ਬੈਡਰੂਮ ਲਾਈਫ ਦਾ ਵੱਧ ਅਨੰਦ ਲੈਣ ਵਾਲੀਆਂ ਔਰਤਾਂ ਨੂੰ ਦੇਰ ਨਾਲ ਹੁੰਦਾ ਮੇਨੋਪੌਜ਼: ਖੋਜ

ਇਹ ਕਿਹਾ ਜਾਂਦਾ ਹੈ ਕਿ ਜਿਨ੍ਹਾਂ ਔਰਤਾਂ ਨੂੰ ਦੇਰ ਨਾਲ ਮੇਨੋਪੌਜ਼ ਹੁੰਦਾ ਹੈ, ਉਨ੍ਹਾਂ ਨੂੰ ਘੱਟ ਬਿਮਾਰੀਆਂ ਹੁੰਦੀਆਂ ਹਨ। ਇਹ ਇੱਕ ਖੋਜ ਕਹਿੰਦੀ ਹੈ। ਨਵੀਂ ਖੋਜ 'ਚ ਖੁਲਾਸਾ ਹੋਇਆ ਹੈ ਕਿ ਜਿਨ੍ਹਾਂ ਔਰਤਾਂ ਕੋਲ ਵਧੇਰੇ ਜਿਨਸੀ ਤਜ਼ਰਬੇ ਹੁੰਦੇ ਹਨ, ਉਹ ਜਲਦੀ ਮੇਨੋਪੌਜ਼ ਦਾ ਅਨੁਭਵ ਨਹੀਂ ਕਰਦੀਆਂ।

