![ABP Premium](https://cdn.abplive.com/imagebank/Premium-ad-Icon.png)
Pune Porsche Accident: ਇੱਕ ਰਾਤ 'ਚ ਅਮੀਰ ਪਿਓ ਦੇ ਪੁੱਤ ਨੇ ਪੀਤੀ 48 ਹਜ਼ਾਰ ਦੀ ਸ਼ਰਾਬ! ਜਾਣੋ ਕੀ ਹੈ ਪੁਣੇ ਹਾਦਸੇ ਦਾ ਅਸਲ ਸੱਚ?
Porsche Accident In Pune: ਪੁਣੇ ਦੇ ਕਲਿਆਣੀ ਨਗਰ ਵਿੱਚ ਐਤਵਾਰ (19 ਮਈ 2024) ਨੂੰ ਸਵੇਰੇ ਇੱਕ ਕਾਰ ਹਾਦਸਾ ਵਾਪਰਿਆ। ਸ਼ਰਾਬ ਦੇ ਨਸ਼ੇ 'ਚ ਧੁੱਤ ਨਾਬਾਲਗ ਨੇ ਉਨ੍ਹਾਂ ਦੇ ਮੋਟਰਸਾਈਕਲ ਨੂੰ ਪੋਰਸ਼ ਕਾਰ ਨਾਲ ਟੱਕਰ ਮਾਰ ਦਿੱਤੀ।
![Pune Porsche Accident: ਇੱਕ ਰਾਤ 'ਚ ਅਮੀਰ ਪਿਓ ਦੇ ਪੁੱਤ ਨੇ ਪੀਤੀ 48 ਹਜ਼ਾਰ ਦੀ ਸ਼ਰਾਬ! ਜਾਣੋ ਕੀ ਹੈ ਪੁਣੇ ਹਾਦਸੇ ਦਾ ਅਸਲ ਸੱਚ? pune-porsche-accident-who-were-the-two-it-professionals-died-in-car-crash-in-pune Pune Porsche Accident: ਇੱਕ ਰਾਤ 'ਚ ਅਮੀਰ ਪਿਓ ਦੇ ਪੁੱਤ ਨੇ ਪੀਤੀ 48 ਹਜ਼ਾਰ ਦੀ ਸ਼ਰਾਬ! ਜਾਣੋ ਕੀ ਹੈ ਪੁਣੇ ਹਾਦਸੇ ਦਾ ਅਸਲ ਸੱਚ?](https://feeds.abplive.com/onecms/images/uploaded-images/2024/05/22/184a75a599bba60cefead9522c21b5a81716349848679647_original.png?impolicy=abp_cdn&imwidth=1200&height=675)
