![ABP Premium](https://cdn.abplive.com/imagebank/Premium-ad-Icon.png)
ਕੈਪਟਨ ਦਾ ਹਰਸਿਮਰਤ ਕੌਰ ਬਾਦਲ ‘ਤੇ ਜ਼ੁਬਾਨੀ ਹਮਲਾ, ਕਿਹਾ ਪੈਦਾਇਸ਼ੀ ਝੂਠੀ
ਪੰਜਾਬ ਦੇ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੇ ਮੰਗਲਵਾਰ ਨੂੰ ਕਿਹਾ ਕਿ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ “ਪੈਦਾਇਸ਼ੀ ਝੂਠੇ” ਹਨ ਅਤੇ ਸੰਵੇਦਨਸ਼ੀਲ ਮੁੱਦਿਆਂ ‘ਤੇ ਵੀ ਝੂਠ ਬੋਲਣਾ ਸ਼ਰਮਨਾਕ ਆਦਤ ਹੈ। ਹਰਸਿਮਰਤ ਕੌਰ ਦੇ ਬਿਆਨ 'ਤੇ ਹੈਰਾਨ ਹੁੰਦਿਆਂ ਉਨ੍ਹਾਂ ਕਿਹਾ ਕਿ ਸੂਬੇ ਵਿੱਚ ਮੌਜੂਦਾ ਕੋਵਿਡ 'ਤੇ "ਰਾਜਨੀਤਿਕ ਫਾਇਦਾ" ਲੈਣਾ ਛੋਟੀ ਅਤੇ ਸੰਵੇਦਸ਼ੀਲ ਕੋਸ਼ਿਸ਼ ਹੈ।
![ਕੈਪਟਨ ਦਾ ਹਰਸਿਮਰਤ ਕੌਰ ਬਾਦਲ ‘ਤੇ ਜ਼ੁਬਾਨੀ ਹਮਲਾ, ਕਿਹਾ ਪੈਦਾਇਸ਼ੀ ਝੂਠੀ Captain Amarinder Singh slamming the former Union Minister Harsimrat Kaur Badal for playing dirty political games on the issue of Corona in Punjab ਕੈਪਟਨ ਦਾ ਹਰਸਿਮਰਤ ਕੌਰ ਬਾਦਲ ‘ਤੇ ਜ਼ੁਬਾਨੀ ਹਮਲਾ, ਕਿਹਾ ਪੈਦਾਇਸ਼ੀ ਝੂਠੀ](https://feeds.abplive.com/onecms/images/uploaded-images/2021/04/14/6df56602f79c19fae1ba92dbd1beae0f_original.jpg?impolicy=abp_cdn&imwidth=1200&height=675)
ਚੰਡੀਗੜ੍ਹ: ਪੰਜਾਬ ਦੇ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੇ ਮੰਗਲਵਾਰ ਨੂੰ ਕਿਹਾ ਕਿ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ “ਪੈਦਾਇਸ਼ੀ ਝੂਠੀ” ਹਨ ਅਤੇ ਸੰਵੇਦਨਸ਼ੀਲ ਮੁੱਦਿਆਂ ‘ਤੇ ਵੀ ਝੂਠ ਬੋਲਣ ਦੀ ਆਦਤ ਸ਼ਰਮਨਾਕ ਹੈ। ਮੁੱਖ ਮੰਤਰੀ ਨੇ ਇਹ ਬਿਆਨ ਬਾਦਲ ਵੱਲੋਂ ਸ਼੍ਰੋਮਣੀ ਅਕਾਲੀ ਦਲ ਦੀ ਆਗੂ ਨੇ ਸੂਬੇ 'ਚ ਸਰਕਾਰ 'ਤੇ ਕੋਵਿਡ-19 ਦਾ ਸਹੀ ਪ੍ਰਬੰਧ ਨਾ ਕਰਨ ਦਾ ਇਲਜ਼ਾਮ ਲਗਾਇਆ ਸੀ ਜਿਸ ਤੋਂ ਬਾਅਦ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇਹ ਬਿਆਨ ਦਿੱਤਾ।