ਸੰਕੇਤਕ ਤਸਵੀਰ

ਨਵੀਂ ਦਿੱਲੀ: ਯੂਨੀਵਰਸਿਟੀ ਕਾਲਜ ਲੰਡਨ ਦੇ ਖੋਜਕਰਤਾਵਾਂ ਦੀ ਟੀਮ ਨੇ ਪਾਇਆ ਹੈ ਕਿ ਘੱਟ ਸੈਕਸ ਕਰਨ ਨਾਲ ਸਮੇਂ ਤੋਂ ਪਹਿਲਾਂ ਮੇਨੋਪੌਜ਼ ਹੋਣ ਦੀ ਸੰਭਾਵਨਾ ਹੈ। ਰਾਇਲ ਸੁਸਾਇਟੀ ਓਪਨ ਸਾਇੰਸ ਜਰਨਲ ਵਿੱਚ ਪ੍ਰਕਾਸ਼ਤ ਖੋਜ ਮੁਤਾਬਕ ਜਿਹੜੀਆਂ ਔਰਤਾਂ ਹਫਤਾਵਾਰੀ ਜਾਂ ਮਹੀਨਾਵਾਰ ਜਿਨਸੀ ਗਤੀਵਿਧੀਆਂ 'ਚ ਸ਼ਾਮਲ ਹੁੰਦੀਆਂ ਹਨ, ਉਨ੍ਹਾਂ ਨੂੰ ਦੂਸਰੀਆਂ ਔਰਤਾਂ ਦੇ ਮੁਕਾਬਲੇ ਜਲਦੀ ਮੇਨੋਪੌਜ਼ ਦਾ ਖ਼ਤਰਾ ਘੱਟ ਹੁੰਦਾ ਹੈ। ਜਿਹੜੀਆਂ ਔਰਤਾਂ ਹਫਤੇ 'ਚ ਘੱਟੋ-ਘੱਟ ਇੱਕ ਵਾਰ ਸੈਕਸ ਕਰਨ ਨੂੰ ਕਿਹਾ, ਉਨ੍ਹਾਂ 'ਚ ਜਿਨਸੀ ਕਿਰਿਆਵਾਂ ਜਿਵੇਂ ਜਿਨਸੀ ਛੂਹ, ਓਰਲ ਸੈਕਸ, ਸਵੈ-ਉਤੇਜਨਾ ਜਾਂ ਜਿਨਸੀ ਸਬੰਧ ਕਰਨ ਵਾਲੀਆਂ ਔਰਤਾਂ ਦੇ ਮੁਕਾਬਲੇ ਜਲਦੀ ਮੇਨੋਪੌਜ਼ ਦਾ ਜੋਖਮ 28 ਪ੍ਰਤੀਸ਼ਤ ਘੱਟ ਹੋ ਗਿਆ। ਇਹ ਖੋਜ 2,936 ਔਰਤਾਂ ਦੇ ਇਕੱਤਰ ਕੀਤੇ ਅੰਕੜਿਆਂ ਦੇ ਅਧਾਰ 'ਤੇ ਕੀਤੀ ਗਈ ਸੀ, ਜੋ ਅਮਰੀਕੀ ਮੇਨੋਪੌਜ਼ ਖੋਜ 'ਚ ਸ਼ਾਮਲ ਸੀ। ਖੋਜ 'ਚ ਉਹ ਔਰਤਾਂ ਸ਼ਾਮਲ ਕੀਤੀਆਂ ਗਈਆਂ ਜੋ ਖੋਜ ਦੀ ਸ਼ੁਰੂਆਤ 'ਚ ਔਸਤਨ 45 ਸਾਲ ਦੀਆਂ ਸੀ ਤੇ ਬਹੁਗਿਣਤੀ ਵਿਆਹੁਤਾ ਜਾਂ ਇੱਕ ਰਿਸ਼ਤੇ 'ਚ ਸੀ। ਖੋਜ ਦੀ ਸ਼ੁਰੂਆਤ 'ਚ ਕਿਸੇ ਵੀ ਔਰਤ ਨੇ ਮੇਨੋਪੌਜ਼ 'ਚ ਪ੍ਰਵੇਸ਼ ਨਹੀਂ ਕੀਤਾ ਸੀ। ਜਦਕਿ, ਖੋਜ ਸ਼ੁਰੂ ਹੋਣ 'ਤੇ ਲਗਪਗ 46 ਪ੍ਰਤੀਸ਼ਤ ਨੇ ਮੇਨੋਪੌਜ਼ ਦਾ ਅਨੁਭਵ ਕਰਨਾ ਸ਼ੁਰੂ ਕਰ ਦਿੱਤਾ। ਹੋਰਨਾਂ 54 ਪ੍ਰਤੀਸ਼ਤ ਮੇਨੋਪੌਜ਼ ਦੇ ਪਹਿਲੇ ਪੜਾਅ 'ਚ ਸੀ। ਔਰਤਾਂ ਨੂੰ ਉਨ੍ਹਾਂ ਦੀਆਂ ਜਿਨਸੀ ਗਤੀਵਿਧੀਆਂ ਬਾਰੇ ਪ੍ਰਸ਼ਨ ਪੁੱਛੇ ਗਏ, ਇਸ 'ਚ ਕਿ ਕੀ ਉਹ ਆਪਣੇ ਸਾਥੀ ਨਾਲ ਸੈਕਸ 'ਚ ਰੁੱਝੀਆਂ ਹੋਈਆਂ ਹਨ, ਉਨ੍ਹਾਂ ਨੇ ਕਿੰਨੀ ਵਾਰ ਸੈਕਸ ਤੇ ਹੋਰ ਜਿਨਸੀ ਗਤੀਵਿਧੀਆਂ ਕੀਤੀਆਂ, ਜਾਂ ਉਨ੍ਹਾਂ ਨੇ ਪਿਛਲੇ ਛੇ ਮਹੀਨਿਆਂ 'ਚ ਸਵੈ-ਉਤਸ਼ਾਹ ਦਾ ਪ੍ਰਦਰਸ਼ਨ ਕੀਤਾ। ਖੋਜ ਵਿੱਚ 64 ਪ੍ਰਤੀਸ਼ਤ ਨੇ ਹਫਤਾਵਾਰੀ ਜਿਨਸੀ ਗਤੀਵਿਧੀ ਦੀ ਰਿਪੋਰਟ ਕੀਤੀ। 10 ਸਾਲਾਂ ਦੀ ਖੋਜ ਦੌਰਾਨ, 45 ਪ੍ਰਤੀਸ਼ਤ (1,324) ਔਰਤਾਂ 52 ਸਾਲ ਦੀ ਉਮਰ 'ਚ ਕੁਦਰਤੀ ਮੇਨੋਪੋਜ਼ ਤੋਂ ਗੁਜ਼ਰੀਆਂ। ਦੱਸ ਦਇਏ ਕਿ ਪੀਰੀਅਡ ਬੰਦ ਹੋਣ ਦੀ ਸਥਿਤੀ ਨੂੰ ਮੇਨੋਪੌਜ਼ ਕਿਹਾ ਜਾਂਦਾ ਹੈ। ਨੋਟ: ਇਹ ਖ਼ਬਰ ਖੋਜ ਦੇ ਦਾਅਵੇ 'ਤੇ ਹੈ। ਏਬੀਪੀ ਨਿਊਜ਼ ਇਸ ਦੀ ਪੁਸ਼ਟੀ ਨਹੀਂ ਕਰਦਾ। ਕਿਸੇ ਸੁਝਾਅ ਜਾਂ ਇਲਾਜ ਨੂੰ ਲਾਗੂ ਕਰਨ ਤੋਂ ਪਹਿਲਾਂ ਆਪਣੇ ਮਾਹਰ ਦੀ ਸਲਾਹ ਜ਼ਰੂਰ ਲਿਓ।