Pune Porsche Accident: ਪੁਣੇ ਦੇ ਕਲਿਆਣੀ ਨਗਰ ਵਿੱਚ ਐਤਵਾਰ ਸਵੇਰੇ (19 ਮਈ 2024) ਨੂੰ ਇੱਕ ਕਾਰ ਹਾਦਸਾ ਵਾਪਰਿਆ। ਇਸ ਹਾਦਸੇ ਵਿੱਚ ਇੱਕ ਆਈਟੀ ਕੰਪਨੀ ਵਿੱਚ ਕੰਮ ਕਰਨ ਵਾਲੇ ਦੋ ਲੋਕਾਂ ਦੀ ਮੌਤ ਹੋ ਗਈ। ਨਸ਼ੇ 'ਚ ਧੁੱਤ ਨਾਬਾਲਗ ਨੇ ਆਪਣੀ ਪੋਰਸ਼ ਕਾਰ ਨਾਲ ਇਨ੍ਹਾਂ ਦੋਵਾਂ ਦੇ ਮੋਟਰਸਾਈਕਲ ਨੂੰ ਟੱਕਰ ਮਾਰ ਦਿੱਤੀ। ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਪੋਰਸ਼ ਕਾਰ ਚਲਾ ਰਹੇ ਸ਼ਰਾਬੀ ਨਾਬਾਲਗ ਨੂੰ ਕੁਝ ਘੰਟਿਆਂ ਬਾਅਦ ਇਸ ਸ਼ਰਤ 'ਤੇ ਛੱਡ ਦਿੱਤਾ ਗਿਆ ਕਿ ਉਹ 15 ਦਿਨਾਂ ਤੱਕ ਯੇਰਵਡਾ ਟ੍ਰੈਫਿਕ ਪੁਲਿਸ ਨਾਲ ਕੰਮ ਕਰੇਗਾ ਅਤੇ ਸੜਕ ਹਾਦਸਿਆਂ 'ਤੇ ਲੇਖ ਲਿਖੇਗਾ।
ਇਸ ਹਾਦਸੇ ਦੇ ਮਾਮਲੇ ਵਿੱਚ ਮਹਾਰਾਸ਼ਟਰ ਦੇ ਉਪ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਵੀ ਬਾਲ ਨਿਆਂ ਬੋਰਡ ਵੱਲੋਂ ਨਾਬਾਲਗ ਪ੍ਰਤੀ ਨਰਮ ਰੁਖ਼ ਅਪਣਾਏ ਜਾਣ 'ਤੇ ਹੈਰਾਨੀ ਪ੍ਰਗਟਾਈ ਹੈ। ਫੜਨਵੀਸ ਨੇ ਕਿਹਾ ਕਿ ਪੁਲਿਸ ਨੇ ਹਾਈ ਕੋਰਟ ਵਿੱਚ ਕਿਸ਼ੋਰ ਨੂੰ ਬਾਲਗ ਵਜੋਂ ਮੁਕੱਦਮਾ ਚਲਾਉਣ ਦੀ ਇਜਾਜ਼ਤ ਮੰਗੀ ਹੈ।
ਨਾਬਾਲਗ ਖਿਲਾਫ ਕਾਰਵਾਈ ਨਾ ਹੋਣ 'ਤੇ ਲੋਕਾਂ 'ਚ ਗੁੱਸਾ
ਫੜਨਵੀਸ ਦਾ ਕਹਿਣਾ ਹੈ ਕਿ ਜੇਜੇ ਬੋਰਡ ਵੱਲੋਂ ਨਾਬਾਲਗ ਨੂੰ ਲੈ ਕੇ ਦਿੱਤਾ ਗਿਆ ਹੁਕਮ ਹੈਰਾਨ ਕਰਨ ਵਾਲਾ ਸੀ। ਉਨ੍ਹਾਂ ਨੇ ਇਸ ਘਿਨਾਉਣੇ ਅਪਰਾਧ ਲਈ ਬਹੁਤ ਹੀ ਨਰਮ ਰੁਖ਼ ਅਪਣਾਇਆ ਹੈ। ਪੁਣੇ ਪੁਲਿਸ ਨੇ ਇਸ ਮਾਮਲੇ ਵਿੱਚ ਬੋਰਡ ਵਿੱਚ ਇੱਕ ਪਟੀਸ਼ਨ ਦਾਇਰ ਕੀਤੀ ਸੀ ਕਿ ਨਾਬਾਲਗ ਨੂੰ ਬਾਲਗ ਮੰਨਿਆ ਜਾਵੇ ਕਿਉਂਕਿ ਉਸ ਦੀ ਉਮਰ 17 ਸਾਲ 8 ਮਹੀਨੇ ਦੀ ਹੈ, ਪਰ ਜੇਜੇ ਬੋਰਡ ਵਲੋਂ ਅਰਜ਼ੀ ਨੂੰ SEEN ਅਤੇ FILED ਕਰਕੇ ਅਲਗ ਰੱਖ ਦਿੱਤਾ ਗਿਆ। ਜਿਸ ਕਾਰਨ ਲੋਕਾਂ ਵਿੱਚ ਇਸ ਨੂੰ ਲੈ ਕੇ ਕਾਫੀ ਗੁੱਸਾ ਹੈ।
