ਕੌਣ ਹੈ ਸਬ ਲੈਫਟਿਨੈਂਟ ਆਸਥਾ ਪੂਨੀਆ? ਨੇਵੀ ਦੀ ਪਹਿਲੀ ਮਹਿਲਾ ਫਾਈਟਰ ਪਾਇਲਟ ਬਣ ਰਚਿਆ ਇਤਿਹਾਸ
ਦੇਸ਼ ਦੀ ਧੀ ਨੇ ਨੇਵੀ ਦੀ ਪਹਿਲੀ ਮਹਿਲਾ ਫਾਈਟਰ ਪਾਇਲਟ ਬਣ ਕੇ ਇਤਿਹਾਸ ਰਚ ਦਿੱਤਾ ਹੈ। ਜਿਸ ਕਰਕੇ ਹਰ ਕੋਈ ਇਸ ਧੀ ਦੀ ਕਾਮਯਾਬੀ ਉੱਤੇ ਮਾਣ ਮਹਿਸੂਸ ਕਰ ਰਿਹਾ ਹੈ। ਆਸਥਾ ਪੂਨੀਆ ਜੋ ਕਿ ਹੁਣ ਲੜਾਕੂ ਵਿਮਾਨ ਨੂੰ ਆਸਮਾਨ 'ਚ ਚਲਾਉਂਦੀ ਹੋਈ ਨਜ਼ਰ ਆਵੇਗੀ।
Who Is Sub-Lieutenant Aastha Poonia: ਭਾਰਤੀ ਜਲ ਸੈਨਾ ਵਿੱਚ ਪਹਿਲੀ ਵਾਰ ਕਿਸੇ ਮਹਿਲਾ ਨੂੰ ਫਾਈਟਰ ਪਾਇਲਟ ਬਣਾਇਆ ਗਿਆ ਹੈ। ਸਬ-ਲੈਫਟਿਨੈਂਟ ਆਸਥਾ ਪੂਨੀਆ ਨੂੰ ਨੌਸੈਨਾ ਵਿੱਚ ਫਾਈਟਰ ਪਾਇਲਟ ਬਣਾਇਆ ਗਿਆ ਹੈ। ਉਹ ਅਜਿਹਾ ਕਰਨ ਵਾਲੀ ਪਹਿਲੀ ਮਹਿਲਾ ਬਣ ਗਈ ਹਨ। ਹਾਲਾਂਕਿ ਇੰਡੀਆਨ ਨੇਵੀ ਵਿੱਚ ਪਹਿਲਾਂ ਤੋਂ ਵੀਮੈਨ ਪਾਇਲਟ ਟੋਹੀ ਵਿਮਾਨ (ਰੀਕੌਨੈਸੈਂਸ ਏਅਰਕ੍ਰਾਫਟ) ਅਤੇ ਹੈਲੀਕੌਪਟਰ ਸਟਰੀਮ ਵਿੱਚ ਮੌਜੂਦ ਹਨ, ਪਰ ਆਸਥਾ ਹੁਣ ਲੜਾਕੂ ਵਿਮਾਨ ਉਡਾਉਣਗੇ।
ਨੌਸੈਨਾ ਦੇਸ਼ ਦੀ ਸੁਰੱਖਿਆ ਵਿੱਚ ਇਕ ਅਹਿਮ ਭੂਮਿਕਾ ਨਿਭਾਉਂਦੀ ਹੈ ਅਤੇ ਹੁਣ ਆਸਥਾ ਦੀ ਭੂਮਿਕਾ ਵੀ ਇਸ ਵਿੱਚ ਹੋਰ ਵੱਧ ਜਾਵੇਗੀ। ਨੌਸੈਨਾ ਵੱਲੋਂ ਇਸ ਗੱਲ ਦੀ ਜਾਣਕਾਰੀ ਸੋਸ਼ਲ ਮੀਡੀਆ ਰਾਹੀਂ ਵੀ ਸਾਂਝੀ ਕੀਤੀ ਗਈ ਹੈ।
ਇੰਡੀਆਨ ਨੇਵੀ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ (ਪਹਿਲਾਂ ਟਵਿੱਟਰ) 'ਤੇ ਇੱਕ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਆਸਥਾ ਪੂਨੀਆ ਦੀ ਤਸਵੀਰ ਵੀ ਸ਼ਾਮਿਲ ਕੀਤੀ ਗਈ ਹੈ। ਨੇਵੀ ਨੇ ਪੋਸਟ ਵਿੱਚ ਲਿਖਿਆ, ''ਨੇਵਲ ਏਵੀਏਸ਼ਨ ਵਿੱਚ ਇੱਕ ਨਵਾਂ ਅਧਿਆਇ ਸ਼ੁਰੂ ਹੋ ਗਿਆ ਹੈ। ਭਾਰਤੀ ਨੌਸੈਨਾ ਨੇ 3 ਜੁਲਾਈ 2025 ਨੂੰ ਇੰਡੀਆਨ ਨੇਵਲ ਏਅਰ ਸਟੇਸ਼ਨ ਵਿੱਚ ਦੂਜੇ ਬੇਸਿਕ ਹਾਕ ਕਨਵਰਜਨ ਕੋਰਸ ਦੇ ਸਮਾਪਨ ਨਾਲ ਇੱਕ ਇਤਿਹਾਸਕ ਮੀਲ ਦਾ ਪੱਥਰ ਸਥਾਪਿਤ ਕੀਤਾ।''
