੀਆਂ ਚੀਜ਼ਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਜਿਸ ਕਾਰਨ ਤੁਸੀਂ ਬੀਮਾਰ ਹੋ ਸਕਦੇ ਹੋ।
ਭਾਰਤ 'ਚ ਪਿਛਲੇ ਕੁਝ ਸਾਲਾਂ 'ਚ ਬਹੁਤ ਸਾਰੀਆਂ ਚੀਜ਼ਾਂ ਤੇਜ਼ੀ ਨਾਲ ਬਦਲ ਰਹੀਆਂ ਹਨ ਪਰ ਇਕ ਚੀਜ਼ ਨੇ ਹਰ ਕਿਸੇ ਨੂੰ ਆਪਣਾ ਦੀਵਾਨਾ ਬਣਾ ਦਿੱਤਾ ਹੈ, ਉਹ ਹੈ ਮੋਮੋਜ਼... ਬੁੱਢਿਆਂ ਤੋਂ ਲੈ ਕੇ ਛੋਟੇ ਬੱਚਿਆਂ ਤੱਕ ਮੋਮੋਜ਼ ਦਾ ਸਵਾਦ ਇੰਨਾ ਮਸ਼ਹੂਰ ਹੋ ਗਿਆ ਹੈ ਕਿ ਰੁਕਣ ਦਾ ਨਾਂਅ ਹੀ ਨਹੀਂ ਲੈ ਰਿਹਾ ਹੈ।
ਹਾਲਾਂਕਿ ਮੋਮੋ ਖਾਣਾ ਵੀ ਸਿਹਤ ਲਈ ਖਤਰਨਾਕ ਹੋ ਸਕਦਾ ਹੈ। ਹਾਲ ਹੀ 'ਚ ਹੈਦਰਾਬਾਦ 'ਚ ਮੋਮੋ ਖਾਣ ਨਾਲ ਇੱਕ ਔਰਤ ਦੀ ਮੌਤ ਹੋ ਗਈ ਤੇ ਕਈ ਲੋਕ ਬੀਮਾਰ ਹੋ ਗਏ। ਅਜਿਹੇ 'ਚ ਇਹ ਜਾਣਨਾ ਜ਼ਰੂਰੀ ਹੈ ਕਿ ਇਹ ਸਵਾਦਿਸ਼ਟ ਮੋਮੋ ਤੁਹਾਡੀ ਸਿਹਤ ਲਈ ਕਿੰਨੇ ਖਤਰਨਾਕ ਹਨ।
ਕਿਵੇਂ ਬਣਦੇ ਨੇ ਮੋਮੋਜ਼ ?
ਅਸੀਂ ਸਾਰਿਆਂ ਨੇ ਵੱਡੇ ਸ਼ਹਿਰਾਂ ਵਿੱਚ ਬੱਚਿਆਂ ਅਤੇ ਨੌਜਵਾਨਾਂ ਵਿੱਚ ਮੋਮੋਜ਼ ਦਾ ਕ੍ਰੇਜ਼ ਦੇਖਿਆ ਹੈ। ਮੋਮੋਜ਼ ਦਾ ਨਾਂਅ ਸੁਣ ਕੇ ਹਰ ਕਿਸੇ ਦੇ ਮੂੰਹ 'ਚ ਪਾਣੀ ਆ ਜਾਂਦਾ ਹੈ। ਹੁਣ ਸਭ ਤੋਂ ਪਹਿਲਾਂ ਇਹ ਜਾਣਨਾ ਜ਼ਰੂਰੀ ਹੈ ਕਿ ਮੋਮੋਜ਼ 'ਚ ਕੀ ਪਾਇਆ ਜਾਂਦਾ ਹੈ। ਮੋਮੋਜ਼ ਵਿੱਚ, ਬਾਹਰੀ ਸ਼ੈੱਲ ਆਟੇ ਤੋਂ ਬਣਾਇਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਗੋਭੀ, ਸੋਇਆਬੀਨ, ਪਿਆਜ਼, ਲਸਣ, ਅਦਰਕ ਤੇ ਚਿਕਨ ਵਰਗੀਆਂ ਚੀਜ਼ਾਂ ਅੰਦਰ ਭਰੀਆਂ ਹੁੰਦੀਆਂ ਹਨ। ਇਨ੍ਹਾਂ ਸਾਰੀਆਂ ਚੀਜ਼ਾਂ ਕਾਰਨ ਮੋਮੋਜ਼ ਦਾ ਸਵਾਦ ਵੱਧ ਜਾਂਦਾ ਹੈ। ਇਸ ਤੋਂ ਬਾਅਦ ਇਸਨੂੰ ਸਟੀਮ ਕਰਕੇ ਲੋਕਾਂ ਨੂੰ ਪਰੋਸਿਆ ਜਾਂਦਾ ਹੈ। ਕੁਝ ਲੋਕ ਮੋਮੋਜ਼ ਨੂੰ ਤਲ ਕੇ ਵੀ ਖਾਣਾ ਪਸੰਦ ਕਰਦੇ ਹਨ।
