ਦਿੱਲੀ ਬਲਾਸਟ ਮਾਮਲੇ 'ਚ ED ਵੱਲੋਂ ਵੱਡਾ ਐਕਸ਼ਨ! ਅਲ ਫਲਾਹ ਯੂਨੀਵਰਸਿਟੀ ਨਾਲ ਜੁੜੇ ਵਿਅਕਤੀਆਂ ਦੇ ਟਿਕਾਣੇ 'ਤੇ ਸਵੇਰ ਤੋਂ ਹੀ ਛਾਪੇਮਾਰੀ ਜਾਰੀ
ਅਲ ਫਲਾਹ ਯੂਨੀਵਰਸਿਟੀ ਨਾਲ ਜੁੜੇ ਵਿਅਕਤੀਆਂ ਦੇ ਟਿਕਾਣੇ ਉੱਤੇ ਰੇਡ ਜਾਰੀ ਹੈ। ਦੱਸ ਦਈਏ ਸਵੇਰੇ ਤੋਂ ਹੀ ਛਾਪੇਮਾਰੀ ਕੀਤੀ ਜਾ ਰਹੀ ਅਤੇ ਰਿਕਾਰਡਾਂ ਨੂੰ ਖੰਗਾਲਿਆ ਜਾ ਰਿਹਾ ਹੈ। ED ਨੇ ਮੰਗਲਵਾਰ ਸਵੇਰੇ ਅਲ-ਫਲਾਹ ਟਰੱਸਟ ਦੇ ਓਖਲਾ ਸਥਿਤ ਮੁੱਖ..
ED ਨੇ ਮੰਗਲਵਾਰ ਯਾਨੀਕਿ ਅੱਜ ਸਵੇਰੇ ਤੋਂ ਹੀ ਦਿੱਲੀ ਦੇ ਓਖਲਾ ਸਥਿਤ ਅਲ-ਫਲਾਹ ਟਰੱਸਟ ਅਤੇ ਫਰੀਦਾਬਾਦ ਦੀ ਅਲ-ਫਲਾਹ ਯੂਨੀਵਰਸਿਟੀ ਨਾਲ ਜੁੜੇ 24 ਟਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ ਹੈ। ਇਹ ਕਾਰਵਾਈ ਮਨੀ ਲਾਂਡਰਿੰਗ (PMLA) ਨਾਲ ਸਬੰਧਤ ਮਾਮਲੇ ਤਹਿਤ ਕੀਤੀ ਗਈ ਹੈ। ਜਾਂਚ ਏਜੰਸੀ ਨੂੰ ਸ਼ੱਕ ਹੈ ਕਿ ਯੂਨੀਵਰਸਿਟੀ ਅਤੇ ਇਸ ਨਾਲ ਜੁੜੇ ਮਾਲਕਾਂ ਅਤੇ ਪ੍ਰਬੰਧਨ ਨੇ ਵੱਡੇ ਪੈਮਾਨੇ 'ਤੇ ਵਿੱਤੀ ਗੜਬੜੀਆਂ ਕੀਤੀਆਂ ਹਨ। ਇਸ ਲਈ ਉਨ੍ਹਾਂ ਦੇ ਟਿਕਾਣਿਆਂ 'ਤੇ ਦਸਤਾਵੇਜ਼ ਅਤੇ ਡਿਜੀਟਲ ਸਬੂਤ ਲੱਭੇ ਜਾ ਰਹੇ ਹਨ।
ਸੂਤਰਾਂ ਦੇ ਅਨੁਸਾਰ, ED ਨੇ ਮੰਗਲਵਾਰ ਸਵੇਰੇ ਅਲ-ਫਲਾਹ ਟਰੱਸਟ ਦੇ ਓਖਲਾ ਸਥਿਤ ਮੁੱਖ ਦਫਤਰ, ਯੂਨੀਵਰਸਿਟੀ ਕੈਂਪਸ ਅਤੇ ਪ੍ਰਬੰਧਨ ਨਾਲ ਜੁੜੇ ਲੋਕਾਂ ਦੇ ਨਿੱਜੀ ਘਰਾਂ ਸਮੇਤ ਕਈ ਟਿਕਾਣਿਆਂ 'ਤੇ ਇਕੱਠੇ ਛਾਪੇਮਾਰੀ ਕੀਤੀ। ਦਿੱਲੀ ਦੇ ਜਾਮੀਆ ਨਗਰ ਅਤੇ ਓਖਲਾ ਵਿਹਾਰ ਤੋਂ ਲੈ ਕੇ ਫਰੀਦਾਬਾਦ ਦੇ ਸੈਕਟਰ-22 ਸਥਿਤ ਯੂਨੀਵਰਸਿਟੀ ਕੈਂਪਸ ਤੱਕ ED ਦੀਆਂ ਕਈ ਟੀਮਾਂ ਸਵੇਰੇ ਹੀ ਤੈਨਾਤ ਕੀਤੀਆਂ ਗਈਆਂ ਹਨ।
ਜਾਂਚ ਵਿੱਚ ਵੱਡਾ ਖੁਲਾਸਾ
