Covaxin ਵੈਕਸੀਨ ਬੱਚਿਆਂ 'ਤੇ ਅਸਰਦਾਰ, ਅਧਿਐਨ ਤੋਂ ਹੋਇਆ ਖੁਲਾਸਾ
Covaxin Vaccine: ਬਾਲਗਾਂ ਦੇ ਮੁਕਾਬਲੇ ਬੱਚਿਆਂ 'ਚ 1.7 ਗੁਣਾ ਜ਼ਿਆਦਾ ਬੇਅਸਰ ਐਂਟੀਬਾਡੀਜ਼ ਨੂੰ ਖ਼ਤਮ ਕਰਦਾ ਹੈ। ਨਾਲ ਹੀ ਕਿਸੇ ਮਾੜੇ ਪ੍ਰਭਾਵ ਦੀ ਰਿਪੋਰਟ ਨਹੀਂ ਮਿਲੀ। ਸਿਰਫ਼ ਟੀਕੇ ਵਾਲੀ ਥਾਂ 'ਤੇ ਦਰਦ ਸਭ ਤੋਂ ਜ਼ਿਆਦਾ ਰਿਪੋਰਟ ਕੀਤਾ ਗਿਆ।
Covaxin Vaccine: ਭਾਰਤ ਬਾਇਓਟੈਕ ਦੇ ਟੀਕੇ ਦਾ 2-18 ਸਾਲ ਦੇ ਬੱਚੇ 'ਤੇ ਟੈਸਟ ਕੀਤਾ ਗਿਆ, ਜਿਸ ਵਿੱਚ ਇਹ ਸੁਰੱਖਿਅਤ ਅਤੇ ਇਮਿਊਨੋਜਨਿਕ ਪਾਇਆ ਗਿਆ। ਜਿਸ 'ਚ ਇਸ ਟੀਕੇ ਦੇ ਫੇਜ਼ 2 ਅਤੇ ਫੇਜ਼ 3, ਓਪਨ-ਲੇਬਲ,ਮਲਟੀ-ਸੈਂਟਰ ਅਧਿਐਨ 2 ਵਿੱਚ ਸਿਹਤਮੰਦ ਬੱਚਿਆਂ ਅਤੇ ਕਿਸ਼ੋਰਾਂ ਵਿੱਚ ਵੈਕਸੀਨ ਦੀ ਸੁਰੱਖਿਆ, ਰੈਕਟਗੇਨੀਸਿਟੀ ਅਤੇ ਇਮਯੂਨੋਜੇਂਸਿਟੀ ਸਮਰੱਥਾ ਦਾ ਮੁਲਾਂਕਣ ਕਰਨ ਲਈ ਕੀਤੇ ਗਏ ਸੀ, ਜਿਸ ਵਿੱਚ ਇਹ ਬੱਚਿਆਂ ਲਈ ਸੁਰੱਖਿਅਤ, ਚੰਗੀ ਤਰ੍ਹਾਂ ਬਰਦਾਸ਼ਤ ਕਰਨ ਲਾਈਕ ਅਤੇ ਇਮਯੂਨੋਜਨਿਕ ਸਾਬਤ ਹੋਇਆ।
ਬਾਲਗਾਂ ਦੇ ਮੁਕਾਬਲੇ ਔਸਤਨ 1.7 ਗੁਣਾ ਜ਼ਿਆਦਾ ਬੱਚਿਆਂ ਵਿੱਚ ਐਂਟੀਬਾਡੀਜ਼ ਨੂੰ ਬੇਅਸਰ ਕਰਦਾ ਹੈ। ਇਸ ਦੇ ਨਾਲ ਹੀ ਕਿਸੇ ਤਰ੍ਹਾਂ ਦੇ ਮਾੜੇ ਪ੍ਰਭਾਵ ਦੀ ਰਿਪੋਰਟ ਨਹੀਂ ਕੀਤੀ ਗਈ। ਸਿਰਫ਼ ਟੀਕੇ ਵਾਲੀ ਥਾਂ 'ਤੇ ਜ਼ਿਆਦਾ ਦਰਦ ਰਿਪੋਰਟ ਕੀਤਾ ਗਿਆ। ਇਸ ਤੋਂ ਇਲਾਵਾ, ਮਾਇਓਕਾਰਡਾਈਟਿਸ ਜਾਂ ਖੂਨ ਦੇ ਗਤਲੇ ਦਾ ਕੋਈ ਕੇਸ ਦਰਜ ਨਹੀਂ ਕੀਤਾ ਗਿਆ, ਜਿਵੇਂ ਕਿ ਅਕਿਰਿਆਸ਼ੀਲ ਵੈਕਸੀਨ ਤੋਂ ਉਮੀਦ ਕੀਤੀ ਗਈ ਸੀ।
ਐਮਰਜੈਂਸੀ ਵਰਤੋਂ ਦੀ ਮਨਜ਼ੂਰੀ
