ਅਖਿਲੇਸ਼ ਯਾਦਵ ਨੇ ਸਮਾਜਵਾਦੀ ਸੰਸਦ ਮੈਂਬਰ ਦਾ ਕੀਤਾ ਬਚਾਅ, ਰਾਣਾ ਸਾਂਗਾ ’ਤੇ ਵਿਵਾਦਤ ਬਿਆਨ ਕਰਕੇ ਮੱਚੀ ਤਰਥੱਲੀ
ਐਤਵਾਰ ਨੂੰ ਸਮਾਜਵਾਦੀ ਪਾਰਟੀ ਦੇ ਪ੍ਰਧਾਨ ਅਖਿਲੇਸ਼ ਯਾਦਵ ਨੇ ਆਪਣੀ ਪਾਰਟੀ ਦੇ ਰਾਜ ਸਭਾ MP ਰਾਮਜੀਲਾਲ ਸੁਮਨ ਦੇ ਵਿਵਾਦਤ ਬਿਆਨ ’ਤੇ ਬਚਾਅ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਸੰਸਦ ਵਿਚ ਰਾਜਪੂਤ ਸ਼ਾਸਕ ਰਾਣਾ ਸਾਂਗਾ ਨੂੰ 'ਗੱਦਾਰ' ਕਹਿ ਦਿੱਤਾ
ਐਤਵਾਰ ਨੂੰ ਸਮਾਜਵਾਦੀ ਪਾਰਟੀ ਦੇ ਪ੍ਰਧਾਨ ਅਖਿਲੇਸ਼ ਯਾਦਵ ਨੇ ਆਪਣੀ ਪਾਰਟੀ ਦੇ ਰਾਜ ਸਭਾ ਸੰਸਦ ਮੈਂਬਰ ਰਾਮਜੀਲਾਲ ਸੁਮਨ ਦੇ ਵਿਵਾਦਤ ਬਿਆਨ ’ਤੇ ਬਚਾਅ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਸੰਸਦ ਵਿਚ ਰਾਜਪੂਤ ਸ਼ਾਸਕ ਰਾਣਾ ਸਾਂਗਾ ਨੂੰ “ਗੱਦਾਰ” ਕਹਿ ਦਿੱਤਾ ਸੀ। ਅਖਿਲੇਸ਼ ਯਾਦਵ ਨੇ ਆਲੋਚਨਾ ਨੂੰ ਖ਼ਾਰਜ ਕਰਦਿਆਂ ਕਿਹਾ ਕਿ ਜੇ BJP ਆਗੂ ਇਤਿਹਾਸ ਦੀ ਚੋਣਵੀਂ ਵਿਆਖਿਆ ਕਰਕੇ ਔਰੰਗਜ਼ੇਬ ਵਰਗੇ ਚਿਹਰਿਆਂ ਦੀ ਗੱਲ ਕਰ ਸਕਦੇ ਹਨ, ਤਾਂ ਸੁਮਨ ਦੇ ਬਿਆਨ ਨੂੰ ਵੀ ਇਤਿਹਾਸਕ ਚਰਚਾ ਦਾ ਹਿੱਸਾ ਮੰਨਿਆ ਜਾ ਸਕਦਾ ਹੈ।
'ਗੱਦਾਰ’ ਕਹਿਣ ਤੋਂ ਬਾਅਦ ਮੱਚਿਆ ਰਾਜਨੀਤਿਕ ਬਵਾਲ
