ਵਿਦੇਸ਼ੀ ਸ਼ਰਧਾਲੂ ਲਈ ਚੰਗੀ ਖਬਰ! ਬਾਂਕੇ ਬਿਹਾਰੀ ਮੰਦਰ ਨੂੰ ਮਿਲਿਆ FCRA ਲਾਇਸੈਂਸ, ਹੁਣ ਦਿਲ ਖੋਲ੍ਹ ਕੇ ਦੇ ਸਕਣਗੇ ਦਾਨ
ਬਾਂਕੇ ਬਿਹਾਰੀ ਦੇ ਭਗਤਾਂ ਦੇ ਲਈ ਚੰਗੀ ਖਬਰ ਸਾਹਮਣੇ ਆਈ ਹੈ। ਜੀ ਹਾਂ ਕੇਂਦਰ ਸਰਕਾਰ ਨੇ ਵਰਿੰਦਾਵਨ ਦੇ ਬਾਂਕੇ ਬਿਹਾਰੀ ਮੰਦਰ ਨੂੰ FCRA ਲਾਇਸੈਂਸ ਦਿੱਤਾ ਹੈ। ਇਸ ਦਾ ਮਤਲਬ ਹੈ ਕਿ ਹੁਣ ਵਿਦੇਸ਼ੀ ਸ਼ਰਧਾਲੂ ਮੰਦਰ 'ਚ ਖੁੱਲ੍ਹ ਕੇ ਦਾਨ ਕਰ ਸਕਣਗੇ।
Banke Bihari Temple: ਕੇਂਦਰ ਸਰਕਾਰ ਨੇ ਵਰਿੰਦਾਵਨ ਦੇ ਬਾਂਕੇ ਬਿਹਾਰੀ ਮੰਦਰ ਨੂੰ FCRA ਲਾਇਸੈਂਸ ਦਿੱਤਾ ਹੈ। ਇਸ ਦਾ ਮਤਲਬ ਹੈ ਕਿ ਹੁਣ ਵਿਦੇਸ਼ੀ ਸ਼ਰਧਾਲੂ ਮੰਦਰ 'ਚ ਖੁੱਲ੍ਹ ਕੇ ਦਾਨ ਕਰ ਸਕਣਗੇ। ਅਦਾਲਤ ਵੱਲੋਂ ਮੰਦਰ ਦੇ ਸੰਚਾਲਨ ਲਈ ਗਠਿਤ ਪ੍ਰਬੰਧਕ ਕਮੇਟੀ ਨੇ ਇਸ ਲਾਇਸੈਂਸ ਲਈ ਅਰਜ਼ੀ ਦਿੱਤੀ ਸੀ। ਅਦਾਲਤ ਦੀ ਮਨਜ਼ੂਰੀ ਤੋਂ ਬਾਅਦ ਇਸ ਅਰਜ਼ੀ ਦੀ ਪ੍ਰਕਿਰਿਆ ਪੂਰੀ ਹੋ ਗਈ।
ਅਦਾਲਤ ਵੱਲੋਂ ਗਠਿਤ ਪ੍ਰਬੰਧਕ ਕਮੇਟੀ ਦੀ ਅਰਜ਼ੀ ਅਨੁਸਾਰ ਮੰਦਿਰ ਦੇ ਖ਼ਜ਼ਾਨੇ ਵਿੱਚ ਬਹੁਤ ਸਾਰੀ ਵਿਦੇਸ਼ੀ ਕਰੰਸੀ ਹੈ ਅਤੇ ਉਹ ਵਿਦੇਸ਼ਾਂ ਤੋਂ ਹੋਰ ਦਾਨ ਪ੍ਰਾਪਤ ਕਰਨ ਦਾ ਇਰਾਦਾ ਰੱਖਦੇ ਹਨ।
ਹੋਰ ਪੜ੍ਹੋ : Tax ਭਰਨ ਵਾਲਿਆਂ ਦੀਆਂ ਮੌਜ਼ਾਂ! ਇੰਨੇ ਲੱਖ ਤੱਕ ਦੀ ਕਮਾਈ 'ਤੇ ਨਹੀਂ ਦੇਣਾ ਪਏਗਾ ਕੋਈ ਵੀ ਟੈਕਸ
ਦੱਸ ਦੇਈਏ ਕਿ ਫਿਲਹਾਲ ਬਾਂਕੇ ਬਿਹਾਰੀ ਮੰਦਿਰ ਦਾ ਪ੍ਰਬੰਧ ਅਦਾਲਤ ਵੱਲੋਂ ਹੀ ਕੀਤਾ ਜਾ ਰਿਹਾ ਹੈ। ਇਸ ਦੇ ਪ੍ਰਬੰਧਨ ਲਈ ਅਦਾਲਤ ਨੇ ਇਕ ਕਮੇਟੀ ਬਣਾਈ ਹੈ ਜੋ ਇਸ ਦੇ ਕੰਮਕਾਜ ਨੂੰ ਦੇਖਦੀ ਹੈ। ਮੰਦਰ ਪਹਿਲਾਂ ਨਿੱਜੀ ਪ੍ਰਬੰਧ ਅਧੀਨ ਸੀ। ਇਸ ਦਾ ਪ੍ਰਬੰਧ ਪੁਜਾਰੀਆਂ ਦੇ ਪਰਿਵਾਰ ਦੁਆਰਾ ਕੀਤਾ ਗਿਆ ਸੀ।