ਦੋਸਤਾਂ ਨਾਲ ਡੀਨਰ ਕਰਕੇ ਵਾਪਸ ਪਰਤ ਰਹੇ ਸੀ
ਕਾਰ ਹਾਦਸੇ ਦਾ ਸ਼ਿਕਾਰ ਹੋਏ ਅਨੀਸ ਅਵਧੀਆ (24 ਸਾਲ) ਅਤੇ ਅਸ਼ਵਨੀ ਕੋਸਟਾ (24 ਸਾਲ) ਆਪਣੇ ਦੋਸਤਾਂ ਨਾਲ ਰਾਤ ਦਾ ਖਾਣਾ ਖਾ ਕੇ ਵਾਪਸ ਆ ਰਹੇ ਸਨ। ਇਸ ਦੌਰਾਨ ਤੇਜ਼ ਰਫ਼ਤਾਰ ਨਾਲ ਆ ਰਹੀ ਇੱਕ ਪੋਰਸ਼ ਕਾਰ ਨੇ ਉਸ ਨੂੰ ਟੱਕਰ ਮਾਰ ਦਿੱਤੀ। ਮੱਧ ਪ੍ਰਦੇਸ਼ ਦੀ ਰਹਿਣ ਵਾਲੇ ਅਸ਼ਵਨੀ ਕੋਸਟਾ ਅਨੀਸ ਅਵਧੀਆ ਦੀ ਗੱਡੀ ਦੇ ਪਿੱਛੇ ਬੈਠੇ ਹੋਏ ਸਨ।
ਇਹ ਵੀ ਪੜ੍ਹੋ: Crime: ਰਿਸ਼ਤੇ ਹੋਏ ਤਾਰ-ਤਾਰ! 13 ਸਾਲ ਮੁੰਡੇ ਨੇ ਆਪਣੀ 15 ਸਾਲਾ ਸੱਕੀ ਭੈਣ ਨੂੰ ਕੀਤਾ ਗਰਭਵਤੀ
ਪਿਤਾ ਨੂੰ ਦੇਣ ਵਾਲੀ ਸੀ SURPRISE
ਅਸ਼ਵਨੀ ਕੋਸਟਾ ਦੀ ਮਾਂ ਮਮਤਾ ਕੋਸਟਾ ਨੇ ਦੱਸਿਆ ਕਿ ਉਨ੍ਹਾਂ ਦਾ ਬੇਟੀ ਜਬਲਪੁਰ ਪਰਤਣ ਵਾਲੀ ਸੀ। ਜੂਨ ਵਿੱਚ ਉਸ ਦੇ ਪਿਤਾ ਦਾ ਜਨਮਦਿਨ ਹੈ। ਅਸ਼ਵਨੀ ਨੇ ਉਨ੍ਹਾਂ ਨੂੰ ਸਰਪ੍ਰਾਈਜ਼ ਦੇਣ ਲਈ ਟਿਕਟਾਂ ਵੀ ਬੁੱਕ ਕਰਵਾਈਆਂ ਹੋਈਆਂ ਸਨ। ਹਾਦਸੇ ਤੋਂ ਇੱਕ ਦਿਨ ਪਹਿਲਾਂ ਹੀ ਅਸ਼ਵਨੀ ਨੇ ਆਪਣੀ ਮਾਂ ਨੂੰ ਦੱਸਿਆ ਸੀ ਕਿ ਉਹ ਜਬਲਪੁਰ ਆ ਰਹੀ ਹੈ। ਉਸ ਨੇ 18 ਜੂਨ ਦੀ ਟਿਕਟ ਵੀ ਬੁੱਕ ਕਰਵਾਈ ਸੀ। ਅਸ਼ਵਨੀ ਦੀ ਮਾਂ ਨੇ ਕਿਹਾ ਕਿ ਸਭ ਕੁਝ ਖਤਮ ਹੋ ਗਿਆ ਹੈ।
ਮੱਧ ਪ੍ਰਦੇਸ਼ ਦੇ ਪਾਲੀ ਦਾ ਰਹਿਣ ਵਾਲਾ ਅਨੀਸ ਅਵਧੀਆ