ਭਾਰਤ ਬਾਇਓਟੈਕ ਇੰਟਰਨੈਸ਼ਨਲ ਲਿਮਿਟੇਡ (BBIL) ਮੁਤਾਬਕ, ਜੂਨ 2021 ਅਤੇ ਸਤੰਬਰ 2021 ਦੇ ਵਿਚਕਾਰ ਬੱਚਿਆਂ ਵਿੱਚ ਕੀਤੇ ਗਏ ਕਲੀਨਿਕਲ ਟ੍ਰਾਇਲ ਨੇ ਮਜ਼ਬੂਤ ਸੁਰੱਖਿਆ, ਜਵਾਬਦੇਹੀ ਅਤੇ ਇਮਯੂਨੋਜਨਿਕਤਾ ਦਿਖਾਈ। ਇਹ ਡੇਟਾ ਅਕਤੂਬਰ 2021 ਦੌਰਾਨ ਸੈਂਟਰਲ ਡਰੱਗ ਸਟੈਂਡਰਡ ਕੰਟਰੋਲ ਆਰਗੇਨਾਈਜ਼ੇਸ਼ਨ (CDSCO) ਨੂੰ ਸੌਂਪਿਆ ਗਿਆ ਸੀ। ਹਾਲ ਹੀ ਵਿੱਚ DCGI ਨੇ 12-18 ਸਾਲ ਦੀ ਉਮਰ ਦੇ ਬੱਚਿਆਂ ਲਈ ਐਮਰਜੈਂਸੀ ਵਰਤੋਂ ਦੀ ਇਜਾਜ਼ਤ ਦਿੱਤੀ ਹੈ।
525 ਵਾਲੰਟੀਅਰਾਂ ਦੀ ਕੀਤੀ ਗਈ ਸੀ ਚੋਣ
ਟ੍ਰਾਇਲ ਲਈ, 976 ਵਲੰਟੀਅਰਾਂ ਦਾ RT-PCR ਅਤੇ ELISA ਟੈਸਟ ਰਾਹੀਂ SARS-CoV-2 ਲਈ ਟੈਸਟ ਕੀਤਾ ਗਿਆ ਸੀ। ਇਨ੍ਹਾਂ ਚੋਂ 525 ਵਾਲੰਟੀਅਰਾਂ ਦੀ ਚੋਣ ਕੀਤੀ ਗਈ। ਵਲੰਟੀਅਰਾਂ ਨੂੰ ਉਮਰ ਦੇ ਆਧਾਰ 'ਤੇ ਤਿੰਨ ਗਰੁੱਪਾਂ 'ਚ ਵੰਡਿਆ ਗਿਆ। 2 ਤੋਂ 6 ਸਾਲ ਦੀ ਉਮਰ ਦੇ 175 ਵਲੰਟੀਅਰ, 6 ਤੋਂ 12 ਸਾਲ ਦੇ 175 ਵਲੰਟੀਅਰ ਅਤੇ 12 ਤੋਂ 18 ਸਾਲ ਦੀ ਉਮਰ ਦੇ 175 ਵਾਲੰਟੀਅਰ ਸੀ। ਟ੍ਰਾਇਲ ਵਿੱਚ ਦੂਜੀ ਖੁਰਾਕ ਤੋਂ ਚਾਰ ਹਫ਼ਤਿਆਂ ਬਾਅਦ, ਸਾਰੇ ਤਿੰਨ ਸਮੂਹਾਂ ਵਿੱਚ ਸੇਰੋਕੋਨਵਰਜ਼ਨ 95-98% 'ਤੇ ਡਾਕਿਊਮੈਂਟ ਦਰਜ ਕੀਤਾ ਗਿਆ ਸੀ, ਜੋ ਬਾਲਗਾਂ ਦੇ ਮੁਕਾਬਲੇ ਬੱਚਿਆਂ ਵਿੱਚ ਬਿਹਤਰ ਐਂਟੀਬਾਡੀ ਪ੍ਰਤੀਕ੍ਰਿਆਵਾਂ ਨੂੰ ਦਰਸਾਉਂਦਾ ਹੈ ਅਤੇ Th1 ਪੱਖਪਾਤ ਦਾ ਪ੍ਰਦਰਸ਼ਨ ਵੀ ਕਰਦਾ ਹੈ।
COVAXIN ਵਿਸ਼ੇਸ਼ ਤੌਰ 'ਤੇ ਬਾਲਗਾਂ ਅਤੇ ਬੱਚਿਆਂ ਲਈ ਬਰਾਬਰ ਖੁਰਾਕਾਂ ਪ੍ਰਦਾਨ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। COVAXIN ਤਰਲ ਵੈਕਸੀਨ ਵਰਤਣ ਲਈ ਤਿਆਰ ਹੈ, 2-8°C 'ਤੇ ਸਟੋਰ ਕੀਤੀ ਜਾ ਸਕਦੀ ਹੈ, ਇਸਦੀ 12 ਮਹੀਨਿਆਂ ਦੀ ਸ਼ੈਲਫ ਲਾਈਫ ਅਤੇ ਮਲਟੀ-ਡੋਜ਼ ਵਾਇਲ ਪਾਲਿਸੀ ਦੇ ਨਾਲ।