ਕਿੰਨੇ ਸਾਲ ਪੁਰਾਣਾ ਹੈ ਮੰਦਰ
ਬਾਂਕੇ ਬਿਹਾਰੀ ਮੰਦਰ ਦਾ ਨਿਰਮਾਣ 550 ਸਾਲ ਪੁਰਾਣਾ ਹੈ। ਪੀੜ੍ਹੀ ਦਰ ਪੀੜ੍ਹੀ, ਇੱਥੇ ਪੂਜਾ ਦਾ ਕੰਮ ਅਤੇ ਪ੍ਰਬੰਧ ਪੁਜਾਰੀਆਂ ਦੇ ਪਰਿਵਾਰਾਂ ਦੁਆਰਾ ਦੇਖਿਆ ਜਾਂਦਾ ਰਿਹਾ ਹੈ। ਸੇਵਾਤ ਗੋਸਵਾਮੀ, ਸਾਰਸਵਤ ਬ੍ਰਾਹਮਣ ਅਤੇ ਸਵਾਮੀ ਹਰੀਦਾਸ ਦੇ ਵੰਸ਼ਜ ਇਸ ਮੰਦਰ ਨੂੰ ਚਲਾ ਰਹੇ ਹਨ। ਸੂਬਾ ਸਰਕਾਰ ਦੇ ਦਖਲ ਤੋਂ ਬਾਅਦ ਇਸ ਮੰਦਰ ਦਾ ਪ੍ਰਬੰਧ ਅਦਾਲਤ ਵੱਲੋਂ ਗਠਿਤ ਕਮੇਟੀ ਵੱਲੋਂ ਦੇਖਿਆ ਜਾ ਰਿਹਾ ਹੈ।
ਵਿਦੇਸ਼ਾਂ ਤੋਂ ਦਾਨ ਪ੍ਰਾਪਤ ਕਰਨਾ ਚਾਹੁੰਦੇ ਹੋ ਤਾਂ FCRA ਰਜਿਸਟ੍ਰੇਸ਼ਨ ਜ਼ਰੂਰੀ ਹੈ
ਜੇਕਰ ਰਾਜ ਸਰਕਾਰ ਦੇ ਸੂਤਰਾਂ ਦੀ ਮੰਨੀਏ ਤਾਂ ਮੰਦਰ ਕੋਲ ਇਸ ਸਮੇਂ ਸੋਨਾ, ਚਾਂਦੀ ਅਤੇ ਹੋਰ ਕੀਮਤੀ ਸਮਾਨ ਸਮੇਤ 480 ਕਰੋੜ ਰੁਪਏ ਦਾ ਫੰਡ ਹੈ। ਇਸ ਵਿੱਚ ਵਿਦੇਸ਼ੀ ਫੰਡ ਵੀ ਸ਼ਾਮਲ ਹਨ।
ਇਸ ਵਿਦੇਸ਼ੀ ਦਾਨ ਦੀ ਵਰਤੋਂ ਕਰਨ ਅਤੇ ਹੋਰ ਵਿਦੇਸ਼ੀ ਦਾਨ ਪ੍ਰਾਪਤ ਕਰਨ ਲਈ, ਮੰਦਰ ਨੂੰ ਵਿਦੇਸ਼ੀ ਯੋਗਦਾਨ (ਰੈਗੂਲੇਸ਼ਨ) ਐਕਟ, 2010 ਦੇ ਤਹਿਤ ਰਜਿਸਟਰੇਸ਼ਨ ਦੀ ਲੋੜ ਸੀ। ਐਫਸੀਆਰਏ, 2010 ਦੇ ਤਹਿਤ, ਗੈਰ ਸਰਕਾਰੀ ਸੰਗਠਨਾਂ ਅਤੇ ਸਮੂਹਾਂ ਲਈ ਵਿਦੇਸ਼ਾਂ ਤੋਂ ਕਿਸੇ ਵੀ ਕਿਸਮ ਦੇ ਫੰਡ ਪ੍ਰਾਪਤ ਕਰਨ ਲਈ ਲਾਇਸੈਂਸ ਲਾਜ਼ਮੀ ਕੀਤਾ ਗਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
