![ABP Premium](https://cdn.abplive.com/imagebank/Premium-ad-Icon.png)
ਬੱਚਾ ਚੋਰੀ ਦਾ ਮਾਮਲਾ: ਮੁਲਜ਼ਮ ਔਰਤਾਂ ਨੇ ਪਹਿਲਾਂ ਐਕਟਿਵਾ ਸਵਾਰ ਤੋਂ ਲਿਫਟ ਲਈ, ਫਿਰ ....
ਸੂਤਰਾਂ ਨੇ ਦੱਸਿਆ ਕਿ ਬੱਚਾ ਚੋਰੀ ਕਰਨ ਤੋਂ ਬਾਅਦ ਦੋਵੇਂ ਔਰਤਾਂ ਨੇ ਸਿਵਲ ਹਸਪਤਾਲ ਤੋਂ ਹੀ ਐਕਟਿਵਾ ਸਵਾਰ ਵਿਅਕਤੀ ਤੋਂ ਲਿਫਟ ਲੈ ਲਈ ਸੀ, ਜਿਸ ਨੇ ਉਨ੍ਹਾਂ ਨੂੰ ਥਾਣੇ ਨੇੜੇ ਛੱਡ ਦਿੱਤਾ ਸੀ।
![ਬੱਚਾ ਚੋਰੀ ਦਾ ਮਾਮਲਾ: ਮੁਲਜ਼ਮ ਔਰਤਾਂ ਨੇ ਪਹਿਲਾਂ ਐਕਟਿਵਾ ਸਵਾਰ ਤੋਂ ਲਿਫਟ ਲਈ, ਫਿਰ .... Child theft case from hospital Accused women first took lift from Activa rider ਬੱਚਾ ਚੋਰੀ ਦਾ ਮਾਮਲਾ: ਮੁਲਜ਼ਮ ਔਰਤਾਂ ਨੇ ਪਹਿਲਾਂ ਐਕਟਿਵਾ ਸਵਾਰ ਤੋਂ ਲਿਫਟ ਲਈ, ਫਿਰ ....](https://feeds.abplive.com/onecms/images/uploaded-images/2022/11/27/c1942537cf524145e8390de06a4e5e411669568496803109_original.jpg?impolicy=abp_cdn&imwidth=1200&height=675)
Punjab News: ਬਠਿੰਡਾ ਦੇ ਸਰਕਾਰੀ ਹਸਪਤਾਲ ਚ ਮਹਿਲਾ ਨੇ ਬੱਚਿਆਂ ਦੇ ਹਸਪਤਾਲ ਵਿੱਚੋਂ ਐਤਵਾਰ ਨੂੰ ਚਾਰ ਦਿਨ ਦਾ ਬੱਚਾ ਚੋਰੀ ਹੋਣ ਦੇ ਮਾਮਲੇ ਵਿੱਚ ਪੁਲੀਸ ਜਾਂਚ ਦੌਰਾਨ ਨਵੇਂ ਖੁਲਾਸੇ ਸਾਹਮਣੇ ਆਏ ਹਨ। ਸੂਤਰਾਂ ਨੇ ਦੱਸਿਆ ਕਿ ਬੱਚਾ ਚੋਰੀ ਕਰਨ ਤੋਂ ਬਾਅਦ ਦੋਵੇਂ ਔਰਤਾਂ ਨੇ ਸਿਵਲ ਹਸਪਤਾਲ ਤੋਂ ਹੀ ਐਕਟਿਵਾ ਸਵਾਰ ਵਿਅਕਤੀ ਤੋਂ ਲਿਫਟ ਲੈ ਲਈ ਸੀ, ਜਿਸ ਨੇ ਉਨ੍ਹਾਂ ਨੂੰ ਥਾਣੇ ਨੇੜੇ ਛੱਡ ਦਿੱਤਾ ਸੀ। ਇਸ ਤੋਂ ਬਾਅਦ ਦੋਵੇਂ ਔਰਤਾਂ ਬੱਚੇ ਨੂੰ ਲੈ ਕੇ ਆਟੋ ਰਾਹੀਂ ਆਪਣੇ ਟਿਕਾਣੇ ਵੱਲ ਚਲੀਆਂ ਗਈਆਂ।
