ਗੁਰੂਗ੍ਰਾਮ 'ਚ ਮਜ਼ਾਕ-ਮਜ਼ਾਕ 'ਚ ਗਈ ਪਤਨੀ ਦੀ ਜਾਨ: ਕੰਧ 'ਤੇ ਚੜ੍ਹ ਕੇ ਬੋਲੀ- ਮੈਨੂੰ ਬਚਾਵੇਂਗਾ, ਚੌਥੀ ਮੰਜ਼ਿਲ ਤੋਂ ਲਟਕੀ, ਪਤੀ ਨੇ 2 ਮਿੰਟ ਫੜਿਆ, ਫਿਰ ਫਿਸਲਿਆ ਹੱਥ...
ਕਈ ਵਾਰ ਛੋਟੇ ਜਿਹੇ ਮਜ਼ਾਕ ਦੀ ਵੀ ਭਾਰੀ ਕੀਮਤ ਚੁਕਾਉਣੀ ਪੈਂਦੀ ਹੈ। ਅਜਿਹਾ ਹੀ ਕੁੱਝ ਹੋਇਆ ਗੁਰੂਗ੍ਰਾਮ ਦੇ ਵਿੱਚ ਜਦੋਂ ਮਜ਼ਾਕ-ਮਜ਼ਾਕ ਚ ਪਤਨੀ ਕੰਧ ਉੱਤੇ ਚੜ੍ਹ ਗਈ ਅਤੇ ਆਪਣੇ ਪਤੀ ਨੂੰ ਕਹਿੰਦੀ ਜੇ ਮੈਂ ਡਿੱਗ ਗਈ ਤਾਂ ਤੁਸੀਂ ਮੈਨੂੰ ਬਚਾਅ ਲਓਗੇ....
ਹਰਿਆਣਾ ਦੇ ਗੁਰੁਗ੍ਰਾਮ 'ਚ ਪਤੀ-ਪਤਨੀ ਵਿਚਾਲੇ ਹੋ ਰਹੇ ਇੱਕ ਮਜ਼ਾਕ ਦੌਰਾਨ ਪਤਨੀ ਦੀ ਚੌਥੀ ਮੰਜ਼ਿਲ ਤੋਂ ਡਿੱਗਣ ਨਾਲ ਮੌਤ ਹੋ ਗਈ। ਪਤਨੀ ਛੱਤ ਦੀ ਕੰਧ 'ਤੇ ਚੜ੍ਹ ਕੇ ਬੈਠ ਗਈ ਸੀ। ਉਸਨੇ ਮਜ਼ਾਕੀਆ ਢੰਗ ਵਿੱਚ ਪਤੀ ਨੂੰ ਪੁੱਛਿਆ, "ਜੇ ਮੈਂ ਡਿੱਗ ਗਈ ਤਾਂ ਕੀ ਤੁਸੀਂ ਮੈਨੂੰ ਬਚਾਓਗੇ?" ਪਤੀ ਨੇ ਉਸਨੂੰ ਕਹਿਣ ਲੱਗਾ ਕਿ ਜੇ ਉਹ ਨਹੀਂ ਉਤਰੀ ਤਾਂ ਉਹ ਖਾਣਾ ਨਹੀਂ ਖਾਏਗਾ।
ਇਹ ਸੁਣ ਕੇ ਜਿਵੇਂ ਹੀ ਪਤਨੀ ਥੱਲੇ ਉਤਰਣ ਲੱਗੀ ਤਾਂ ਉਸ ਦਾ ਸੰਤੁਲਨ ਬਿਗੜ ਗਿਆ ਅਤੇ ਉਹ ਚੌਥੀ ਮੰਜ਼ਿਲ ਤੋਂ ਲਟਕ ਗਈ। ਪਤੀ ਨੇ ਉਸਨੂੰ ਬਚਾਉਣ ਲਈ ਆਪਣੀਆਂ ਬਾਂਹਾਂ ਨਾਲ ਫੜ ਲਿਆ। 2 ਮਿੰਟ ਤੱਕ ਪੂਰੀ ਕੋਸ਼ਿਸ਼ ਕੀਤੀ ਕਿ ਉਹ ਨਾ ਡਿੱਗੇ ਅਤੇ ਉਸਨੂੰ ਫੜ ਕੇ ਰੱਖੇ। ਆਖ਼ਿਰਕਾਰ ਉਹ ਪਤੀ ਦੇ ਹੱਥੋਂ ਫਿਸਲ ਗਈ ਅਤੇ ਚੌਥੀ ਮੰਜ਼ਿਲ ਤੋਂ ਥੱਲੇ ਡਿੱਗ ਪਈ। ਉਸਨੂੰ ਹਸਪਤਾਲ ਲਿਜਾਇਆ ਗਿਆ, ਪਰ ਉੱਥੇ ਉਸਦੀ ਮੌਤ ਹੋ ਗਈ।
