ਆਸ਼ਰਮ 'ਚ ਸਵਾਮੀ ਦਾ ਗੰਦਾ ਖੇਡ; ਕੁੜੀਆਂ ਨਾਲ ਕਰਦਾ ਸੀ ਗੰਦੀਆਂ ਹਰਕਤਾਂ, ਹੁਣ ਹੋਇਆ ਫਰਾਰ, ਵੱਖ-ਵੱਖ ਟਿਕਾਣਿਆਂ ’ਤੇ ਪੁਲਿਸ ਦੀ ਦਬਿਸ਼
ਭਗਤੀ ਦੇ ਨਾਂਅ 'ਤੇ ਇਹ ਸਵਾਮੀ ਠੱਗਤੀ ਕਰਦਾ ਸੀ। ਜੀ ਹਾਂ ਗੱਲ ਕਰ ਰਹੇ ਹਾਂ ਦਿੱਲੀ ਦੇ ਵਸੰਤਕੁੰਜ 'ਚ ਪ੍ਰਸਿੱਧ ਆਸ਼ਰਮ ਚਲਾਉਂਦੇ ਸੰਚਾਲਕ ਸਵਾਮੀ ਚੈਤਨਯਾਨੰਦ ਸਰਸਵਤੀ ਦੀ ਜਿਸ ਉੱਤੇ ਆਸ਼ਰਮ ਵਿੱਚ ਰਹਿ ਰਹੀਆਂ ਕੁੜੀਆਂ ਵੱਲੋਂ ਗੰਭੀਰ ਦੋਸ਼ ਲਗਾਏ ਗਏ.
ਦਿੱਲੀ ਦੇ ਵਸੰਤਕੁੰਜ ਵਿੱਚ ਪ੍ਰਸਿੱਧ ਆਸ਼ਰਮ ਚਲਾਉਂਦੇ ਸੰਚਾਲਕ ਸਵਾਮੀ ਚੈਤਨਯਾਨੰਦ ਸਰਸਵਤੀ ਉੱਤੇ ਵੱਡਾ ਦੋਸ਼ ਲੱਗਿਆ ਹੈ। ਆਸ਼ਰਮ ਸੰਚਾਲਕ ਉੱਤੇ ਦੋਸ਼ ਹੈ ਕਿ ਉਸ ਨੇ ਲਗਭਗ 15 ਵਿਦਿਆਰਥਣਾਂ ਨਾਲ ਛੇੜਛਾੜ ਕੀਤੀ। ਇਸ ਮਾਮਲੇ ਵਿੱਚ ਵਸੰਤਕੁੰਜ (ਨਾਰਥ) ਪੁਲਿਸ ਨੇ FIR ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸਵਾਮੀ ਚੈਤਨਯਾਨੰਦ ਸਰਸਵਤੀ ਫਰਾਰ ਹੈ।
ਆਰੋਪੀ ਦਾ ਨਾਮ ਚੈਤਨਯਾਨੰਦ ਸਰਸਵਤੀ ਓਰਫ ਪਾਰਥਸਾਰਥੀ ਹੈ। ਉਸ ਦੀ Volvo ਕਾਰ ਤੋਂ ਜਾਲਸਾਜ਼ੀ ਨਾਲ ਬਣਾਇਆ ਗਿਆ ਨੰਬਰ 39 UN 1 ਵੀ ਮਿਲਿਆ। ਪੁਲਿਸ ਨੇ ਹੁਣ ਕਾਰ ਜ਼ਬਤ ਕਰ ਲਈ ਹੈ। ਮਾਮਲਾ ਦਰਜ ਹੋਣ ਦੇ ਬਾਅਦ ਆਸ਼ਰਮ ਪ੍ਰਸ਼ਾਸਨ ਨੇ ਆਰੋਪੀ ਨੂੰ ਉਸਦੇ ਅਹੁਦੇ ਤੋਂ ਹਟਾ ਦਿੱਤਾ ਹੈ।
ਆਗਰਾ ਵਿੱਚ ਮਿਲੀ ਆਖਰੀ ਲੋਕੇਸ਼ਨ
ਆਰੋਪੀ ਚੈਤਨਯਾਨੰਦ ਸਰਸਵਤੀ ਦੀ ਤਲਾਸ਼ ਵਿੱਚ ਦਿੱਲੀ ਪੁਲਿਸ ਕਈ ਥਾਵਾਂ 'ਤੇ ਛਾਪੇ ਮਾਰ ਰਹੀ ਹੈ। ਇਸ ਸਮੇਂ ਆਰੋਪੀ ਦੀ ਆਖਰੀ ਲੋਕੇਸ਼ਨ ਆਗਰਾ ਵਿੱਚ ਮਿਲੀ ਹੈ। ਹੁਣ ਉਸ ਦੀ ਤਲਾਸ਼ ਯੂ.ਪੀ. ਪੁਲਿਸ ਦੀ ਮਦਦ ਨਾਲ ਕੀਤੀ ਜਾ ਰਹੀ ਹੈ। ਇਸਦੇ ਨਾਲ-ਨਾਲ ਪੀੜਤ ਵਿਦਿਆਰਥਣਾਂ ਦੇ ਬਿਆਨ ਵੀ ਦਰਜ ਕੀਤੇ ਗਏ ਹਨ।
EWS ਸਕਾਲਰਸ਼ਿਪ ਵਾਲੀਆਂ ਵਿਦਿਆਰਥਣਾਂ ਨਾਲ ਯੌਨ ਉਤਪੀੜਨ ਦਾ ਦੋਸ਼