ਹਰਸਿਮਰਤ ਕੌਰ ਦੇ ਬਿਆਨ 'ਤੇ ਹੈਰਾਨ ਹੁੰਦਿਆਂ ਉਨ੍ਹਾਂ ਕਿਹਾ ਕਿ ਸੂਬੇ ਵਿੱਚ ਮੌਜੂਦਾ ਕੋਵਿਡ ਸੰਕਟ 'ਤੇ "ਰਾਜਨੀਤਿਕ ਫਾਇਦਾ" ਲੈਣਾ ਛੋਟੀ ਅਤੇ ਸੰਵੇਦਸ਼ੀਲ ਕੋਸ਼ਿਸ਼ ਹੈ। ਉਨ੍ਹਾਂ ਅੱਗੇ ਕਿਹਾ, "ਸਾਰੇ ਪੰਜਾਬੀਆਂ ਨੂੰ ਪਤਾ ਹੈ ਕਿ ਉਹ ਜਨਮ ਤੋਂ ਹੀ ਝੂਠੀ ਹੈ, ਉਹ ਕੋਵਿਡ ਦੀ ਸਥਿਤੀ ਬਾਰੇ ਬਿਆਨ ਦੇ ਕੇ ਹੋਰ ਡਿੱਗ ਪਈ ਹੈ।" ਦੱਸ ਦੇਈਏ ਕਿ ਪੰਜਾਬ ਵਿਚ ਕੋਰੋਨਾ ਮਾਮਲੇ ਦਿਨੋ ਦਿਨ ਵੱਧ ਰਹੇ ਹਨ। ਪੰਜਾਬ ਸਰਕਾਰ ਵੱਲੋਂ ਕੋਰੋਨਾ ਸੰਕਰਮਣ ਨੂੰ ਰੋਕਣ ਲਈ ਸਖ਼ਤ ਨਿਯਮ ਲਾਗੂ ਕੀਤੇ ਗਏ ਹਨ।
ਇਸ ਦੇ ਨਾਲ ਹੀ ਹਾਲ ਹੀ ਵਿੱਚ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਹੈ ਕਿ ਸੂਬੇ ਵਿੱਚ ਕੋਰੋਨਾਵਾਇਰਸ ਵਿਰੁੱਧ ਟੀਕੇ ਦੇ ਭੰਡਾਰਨ ਲਈ ਸਿਰਫ 5 ਦਿਨ ਬਾਕੀ ਹਨ। ਜਿਸ ਬਾਰੇ ਉਨ੍ਹਾਂ ਨੇ ਕੇਂਦਰ ਸਰਕਾਰ ਨੂੰ ਇੱਕ ਪੱਤਰ ਵੀ ਲਿਖਿਆ ਅਤੇ ਮੰਗ ਕੀਤੀ ਹੈ ਕਿ ਪੰਜਾਬ ਵਿੱਚ ਟੀਕੇ ਦੀ ਸਪਲਾਈ ਨੂੰ ਯਕੀਨੀ ਬਣਾਇਆ ਜਾਵੇ। 7 ਅਪ੍ਰੈਲ ਨੂੰ ਕੇਂਦਰੀ ਸਿਹਤ ਵਿਭਾਗ ਨੇ ਪੰਜਾਬ ਦੇ ਸਿਹਤ ਵਿਭਾਗ ਨੂੰ ਇੱਕ ਪੱਤਰ ਲਿਖ ਕੇ ਪੰਜਾਬ ਵਿੱਚ ਟੀਕਾਕਰਨ ਦੀ ਹੌਲੀ ਰਫ਼ਤਾਰ ਦਾ ਜ਼ਿਕਰ ਕਰਦਿਆਂ ਕਿਹਾ ਸੀ ਕਿ ਪੰਜਾਬ ਵਿੱਚ ਟੀਕਾਕਰਨ ਦੀ ਰਫ਼ਤਾਰ ਨੂੰ ਵਧਾਇਆ ਜਾਣਾ ਚਾਹੀਦਾ ਹੈ।
ਮੁੱਖ ਮੰਤਰੀ ਨੇ ਕਿਹਾ ਸੀ ਕਿ ਸੂਬੇ ਵਿੱਚ ਰੋਜ਼ਾਨਾ 85,000 ਤੋਂ 90,000 ਲੋਕ ਟੀਕੇ ਲਗਾ ਰਹੇ ਹਨ ਅਤੇ ਇਸ ਦਰ ਨਾਲ ਪੰਜਾਬ ਦਾ ਮੌਜੂਦਾ 7.7 ਲੱਖ ਟੀਕੇ ਪੰਜ ਦਿਨਾਂ ਵਿੱਚ ਖ਼ਤਮ ਹੋ ਜਾਣਗੇ। ਉਨ੍ਹਾਂ ਕੇਂਦਰ ਤੋਂ ਟੀਕਿਆਂ ਦੀ ਨਵੀਂ ਖੇਪ ਦੇਣ ਦੀ ਉਮੀਦ ਕਰਦਿਆਂ ਕਿਹਾ ਕਿ ਜੇਕਰ ਪੰਜਾਬ ਇੱਕ ਦਿਨ ਵਿੱਚ ਦੋ ਲੱਖ ਟੀਕੇ ਲਗਾਉਣ ਦਾ ਆਪਣਾ ਟੀਚਾ ਹਾਸਲ ਕਰ ਲੈਂਦਾ ਹੈ ਤਾਂ ਇਸ ਦੀਆਂ ਟੀਕਾਂ ਦੀ ਖੁਰਾਕ ਤਿੰਨ ਦਿਨਾਂ ਵਿੱਚ ਖ਼ਤਮ ਹੋ ਜਾਵੇਗੀ।
ਇਹ ਵੀ ਪੜ੍ਹੋ: ਕੈਪਟਨ ਨੇ ਨਹੀਂ ਸਵਿਕਾਰ ਕੀਤਾ IPS ਕੁੰਵਰ ਵਿਜੈ ਪ੍ਰਤਾਪ ਦਾ ਅਸਤੀਫਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)