ਦੁਰਯੋਧਨ ਰਾਓ ਮੂਲ ਰੂਪ ਵਿੱਚ ਓਡੀਸ਼ਾ ਦੇ ਗੰਜਮ ਜ਼ਿਲ੍ਹੇ ਦੇ ਰਹਿਣ ਵਾਲੇ ਹਨ। ਲਗਭਗ ਢਾਈ ਸਾਲ ਪਹਿਲਾਂ ਉਸਦਾ ਵਿਆਹ ਉੱਥੇ ਦੀ ਲੜਕੀ ਪਾਰਵਤੀ (22) ਨਾਲ ਹੋਈ ਸੀ। ਦੁਰਯੋਧਨ ਇੱਕ ਨਿੱਜੀ ਕੰਪਨੀ 'ਚ ਸੋਸ਼ਲ ਮੀਡੀਆ ਕੰਟੈਂਟ ਮਾਡਰੇਟਰ ਵਜੋਂ ਕੰਮ ਕਰਦੇ ਹਨ, ਜਦਕਿ ਪਾਰਵਤੀ ਇੱਕ ਕਾਲ ਸੈਂਟਰ 'ਚ ਏਗਜ਼ੀਕਿਊਟਿਵ ਸੀ। ਦੋਵੇਂ ਗੁਰੁਗ੍ਰਾਮ ਦੇ DLF ਫੇਜ਼-3 ਵਿੱਚ 2BHK ਫਲੈਟ ਵਿੱਚ ਰਹਿ ਰਹੇ ਸਨ।
ਦੁਰਯੋਧਨ ਨੇ ਦੱਸਿਆ ਕਿ 15 ਜੁਲਾਈ ਦੀ ਸ਼ਾਮ ਨੂੰ ਮੈਂ ਅਤੇ ਮੇਰੀ ਪਤਨੀ ਪਾਰਵਤੀ ਛੱਤ 'ਤੇ ਕੁਝ ਪਲ ਆਰਾਮ ਨਾਲ ਬਿਤਾਉਣ ਲਈ ਗਏ ਸੀ। ਉਸ ਵੇਲੇ ਮੌਸਮ ਵੀ ਸੁਹਾਵਣਾ ਸੀ। ਅਸੀਂ ਆਪਸ 'ਚ ਹਾਸਾ-ਮਜ਼ਾਕ ਕਰ ਰਹੇ ਸੀ। ਅਚਾਨਕ ਪਾਰਵਤੀ ਛਤ ਦੀ ਕੰਧ 'ਤੇ ਚੜ੍ਹ ਗਈ ਅਤੇ ਕੰਧ ਦੇ ਕਿਨਾਰੇ ਦੋਵੇਂ ਪੈਰ ਲਟਕਾ ਕੇ ਬੈਠ ਗਈ। ਫਿਰ ਪਾਰਵਤੀ ਨੇ ਮਜ਼ਾਕ 'ਚ ਮੈਨੂੰ ਪੁੱਛਿਆ, “ਜੇ ਮੈਂ ਥੱਲੇ ਡਿੱਗ ਪਈ ਤਾਂ ਕੀ ਤੂੰ ਮੈਨੂੰ ਬਚਾ ਲਏਂਗਾ?” ਮੈਂ ਤੁਰੰਤ ਉਸ ਨੂੰ ਹੇਠਾਂ ਉਤਰਣ ਲਈ ਕਿਹਾ ਅਤੇ ਆਪਣੀ ਵੱਲ ਖਿੱਚਣ ਲਈ ਅੱਗੇ ਵਧਿਆ। ਪਤੀ ਨੇ ਕਸਮ ਦਿੱਤੀ ਕਿ ਜੇਕਰ ਉਹ ਹੇਠਾਂ ਨਾ ਉਤਰੀ ਤਾਂ ਉਹ ਖਾਣਾ ਨਹੀਂ ਖਾਏਗਾ। ਇਹ ਸੁਣ ਕੇ ਉਹ ਹੇਠਾਂ ਉਤਰਣ ਦੀ ਕੋਸ਼ਿਸ਼ ਕਰਨ ਲੱਗੀ। ਤਦੋਂ ਹੀ ਉਸ ਦਾ ਸੰਤੁਲਨ ਖਰਾਬ ਹੋ ਗਿਆ। ਮੈਂ ਤੁਰੰਤ ਉਸ ਨੂੰ ਫੜ ਲਿਆ ਅਤੇ ਉਹ ਮੇਰੀਆਂ ਬਾਹਾਂ ਵਿਚ ਲਟਕ ਗਈ। ਅਸੀਂ ਦੋਵੇਂ ਮਦਦ ਲਈ ਚੀਕਾਂ ਮਾਰਨ ਲੱਗੇ, ਪਰ ਉਸ ਵੇਲੇ ਆਸ-ਪਾਸ ਕੋਈ ਵੀ ਨਹੀਂ ਸੀ। ਮੈਂ ਲਗਾਤਾਰ 2 ਮਿੰਟ ਤੱਕ ਪਾਰਵਤੀ ਨੂੰ ਮਜ਼ਬੂਤੀ ਨਾਲ ਫੜਿਆ ਰੱਖਿਆ। ਪਰ ਮੇਰੀਆਂ ਬਾਹਾਂ ਥੱਕਣ ਲੱਗੀਆਂ ਤੇ ਘਬਰਾਹਟ 'ਚ ਪਸੀਨਾ ਆਉਣ ਲੱਗ ਪਿਆ।
