Punjab Corona Cases: ਪੰਜਾਬ ਦੇ ਮੁਹਾਲੀ 'ਚ ਕੋਰੋਨਾ ਦੇ ਰਿਹਾ ਟੈਂਸ਼ਨ, ਸੂਬੇ 'ਚ ਇੱਥੇ ਸਭ ਤੋਂ ਵੱਧ ਐਕਟਿਵ ਕੇਸ
Covid 19 Cases Update in Punjab: ਪੰਜਾਬ 'ਚ ਫਿਲਹਾਲ ਕੋਰੋਨਾ ਨੂੰ ਲੈ ਕੇ ਕੋਈ ਪਾਬੰਦੀ ਨਹੀਂ ਹੈ। ਸਰਕਾਰ ਨੇ ਯਕੀਨੀ ਤੌਰ 'ਤੇ ਭੀੜ ਵਾਲੀਆਂ ਥਾਵਾਂ ਅਤੇ ਜਨਤਕ ਆਵਾਜਾਈ ਵਿੱਚ ਮਾਸਕ ਪਹਿਨਣ ਦੀ ਸਲਾਹ ਦਿੱਤੀ ਹੈ।
Coronavirus in Punjab: ਪੰਜਾਬ ਦੇ ਮੁਹਾਲੀ ਜ਼ਿਲ੍ਹੇ 'ਚ ਕੋਰੋਨਾ ਵਾਇਰਸ ਦਾ ਤਣਾਅ ਵਧ ਗਿਆ ਹੈ। ਪਿਛਲੇ 2 ਮਹੀਨਿਆਂ ਵਿੱਚ ਇੱਥੇ ਸਭ ਤੋਂ ਵੱਧ 318 ਮਰੀਜ਼ ਸਾਹਮਣੇ ਆਏ ਹਨ। ਇਨ੍ਹਾਂ ਚੋਂ ਇੱਕ ਮਰੀਜ਼ ਦੀ ਮੌਤ ਹੋ ਗਈ। ਦੱਸ ਦਈਏ ਕਿ ਹੁਣ ਵੀ ਪੰਜਾਬ ਦੇ ਸਾਰੇ 23 ਜ਼ਿਲ੍ਹਿਆਂ ਚੋਂ ਸਭ ਤੋਂ ਵੱਧ 40 ਐਕਟਿਵ ਕੇਸ ਇੱਥੇ ਹਨ। ਲਗਾਤਾਰ ਮਰੀਜ਼ਾਂ ਦੀ ਆਮਦ ਦੇ ਬਾਵਜੂਦ ਪੰਜਾਬ ਸਰਕਾਰ ਦੇ ਪੱਧਰ ’ਤੇ ਕੋਈ ਸਖ਼ਤੀ ਨਹੀਂ ਹੈ।
ਹੋਰ ਜ਼ਿਲ੍ਹਿਆਂ ਦੀ ਗੱਲ ਕਰਿਏ ਤਾਂ ਕੋਰੋਨਾ ਦਾ ਹੌਟਸਪੌਟ ਬਣੇ ਪਟਿਆਲਾ ਵਿੱਚ ਹੁਣ ਹਾਲਾਤ ਸੁਧਰ ਗਏ ਹਨ। ਪਿਛਲੇ 2 ਮਹੀਨਿਆਂ ਵਿੱਚ ਇੱਥੇ 208 ਮਰੀਜ਼ ਪਾਏ ਗਏ ਹਨ। ਹਾਲਾਂਕਿ, ਉਨ੍ਹਾਂ ਵਿੱਚੋਂ ਕਿਸੇ ਦੀ ਮੌਤ ਨਹੀਂ ਹੋਈ। ਇੱਥੇ ਸਿਰਫ਼ 3 ਐਕਟਿਵ ਕੇਸ ਬਚੇ ਹਨ।
ਇਸ ਦੇ ਨਾਲ ਹੀ ਲੁਧਿਆਣਾ ਵਿੱਚ 161 ਮਾਮਲੇ ਸਾਹਮਣੇ ਆਏ ਹਨ। ਇੱਥੇ ਇੱਕ ਮੌਤ ਹੋ ਗਈ ਹੈ ਜਦੋਂ ਕਿ 15 ਐਕਟਿਵ ਕੇਸ ਬਾਕੀ ਹਨ। ਜਲੰਧਰ ਵਿੱਚ 112 ਮਾਮਲੇ ਸਾਹਮਣੇ ਆਏ ਹਨ। ਇੱਥੇ ਕੋਈ ਮੌਤ ਨਹੀਂ ਹੋਈ ਸੀ ਅਤੇ ਹੁਣ ਸਿਰਫ 14 ਐਕਟਿਵ ਕੇਸ ਬਚੇ ਹਨ।
2 ਮਹੀਨਿਆਂ 'ਚ 6 ਮੌਤਾਂ, 1200 ਤੋਂ ਵੱਧ ਮਰੀਜ਼ ਮਿਲੇ
ਪੰਜਾਬ 'ਚ ਅਪ੍ਰੈਲ ਅਤੇ ਮਈ 'ਚ ਕੋਰੋਨਾ ਕਾਰਨ 6 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਸ ਦੌਰਾਨ 1206 ਨਵੇਂ ਮਰੀਜ਼ ਸਾਹਮਣੇ ਆਏ ਹਨ। ਇਨ੍ਹਾਂ ਚੋਂ 1168 ਠੀਕ ਹੋ ਚੁੱਕੇ ਹਨ। ਹਾਲਾਂਕਿ 115 ਅਜੇ ਵੀ ਐਕਟਿਵ ਕੇਸ ਹਨ। ਸ਼ੁੱਕਰਵਾਰ ਨੂੰ ਸੂਬੇ 'ਚ ਕੋਰੋਨਾ ਦੇ 11,374 ਨਮੂਨੇ ਲਏ ਗਏ। ਜਿਨ੍ਹਾਂ ਵਿੱਚੋਂ 11,257 ਟੈਸਟ ਕੀਤੇ ਗਏ।
ਪੰਜਾਬ 'ਚ ਫਿਲਹਾਲ ਕੋਰੋਨਾ ਨੂੰ ਲੈ ਕੇ ਕੋਈ ਪਾਬੰਦੀ ਨਹੀਂ ਹੈ। ਸਰਕਾਰ ਨੇ ਯਕੀਨੀ ਤੌਰ 'ਤੇ ਭੀੜ ਵਾਲੀਆਂ ਥਾਵਾਂ ਅਤੇ ਜਨਤਕ ਆਵਾਜਾਈ ਵਿੱਚ ਮਾਸਕ ਪਹਿਨਣ ਦੀ ਸਲਾਹ ਦਿੱਤੀ ਹੈ।
ਇਹ ਵੀ ਪੜ੍ਹੋ: Kashmir Encounter: ਅੱਤਵਾਦੀਆਂ ਖਿਲਾਫ ਆਪਰੇਸ਼ਨ ਤੇਜ਼, ਪਿਛਲੇ 3 ਦਿਨਾਂ 'ਚ 10 ਅੱਤਵਾਦੀ ਕੀਤੇ ਢੇਰ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
