Support Farmers: ਕਿਸਾਨ ਅੰਦੋਲਨ ਬਾਰੇ ਸਰਕਾਰ ਦਾ ਪੱਖ ਪੂਰ ਕਸੂਤੇ ਫਸੇ ਸਚਿਨ ਤੇ ਕੋਹਲੀ, ਇੰਝ ਹੋਇਆ ਵਿਰੋਧ

ਸਾਬਕਾ ਕ੍ਰਿਕੇਟਰ ਸਚਿਨ ਤੇਂਦੁਲਕਰ, ਅਨਿਲ ਕੁੰਬਲੇ ਤੇ ਰਵੀ ਸ਼ਾਸਤਰੀ ਨੇ ‘ਇੰਡੀਆ ਟੂਗੈਦਰ’ ਭਾਵ ‘ਭਾਰਤ ਇੱਕਜੁਟ ਹੈ’ ਤੇ ‘ਇੰਡੀਆ ਅਗੇਂਸਟ ਪ੍ਰੌਪੇਗੰਡਾ’ ਭਾਵ ‘ਭਾਰਤ ਕੂੜ ਪ੍ਰਚਾਰ ਦੇ ਵਿਰੁੱਧ ਹੈ’ ਜਿਹੇ ਹੈਸ਼ਟੈਗਜ਼ ਨਾਲ ਟਵੀਟ ਕੀਤੇ ਹਨ।

ਨਵੀਂ ਦਿੱਲੀ: ਕੇਂਦਰ ਦੇ ਨਵੇਂ ਖੇਤੀ ਕਾਨੂੰਨਾਂ ਵਿਰੁੱਧ ਦੋ ਮਹੀਨਿਆਂ ਤੋਂ ਵੀ ਵੱਧ ਸਮੇਂ ਤੋਂ ਜਾਰੀ ਕਿਸਾਨ ਅੰਦੋਲਨ ਦੇ ਸਮਰਥਨ ਵਿੱਚ ਵਿਦੇਸ਼ੀ ਹਸਤੀਆਂ ਵੱਲੋਂ ਕੀਤੀ ਗਈ ਟਿੱਪਣੀ ਤੋਂ ਬਾਅਦ ਦੇਸ਼ ਵਿੱਚ ਇੱਕ ਨਵਾਂ ਘਮਸਾਨ ਸ਼ਰੂ ਹੋ ਗਿਆ ਹੈ। ਵਿਸ਼ਵ ਦੀਆਂ ਸ਼ਖ਼ਸੀਅਤਾਂ ਵੱਲੋਂ ਕਿਸਾਨ ਅੰਦੋਲਨ ਦਾ ਸਮਰਥਨ ਕਰਨ ਤੋਂ ਬਾਅਦ ਸਰਕਾਰ ਨੇ ਸਖ਼ਤ ਪ੍ਰਤੀਕਰਮ ਦਿੱਤਾ ਹੈ। ਬਾਲੀਵੁੱਡ ਕਲਾਕਾਰਾਂ ਤੇ ਕ੍ਰਿਕੇਟਰਾਂ ਨੇ ਸਰਕਾਰ ਦੀ ਹਮਾਇਤ ਕੀਤੀ ਹੈ। ਹੁਣ ਕ੍ਰਿਕੇਟਰਾਂ ਵੱਲੋਂ ਹਮਾਇਤ ਕਰਨ ’ਤੇ ਕਾਂਗਰਸੀ ਆਗੂ ਸ਼ਸ਼ੀ ਥਰੂਰ ਨੇ ਕਿਹਾ ਕਿ ਕੇਂਦਰ ਸਰਕਾਰ ਦੇ ‘ਅੜੀਅਲ ਰਵੱਈਏ ਤੇ ਗ਼ੈਰ ਜਮਹੂਰੀ ਵਿਵਹਾਰ’ ਕਾਰਨ ਵਿਸ਼ਵ ਵਿੱਚ ਭਾਰਤ ਦੇ ਅਕਸ ਨੂੰ ਜੋ ਵੱਡੀ ਢਾਹ ਲੱਗੀ ਹੈ, ਉਸ ਦੀ ਭਰਪਾਈ ਨਹੀਂ ਹੋ ਸਕਦੀ। ਭਾਰਤ ਨੇ ਪੌਪ ਗਾਇਕਾ ਰਿਹਾਨਾ ਤੇ ਵਾਤਾਵਰਣ ਕਾਰਕੁਨ ਗ੍ਰੇਟਾ ਥਨਬਰਗ ਜਿਹੀਆਂ ਵਿਸ਼ਵ ਸ਼ਖ਼ਸੀਅਤਾਂ ਵੱਲੋਂ ਕਿਸਾਨ ਅੰਦੋਲਨ ਦੀ ਹਮਾਇਤ ਕੀਤੇ ਜਾਣ ’ਤੇ ਸਖ਼ਤ ਪ੍ਰਤੀਕਰਮ ਪ੍ਰਗਟਾਈ ਹੈ। ਸ਼ਸ਼ੀ ਥਰੂਰ ਨੇ ਟਵੀਟ ਕੀਤਾ ‘ਭਾਰਤ ਸਰਕਾਰ ਲਈ ਭਾਰਤੀ ਸ਼ਖ਼ਸੀਅਤਾਂ ਦਾ ਪੱਛਮੀ ਹਸਤੀਆਂ ਉੱਤੇ ਪਲਟ ਵਾਰ ਕਰਨਾ ਸ਼ਰਮਨਾਕ ਹੈ।’

For GoI to get Indian celebrities to react to Western ones is embarrassing. The damage done to India's global image by GoI's obduracy &undemocratic behaviour can't be remedied by a cricketer's tweets. Withdraw the farm laws &discuss solutions w/farmers &you'll get #IndiaTogether.

