ਗੁਰੂਗ੍ਰਾਮ ਦੇ ਮਸ਼ਹੂਰ ਰੈਸਟੋਰੈਂਟ ਨੇ ਦਿਵਿਆਂਗ ਔਰਤ ਨੂੰ ਨਹੀਂ ਦਿੱਤੀ ਐਂਟਰੀ, ਜਾਣੋ ਕੀ ਹੈ ਵਜ੍ਹਾ

ਹਰਿਆਣਾ ਦੇ ਗੁਰੂਗ੍ਰਾਮ ਵਿੱਚ ਇੱਕ ਅਪਾਹਜ ਔਰਤ ਨੇ ਦਾਅਵਾ ਕੀਤਾ ਹੈ ਕਿ ਇੱਕ ਰੈਸਟੋਰੈਂਟ ਨੇ ਉਸ ਨੂੰ ਆਪਣੇ ਰੈਸਟੋਰੈਂਟ ਵਿੱਚ ਐਂਟਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ।

Shrishti Pandey

Gurugram news : ਹਰਿਆਣਾ ਦੇ ਗੁਰੂਗ੍ਰਾਮ ਵਿੱਚ ਇੱਕ ਅਪਾਹਜ ਔਰਤ ਨੇ ਦਾਅਵਾ ਕੀਤਾ ਹੈ ਕਿ ਇੱਕ ਰੈਸਟੋਰੈਂਟ ਨੇ ਉਸ ਨੂੰ ਆਪਣੇ ਰੈਸਟੋਰੈਂਟ ਵਿੱਚ ਐਂਟਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਲੜਕੀ ਦੇ ਅਨੁਸਾਰ ਰੈਸਟੋਰੈਂਟ ਨੇ ਕਿਹਾ ਕਿ 'ਉਹ ਹੋਰ ਗਾਹਕਾਂ ਨੂੰ ਤੰਗ ਕਰੇਗੀ। ਸ੍ਰਿਸ਼ਟੀ ਪਾਂਡੇ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਇਹ ਦਾਅਵਾ ਕੀਤਾ ਹੈ।

ਸ੍ਰਿਸ਼ਟੀ ਪਾਂਡੇ ਨੇ ਕਿਹਾ, "ਮੈਂ ਆਪਣੇ ਦੋਸਤ ਅਤੇ ਉਸਦੇ ਪਰਿਵਾਰ ਨਾਲ ਬਾਹਰ ਜਾਣ ਦਾ ਫੈਸਲਾ ਕੀਤਾ। ਅਸੀਂ ਸਾਈਬਰ ਹੱਬ (Cyber Hub Gurugram) ਸਥਿਤ ਰਸਤਾ ਗੁੜਗਾਓਂ (Raasta Gurgaon) ਗਏ ਅਤੇ 4 ਲੋਕਾਂ ਲਈ ਟੇਬਲ ਮੰਗਿਆ। ਮੈਨੇਜਰ ਨੇ ਦੋ ਵਾਰ ਸਾਨੂੰ ਨਜ਼ਰਅੰਦਾਜ਼ ਕੀਤਾ। ਫਿਰ ਬਾਅਦ ਵਿੱਚ ਕਿਹਾ ਕਿ ਵ੍ਹੀਲਚੇਅਰ ਅੰਦਰ ਨਹੀਂ ਜਾਵੇਗੀ, ਕਿਉਂਕਿ ਇਸ ਨਾਲ ਦੂਜੇ ਗਾਹਕਾਂ ਨੂੰ ਪਰੇਸ਼ਾਨੀ ਹੋਵੇਗੀ।"

#WATCH | Gurugram based differently-abled woman Shrishti Pandey alleges to have been denied entry into Raasta Gurgaon in the cyber hub by saying that "wheelchair won't go inside, because it will disturb other customers" pic.twitter.com/M5fb6y5rih

— ANI (@ANI) February 13, 2022

 ਅਜਿਹੇ ਰਵੱਈਏ ਦੀ ਕੋਈ ਆਸ਼ੰਕਾ ਨਹੀਂ ਸੀ - ਸ੍ਰਿਸ਼ਟੀ ਪਾਂਡੇ

ਉਸ ਨੇ ਕਿਹਾ, "ਇਸ ਜਵਾਬ ਤੋਂ ਮੈਂ ਹੈਰਾਨ ਰਹਿ ਗਈ ਪਰ ਮੈਂ ਉਸ ਤੋਂ ਬਾਅਦ ਇੱਕ ਸ਼ਬਦ ਨਹੀਂ ਕਿਹਾ। ਸਾਨੂੰ ਅਜਿਹੀ ਸ਼ਾਨਦਾਰ ਜਗ੍ਹਾ ਤੋਂ ਇਸ ਤਰ੍ਹਾਂ ਦੇ ਰਵੱਈਏ ਦੀ ਉਮੀਦ ਨਹੀਂ ਸੀ।" ਲੜਕੀ ਨੇ ਕਿਹਾ, "ਇਹ ਪਹਿਲੀ ਵਾਰ ਨਹੀਂ ਹੈ। ਮੈਨੂੰ ਵਿਦਿਅਕ ਸੰਸਥਾਵਾਂ ਸਮੇਤ ਕਈ ਥਾਵਾਂ 'ਤੇ ਰੋਕਿਆ ਗਿਆ ਹੈ ਅਤੇ ਹੁਣ ਮੈਨੂੰ ਰੈਸਟੋਰੈਂਟਾਂ ਵਿੱਚ ਵੀ ਰੋਕਿਆ ਗਿਆ ਹੈ। ਇੰਝ ਲੱਗਦਾ ਹੈ ਜਿਵੇਂ ਕੋਈ ਨਹੀਂ ਚਾਹੁੰਦਾ ਕਿ ਮੈਂ ਕਿਤੇ ਵੀ ਰਹਾਂ।"

