ਕੇਜਰੀਵਾਲ ਤੇ ਸਿਸੋਦੀਆ 'ਤੇ 2000 ਕਰੋੜ ਦੇ ਘਪਲੇ ਦੇ ਇਲਜ਼ਾਮ

ਇੱਕ ਆਰਟੀਆਈ ਤੋਂ ਪਤਾ ਲੱਗਿਆ ਹੈ ਕਿ ਸਕੂਲਾਂ ਦੇ ਕਮਰਿਆਂ ਦੇ ਨਿਰਮਾਣ ਲਈ ਵਾਧੂ 2000 ਕਰੋੜ ਰੁਪਏ ਦਿੱਤੇ ਗਏ ਜੋ ਸਿਰਫ 892 ਕਰੋੜ ਰੁਪਏ ਵਿੱਚ ਹੀ ਬਣਾਏ ਜਾ ਸਕਦੇ ਸੀ। ਇਸ ਕੰਮ ਲਈ ਦਿੱਤੇ ਗਏ 34 ਠੇਕੇਦਾਰਾਂ ਵਿੱਚ ਉਨ੍ਹਾਂ ਦੇ ਰਿਸ਼ਤੇਦਾਰ ਵੀ ਸ਼ਾਮਲ ਹਨ।

ਨਵੀਂ ਦਿੱਲੀ: ਦਿੱਲੀ ਦੀ ਬੀਜੇਪੀ ਇਕਾਈ ਨੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਤੇ ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ 'ਤੇ ਘਪਲਾ ਕਰਨ ਦੇ ਇਲਜ਼ਾਮ ਲਾਏ ਹਨ। ਸੋਮਵਾਰ ਨੂੰ ਪ੍ਰੈੱਸ ਕਾਨਫਰੰਸ ਵਿੱਚ ਬੀਜੇਪੀ ਪ੍ਰਦੇਸ਼ ਪ੍ਰਧਾਨ ਮਨੋਜ ਤਿਵਾੜੀ ਨੇ ਇਲਜ਼ਾਮ ਲਾਇਆ ਕਿ ਦਿੱਲੀ ਸਰਕਾਰ ਦੇ ਸਿੱਖਿਆ ਵਿਭਾਗ ਵਿੱਚ 2000 ਕਰੋੜ ਦਾ ਘਪਲਾ ਹੋਇਆ ਹੈ। ਮਨੋਜ ਤਿਵਾੜੀ ਨੇ ਕਿਹਾ ਕਿ ਇੱਕ ਆਰਟੀਆਈ ਤੋਂ ਪਤਾ ਲੱਗਿਆ ਹੈ ਕਿ ਸਕੂਲਾਂ ਦੇ ਕਮਰਿਆਂ ਦੇ ਨਿਰਮਾਣ ਲਈ ਵਾਧੂ 2000 ਕਰੋੜ ਰੁਪਏ ਦਿੱਤੇ ਗਏ ਜੋ ਸਿਰਫ 892 ਕਰੋੜ ਰੁਪਏ ਵਿੱਚ ਹੀ ਬਣਾਏ ਜਾ ਸਕਦੇ ਸੀ। ਇਸ ਕੰਮ ਲਈ ਦਿੱਤੇ ਗਏ 34 ਠੇਕੇਦਾਰਾਂ ਵਿੱਚ ਉਨ੍ਹਾਂ ਦੇ ਰਿਸ਼ਤੇਦਾਰ ਵੀ ਸ਼ਾਮਲ ਹਨ। ਦਿੱਲੀ ਬੀਜੇਪੀ ਦੇ ਅਧਿਕਾਰਿਕ ਟਵਿੱਟਰ 'ਤੇ ਦਿੱਤੀ ਜਾਣਕਾਰੀ ਮੁਤਾਬਕ ਬੀਜੇਪੀ ਲੀਡਰ ਨੇ ਕਿਹਾ ਕਿ ਦਿੱਲੀ ਸਰਕਾਰ ਕਹਿੰਦੀ ਹੈ ਕਿ ਉਨ੍ਹਾਂ ਸਿੱਖਿਆ ਬਜਟ ਵਧਾਇਆ ਹੈ, ਕੀ ਇਹ ਇੰਨੇ ਵੱਡੇ ਘਪਲੇ ਕਰਨ ਲਈ ਵਧਾਇਆ ਗਿਆ ਤਾਂ ਕਿ ਇਹ ਪੈਸੇ ਚੋਣਾਂ ਦੌਰਾਨ ਵਰਤੇ ਜਾ ਸਕਣ? ਉਨ੍ਹਾਂ ਕਿਹਾ ਕਿ ਆਲੀਸ਼ਾਨ ਬੰਗਲੇ ਵਿੱਚ ਵੀ ਇੰਨਾ ਖ਼ਰਚ ਨਹੀਂ ਆਉਂਦਾ ਤੇ ਦਿੱਲੀ ਸਰਕਾਰ 8800 ਰੁਪਏ ਵਰਗ ਫੁੱਟ ਦਾ ਕੜੀ ਟੁਕੜੀ ਦਾ ਕਮਰਾ ਬਣਵਾ ਰਹੀ ਹੈ।

BJP MP Manoj Tiwari: We're exposing a scam in which Delhi CM & Dy CM are involved. An RTI has revealed that extra Rs 2000 cr was given for constructions of rooms in schools that could've been constructed in only Rs 892 cr. 34 contractors given the task include their relatives pic.twitter.com/92ZkPiQav7

— ANI (@ANI) July 1, 2019