ਮੋਮੋਜ਼ ਦੇ ਜ਼ਿਆਦਾਤਰ ਸਟਾਲ ਅਤੇ ਦੁਕਾਨਾਂ ਬਿਨਾਂ FSSAI ਲਾਇਸੈਂਸ ਤੋਂ ਚੱਲਦੀਆਂ ਹਨ। ਪ੍ਰਸ਼ਾਸਨ ਨੂੰ ਵੀ ਇਸ ਗੱਲ ਦੀ ਕੋਈ ਬਹੁਤੀ ਪਰਵਾਹ ਨਹੀਂ, ਜਦੋਂ ਕੋਈ ਵੱਡੀ ਘਟਨਾ ਵਾਪਰਦੀ ਹੈ ਤਾਂ ਫੂਡ ਇੰਸਪੈਕਟਰ ਨੇੜਲੀਆਂ ਦੁਕਾਨਾਂ 'ਤੇ ਜਾ ਕੇ ਛਾਪੇਮਾਰੀ ਕਰਦੇ ਹਨ
ਕੀ ਹੈ ਸਭ ਤੋਂ ਖਤਰਨਾਕ ?
ਹੁਣ ਆਓ ਇਸ ਸਵਾਲ ਦਾ ਜਵਾਬ ਦੇਈਏ ਕਿ ਮੋਮੋਜ਼ ਵਿੱਚ ਸਭ ਤੋਂ ਖਤਰਨਾਕ ਚੀਜ਼ ਕੀ ਹੋ ਸਕਦੀ ਹੈ। ਮੋਮੋਜ਼ ਦੀ ਚਟਨੀ ਖਤਰਨਾਕ ਹੋ ਸਕਦੀ ਹੈ, ਜਿਸ ਨੂੰ ਤੁਸੀਂ ਪੂਰਾ ਖਾਂਦੇ ਹੋ ਕਿਉਂਕਿ ਇਹ ਅਕਸਰ ਸੜੇ ਹੋਏ ਟਮਾਟਰਾਂ ਤੋਂ ਬਣਾਈ ਜਾਂਦੀ ਹੈ। ਇਸ ਤੋਂ ਇਲਾਵਾ ਤੇਲ ਤੇ ਅੰਡੇ ਤੋਂ ਬਣੀ ਮੇਅਨੀਜ਼ ਵੀ ਤੁਹਾਡੀ ਸਿਹਤ ਲਈ ਬਹੁਤ ਖਤਰਨਾਕ ਹੈ। ਜਦੋਂ ਬੱਚੇ ਵਾਰ-ਵਾਰ ਮੋਮੋਸ ਵੇਚਣ ਵਾਲੇ ਤੋਂ ਮੇਅਨੀਜ਼ ਮੰਗਦੇ ਹਨ, ਤਾਂ ਇਹ ਕਈ ਚੱਮਚ ਤੇਲ ਪੀਣ ਵਾਂਗ ਹੈ।
ਮੋਮੋਜ਼ ਦੇ ਅੰਦਰ ਭਰਿਆ ਸਟਫਿੰਗ ਵੀ ਖ਼ਤਰਨਾਕ ਹੋ ਸਕਦਾ ਹੈ ਜੇ ਇਸ ਵਿੱਚ ਗੰਦੀਆਂ ਚੀਜ਼ਾਂ ਮਿਲਾਈਆਂ ਜਾਣ। ਕਈ ਵਾਰ ਇਹ ਕੰਮ ਗੰਦੇ ਹੱਥਾਂ ਨਾਲ ਕੀਤਾ ਜਾਂਦਾ ਹੈ, ਤੁਸੀਂ ਡੱਬੇ ਵਿਚ ਰੱਖੇ ਸੁੰਦਰ ਅਤੇ ਸਵਾਦ ਵਾਲੇ ਮੋਮੋਜ਼ ਹੀ ਦੇਖਦੇ ਹੋ। ਇਸ ਲਈ ਅਗਲੀ ਵਾਰ ਮੋਮੋ ਖਾਣ ਤੋਂ ਪਹਿਲਾਂ ਸਫਾਈ ਅਤੇ ਇਨ੍ਹਾਂ ਸਾਰੀਆਂ ਗੱਲਾਂ ਦਾ ਧਿਆਨ ਰੱਖੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
