Women Legal Rights in India: ਹਰ ਵਿਆਹੁਤਾ ਔਰਤ ਨੂੰ ਪਤਾ ਹੋਣੇ ਚਾਹੀਦੇ ਇਹ 4 ਕਾਨੂੰਨੀ ਅਧਿਕਾਰ
ਆਓ ਜਾਣਦੇ ਹਾਂ ਵਿਆਹੀਆਂ ਔਰਤਾਂ ਦੇ ਕੀ ਅਧਿਕਾਰ ਹਨ।
Women Legal Rights in India : ਅਜਿਹੇ ਕਈ ਮਾਮਲੇ ਸਾਡੇ ਸਾਹਮਣੇ ਹਨ, ਜਿਨ੍ਹਾਂ 'ਚ ਰਿਸ਼ਤਾ ਬਚਾਉਣ ਲਈ ਔਰਤਾਂ ਨੂੰ ਸਾਲਾਂ-ਬੱਧੀ ਅੱਤਿਆਚਾਰ ਝੱਲਣੇ ਪੈਂਦੇ ਹਨ। ਕਈ ਵਾਰ ਔਰਤਾਂ ਨੂੰ ਜਨਤਕ ਸ਼ਰਮ ਅਤੇ ਸਮਾਜ ਦੇ ਡਰ ਕਾਰਨ ਪ੍ਰੇਸ਼ਾਨ ਕੀਤਾ ਜਾਂਦਾ ਹੈ ਅਤੇ ਕਈ ਵਾਰ ਉਨ੍ਹਾਂ ਦੇ ਆਪਣੇ ਅਧਿਕਾਰਾਂ ਦੇ ਗਿਆਨ ਦੀ ਘਾਟ ਕਾਰਨ। ਆਓ ਜਾਣਦੇ ਹਾਂ ਵਿਆਹੀਆਂ ਔਰਤਾਂ ਦੇ ਕੀ ਅਧਿਕਾਰ ਹਨ।
ਦਾਜ ਅਤੇ ਸ਼ੋਸ਼ਣ ਦੇ ਵਿਰੁੱਧ ਅਧਿਕਾਰ:
ਤੁਸੀਂ ਅਕਸਰ ਅਜਿਹੇ ਮਾਮਲਿਆਂ ਨੂੰ ਸੁਣਿਆ ਹੋਵੇਗਾ ਜਿਨ੍ਹਾਂ ਵਿੱਚ ਔਰਤਾਂ ਨੂੰ ਦਾਜ ਕਾਰਨ ਬਹੁਤ ਦੁੱਖ ਝੱਲਣੇ ਪੈਂਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸਾਡੇ ਦੇਸ਼ ਵਿੱਚ ਦਾਜ ਰੋਕੂ ਕਾਨੂੰਨ 1961 ਦੇ ਤਹਿਤ ਔਰਤਾਂ ਨੂੰ ਇਹ ਅਧਿਕਾਰ ਦਿੱਤਾ ਗਿਆ ਹੈ ਕਿ ਜੇਕਰ ਉਸਦੇ ਪੇਕੇ ਜਾਂ ਸਹੁਰੇ ਪਰਿਵਾਰ ਵਿੱਚ ਕਿਸੇ ਵੀ ਤਰ੍ਹਾਂ ਦਾ ਦਾਜ ਦਾ ਲੈਣ-ਦੇਣ ਹੁੰਦਾ ਹੈ ਤਾਂ ਉਹ ਇਸਦੀ ਸ਼ਿਕਾਇਤ ਕਰ ਸਕਦੀ ਹੈ। ਇਸ ਦੇ ਨਾਲ ਹੀ, ਆਈਪੀਸੀ (ਭਾਰਤੀ ਦੰਡਾਵਲੀ, 1860) ਦੀ ਧਾਰਾ 304 ਬੀ (ਦਾਜ ਹੱਤਿਆ) ਅਤੇ 498 ਏ (ਦਾਜ ਲਈ ਤਸ਼ੱਦਦ) ਦੇ ਤਹਿਤ, ਦਾਜ ਦੇ ਲੈਣ -ਦੇਣ ਅਤੇ ਸੰਬੰਧਤ ਸ਼ੋਸ਼ਣ ਨੂੰ ਗੈਰਕਨੂੰਨੀ ਅਤੇ ਅਪਰਾਧ ਦੱਸਿਆ ਗਿਆ ਹੈ।
ਘਰੇਲੂ ਹਿੰਸਾ ਦੇ ਖਿਲਾਫ ਅਧਿਕਾਰ