ਸਮਾਜਵਾਦੀ ਪਾਰਟੀ ਦੇ ਅਧਿਆਕਸ਼ ਅਖਿਲੇਸ਼ ਯਾਦਵ ਨੇ ਆਪਣੀ ਪਾਰਟੀ ਦੇ ਰਾਜ ਸਭਾ ਸੰਸਦ ਮੈਂਬਰ ਰਾਮਜੀਲਾਲ ਸੁਮਨ ਦੇ ਬਿਆਨ ਦਾ ਬਚਾਅ ਕੀਤਾ ਹੈ। ਸੁਮਨ ਵੱਲੋਂ ਸੰਸਦ ਵਿੱਚ ਮੇਵਾਰ ਦੇ ਸ਼ਾਸਕ ਰਹੇ ਰਾਣਾ ਸਾਂਗਾ ਨੂੰ ‘ਗੱਦਾਰ’ ਕਹਿਣ ਤੋਂ ਬਾਅਦ ਰਾਜਨੀਤਿਕ ਬਵਾਲ ਮਚ ਗਿਆ ਸੀ। BJP ਨੇ ਸਪਾ ਸੰਸਦ ਮੈਂਬਰ ਦੇ ਇਸ ਬਿਆਨ ਨੂੰ ਹਿੰਦੂ ਭਾਈਚਾਰੇ ਦੀ ਬੇਇਜ਼ਤੀ ਦੱਸਿਆ ਅਤੇ ਅਖਿਲੇਸ਼ ਯਾਦਵ ’ਤੇ ਤੁਸ਼ਟੀਕਰਨ ਦੀ ਰਾਜਨੀਤੀ ਕਰਨ ਦਾ ਦੋਸ਼ ਲਾਇਆ।
21 ਮਾਰਚ ਨੂੰ ਰਾਜ ਸਭਾ ਵਿੱਚ ਆਪਣੇ ਭਾਸ਼ਣ ਦੌਰਾਨ, ਰਾਮਜੀਲਾਲ ਸੁਮਨ ਨੇ ਕਿਹਾ ਸੀ ਕਿ ਭਾਰਤੀ ਮੁਸਲਿਮ ਬਾਬਰ ਨੂੰ ਆਪਣਾ ਆਦਰਸ਼ ਨਹੀਂ ਮੰਨਦੇ, ਸਗੋਂ ਉਹ ਪੈਗੰਬਰ ਮੁਹੰਮਦ ਅਤੇ ਸੂਫੀ ਪਰੰਪਰਾਵਾਂ ਦੀ ਪਾਲਣਾ ਕਰਦੇ ਹਨ। ਉਨ੍ਹਾਂ ਸਵਾਲ ਉਠਾਇਆ ਸੀ ਕਿ ਆਖ਼ਰ ਬਾਬਰ ਨੂੰ ਭਾਰਤ ਕੌਣ ਲਿਆਇਆ ਸੀ? "ਇਹ ਰਾਣਾ ਸਾਂਗਾ ਹੀ ਸਨ ਜਿਨ੍ਹਾਂ ਨੇ ਬਾਬਰ ਨੂੰ ਇਬਰਾਹਿਮ ਲੋਦੀ ਨੂੰ ਹਰਾਉਣ ਲਈ ਸੱਦਾ ਦਿੱਤਾ ਸੀ।"
BJP ਨੇ ਅਖਿਲੇਸ਼ ਯਾਦਵ ਵੱਲੋਂ ਰਾਮਜੀਲਾਲ ਸੁਮਨ ਦੇ ਬਿਆਨ ਦੇ ਸਮਰਥਨ ’ਤੇ ਕਿਹਾ ਕਿ ਇਹ ਭਾਰਤੀ ਇਤਿਹਾਸ ਅਤੇ ਹਿੰਦੂ ਸਮਾਜ ਦਾ ਅਪਮਾਨ ਹੈ। BJP ਨੇਤਾਵਾਂ ਅਤੇ ਹਿੰਦੂ ਸੰਸਥਾਵਾਂ ਵੱਲੋਂ ਔਰੰਗਜ਼ੇਬ ਨੂੰ ਮਹਿਮਾਂਮੰਡਿਤ ਕਰਨ ਦੀ ਕੋਸ਼ਿਸ਼ਾਂ ਦੇ ਖਿਲਾਫ ਵਿਰੋਧ ਪ੍ਰਦਰਸ਼ਨ ਕੀਤੇ ਜਾ ਰਹੇ ਹਨ ਅਤੇ ਹਿੰਦੂ ਸੰਸਥਾਵਾਂ ਵੱਲੋਂ ਔਰੰਗਜ਼ੇਬ ਦੀ ਕਬਰ ਨੂੰ ਹਟਾਉਣ ਦੀ ਮੰਗ ਕੀਤੀ ਜਾ ਰਹੀ ਹੈ।