ਜਾਂਚ ਵਿੱਚ ਪਤਾ ਲੱਗਾ ਹੈ ਕਿ ਅਲ-ਫਲਾਹ ਗਰੁੱਪ ਨਾਲ ਜੁੜੀਆਂ 9 ਕੰਪਨੀਆਂ ਇੱਕੋ ਪਤੇ ਤੇ ਰਜਿਸਟਰਡ ਹਨ ਅਤੇ ਸ਼ੁਰੂਆਤੀ ਜਾਂਚ ਵਿੱਚ ਇਹ ਸੂਚਨਾ ਮਿਲੀ ਕਿ ਇਹਨਾਂ ਦੀਆਂ ਕਈ ਕੰਪਨੀਆਂ ਸ਼ੈੱਲ ਕੰਪਨੀਆਂ ਹੋਣ ਦੇ ਸੰਕੇਤ ਹਨ। ਦਿੱਤੇ ਪਤੇ ‘ਤੇ ਕੋਈ ਦਫਤਰ ਨਹੀਂ ਮਿਲਿਆ, ਨਾ ਹੀ ਬਿਜਲੀ-ਪਾਣੀ ਦੇ ਉਪਯੋਗ ਦਾ ਕੋਈ ਰਿਕਾਰਡ ਮਿਲਿਆ। ਕਈ ਕੰਪਨੀਆਂ ਵਿੱਚ ਇੱਕੋ ਹੀ ਮੋਬਾਈਲ ਨੰਬਰ ਅਤੇ ਈਮੇਲ ਆਈਡੀ ਵਰਤੀ ਗਈ, EPFO ਅਤੇ ESIC ਵਿੱਚ ਕੋਈ ਫਾਈਲਿੰਗ ਨਹੀਂ ਮਿਲੀ ਅਤੇ ਕਾਗਜ਼ਾਤ ਵਿੱਚ ਇਹਨਾਂ ਨੂੰ ਵੱਡੀਆਂ ਕੰਪਨੀਆਂ ਵਜੋਂ ਦਿਖਾਇਆ ਗਿਆ।
ਕਈ ਕੰਪਨੀਆਂ ਵਿੱਚ ਇੱਕੋ ਹੀ ਡਾਇਰੈਕਟਰ ਅਤੇ ਸਾਈਨਟਰੀ ਕੰਮਨ ਪਾਏ ਗਏ, ਬੈਂਕ ਸਟੇਟਮੈਂਟ ਵਿੱਚ ਸੈਲਰੀ ਟ੍ਰਾਂਸਫਰ ਬਹੁਤ ਘੱਟ ਦਰਜ ਹੋਏ ਅਤੇ HR ਨਾਲ ਸਬੰਧਤ ਕੋਈ ਦਸਤਾਵੇਜ਼ ਉਪਲਬਧ ਨਹੀਂ ਸਨ। ਲਗਭਗ ਸਾਰੀਆਂ ਕੰਪਨੀਆਂ ਇੱਕੋ ਹੀ ਪੈਟਰਨ ‘ਤੇ ਬਣਾਈਆਂ ਗਈਆਂ ਸਨ ਅਤੇ ਉਨ੍ਹਾਂ ਦੇ ਸੰਪਰਕ ਵੇਰਵੇ ਵੀ ਇੱਕੋ ਜਿਹੇ ਮਿਲੇ। ਜਾਂਚ ਵਿੱਚ ਅਲ-ਫਲਾਹ ਗਰੁੱਪ ਵੱਲੋਂ UGC ਅਤੇ NAAC ਮਾਨਤਾ ਨਾਲ ਸਬੰਧਤ ਦਾਅਵਿਆਂ ‘ਤੇ ਵੀ ਸਵਾਲ ਉਠੇ ਹਨ ਅਤੇ ਹੁਣ ਇਸ ਸਬੰਧ ਵਿੱਚ ਸੰਬੰਧਿਤ ਏਜੰਸੀਆਂ ਤੋਂ ਜਾਣਕਾਰੀ ਮੰਗੀ ਗਈ ਹੈ।
ਕਈ ਹੋਰ ਟਿਕਾਣਿਆਂ 'ਤੇ ਵੀ ਛਾਪੇਮਾਰੀ ਹੋ ਸਕਦੀ ਹੈ
ਸੂਤਰਾਂ ਦੇ ਅਨੁਸਾਰ, ਜਾਂਚ ਨਾਲ ਜੁੜੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ED ਨੇ ਮੌਕੇ ਤੋਂ ਅਹਿਮ ਦਸਤਾਵੇਜ਼, ਬੈਂਕ ਰਿਕਾਰਡ, ਲੈਪਟਾਪ, ਮੋਬਾਈਲ ਫੋਨ ਅਤੇ ਕਈ ਡਿਜੀਟਲ ਡਿਵਾਈਸ ਜ਼ਬਤ ਕੀਤੇ ਹਨ। ਕਾਰਵਾਈ ਹੁਣ ਵੀ ਜਾਰੀ ਹੈ ਅਤੇ ਸ਼ਾਮ ਤੱਕ ਹੋਰ ਥਿਕਾਣਿਆਂ 'ਤੇ ਵੀ ਛਾਪੇਮਾਰੀ ਹੋਣ ਦੀ ਸੰਭਾਵਨਾ ਹੈ।
ਛਾਪੇਮਾਰੀ ਨੂੰ ਦੇਖਦੇ ਹੋਏ ਦਿੱਲੀ ਪੁਲਿਸ ਅਤੇ ਸਥਾਨਕ ਪ੍ਰਸ਼ਾਸਨ ਨੇ ਸੰਬੰਧਿਤ ਇਲਾਕਿਆਂ ਵਿੱਚ ਸੁਰੱਖਿਆ ਵਧਾ ਦਿੱਤੀ ਹੈ। ਫਿਲਹਾਲ ਕਿਸੇ ਗ੍ਰਿਫਤਾਰੀ ਦੀ ਅਧਿਕਾਰਿਕ ਪੁਸ਼ਟੀ ਨਹੀਂ ਕੀਤੀ ਗਈ, ਪਰ ਏਜੰਸੀ ਦੇ ਸੂਤਰਾਂ ਦੇ ਅਨੁਸਾਰ ਆਉਣ ਵਾਲੇ ਦਿਨਾਂ ਵਿੱਚ ਵੱਡੇ ਖੁਲਾਸੇ ਹੋ ਸਕਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
