ਭਾਰਤ ਬਾਇਓਟੈੱਕ ਨੂੰ ਅਮਰੀਕਾ ਦਾ ਝਟਕਾ, ਕੋਵੈਕਸੀਨ ਦੀ ਐਮਰਜੈਂਸੀ ਵਰਤੋਂ ਦੀ ਪ੍ਰਵਾਨਗੀ ਰੱਦ

ਕੋਵੋਕਸੀਨ ਨੂੰ ਅਮਰੀਕਾ ਦੀ ਮਨਜ਼ੂਰੀ ਮਿਲਣ ਲਈ ਕੁਝ ਹੋਰ ਸਮਾਂ ਲੱਗ ਸਕਦਾ ਹੈ। ਵੀਰਵਾਰ ਨੂੰ ਇੱਕ ਬਿਆਨ ਵਿੱਚ, ਓਕਯੂਜਨ ਨੇ ਕਿਹਾ ਕਿ ਉਹ ਐਫ ਡੀ ਏ ਦੀ ਸਲਾਹ ਅਨੁਸਾਰ ਕੋਵੈਕਸੀਨ ਲਈ ਇੱਕ ਬੀਐਲਏ ਦਾਇਰ ਕਰੇਗੀ। ਬੀਐਲਏ ਐਫਡੀਏ ਦੀ "ਪੂਰੀ ਪ੍ਰਵਾਨਗੀ" ਪ੍ਰਣਾਲੀ ਹੈ, ਜਿਸ ਤਹਿਤ ਦਵਾਈਆਂ ਤੇ ਟੀਕਿਆਂ ਨੂੰ ਮਨਜ਼ੂਰੀ ਦਿੱਤੀ ਜਾਂਦੀ ਹੈ।

ਭਾਰਤ ਬਾਇਓਟੈੱਕ ਨੂੰ ਅਮਰੀਕਾ ਦਾ ਝਟਕਾ, ਕੋਵੈਕਸੀਨ ਦੀ ਐਮਰਜੈਂਸੀ ਵਰਤੋਂ ਦੀ ਪ੍ਰਵਾਨਗੀ ਰੱਦ

ਹੈਦਰਾਬਾਦ: ਭਾਰਤ ਬਾਇਓਟੈਕ ਦੇ ਕੋਵਿਡ-19 ਵੈਕਸੀਨ ‘ਕੋਵੈਕਸੀਨ’ (COVAXINE) ਨੂੰ ਝਟਕਾ ਦਿੰਦੇ ਹੋਏ, ਯੂਐਸ ਫੂਡ ਐਂਡ ਡਰੱਗ ਰੈਗੂਲੇਟਰ ਨੇ ਆਪਣੇ ਅਮਰੀਕਨ ਭਾਈਵਾਲ ਓਕਯੂਜਨ ਇਨਕਾਰਪੋਰੇਸ਼ਨ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਭਾਰਤੀ ਟੀਕੇ ਦੀ ਵਰਤੋਂ ਲਈ ਮਨਜ਼ੂਰੀ ਪ੍ਰਾਪਤ ਕਰਨ ਲਈ ਵਾਧੂ ਡੇਟਾ ਦੇ ਨਾਲ ਇੱਕ ਬਾਇਓਲਾਜੀਕਲ ਲਾਇਸੈਂਸ ਐਪਲੀਕੇਸ਼ਨ (ਬੀ.ਐਲ.ਏ.) ਵਾਲੇ ਰਾਹ ਤੋਂ ਬੇਨਤੀ ਕਰੇ।

 

ਅਜਿਹੀ ਸਥਿਤੀ ਵਿੱਚ, ਕੋਵੋਕਸੀਨ ਨੂੰ ਅਮਰੀਕਾ ਦੀ ਮਨਜ਼ੂਰੀ ਮਿਲਣ ਲਈ ਕੁਝ ਹੋਰ ਸਮਾਂ ਲੱਗ ਸਕਦਾ ਹੈ। ਵੀਰਵਾਰ ਨੂੰ ਇੱਕ ਬਿਆਨ ਵਿੱਚ, ਓਕਯੂਜਨ ਨੇ ਕਿਹਾ ਕਿ ਉਹ ਐਫ ਡੀ ਏ ਦੀ ਸਲਾਹ ਅਨੁਸਾਰ ਕੋਵੈਕਸੀਨ ਲਈ ਇੱਕ ਬੀਐਲਏ ਦਾਇਰ ਕਰੇਗੀ। ਬੀਐਲਏ ਐਫਡੀਏ ਦੀ "ਪੂਰੀ ਪ੍ਰਵਾਨਗੀ" ਪ੍ਰਣਾਲੀ ਹੈ, ਜਿਸ ਤਹਿਤ ਦਵਾਈਆਂ ਤੇ ਟੀਕਿਆਂ ਨੂੰ ਮਨਜ਼ੂਰੀ ਦਿੱਤੀ ਜਾਂਦੀ ਹੈ।

 

