ਅੱਜ ਦੋ ਫਲਾਈਟਾਂ ਦੀ ਇਮਰਜੈਂਸੀ ਲੈਂਡਿੰਗ, ਲੇਹ ਜਾ ਰਹੀ ਇੰਡਿਗੋ ਫਲਾਈਟ ਵਾਪਸ ਦਿੱਲੀ ਆਈ, ਹੈਦਰਾਬਾਦ-ਤਿਰੁਪਤੀ ਸਪਾਈਸਜੈੱਟ ਵੀ 10 ਮਿੰਟ ਬਾਅਦ ਮੁੜੀ
ਅਹਿਮਦਾਬਾਦ ਪਲੇਨ ਕਰੈਸ਼ ਤੋਂ ਬਾਅਦ ਬਹੁਤ ਸਾਰੀਆਂ ਫਲਾਈਟਸ ਕਿਸੇ ਨਾ ਕਿਸੇ ਕਰਨ ਕਰਕੇ ਰੱਦ ਹੋ ਰਹੀਆਂ ਹਨ ਜਾਂ ਫਿਰ ਵਾਪਸ ਆ ਰਹੀਆਂ ਹਨ। ਅਜਿਹੇ ਹੀ ਦੋ ਮਾਮਲੇ ਅੱਜ ਆਏ ਜਿੱਥੇ ਦੋ ਫਲਾਈਟਾਂ ਦੀ ਇਮਰਜੈਂਸੀ ਲੈਂਡਿੰਗ...
Two Flights Make Emergency Landing : ਦਿੱਲੀ ਤੋਂ ਲੇਹ ਜਾ ਰਹੀ ਇੰਡਿਗੋ ਫਲਾਈਟ 6E 2006 ਵਿਚ ਤਕਨੀਕੀ ਖ਼ਰਾਬੀ ਆਉਣ ਕਾਰਨ ਉਹ ਵੀਰਵਾਰ ਸਵੇਰੇ ਵਾਪਸ ਦਿੱਲੀ ਪਰਤ ਆਈ। ਇਸ ਫਲਾਈਟ ਵਿਚ ਕਰੂ ਮੈਂਬਰਾਂ ਸਮੇਤ 180 ਯਾਤਰੀ ਸਵਾਰ ਸਨ। ਇਸ ਤੋਂ ਇਲਾਵਾ, ਸਪਾਈਸਜੈੱਟ ਦੀ ਫਲਾਈਟ, ਜੋ ਹੈਦਰਾਬਾਦ ਤੋਂ ਤਿਰੁਪਤੀ ਜਾ ਰਹੀ ਸੀ, ਉਡਾਣ ਭਰਨ ਤੋਂ ਕੇਵਲ 10 ਮਿੰਟ ਬਾਅਦ ਹੀ ਵਾਪਸ ਆ ਗਈ। ਇਸ ਵਿਚ 80 ਯਾਤਰੀ ਮੌਜੂਦ ਸਨ। ਅਹਿਮਦਾਬਾਦ ਪਲੇਨ ਕਰੈਸ਼ ਤੋਂ ਬਾਅਦ ਯਾਤਰੀਆਂ ਦੇ ਵਿੱਚ ਹਵਾਈ ਯਾਤਰਾ ਕਰਨ ਸਮੇਂ ਡਰ ਦਾ ਮਾਹੌਲ ਬਣ ਗਿਆ ਹੈ।
ਇਸ ਤੋਂ ਪਹਿਲਾਂ, ਬੁੱਧਵਾਰ ਨੂੰ ਏਅਰ ਇੰਡੀਆ ਦੀਆਂ 3 ਫਲਾਈਟਾਂ ਰੱਦ ਕਰ ਦਿੱਤੀਆਂ ਗਈਆਂ ਸਨ, ਜਿਨ੍ਹਾਂ ਵਿਚ ਦਿੱਲੀ-ਬਾਲੀ, ਟੋਰਾਂਟੋ-ਦਿੱਲੀ ਅਤੇ ਦੁਬਈ-ਦਿੱਲੀ ਵਾਲੀਆਂ ਉਡਾਣਾਂ ਸ਼ਾਮਲ ਸਨ।
18 ਜੂਨ ਨੂੰ ਵੀ ਏਅਰ ਇੰਡੀਆ ਦੀਆਂ ਤਿੰਨ ਵਾਪਸ ਮੁੜੀਆਂ ਜਾਂ ਰੱਦ ਹੋਈਆਂ ਫਲਾਈਟਾਂ