ਔਰਤਾਂ ਦੀ ਸੁਰੱਖਿਆ ਲਈ ਘਰੇਲੂ ਹਿੰਸਾ ਐਕਟ 2005 ਬਣਾਇਆ ਗਿਆ ਸੀ। ਇਸ ਤਹਿਤ ਔਰਤ ਨੂੰ ਅਧਿਕਾਰ ਦਿੱਤਾ ਗਿਆ ਹੈ ਕਿ ਜੇਕਰ ਪਤੀ ਜਾਂ ਉਸ ਦੇ ਸਹੁਰਿਆਂ ਵੱਲੋਂ ਉਸ ਦਾ ਸਰੀਰਕ, ਮਾਨਸਿਕ, ਭਾਵਨਾਤਮਕ, ਜਿਨਸੀ ਜਾਂ ਆਰਥਿਕ ਤੌਰ 'ਤੇ ਅੱਤਿਆਚਾਰ ਕੀਤਾ ਜਾਂਦਾ ਹੈ ਜਾਂ ਸ਼ੋਸ਼ਣ ਕੀਤਾ ਜਾਂਦਾ ਹੈ, ਤਾਂ ਪੀੜਤ ਔਰਤ ਉਸ ਵਿਰੁੱਧ ਸ਼ਿਕਾਇਤ ਦਰਜ ਕਰਵਾ ਸਕਦੀ ਹੈ।
ਜਾਇਦਾਦ ਦਾ ਅਧਿਕਾਰ
ਜ਼ਿਆਦਾਤਰ ਔਰਤਾਂ ਜਾਂ ਲੜਕੀਆਂ ਇਸ ਗੱਲ ਤੋਂ ਜਾਣੂ ਨਹੀਂ ਹਨ ਕਿ ਵਿਆਹ ਤੋਂ ਬਾਅਦ ਵੀ ਉਹ ਆਪਣੇ ਮਾਪਿਆਂ ਦੀ ਸੰਪਤੀ ਦੇ ਹੱਕਦਾਰ ਹਨ। ਹਿੰਦੂ ਉਤਰਾਧਿਕਾਰੀ ਐਕਟ, 1956 ਨੂੰ ਸਾਲ 2005 ਵਿੱਚ ਸੋਧਿਆ ਗਿਆ ਸੀ। ਇਸ ਤਹਿਤ ਧੀ ਭਾਵੇਂ ਵਿਆਹੀ ਹੋਈ ਹੋਵੇ ਜਾਂ ਨਾ, ਉਸ ਨੂੰ ਆਪਣੇ ਪਿਤਾ ਦੀ ਜਾਇਦਾਦ 'ਚ ਬਰਾਬਰ ਦਾ ਹੱਕ ਹੈ।
ਗਰਭਪਾਤ ਦਾ ਅਧਿਕਾਰ
ਕਿਸੇ ਵੀ ਔਰਤ ਨੂੰ ਗਰਭਪਾਤ ਦਾ ਅਧਿਕਾਰ ਹੈ, ਯਾਨੀ ਜੇਕਰ ਉਹ ਚਾਹੇ ਤਾਂ ਆਪਣੀ ਕੁੱਖ ਵਿੱਚ ਪਲ ਰਹੇ ਬੱਚੇ ਨੂੰ ਅਬਾਰਟ ਕਰਵਾ ਸਕਦੀ ਹੈ। ਇਸ ਦੇ ਲਈ ਉਸ ਨੂੰ ਆਪਣੇ ਪਤੀ ਜਾਂ ਸਹੁਰੇ ਦੀ ਸਹਿਮਤੀ ਦੀ ਲੋੜ ਨਹੀਂ ਹੈ। ਮੈਡੀਕਲ ਟਰਮੀਨੇਸ਼ਨ ਆਫ ਪ੍ਰੈਗਨੈਂਸੀ ਐਕਟ, 1971 ਦੇ ਤਹਿਤ ਇਹ ਅਧਿਕਾਰ ਦਿੱਤਾ ਗਿਆ ਹੈ ਕਿ ਔਰਤ ਕਿਸੇ ਵੀ ਸਮੇਂ ਆਪਣੀ ਗਰਭ ਅਵਸਥਾ ਖਤਮ ਕਰ ਸਕਦੀ ਹੈ। ਹਾਲਾਂਕਿ, ਇਸਦੇ ਲਈ ਗਰਭ ਅਵਸਥਾ 24 ਹਫਤਿਆਂ ਤੋਂ ਘੱਟ ਹੋਣੀ ਚਾਹੀਦੀ ਹੈ। ਪਰ ਵਿਸ਼ੇਸ਼ ਮਾਮਲਿਆਂ ਵਿੱਚ, ਇੱਕ ਔਰਤ 24 ਹਫਤਿਆਂ ਬਾਅਦ ਵੀ ਆਪਣੀ ਗਰਭ ਅਵਸਥਾ ਨੂੰ ਗਰਭਪਾਤ ਕਰ ਸਕਦੀ ਹੈ।
ਇਹ ਵੀ ਪੜ੍ਹੋ: Side Effects of Oversleeping: ਜ਼ਿਆਦਾ ਸੌਣ ਵਾਲੇ ਸਾਵਧਾਨ! ਹੋ ਸਕਦੀਆਂ ਗੰਭੀਰ ਬੀਮਾਰੀਆਂ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
