ਮੋਦੀ ਦੇ ਹੈਲੀਕਾਪਟਰ 'ਚੋਂ ਉੱਤਰੇ 'ਕਾਲ਼ੇ ਬਕਸੇ' 'ਚ ਕੀ?ਕਾਂਗਰਸ ਨੇ ਚੋਣ ਕਮਿਸ਼ਨ ਤੋਂ ਮੰਗੀ ਜਾਂਚ

ਕਾਲ਼ੇ ਬਕਸੇ ਨੂੰ ਲੈ ਕੇ ਵੱਡਾ ਵਿਵਾਦ ਹੋ ਰਿਹਾ ਹੈ। ਕਾਂਗਰਸ ਦਾ ਦਾਅਵਾ ਹੈ ਕਿ ਕਰਨਾਟਕ ਦੇ ਚਿਤਰਦੁਰਗ ਵਿੱਚ ਪੀਐਮ ਮੋਦੀ ਦੇ ਹੈਲੀਕਾਪਟਰ ਤੋਂ ਇੱਕ ਕਾਲ਼ੇ ਰੰਗ ਦਾ ਬਕਸਾ ਉਤਾਰਿਆ ਗਿਆ ਹੈ। ਇਸ ਨੂੰ ਬਾਅਦ ਵਿੱਚ ਗੱਡੀ 'ਚ ਰੱਖ ਦਿੱਤਾ ਗਿਆ। ਕਾਂਗਰਸ ਨੇ ਬਕਾਇਦਾ ਇਸ ਦੀ ਵੀਡੀਓ ਵੀ ਜਾਰੀ ਕੀਤੀ ਹੈ।

ਨਵੀਂ ਦਿੱਲੀ: ਦੇਸ਼ ਦੀ ਸਿਆਸਤ ਵਿੱਚ ਹੁਣ 'ਕਾਲੇ ਬਕਸੇ' ਦੀ ਐਂਟਰੀ ਹੋ ਗਈ ਹੈ। ਇਸ ਕਾਲ਼ੇ ਬਕਸੇ ਨੂੰ ਲੈ ਕੇ ਵੱਡਾ ਵਿਵਾਦ ਹੋ ਰਿਹਾ ਹੈ। ਕਾਂਗਰਸ ਦਾ ਦਾਅਵਾ ਹੈ ਕਿ ਕਰਨਾਟਕ ਦੇ ਚਿਤਰਦੁਰਗ ਵਿੱਚ ਪੀਐਮ ਮੋਦੀ ਦੇ ਹੈਲੀਕਾਪਟਰ ਤੋਂ ਇੱਕ ਕਾਲ਼ੇ ਰੰਗ ਦਾ ਬਕਸਾ ਉਤਾਰਿਆ ਗਿਆ ਹੈ। ਇਸ ਨੂੰ ਬਾਅਦ ਵਿੱਚ ਗੱਡੀ 'ਚ ਰੱਖ ਦਿੱਤਾ ਗਿਆ। ਕਾਂਗਰਸ ਨੇ ਬਕਾਇਦਾ ਇਸ ਦੀ ਵੀਡੀਓ ਵੀ ਜਾਰੀ ਕੀਤੀ ਹੈ। ਹੁਣ ਕਾਂਗਰਸ ਨੇ ਚੋਣ ਕਮਿਸ਼ਨ ਨੂੰ ਇਸ ਬਕਸੇ ਦੀ ਜਾਂਚ ਕਰਵਾਉਣ ਦੀ ਮੰਗ ਕੀਤੀ ਹੈ। 'ਕਾਲ਼ੇ ਬਕਸੇ' ਸਬੰਧੀ ਕਾਂਗਰਸ ਵੱਲੋਂ ਸੀਨੀਅਰ ਲੀਡਰ ਆਨੰਦ ਸ਼ਰਮਾ ਨੇ ਪ੍ਰੈੱਸ ਕਾਨਫਰੰਸ ਕਰਕੇ ਉਕਤ ਦਾਅਵਾ ਕੀਤਾ ਹੈ। ਕਾਂਗਰਸ ਇਹ ਸਵਾਲ ਚੁੱਕ ਰਹੀ ਹੈ ਕਿ ਇਸ ਬਕਸੇ ਵਿੱਚ ਕੀ ਸੀ? ਇਸ ਦੀ ਜਾਂਚ ਹੋਣੀ ਚਾਹੀਦੀ ਹੈ। ਕਾਂਗਰਸ ਨੇ ਚੋਣ ਕਮਿਸ਼ਨ ਨੂੰ ਵੀ ਇਸ ਦੀ ਸ਼ਿਕਾਇਤ ਕੀਤੀ ਹੈ। ਬਕਸੇ ਦੀ ਵੀਡੀਓ ਵੀ ਕਾਂਗਰਸ ਦੇ ਲੀਡਰ ਨੇ ਟਵੀਟ ਕਰਕੇ ਸਾਂਝੀ ਕੀਤੀ ਹੈ। ਸੀਨੀਅਰ ਕਾਂਗਰਸੀ ਲੀਡਰ ਆਨੰਦ ਸ਼ਰਮਾ ਨੇ ਕਿਹਾ ਕਿ ਪੀਐਮ ਮੋਦੀ ਚਿਤਰਦੁਰਗ ਹਵਾਈ ਫੌਜ ਦੇ ਹੈਲੀਕਾਪਟਰ ਤੋਂ ਗਏ। ਇਸ ਹੈਕੀਕਾਪਟਰ ਵਿੱਚੋਂ ਇੱਕ ਵੱਡਾ ਕਾਲਾ ਬਕਸਾ ਕੱਢਿਆ ਗਿਆ ਤੇ ਪ੍ਰਾਈਵੇਟ ਕਾਰ ਵਿੱਚ ਰਖਵਾ ਦਿੱਤਾ ਗਿਆ। ਇਹ ਕਾਰ ਕਾਫਲੇ ਦਾ ਹਿੱਸਾ ਨਹੀਂ ਸੀ। ਅਜਿਹੇ ਵਿੱਚ ਸਵਾਲ ਖੜਾ ਹੁੰਦਾ ਹੈ ਕਿ ਉਹ ਬਕਸਾ ਕਿੱਥੇ ਗਿਆ? ਉਹ ਕਾਰ ਕਿਸਦੀ ਸੀ? ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ ਦੀ ਚੰਗੀ ਤਰ੍ਹਾਂ ਜਾਂਚ ਹੋਣੀ ਚਾਹੀਦੀ ਹੈ ਕਿ ਬਕਸੇ ਵਿੱਚ ਆਖਰ ਹੈ ਕੀ ਸੀ?