ਅਨੀਸ ਅਵਧੀਆ ਮੱਧ ਪ੍ਰਦੇਸ਼ ਦੇ ਪਾਲੀ ਦਾ ਰਹਿਣ ਵਾਲਾ ਸੀ ਅਤੇ ਕਰੀਬ ਡੇਢ ਸਾਲ ਤੋਂ ਪੁਣੇ 'ਚ ਕੰਮ ਕਰ ਰਿਹਾ ਸੀ। ਅਨੀਸ ਨੇ ਡੀਵਾਈ ਪਾਟਿਲ ਕਾਲਜ ਆਫ਼ ਇੰਜੀਨੀਅਰਿੰਗ, ਪੁਣੇ ਤੋਂ ਪੜ੍ਹਾਈ ਕੀਤੀ ਸੀ। ਅਨੀਸ ਦੇ ਮਾਮਾ ਗਿਆਨੇਂਦਰ ਸੋਨੀ ਨੇ ਦੱਸਿਆ ਕਿ ਉਸਦੇ ਮਾਤਾ-ਪਿਤਾ ਦੇ ਨਾਲ ਪਰਿਵਾਰ ਵਿੱਚ ਉਸਦਾ ਇੱਕ ਭਰਾ ਹੈ, ਜੋ ਡੀਵਾਈ ਪਾਟਿਲ ਕਾਲਜ ਵਿੱਚ ਪੜ੍ਹਦਾ ਹੈ। ਅਨੀਸ ਦੇ ਮਾਮੇ ਨੇ ਦੱਸਿਆ ਕਿ ਉਸ ਦੇ ਪਿਤਾ ਦੀ ਛੋਟੀ ਜਿਹੀ ਪ੍ਰਿੰਟਿੰਗ ਪ੍ਰੈਸ ਦੀ ਦੁਕਾਨ ਹੈ ਅਤੇ ਉਸ ਦੀ ਮਾਂ ਘਰੇਲੂ ਔਰਤ ਹੈ। ਅਨੀਸ ਦੇ ਮਾਮੇ ਨੇ ਦੱਸਿਆ ਕਿ ਉਹ ਆਪਣੇ ਪਰਿਵਾਰ ਦੀ ਆਰਥਿਕ ਮਦਦ ਕਰਦਾ ਸੀ।
ਪਬ ਵਿੱਚ ਪੀਤੀ 48 ਹਜ਼ਾਰ ਦੀ ਸ਼ਰਾਬ
ਇਸ ਮਾਮਲੇ ਵਿੱਚ ਹਾਲ ਹੀ ਵਿੱਚ ਕੁਝ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈਆਂ ਹਨ, ਜਿਸ ਵਿੱਚ ਨਾਬਾਲਗ ਮੁਲਜ਼ਮ ਸ਼ਰਾਬ ਪੀਂਦਾ ਨਜ਼ਰ ਆ ਰਿਹਾ ਹੈ। ਟਾਈਮਜ਼ ਆਫ ਇੰਡੀਆ ਦੀ ਰਿਪੋਰਟ ਮੁਤਾਬਕ ਪੁਣੇ ਦੇ ਪੁਲਿਸ ਕਮਿਸ਼ਨਰ ਅਮਿਤੇਸ਼ ਕੁਮਾਰ ਨੇ ਦੱਸਿਆ ਕਿ ਨਾਬਾਲਗ ਪਹਿਲਾਂ ਇਕ ਪੱਬ 'ਚ ਗਿਆ, ਜਿੱਥੇ ਉਸ ਦਾ 48 ਹਜ਼ਾਰ ਰੁਪਏ ਦਾ ਬਿੱਲ ਆਇਆ। ਉਹ ਸ਼ਨੀਵਾਰ ਰਾਤ 10:40 ਵਜੇ ਪੱਬ ਪਹੁੰਚੇ। ਜਦੋਂ ਪੱਬ ਮਾਲਕਾਂ ਨੇ ਉਸ ਨੂੰ ਸ਼ਰਾਬ ਪਿਲਾਉਣੀ ਬੰਦ ਕਰ ਦਿੱਤੀ ਤਾਂ ਉਹ ਰਾਤ ਕਰੀਬ 12 ਵਜੇ ਬਲੈਕ ਮੈਰੀਅਟ ਪਹੁੰਚ ਗਿਆ।
