ਕਾਂਗਰਸ ਦੇ ਕਲੇਸ਼ ‘ਚ ਅਰੂਸਾ ਦੀ ਐਂਟਰੀ, ਪਹਿਲੀ ਵਾਰ ਕੈਪਟਨ ਅਮਰਿੰਦਰ ਨੇ ਕਬੂਲੀ ਇਹ ਗੱਲ

ਕਾਂਗਰਸ ਦੇ ਕਲੇਸ਼ ‘ਚ ਅਰੂਸਾ ਦੀ ਐਂਟਰੀ, ਪਹਿਲੀ ਵਾਰ ਕੈਪਟਨ ਅਮਰਿੰਦਰ ਨੇ ਮਨ੍ਹੀ ਇਹ ਗੱਲ

Captain_Amarinder_Singh

ਚੰਡੀਗੜ੍ਹ: ਪੰਜਾਬ ਕਾਂਗਰਸ ਦੇ ਝਗੜੇ ਵਿਚਾਲੇ ਹੁਣ ਪਾਕਿਸਤਾਨੀ ਪੱਤਰਕਾਰ ਅਤੇ ਕੈਪਟਨ ਅਮਰਿੰਦਰ ਸਿੰਘ ਦੀ ਮਹਿਲਾ ਮਿੱਤਰ ਅਰੂਸਾ ਆਲਮ ਦੀ ਐਂਟਰੀ ਹੋ ਗਈ ਹੈ।ਕੈਪਟਨ ਨੇ ਪਹਿਲੀ ਵਾਰ ਇਹ ਗੱਲ ਮਨੀ ਹੈ ਕਿ ਉਨ੍ਹਾਂ ਦੀ ਇਹ ਮਹਿਲਾ ਦੋਸਤ ਕੇਂਦਰ ਦੀ ਇਜਾਜ਼ਤ ਨਾਲ ਹੀ 16 ਸਾਲ ਪੰਜਾਬ ਆਉਂਦੀ ਰਹੀ ਹੈ।ਅਸਲ ਵਿੱਚ ਪੰਜਾਬ ਦੇ ਗ੍ਰਹਿ ਮੰਤਰੀ ਸੁਖਜਿੰਦਰ ਰੰਧਾਵਾ ਨੂੰ ਜਲੰਧਰ ‘ਚ ਅਰੂਸਾ ਆਲਮ ਤੇ ਸੁਵਾਲ ਕੀਤਾ ਗਿਆ ਸੀ ਕਿ ਕੀ ਪਾਕਿਸਤਾਨੀ ਨਾਗਰਿਕ ਦਾ ਪੰਜਾਬ ਆਉਣ ਦੇ ਮਾਮਲੇ ਦੀ ਜਾਂਚ ਕਰਵਾਈ ਜਾਏਗੀ?

ਇਸ ਮਗਰੋਂ ਰੰਧਾਵਾ ਨੇ ਕਿਹਾ ਕਿ, ਦੇਖ ਲਵਾਂਗੇ, ਇਸ ਤੇ ਕੈਪਟਨ ਨੇ ਰੰਧਾਵਾ ਨੂੰ ਟਵਿੱਟਰ ਰਾਹੀਂ ਕਿਹਾ ਕਿ ਜਿਨ੍ਹਾਂ ਮਾਮਲਿਆਂ ‘ਚ ਤੁਸੀਂ ਦੁਹਾਈ ਦਿੰਦੇ ਹੋ, ਹੁਣ ਉਨ੍ਹਾਂ ਨੂੰ ਪੂਰਾ ਕਿਉਂ ਨਹੀਂ ਕਰਦੇ, ਅਰੂਸਾ ਯੂਪੀਏ ਅਤੇ ਐੱਨਡੀਏ ਦੇ ਕਾਰਜਕਾਲ ਦੌਰਾਨ ਭਾਰਤ ਆਈ ਸੀ, ਤਾਂ ਕੀ ਮਤਲਬ ਦੋਵੇਂ ਸਰਕਾਰਾਂ ਆਈਐਸਆਈ ਨਾਲ ਮਿਲੀਆਂ ਹੋਈਆਂ ਹਨ?