ਲੇਫਟਿਨੈਂਟ ਅਤੁਲ ਕੁਮਾਰ ਢੁੱਲ ਅਤੇ ਸਬ-ਲੈਫਟਿਨੈਂਟ ਆਸਥਾ ਪੂਨੀਆ ਨੂੰ ਰੀਅਰ ਐਡਮਿਰਲ ਜਨਕ ਬੇਵਲੀ, ਏਸੀਐਨਐਸ (ਵਾਇੁ) ਵਲੋਂ ‘ਵਿੰਗਜ਼ ਆਫ ਗੋਲਡ’ ਇਨਾਮ ਦਿੱਤਾ ਗਿਆ।
ਨੌਸੈਨਾ ਨੇ ਆਪਣੀ ਐਕਸ ਪੋਸਟ ਰਾਹੀਂ ਦੱਸਿਆ ਕਿ ਆਸਥਾ ਪੂਨੀਆ ਨੇਵਲ ਏਵੀਏਸ਼ਨ ਦੀ ਫਾਈਟਰ ਸਟਰੀਮ ਵਿੱਚ ਸ਼ਾਮਲ ਹੋਣ ਵਾਲੀ ਪਹਿਲੀ ਮਹਿਲਾ ਪਾਇਲਟ ਬਣ ਗਈ ਹਨ।
ਆਸਥਾ ਪੂਨੀਆ ਕਿਹੜਾ ਫਾਈਟਰ ਏਅਰਕ੍ਰਾਫਟ ਉਡਾਉਣਗੇ?
ਹਾਲਾਂਕਿ ਇਸ ਗੱਲ ਦੀ ਅਧਿਕਾਰਿਕ ਪੁਸ਼ਟੀ ਨਹੀਂ ਹੋਈ ਕਿ ਆਸਥਾ ਪੂਨੀਆ ਨੂੰ ਕਿਹੜਾ ਫਾਈਟਰ ਏਅਰਕ੍ਰਾਫਟ ਦਿੱਤਾ ਜਾਵੇਗਾ, ਪਰ ਭਾਰਤੀ ਨੌਸੈਨਾ ਕੋਲ ਕੁਝ ਖਾਸ ਕਿਸਮ ਦੇ ਫਾਈਟਰ ਜਹਾਜ਼ ਹਨ ਜੋ ਆਈਐਨਐਸ ਵਿਕ੍ਰਮਾਦਿੱਤ ਅਤੇ ਆਈਐਨਐਸ ਵਿਕ੍ਰਾਂਤ 'ਤੇ ਉੱਡ ਸਕਦੇ ਹਨ।
ਨੌਸੈਨਾ ਕੋਲ MiG-29K ਫਾਈਟਰ ਏਅਰਕ੍ਰਾਫਟ ਹਨ, ਜੋ ਖਾਸ ਤੌਰ 'ਤੇ ਨੌਸੈਨਾ ਲਈ ਡਿਜ਼ਾਈਨ ਕੀਤੇ ਗਏ ਹਨ। ਇਹ ਜਹਾਜ਼ 722 ਕਿਲੋਮੀਟਰ ਦੀ ਕੌਂਬੈਟ ਰੇਂਜ ਅਤੇ 2346 ਕਿਲੋਮੀਟਰ ਦੀ ਨਾਰਮਲ ਰੇਂਜ ਰੱਖਦੇ ਹਨ। ਇਹ 450 ਕਿਲੋਗ੍ਰਾਮ ਤੱਕ ਦੇ ਚਾਰ ਬੰਬ, ਮਿਜ਼ਾਈਲਾਂ ਅਤੇ ਹੋਰ ਹਥਿਆਰ ਲਿਜਾਣ ਦੀ ਸਮਰੱਥਾ ਰੱਖਦੇ ਹਨ।
Before You Go
Punjab Band | Bandi Singh ਬੰਦੀ ਸਿੰਘਾਂ ਨਾਲ ਧੱਕਾ ਕਿਉਂ?' ਪ੍ਰੋ. ਬਲਜਿੰਦਰ ਸਿੰਘ ਨੇ ਸਰਕਾਰ ਨੂੰ ਘੇਰਿਆ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