ਪੁਲਿਸ ਕਮਿਸ਼ਨਰ ਦਾ ਕਹਿਣਾ ਹੈ ਕਿ ਉਸ ਨੂੰ ਪੱਬ ਤੋਂ 48 ਹਜ਼ਾਰ ਰੁਪਏ ਦਾ ਬਿੱਲ ਆਇਆ ਸੀ, ਜਿਸ ਦਾ ਭੁਗਤਾਨ ਨਾਬਾਲਗ ਨੇ ਕੀਤਾ ਸੀ। ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਕੋਲ ਨਾਬਾਲਗ ਅਤੇ ਉਸ ਦੇ ਕੁਝ ਦੋਸਤਾਂ ਦੇ ਸ਼ਰਾਬ ਪੀਂਦੇ ਸੀਸੀਟੀਵੀ ਫੁਟੇਜ ਵੀ ਹਨ ਅਤੇ ਹੁਣ ਉਨ੍ਹਾਂ ਦੇ ਖੂਨ ਦੇ ਨਮੂਨੇ ਦੀ ਰਿਪੋਰਟ ਦੀ ਉਡੀਕ ਕੀਤੀ ਜਾ ਰਹੀ ਹੈ। ਹੁਣ ਤੱਕ ਇਕੱਠੇ ਕੀਤੇ ਸਬੂਤਾਂ ਦੇ ਆਧਾਰ 'ਤੇ ਪੁਣੇ ਪੁਲਿਸ ਨੇ ਮੋਟਰ ਵਹੀਕਲ ਐਕਟ ਦੀ ਧਾਰਾ 185 ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।
ਇਹ ਹਾਦਸਾ ਨਹੀਂ, ਕਤਲ ਹੈ- ਪਰਿਵਾਰਕ ਮੈਂਬਰ
ਹਾਦਸੇ ਵਿੱਚ ਮਾਰੇ ਗਏ ਨੌਜਵਾਨ ਅਨੀਸ ਅਤੇ ਲੜਕੀ ਅਸ਼ਵਨੀ ਵਾਸੀ ਮੱਧ ਪ੍ਰਦੇਸ਼ ਦੇ ਪਰਿਵਾਰਕ ਮੈਂਬਰਾਂ ਨੇ ਗੰਭੀਰ ਸਵਾਲ ਖੜ੍ਹੇ ਕੀਤੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਨਾਬਾਲਗ ਦੋਸ਼ੀ ਦੀ ਜ਼ਮਾਨਤ ਰੱਦ ਹੋਣੀ ਚਾਹੀਦੀ ਹੈ। ਮ੍ਰਿਤਕ ਅਨੀਸ਼ ਦੇ ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਨਾਬਾਲਗ ਸ਼ਰਾਬ ਪੀ ਕੇ ਤੇਜ਼ ਰਫਤਾਰ ਨਾਲ ਗੱਡੀ ਚਲਾ ਰਿਹਾ ਸੀ ਅਤੇ ਉਸ ਕੋਲ ਡਰਾਈਵਿੰਗ ਲਾਇਸੈਂਸ ਵੀ ਨਹੀਂ ਸੀ, ਇਸ ਲਈ ਇਹ ਹਾਦਸਾ ਨਹੀਂ ਸਗੋਂ ਕਤਲ ਹੈ।
ਇਹ ਵੀ ਪੜ੍ਹੋ: IMD Heatwave Alert: ਪਾਰਾ ਜਾਵੇਗਾ 50 ਤੋਂ ਪਾਰ? 5 ਦਿਨਾਂ ਤੱਕ ਅਸਮਾਨ ਤੋਂ ਵਰ੍ਹੇਗੀ ਅੱਗ, ਮੌਸਮ ਵਿਭਾਗ ਨੇ ਜਾਰੀ ਕੀਤੀ ਚੇਤਾਵਨੀ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)