ਅਖਿਲੇਸ਼ ਯਾਦਵ ਨੇ BJP ’ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ "ਜੇਕਰ BJP ਦੇ ਨੇਤਾ ਇਤਿਹਾਸ ਦੇ ਪੰਨੇ ਪਲਟ ਸਕਦੇ ਹਨ, ਤਾਂ ਰਾਮਜੀਲਾਲ ਸੁਮਨ ਨੇ ਵੀ ਇਤਿਹਾਸ ਦੇ ਇੱਕ ਪੰਨੇ ਦਾ ਜ਼ਿਕਰ ਕੀਤਾ ਹੈ। ਅਸੀਂ 200 ਸਾਲ ਪਹਿਲਾਂ ਦਾ ਇਤਿਹਾਸ ਨਹੀਂ ਲਿਖਿਆ।" ਉਨ੍ਹਾਂ BJP ਨੂੰ ਅਪੀਲ ਕੀਤੀ ਕਿ ਉਹ ਇਤਿਹਾਸ ਨੂੰ ਚੋਣਵਾਂ ਢੰਗ ਨਾਲ ਨਾ ਖੰਗਾਲੇ।''
ਅਖਿਲੇਸ਼ ਯਾਦਵ ਨੇ ਛੱਤਰਪਤੀ ਸ਼ਿਵਾਜੀ ਮਹਾਰਾਜ ਦੇ ਰਾਜਅਭਿਸ਼ੇਕ ਦਾ ਜ਼ਿਕਰ ਕਰਦਿਆਂ ਯਾਦ ਦਿਲਾਇਆ ਕਿ ਉਸ ਸਮੇਂ ਉਨ੍ਹਾਂ ਦਾ ਅਭਿਸ਼ੇਕ ਹੱਥ ਨਾਲ ਨਹੀਂ, ਬਲਕਿ ਖੱਬੇ ਪੈਰ ਦੇ ਅੰਗੂਠੇ ਨਾਲ ਕੀਤਾ ਗਿਆ ਸੀ। ਉਨ੍ਹਾਂ ਸਵਾਲ ਉਠਾਇਆ ਕਿ ਕੀ ਅੱਜ BJP ਇਸ ’ਤੇ ਮਾਫੀ ਮੰਗੇਗੀ?
BJP ਨੇਤਾ ਅਮਿਤ ਮਾਲਵੀਯਾ ਨੇ ਅਖਿਲੇਸ਼ ਯਾਦਵ 'ਤੇ ਵਾਪਸੀ ਹਮਲਾ ਕਰਦਿਆਂ ਦੋਸ਼ ਲਾਇਆ ਕਿ ਉਹ ਤੁਸ਼ਟੀਕਰਨ ਦੀ ਰਾਜਨੀਤੀ ਕਰ ਰਹੇ ਹਨ ਅਤੇ ਸੁਮਨ ਦੇ ਬਿਆਨ ਦਾ ਸਮਰਥਨ ਕਰ ਰਹੇ ਹਨ। ਦੂਜੇ ਪਾਸੇ ਵਿਸ਼ਵ ਹਿੰਦੂ ਪਰਿਸ਼ਦ ਨੇ ਸਪਾ ਸੰਸਦ ਮੈਂਬਰ ਸੁਮਨ ਦੇ ਬਿਆਨ ਨੂੰ ਸ਼ਰਮਨਾਕ ਦੱਸਦੇ ਹੋਏ ਉਨ੍ਹਾਂ ਤੋਂ ਮਾਫੀ ਦੀ ਮੰਗ ਕੀਤੀ ਹੈ। ਕੇਂਦਰੀ ਮੰਤਰੀ ਅਤੇ BJP ਨੇਤਾ ਗਜੇਂਦਰ ਸਿੰਘ ਸ਼ੇਖਾਵਤ ਨੇ ਵੀ ਸੁਮਨ ਦੀ ਟਿੱਪਣੀ ਦੀ ਨਿੰਦਾ ਕੀਤੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