— Shashi Tharoor (@ShashiTharoor) February 3, 2021

ਸਾਬਕਾ ਕ੍ਰਿਕੇਟਰ ਸਚਿਨ ਤੇਂਦੁਲਕਰ, ਅਨਿਲ ਕੁੰਬਲੇ ਤੇ ਰਵੀ ਸ਼ਾਸਤਰੀ ਨੇ ‘ਇੰਡੀਆ ਟੂਗੈਦਰ’ ਭਾਵ ‘ਭਾਰਤ ਇੱਕਜੁਟ ਹੈ’ ਤੇ ‘ਇੰਡੀਆ ਅਗੇਂਸਟ ਪ੍ਰੌਪੇਗੰਡਾ’ ਭਾਵ ‘ਭਾਰਤ ਕੂੜ ਪ੍ਰਚਾਰ ਦੇ ਵਿਰੁੱਧ ਹੈ’ ਜਿਹੇ ਹੈਸ਼ਟੈਗਜ਼ ਨਾਲ ਟਵੀਟ ਕੀਤੇ ਹਨ। ਇਸ ਤੋਂ ਬਾਦ ਸ਼ਸ਼ੀ ਥਰੂਰ ਨੇ ਇਹ ਟਿੱਪਣੀ ਕੀਤੀ ਹੈ। ਸਾਬਕਾ ਵਿਦੇਸ਼ ਰਾਜ ਮੰਤਰੀ ਸ਼ਸ਼ੀ ਥਰੂਰ ਨੇ ਕਿਹਾ ‘ਕਾਨੂੰਨ ਵਾਪਸ ਲਵੋ ਤੇ ਮਸਲੇ ਦੇ ਹੱਲ ਬਾਰੇ ਕਿਸਾਨਾਂ ਨਾਲ ਗੱਲਬਾਤ ਕਰੋ ਤੇ ਤੁਸੀਂ ‘ਇੰਡੀਆ ਟੂਗੈਦਰ’ ਪਾਓਗੇ।’

It is good that Rihanna and Greta Thunberg can wake up the MEA. Come on MEA, when will you realize that people concerned with issues of human rights and livelihoods do not recognize national boundaries?

— P. Chidambaram (@PChidambaram_IN) February 3, 2021

ਕਾਂਗਰਸ ਦੇ ਸੀਨੀਅਰ ਆਗੂ ਪੀ. ਚਿਦੰਬਰਮ ਨੇ ਕਿਹਾ ਕਿ ਵਿਦੇਸ਼ੀ ਸ਼ਖ਼ਸੀਅਤਾਂ ਭਾਰਤ ਸਰਕਾਰ ਨੂੰ ਜਗਾ ਸਕਦੀਆਂ ਹਨ। ਚਿਦੰਬਰਮ ਨੇ ਸੁਆਲ ਕੀਤਾ ਕਿ ਭਾਰਤ ਸਰਕਾਰ ਮਿਆਂਮਾਰ ਤੇ ਨੇਪਾਲ ਦੇ ਅੰਦਰੂਨੀ ਮਾਮਲਿਆਂ ਉੱਤੇ ਕਿਉਂ ਟਿੱਪਣੀਆਂ ਕਰਦੀ ਹੈ। ਵਿਦੇਸ਼ੀ ਸ਼ਖ਼ਸੀਅਤਾਂ ਜੇ ਭਾਰਤ ਦੇ ਮਾਮਲਿਆਂ ਉੱਤੇ ਟਿੱਪਣੀਆਂ ਕਰ ਰਹੀਆਂ ਹਨ, ਤਾਂ ਉਸ ਵਿੱਚ ਕੋਈ ਬੁਰਾਈ ਨਹੀਂ।

Why did MEA comment on the military coup in Myanmar? Why is it “deeply concerning” to the MEA? Why does MEA regularly comment on issues that are “internal” to Sri Lanka and Nepal?

— P. Chidambaram (@PChidambaram_IN) February 3, 2021

ਭਾਰਤੀ ਵਿਦੇਸ਼ ਮੰਤਰਾਲੇ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਖ਼ਾਸ ਤੌਰ ਉੱਤੇ ਮਸ਼ਹੂਰ ਹਸਤੀਆਂ ਤੇ ਹੋਰਨਾਂ ਵੱਲੋਂ ਸੋਸ਼ਲ ਮੀਡੀਆ ਉੱਤੇ ਹੈਸ਼ਟੈਗ ਤੇ ਟਿੱਪਣੀਆਂ ਨੂੰ ਸਨਸਨੀਖੇਜ਼ ਬਣਾਉਣ ਦੀ ਕਿਸੇ ਵੀ ਪਾਸਿਓਂ ਨਾ ਤਾਂ ਸਹੀ ਹੁੰਦੀ ਹੈ ਤੇ ਨਾ ਹੀ ਜ਼ਿੰਮੇਵਾਰਾਨਾ।

ਇਹ ਵੀ ਪੜ੍ਹੋ: ਸਰਕਾਰ ਦੇ ਪੱਖ 'ਚ ਟਵੀਟ ਕਰ ਫਸੇ ਅਕਸ਼ੈ, ਜੈਜ਼ੀ ਬੀ ਨੇ ਦਿੱਤਾ ਕਰਾਰਾ ਜਵਾਬ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904