ਉਹ ਕਹਿੰਦੇ ਨੇ ਕਿ ਛੱਤ ਨਾਲ ਟਕਰਾਉਣ ਕਰਕੇ ਮੇਰੇ ਹੱਥਾਂ ਅਤੇ ਛਾਤੀ 'ਤੇ ਨਿਸ਼ਾਨ ਪੈ ਗਏ। ਸਾਰੀ ਕੋਸ਼ਿਸ਼ਾਂ ਦੇ ਬਾਵਜੂਦ ਪਾਰਵਤੀ ਹੱਥੋਂ ਛੁਟ ਗਈ। ਉਹ ਚੌਥੀ ਮੰਜ਼ਿਲ ਤੋਂ ਹੇਠਾਂ ਜ਼ਮੀਨ 'ਤੇ ਡਿੱਗ ਪਈ। ਮੈਂ ਤੁਰੰਤ ਹੇਠਾਂ ਵਲ ਦੌੜਿਆ ਅਤੇ ਪਾਰਵਤੀ ਨੂੰ ਸੰਭਾਲਿਆ। ਤੁਰੰਤ ਉਸ ਨੂੰ ਹਸਪਤਾਲ ਲੈ ਗਏ। ਰਸਤੇ 'ਚ ਉਹ ਦਰਦ ਨਾਲ ਚੀਖ ਰਹੀ ਸੀ। ਮੈਂ ਉਸ ਨੂੰ ਹੌਸਲਾ ਦਿੱਤਾ ਕਿ ਸਭ ਠੀਕ ਹੋ ਜਾਵੇਗਾ। ਹਸਪਤਾਲ ਪਹੁੰਚਣ ਤੋਂ ਲਗਭਗ ਅੱਧਾ ਘੰਟਾ ਬਾਅਦ ਪਾਰਵਤੀ ਨੇ ਦਮ ਤੋੜ ਦਿੱਤਾ। ਹੇਠਾਂ ਡਿੱਗਣ ਕਰਕੇ ਉਸ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ।
DLF ਫੇਜ਼ 3 ਥਾਣੇ ਦੇ ਜਾਂਚ ਅਧਿਕਾਰੀ ਰਜਤ ਰਾਵ ਨੇ ਦੱਸਿਆ ਕਿ ਇਹ ਇੱਕ ਦਰਦਨਾਕ ਹਾਦਸਾ ਹੈ, ਜਿਸ ਵਿੱਚ ਕਿਸੇ ਦੀ ਵੀ ਕੋਈ ਗਲਤੀ ਸਾਹਮਣੇ ਨਹੀਂ ਆਈ। ਪਾਰਵਤੀ ਦੇ ਪਰਿਵਾਰ ਨੂੰ ਵੀ ਕਿਸੇ ਤਰ੍ਹਾਂ ਦੀ ਗੜਬੜ ਦਾ ਸ਼ੱਕ ਨਹੀਂ ਹੈ। ਦੁਰਯੋਧਨ ਦੇ ਹੱਥਾਂ ਅਤੇ ਛਾਤੀ 'ਤੇ ਲੱਗੀਆਂ ਚੋਟਾਂ ਇਹ ਸਾਬਤ ਕਰਦੀਆਂ ਹਨ ਕਿ ਉਸਨੇ ਆਪਣੀ ਪਤਨੀ ਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਸੀ। ਪੋਸਟਮਾਰਟਮ ਤੋਂ ਬਾਅਦ ਪਾਰਵਤੀ ਦੀ ਲਾਸ਼ ਉਸਦੇ ਪਰਿਵਾਰ ਨੂੰ ਸੌਂਪ ਦਿੱਤੀ ਗਈ। ਇਸ ਹਾਦਸੇ ਵਿੱਚ ਕਿਸੇ ਵੀ ਕਿਸਮ ਦੀ ਅਪਰਾਧਕ ਗਤੀਵਿਧੀ ਦਾ ਕੋਈ ਸਬੂਤ ਨਹੀਂ ਮਿਲਿਆ।
Before You Go
ਆਂਗਣਵਾੜੀ ਵਰਕਰਾਂ ਦਾ ਸਰਕਾਰ ਖਿਲਾਫ਼ ਹੱਲਾ ਬੋਲ! ਮੰਤਰੀ ਦੇ ਦਫ਼ਤਰ ਅੱਗੇ ਧਰਨਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