ਸੂਤਰਾਂ ਨੇ ਦੱਸਿਆ ਕਿ ਜਾਂਚ ਕਰ ਰਹੀ ਪੁਲਸ ਟੀਮ ਨੇ ਪਹਿਲਾਂ ਐਕਟਿਵਾ ਸਵਾਰ ਨੂੰ ਲੱਭ ਕੇ ਉਸ ਤੋਂ ਪੁੱਛਗਿੱਛ ਕੀਤੀ, ਜਿਸ ਤੋਂ ਬਾਅਦ ਪੁਲਸ ਨੇ ਦੇਰ ਰਾਤ ਤੱਕ ਆਟੋ ਚਾਲਕ ਨੂੰ ਲੱਭ ਲਿਆ। ਜਿਸ ਕਾਰਨ ਹੁਣ ਪੁਲਿਸ ਪਾਰਟੀ ਪੁਛਗਿੱਛ ਕਰਕੇ ਪਤਾ ਲਗਾਏਗੀ ਕਿ ਉਹ ਦੋਵੇਂ ਔਰਤਾਂ ਨੂੰ ਕਿੱਥੇ ਛੱਡ ਕੇ ਗਿਆ ਹੈ।
ਸੂਤਰਾਂ ਨੇ ਦੱਸਿਆ ਕਿ ਚਾਈਲਡ ਲਿਫਟਿੰਗ 'ਚ ਸ਼ਾਮਲ ਦੋਵੇਂ ਔਰਤਾਂ ਚਾਈਲਡ ਲਿਫਟਿੰਗ ਕਰਨ ਵਾਲੇ ਗਰੋਹ ਦੀਆਂ ਮੈਂਬਰ ਜਾਪਦੀਆਂ ਹਨ ਜੋ ਬੱਚੇ ਚੋਰੀ ਕਰਕੇ ਵੇਚਦੇ ਹਨ। ਇਸ ਮਾਮਲੇ ਵਿੱਚ ਇਹ ਵੀ ਜਾਪਦਾ ਹੈ ਕਿ ਉਪਰੋਕਤ ਦੋਵੇਂ ਔਰਤਾਂ ਨੇ ਬੱਚੇ ਨੂੰ ਅੱਗੇ ਵੇਚ ਦਿੱਤਾ ਹੋਵੇਗਾ।
ਯੂਪੀ ਨਿਵਾਸੀ ਬਬਲੀ ਦੀ ਪਤਨੀ ਪ੍ਰਮੋਦ ਕੁਮਾਰ ਨੇ 1 ਦਸੰਬਰ ਨੂੰ ਸਰਕਾਰੀ ਮਹਿਲਾ ਅਤੇ ਬੱਚਿਆਂ ਦੇ ਹਸਪਤਾਲ ਵਿੱਚ ਬੱਚੇ ਨੂੰ ਜਨਮ ਦਿੱਤਾ ਸੀ। ਉਦੋਂ ਤੋਂ ਉਹ ਉਸੇ ਹਸਪਤਾਲ ਵਿੱਚ ਦਾਖ਼ਲ ਸੀ। ਐਤਵਾਰ ਨੂੰ ਦੋ ਔਰਤਾਂ ਬਬਲੀ ਕੋਲ ਗਈਆਂ ਅਤੇ ਉਸ ਨੂੰ ਹਸਪਤਾਲ 'ਚ ਦਿਖਾਉਣ ਦੇ ਬਹਾਨੇ ਆਪਣੇ ਨਾਲ ਲੈ ਗਈਆਂ। ਜਿਸ ਤੋਂ ਬਾਅਦ ਬੱਚਾ ਗਾਇਬ ਹੋ ਗਿਆ ਸੀ। ਅਜੇ ਤੱਕ ਪੁਲਿਸ ਨੂੰ ਚੋਰੀ ਹੋਏ ਬੱਚੇ ਅਤੇ ਦੋ ਔਰਤਾਂ ਬਾਰੇ ਕੋਈ ਸੁਰਾਗ ਨਹੀਂ ਮਿਲਿਆ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)