ਦਿੱਲੀ ਪੁਲਿਸ ਵੱਲੋਂ ਮਿਲੀ ਜਾਣਕਾਰੀ ਮੁਤਾਬਕ, 4 ਅਗਸਤ ਨੂੰ ਵਸੰਤਕੁੰਜ ਨਾਰਥ ਪੁਲਿਸ ਥਾਣੇ ਵਿੱਚ ਸ਼੍ਰੀਸ਼੍ਰਿੰਗੇਰੀ ਮਠ ਅਤੇ ਇਸ ਦੀਆਂ ਸੰਪਤੀਆਂ ਦੇ ਪ੍ਰਸ਼ਾਸਕ ਪੀ.ਏ. ਮੁਰਲੀ ਵੱਲੋਂ ਸਵਾਮੀ ਚੈਤਨਯਾਨੰਦ ਸਰਸਵਤੀ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਾਈ ਗਈ ਸੀ। ਉਸ ਉੱਤੇ ਸ਼ਾਰਦਾ ਇੰਸਟੀਟਿਊਟ ਆਫ਼ ਇੰਡੀਆਨ ਮੈਨੇਜਮੈਂਟ ਵਿੱਚ EWS ਸਕਾਲਰਸ਼ਿਪ ਦੇ ਤਹਿਤ PGDM (ਪੋਸਟ ਗ੍ਰੈਜੂਏਟ ਡਿਪਲੋਮਾ ਇਨ ਮੈਨੇਜਮੈਂਟ) ਕਰਨ ਵਾਲੀਆਂ ਵਿਦਿਆਰਥਣਾਂ ਨਾਲ ਯੌਨ ਉਤਪੀੜਨ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ।
ਯੌਨ ਉਤਪੀੜਨ ਮਾਮਲੇ ਵਿੱਚ ਕਾਲਜ ਦੀ ਮਹਿਲਾ ਫੈਕਲਟੀ ਵੀ ਆਰੋਪੀ
ਪੁੱਛਗਿੱਛ ਦੌਰਾਨ 32 ਵਿਦਿਆਰਥਣਾਂ ਦੇ ਬਿਆਨ ਦਰਜ ਕੀਤੇ ਗਏ, ਜਿਨ੍ਹਾਂ ਵਿੱਚੋਂ 17 ਨੇ ਆਰੋਪੀ ਚੈਤਨਯਾਨੰਦ ਸਰਸਵਤੀ ਵੱਲੋਂ ਗਾਲੀ-ਗਲੌਜ, ਅਸ਼ਲੀਲ WhatsApp ਮੈਸੇਜ, SMS ਅਤੇ ਗਲਤ ਤਰੀਕੇ ਨਾਲ ਸੰਪਰਕ ਬਣਾਉਣ ਦਾ ਦੋਸ਼ ਲਾਇਆ। ਪੀੜਤਾਂ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਫੈਕਲਟੀ/ਐਡਮਿਨਿਸਟ੍ਰੇਟਰ ਦੇ ਤੌਰ ਤੇ ਕੰਮ ਕਰ ਰਹੀਆਂ ਔਰਤਾਂ ਨੇ ਉਨ੍ਹਾਂ 'ਤੇ ਆਰੋਪੀ ਚੈਤਨਯਾਨੰਦ ਸਰਸਵਤੀ ਦੀਆਂ ਮੰਗਾਂ ਮੰਨਣ ਦਾ ਦਬਾਅ ਬਣਾਇਆ।
ਪੁਲਿਸ ਨੂੰ ਜਾਂਚ ਦੌਰਾਨ ਸ਼੍ਰੀ ਸ਼ਾਰਦਾ ਇੰਸਟੀਟਿਊਟ ਆਫ਼ ਇੰਡੀਆਨ ਮੈਨੇਜਮੈਂਟ ਦੇ ਬੇਸਮੈਂਟ ਵਿੱਚ ਇੱਕ Volvo ਕਾਰ ਖੜੀ ਮਿਲੀ। ਜਾਂਚ ਕਰਨ 'ਤੇ ਪਤਾ ਲੱਗਿਆ ਕਿ ਜਾਲਸਾਜ਼ੀ ਵਾਲੀ ਡਿਪਲੋਮੇਟਿਕ ਨੰਬਰ ਪਲੇਟ 39 UN 1 ਵਾਲੀ ਕਾਰ ਆਰੋਪੀ ਸਵਾਮੀ ਚੈਤਨਯਾਨੰਦ ਸਰਸਵਤੀ ਵੱਲੋਂ ਵਰਤੀ ਜਾ ਰਹੀ ਸੀ। ਪੁਲਿਸ ਨੇ ਕਈ ਵਾਰੀ ਆਰੋਪੀ ਸਵਾਮੀ ਚੈਤਨਯਾਨੰਦ ਨੂੰ ਪੁੱਛਗਿੱਛ ਲਈ ਬੁਲਾਇਆ, ਪਰ ਉਸ ਨੇ ਕਦੇ ਪੁਲਿਸ ਦਾ ਸਹਿਯੋਗ ਨਹੀਂ ਕੀਤਾ ਅਤੇ ਹੁਣ ਫਰਾਰ ਹੋ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