ਕਲੀਨਿਕਲ ਟ੍ਰਾਇਲ ਡੇਟਾ ਨੂੰ ਉਤਸ਼ਾਹਿਤ ਕਰਨ ਵਾਲਾ
ਡਾ ਕ੍ਰਿਸ਼ਨਾ ਐਲਾ, ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ, ਭਾਰਤ ਬਾਇਓਟੈਕ, ਨੇ ਕਿਹਾ, “2-18 ਸਾਲ ਦੀ ਆਬਾਦੀ ਤੋਂ ਕੋਵੈਕਸਿਨ ਦਾ ਕਲੀਨਿਕਲ ਟ੍ਰਾਇਲ ਡੇਟਾ ਬਹੁਤ ਉਤਸ਼ਾਹਜਨਕ ਹੈ। ਬੱਚਿਆਂ ਲਈ ਵੈਕਸੀਨ ਦੀ ਸੁਰੱਖਿਆ ਮਹੱਤਵਪੂਰਨ ਹੈ ਅਤੇ ਸਾਨੂੰ ਇਹ ਸਾਂਝਾ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਕੋਵੈਕਸਿਨ ਨੇ ਹੁਣ ਬੱਚਿਆਂ ਵਿੱਚ ਸੁਰੱਖਿਆ ਅਤੇ ਟੀਕਾਕਰਨ ਲਈ ਪ੍ਰਮਾਣਿਤ ਡੇਟਾ ਪ੍ਰਦਾਨ ਕੀਤਾ ਗਿਆ ਹੈ। ਅਸੀਂ ਹੁਣ ਬਾਲਗਾਂ ਅਤੇ ਬੱਚਿਆਂ ਲਈ ਇੱਕ ਸੁਰੱਖਿਅਤ ਅਤੇ ਪ੍ਰਭਾਵੀ COVID-19 ਟੀਕਾ ਵਿਕਸਿਤ ਕਰਨ ਦਾ ਆਪਣਾ ਟੀਚਾ ਪ੍ਰਾਪਤ ਕੀਤਾ ਹੈ।"
ਬੱਚਿਆਂ ਦੇ ਟੀਕਾਕਰਨ ਵਿੱਚ ਹੋਵੇਗਾ ਇਸਤੇਮਾਲ
ਹਾਲ ਹੀ ਵਿੱਚ, 12 ਤੋਂ 18 ਸਾਲ ਦੀ ਉਮਰ ਦੇ ਬੱਚਿਆਂ ਲਈ ਭਾਰਤ ਬਾਇਓਟੈਕ ਦੇ COVAXIN ਨੂੰ ਐਮਰਜੈਂਸੀ ਵਰਤੋਂ ਲਈ ਡਰੱਗ ਕੰਟਰੋਲਰ ਜਨਰਲ ਆਫ਼ ਇੰਡੀਆ ਦੁਆਰਾ ਮਨਜ਼ੂਰੀ ਦਿੱਤੀ ਗਈ। ਇਸ ਦੇ ਨਾਲ ਹੀ 3 ਜਨਵਰੀ ਤੋਂ ਸ਼ੁਰੂ ਹੋ ਕੇ 15 ਤੋਂ 18 ਸਾਲ ਦੇ ਬੱਚਿਆਂ ਦੇ ਟੀਕਾਕਰਨ ਵਿੱਚ ਸਿਰਫ਼ ਕੋਵੈਕਸੀਨ ਹੀ ਦਿੱਤੀ ਜਾਵੇਗੀ। COVAXIN ਭਾਰਤ ਬਾਇਓਟੈਕ ਅਤੇ ICMR ਵਲੋਂ ਵਿਕਸਿਤ ਹੈ। ਇਹ ਕੋਰੋਨਾ ਦਾ ਪਹਿਲਾ ਸਵਦੇਸ਼ੀ ਟੀਕਾ ਹੈ।
ਇਹ ਵੀ ਪੜ੍ਹੋ: Health Tips: ਗੋਗੜ ਫੁੱਲਣ ਦੇ ਕਾਰਣ ਤੇ ਹੱਲ...
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