ਦਿੱਲੀ ਤੋਂ ਬਾਲੀ ਜਾ ਰਹੀ ਫਲਾਈਟ AI2145 ਮੱਧ ਰਾਸਤੇ 'ਚੋਂ ਹੀ ਵਾਪਸ ਦਿੱਲੀ ਆ ਆਈ। ਏਅਰਲਾਈਨ ਨੇ ਦੱਸਿਆ ਕਿ ਇਹ ਫੈਸਲਾ ਬਾਲੀ ਏਅਰਪੋਰਟ ਕੋਲ ਜੁਆਲਾਮੁਖੀ ਵਿਸਫੋਟ ਦੀਆਂ ਖਬਰਾਂ ਦੇ ਮੱਦੇਨਜ਼ਰ ਯਾਤਰੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਲਿਆ ਗਿਆ।
ਟੋਰਾਂਟੋ ਤੋਂ ਦਿੱਲੀ ਆਉਣ ਵਾਲੀ ਫਲਾਈਟ AI188 ਨੂੰ ਰੱਦ ਕਰ ਦਿੱਤਾ ਗਿਆ। ਫਲਾਈਟ ਵਿੱਚ ਯਾਤਰੀ ਬੈਠ ਚੁੱਕੇ ਸਨ, ਪਰ ਉਨ੍ਹਾਂ ਨੂੰ ਬਾਹਰ ਉਤਾਰ ਲਿਆ ਗਿਆ। ਇਹ ਫੈਸਲਾ ਵਿਮਾਨ ਦੀ ਮੁਰੰਮਤ (ਮੈਂਟੇਨੈਂਸ) ਅਤੇ ਕਰੂ ਦੀ ਫਲਾਈਟ ਡਿਊਟੀ ਟਾਈਮ ਦੀ ਰੱਦ ਕਾਰਨ ਲਿਆ ਗਿਆ।
ਦੁਬਈ ਤੋਂ ਦਿੱਲੀ ਆ ਰਹੀ ਫਲਾਈਟ AI996 ਨੂੰ ਤਕਨੀਕੀ ਖ਼ਰਾਬੀ ਕਾਰਨ ਰੱਦ ਕਰ ਦਿੱਤਾ ਗਿਆ। ਇਸ ਫਲਾਈਟ ਵਿਚ ਵੀ ਯਾਤਰੀ ਬੈਠੇ ਹੋਏ ਸਨ, ਪਰ ਹੁਕਮ ਜਾਰੀ ਹੋਣ ਦੇ ਨਾਲ ਹੀ ਉਨ੍ਹਾਂ ਨੂੰ ਵੀ ਬਾਹਰ ਕੱਢ ਦਿੱਤਾ ਗਿਆ।
17 ਜੂਨ: ਏਅਰ ਇੰਡੀਆ ਦੀਆਂ 7 ਅੰਤਰਰਾਸ਼ਟਰੀ ਫਲਾਈਟਾਂ ਰੱਦ
17 ਜੂਨ ਨੂੰ ਏਅਰ ਇੰਡੀਆ ਨੇ ਆਪਣੀਆਂ 7 ਅੰਤਰਰਾਸ਼ਟਰੀ ਉਡਾਣਾਂ ਨੂੰ ਰੱਦ ਕਰ ਦਿੱਤਾ ਸੀ। ਇਨ੍ਹਾਂ ਵਿੱਚ ਇਹ ਫਲਾਈਟਾਂ ਸ਼ਾਮਲ ਸਨ:
ਅਹਿਮਦਾਬਾਦ-ਲੰਡਨ
ਦਿੱਲੀ-ਪੈਰਿਸ
ਦਿੱਲੀ-ਵਿਯਾਨ
ਲੰਡਨ-ਅੰਮ੍ਰਿਤਸਰ
ਦਿੱਲੀ-ਦੁਬਈ
ਬੈਂਗਲੁਰੂ-ਲੰਡਨ
ਸੈਨ ਫ੍ਰਾਂਸਿਸਕੋ-ਮੁੰਬਈ
ਇਹ ਫਲਾਈਟਾਂ ਕਿਸੇ ਤਕਨੀਕੀ ਜਾਂ ਆਪਰੇਸ਼ਨਲ ਕਾਰਨ ਕਰਕੇ ਰੱਦ ਕੀਤੀਆਂ ਗਈਆਂ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