ਰੰਧਾਵਾ ਦੇ ਬਿਆਨ ਦੀ ਦੇਰ ਸੀ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਪਲਟਵਾਰ ਕਰਨ ‘ਚ ਦੇਰ ਨਾ ਲਾਈ।ਰੰਧਾਵਾ ਨੂੰ ਫਟਕਾਰ ਲਾਉਂਦੇ ਹੋਏ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਮੀਡੀਆ ਸਲਾਹਕਾਰ ਦੇ ਹਵਾਲੇ ਨਾਲ ਲਿਖਿਆ, “ਸੁਖਜਿੰਦਰ ਸਿੰਘ ਰੰਧਾਵਾ ਤਾਂ ਹੁਣ ਤੁਸੀਂ ਨਿੱਜੀ ਹਮਲਿਆਂ ਤੇ ਆ ਗਏ ਹੋ, ਇੱਕ ਮਹੀਨੇ ਬਾਅਦ ਹੁਣ ਤੁਹਾਡੇ ਕੋਲ ਲੋਕਾਂ ਨੂੰ ਦਿਖਾਉਣ ਲਈ ਇਹ ਹੈ, ਕੀ ਹੋਇਆ ਤੁਹਾਡੇ ਬਰਗਾੜੀ ਅਤੇ ਨਸ਼ੇ ਦੇ ਕੇਸਾਂ ਵਾਲੇ ਵਾਅਦਿਆਂ ਦਾ ? ਪੰਜਾਬ ਤੁਹਾਡੇ ਐਕਸ਼ਨ ਦੇ ਲਈ ਇੰਤਜ਼ਾਰ ਕਰ ਰਿਹਾ ਹੈ।ਤੁਸੀਂ ਮੇਰੀ ਕੈਬਨਿਟ ‘ਚ ਮੰਤਰੀ ਸੀ, ਉਦੋਂ ਅਰੂਸਾ ਆਲਮ ਬਾਰੇ ਸ਼ਿਕਾਇਤ ਕਰਦੇ ਹੋਏ, ਮੈਂ ਤੁਹਾਨੂੰ ਕਦੇ ਨਹੀਂ ਸੁਣਿਆ ਅਤੇ ਉਹ ਤਾਂ 16 ਸਾਲਾਂ ਤੋਂ ਭਾਰਤ ਸਰਕਾਰ ਦੀ ਇਜਾਜ਼ਤ ਨਾਲ ਆਉੰਦੀ ਰਹੀ ਹੈ, ਜਾਂ ਫਿਰ ਤੁਸੀਂ ਇਹ ਕਹਿਣਾ ਚਾਹੁੰਦੇ ਹੋ ਕਿ NDA ਅਤੇ UPA ਦੋਵੇਂ ਸਰਕਾਰਾਂ ISI ਨਾਲ ਮਿਲੀਆਂ ਹੋਈਆਂ ਹਨ। ਮੈਂ ਇਸ ਗੱਲ ਤੋਂ ਫਿਕਰਮੰਦ ਹਾਂ ਕਿ ਤਿਓਹਾਰਾਂ ਦੇ ਸੀਜ਼ਨ ‘ਚ ਜਦੋਂ ਖ਼ਤਰਾ ਵੱਧ ਹੈ ਤਾਂ ਸੁਖਜਿੰਦਰ ਰੰਧਾਵਾ ਤੁਸੀਂ ਲਾਅ ਐਂਡ ਔਰਡਰ ਸਾਂਭਲਣ ਦੀ ਥਾਂ ਪੰਜਾਬ ਦੀ ਸੁਰੱਖਿਆ ਦੀ ਕੀਮਤ ‘ਤੇ ਡੀਜੀਪੀ ਪੰਜਾਬ ਨੂੰ ਬੇਸਲੈਸ ਜਾਂਚ ‘ਚ ਲਾ ਰਹੇ ਹੋ।”

ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਫਾਰਮ ਹਾਊਸ ‘ਚ ਰਹਿਣ ਕਰਕੇ ਅਰੂਸਾ ਆਲਮ ‘ਤੇ ਪਹਿਲਾਂ ਵੀ ਸਵਾਲ ਉੱਠੇ ਪਰ ਉਨ੍ਹਾਂ ਦੀ ਮੌਜੂਦਗੀ ਕਰਕੇ ਉਹ ਨੌਕਰਸ਼ਾਹਾਂ ਦੇ ਦਰਮਿਆਨ ਲੋਕਪ੍ਰਿਆ ਸੀ।ਕਈ ਲੀਡਰਾਂ ਅਤੇ ਉੱਚ ਅਫਸਰਾਂ ਨਾਲ ਅਰੂਸਾ ਆਲਮ ਦੀਆਂ ਤਸਵੀਰਾਂ ਨਸ਼ਰ ਹੁੰਦੀਆਂ ਰਹੀਆਂ ਹਨ। ਜਿਸ ਤੇ ਅਕਾਲੀ ਦਲ ਤਾਂ ਪਹਿਲਾਂ ਤੋਂ ਹੀ ਇਤਰਾਜ਼ ਜਤਾਉੰਦਾ ਰਿਹਾ।ਪਰ ਹੁਣ ਕਾਂਗਰਸੀਆਂ ਨੇ ਵੀ ਮੋਰਚਾ ਖੋਲਿਆ। ਪਰ ਪਹਿਲਾਂ ਜੋ ਕੈਪਟਨ ਨਾਲ ਘਿਓ ਖਿਚੜੀ ਸਨ ਹੁਣ ਸਵਾਲ ਪੁੱਛ ਰਹੇ ਹਨ, ਅਜਿਹੇ ਕਾਂਗਰਸੀਆਂ ਤੇ ਅਕਾਲੀ ਦਲ ਤਨਜ਼ ਕਸ ਰਿਹਾ ਹੈ।