ਸ੍ਰਿਸ਼ਟੀ ਪਾਂਡੇ ਨੇ ਵੀ ਆਪਣੇ ਟਵਿਟਰ ਅਕਾਊਂਟ 'ਤੇ ਪੂਰੀ ਘਟਨਾ ਨੂੰ ਟਵੀਟ ਕੀਤਾ ਹੈ। ਉਸ ਨੇ ਲਿਖਿਆ- "ਮੇਰੇ ਦੋਸਤ ਦੇ ਵੱਡੇ ਭਰਾ ਨੇ ਚਾਰ ਲੋਕਾਂ ਲਈ ਟੇਬਲ ਬੁੱਕ ਕਰਨ ਲਈ ਕਿਹਾ। ਡੈਸਕ 'ਤੇ ਮੌਜੂਦ ਸਟਾਫ ਨੇ ਉਸ ਨੂੰ ਦੋ ਵਾਰ ਨਜ਼ਰਅੰਦਾਜ਼ ਕੀਤਾ।"

ਸਟਾਫ਼ ਨੇ ਕਿਹਾ- 'ਅੰਦਰਲ ਗਾਹਕ ਪਰੇਸ਼ਾਨ ਹੋਣਗੇ'

ਲੜਕੀ ਦੇ ਅਨੁਸਾਰ "ਤੀਸਰੀ ਵਾਰ ਜਦੋਂ ਉਨ੍ਹਾਂ ਨੇ ਪੁੱਛਿਆ ਤਾਂ ਸਟਾਫ ਨੇ ਜਵਾਬ ਦਿੱਤਾ ਕਿ ਵ੍ਹੀਲਚੇਅਰ ਅੰਦਰ ਨਹੀਂ ਜਾਵੇਗੀ। ਅਸੀਂ ਸੋਚਿਆ ਕਿ ਅੰਦਰ ਜਾਣ ਵਿੱਚ ਕੋਈ ਸਮੱਸਿਆ ਹੋ ਸਕਦੀ ਹੈ, ਇਸ ਲਈ ਅਸੀਂ ਕਿਹਾ ਕਿ ਅਸੀਂ ਪ੍ਰਬੰਧ ਕਰ ਲਵਾਂਗੇ, ਤੁਸੀਂ ਸਿਰਫ ਇੱਕ ਟੇਬਲ ਬੁੱਕ ਕਰੋ ਪਰ ਅਜਿਹਾ ਨਹੀਂ ਸੀ। ਸਟਾਫ ਦੇ ਕਹਿਣ ਤੋਂ ਬਾਅਦ ਮੈਂ ਹੈਰਾਨ ਰਹਿ ਗਿਆ। ਸਟਾਫ ਨੇ ਮੇਰੇ ਵੱਲ ਇਸ਼ਾਰਾ ਕੀਤਾ ਅਤੇ ਕਿਹਾ ਕਿ "ਅੰਦਰਲੇ ਗਾਹਕ ਪਰੇਸ਼ਾਨ ਹੋਣਗੇ।"

Should I stop going out at all only then? Because apparently I don't belong with others. Because I'm a "disturbance" for others. Because their moods apparently get "ruined" after looking at me.
I am heartbroken. Awfully sad. And I feel disgusted. 7/n

— Srishti (she/her🏳‍🌈) (@Srishhhh_tea) February 12, 2022

ਸ੍ਰਿਸ਼ਟੀ ਪਾਂਡੇ ਨੇ ਟਵਿੱਟਰ 'ਤੇ ਲਿਖਿਆ - "ਬਹੁਤ ਬਹਿਸ ਤੋਂ ਬਾਅਦ ਉਸਨੇ ਸਾਨੂੰ ਬਾਹਰ ਮੇਜ਼ ਲਗਾਉਣ ਲਈ ਕਿਹਾ। ਹੁਣ ਬਾਹਰ ਬੈਠਣਾ ਬੇਕਾਰ ਸੀ। ਠੰਡ ਹੋ ਰਹੀ ਸੀ ਅਤੇ ਮੈਂ ਜ਼ਿਆਦਾ ਦੇਰ ਤੱਕ ਬਾਹਰ ਨਹੀਂ ਬੈਠ ਸਕਦੀ ਕਿਉਂਕਿ ਮੇਰੇ ਸਰੀਰ ਵਿੱਚ ਏਠਨ ਹੋ ਜਾਂਦੀ ਹੈ। ਫ਼ਿਰ ਮੈਨੂੰ ਬਾਹਰ ਕਿਉਂ ਬਿਠਾਇਆ ਜਾਵੇ। ਬਾਕੀ ਸਭ ਤੋਂ ਅਲੱਗ ? ਜੇ ਸਾਨੂੰ ਬਾਹਰ ਬੈਠਣ ਲਈ ਜਗ੍ਹਾ ਦੀ ਜ਼ਰੂਰਤ ਹੁੰਦੀ ਤਾਂ ਅਸੀਂ ਪੁੱਛ ਲੈਂਦੇ… ਆਖਰਕਾਰ ਸਾਨੂੰ ਜਾਣ ਲਈ ਕਿਹਾ ਗਿਆ…”