ਓਕਯੂਜਨ ਨੇ ਕਿਹਾ, “ਕੰਪਨੀ ਹੁਣ ਟੀਕੇ ਲਈ ਐਮਰਜੈਂਸੀ ਯੂਜ਼ ਪਰਮਿਟ (ਈਯੂਏ) ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਨਹੀਂ ਕਰੇਗੀ। ਐਫਡੀਏ ਨੇ ਓਕਯੂਜਨ ਨੂੰ ਮਾਸਟਰ ਫਾਈਲ ਦਾ ਜਵਾਬ ਦਿੱਤਾ ਹੈ। ਇਹ ਸਲਾਹ ਦਿੱਤੀ ਗਈ ਹੈ ਕਿ ਓਕਯੂਜਨ ਨੂੰ ਇਸ ਦੇ ਟੀਕੇ ਲਈ ਈਯੂਏ ਬਿਨੈ ਦੀ ਬਜਾਏ ਇੱਕ ਬੀਐਲਏ ਬੇਨਤੀ ਦਾਇਰ ਕਰਨੀ ਚਾਹੀਦੀ ਹੈ। ਇਸ ਦੇ ਨਾਲ ਹੀ ਕੁਝ ਹੋਰ ਵਧੇਰੇ ਜਾਣਕਾਰੀ ਤੇ ਡਾਟਾ ਲਈ ਬੇਨਤੀ ਵੀ ਕੀਤੀ ਗਈ ਹੈ।

 

ਓਕਯੂਜਨ ਨੇ ਕਿਹਾ ਕਿ ਇਸ ਦੇ ਕਾਰਨ, ਯੂਐਸ ਵਿੱਚ ਕੋਵੋਕਸੀਨ ਦੀ ਸ਼ੁਰੂਆਤ ਵਿੱਚ ਦੇਰੀ ਹੋ ਸਕਦੀ ਹੈ। ਓਕਯੂਜਨ ਇਸ ਮੁੱਦੇ ਉੱਤੇ ਐਫਡੀਏ ਨਾਲ ਵਿਚਾਰ ਕਰ ਰਹੀ ਹੈ ਤਾਂ ਜੋ ਬੀਐਲਏ ਬੇਨਤੀ ਲਈ ਲੋੜੀਂਦੀ ਵਾਧੂ ਜਾਣਕਾਰੀ ਨੂੰ ਸਮਝਿਆ ਜਾ ਸਕੇ।

 

ਕੰਪਨੀ ਨੂੰ ਉਮੀਦ ਹੈ ਕਿ ਐਪਲੀਕੇਸ਼ਨ ਨੂੰ ਮਨਜ਼ੂਰੀ ਮਿਲਣ ਲਈ ਇੱਕ ਵਾਧੂ ਕਲੀਨਿਕਲ ਟ੍ਰਾਇਲ ਡੇਟਾ ਦੀ ਜ਼ਰੂਰਤ ਹੋਏਗੀ। “ਜਦ ਕਿ ਅਸੀਂ ਆਪਣੀ ਈਯੂਏ ਦੀ ਅਰਜ਼ੀ ਨੂੰ ਅੰਤਮ ਰੂਪ ਦੇਣ ਦੇ ਬਹੁਤ ਨੇੜੇ ਹਾਂ, ਐਫਡੀਏ ਨੇ ਸਾਨੂੰ ਬੀਐਲਏ ਦੁਆਰਾ ਬੇਨਤੀ ਕਰਨ ਦੀ ਸਲਾਹ ਦਿੱਤੀ ਹੈ,” ਸ਼ੰਕਰ ਮੁਸੁਨੂਰੀ, ਸੀਈਓ ਤੇ ਸਹਿ-ਸੰਸਥਾਪਕ, ਓਕਯੂਜਨ ਨੇ ਕਿਹਾ। ਇਹ ਉਸ ਤੋਂ ਵੀ ਵੱਧ ਸਮਾਂ ਲਵੇਗਾ, ਲੇਕਿਨ ਅਸੀਂ ਟੀਕੇ ਨੂੰ ਅਮਰੀਕਾ ਲਿਆਉਣ ਲਈ ਵਚਨਬੱਧ ਹਾਂ। ”

 

ਭਾਰਤ ਵਿੱਚ ਬਣਾਈ ਜਾਂ ਵਿਕਸਤ ਕੀਤਾ ਗਿਆ ਕੋਈ ਵੀ ਟੀਕਾ ਕਦੇ ਵੀ ਯੂਐਸਐਫਡੀਏ ਤੋਂ ਈਯੂਏ ਜਾਂ ਪੂਰਾ ਲਾਇਸੈਂਸ ਪ੍ਰਾਪਤ ਨਹੀਂ ਕਰ ਸਕਿਆ। ਇਸ ਦੌਰਾਨ ਭਾਰਤ ਬਾਇਓਟੈਕ ਨੇ ਕਿਹਾ ਕਿ ਇਕ ਵਾਰ ਮਨਜ਼ੂਰੀ ਮਿਲਣ ਤੋਂ ਬਾਅਦ ਇਹ ਭਾਰਤ ਵਿਚ ਟੀਕਿਆਂ ਦੀ ਨਵੀਨਤਾ ਤੇ ਨਿਰਮਾਣ ਵੱਲ ਇਕ ਵੱਡਾ ਕਦਮ ਹੋਵੇਗਾ।

 

ਓਕਯੂਜਨ ਨੇ ਹਾਲ ਹੀ ਵਿੱਚ ਐਲਾਨ ਕੀਤਾ ਸੀ ਕਿ ਇਸ ਨੂੰ ਕੈਨੇਡਾ ਵਿੱਚ ਕੋਵੈਕਸੀਨ ਦਾ ਵਪਾਰੀਕਰਣ ਕਰਨ ਦੇ ਵਿਸ਼ੇਸ਼ ਅਧਿਕਾਰ ਪ੍ਰਾਪਤ ਹੋਏ ਹਨ ਅਤੇ ਰੈਗੂਲੇਟਰੀ ਪ੍ਰਵਾਨਗੀ ਲਈ ਹੈਲਥ ਕੈਨੇਡਾ ਨਾਲ ਵਿਚਾਰ ਵਟਾਂਦਰੇ ਚੱਲ ਰਹੇ ਹਨ।

 

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :

Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