Fazilka News: ਲਾਟਰੀ ਨੇ ਕੀਤਾ ਫਾਜ਼ਿਲਕਾ ਮਸ਼ਹੂਰ! ਅੰਡੇਮਾਨ ਨਿਕੋਬਾਰ ਤੋਂ ਟਿਕਟਾਂ ਖਰੀਦਣ ਆਇਆ ਜੋੜਾ
Fazilka News: ਅੰਡੇਮਾਨ ਨਿਕੋਬਾਰ ਟਾਪੂ ਦਾ ਇੱਕ ਜੋੜਾ ਲਾਟਰੀ ਦੀਆਂ ਟਿਕਟਾਂ ਖਰੀਦਣ ਲਈ ਲੱਖਾਂ ਰੁਪਏ ਖਰਚ ਕੇ ਫਾਜ਼ਿਲਕਾ (Fazilka ) ਪਹੁੰਚਿਆ ਹੈ। ਫਾਜ਼ਿਲਕਾ ਵਿੱਚ ਡੇਢ, ਢਾਈ ਤੇ ਪੰਜ ਕਰੋੜ ਰੁਪਏ ਦੀਆਂ ਲਾਟਰੀਆਂ ਲੱਗੀਆਂ ਹਨ।
Fazilka News: ਅੰਡੇਮਾਨ ਨਿਕੋਬਾਰ (Andaman Nicobar) ਟਾਪੂ ਦਾ ਇੱਕ ਜੋੜਾ ਲਾਟਰੀ ਦੀਆਂ ਟਿਕਟਾਂ ਖਰੀਦਣ ਲਈ ਲੱਖਾਂ ਰੁਪਏ ਖਰਚ ਕੇ ਫਾਜ਼ਿਲਕਾ (Fazilka ) ਪਹੁੰਚਿਆ ਹੈ। ਫਾਜ਼ਿਲਕਾ ਵਿੱਚ ਡੇਢ, ਢਾਈ ਤੇ ਪੰਜ ਕਰੋੜ ਰੁਪਏ ਦੀਆਂ ਲਾਟਰੀਆਂ ਲੱਗੀਆਂ ਹਨ। ਭਾਰਤ-ਪਾਕਿ ਸਰਹੱਦ 'ਤੇ ਸਥਿਤ ਪੰਜਾਬ ਦੇ ਫਾਜ਼ਿਲਕਾ ਤੋਂ ਅੰਡੇਮਾਨ ਨਿਕੋਬਾਰ ਬਹੁਤ ਦੂਰ ਹੈ। ਇਸ ਦੇ ਬਾਵਜੂਦ ਉਥੋਂ ਲਾਟਰੀ (Lottery) ਦੀ ਟਿਕਟ ਖਰੀਦਣ ਆਉਣਾ ਹੈਰਾਨੀਜਨਕ ਹੈ।
ਅੰਡੇਮਾਨ ਨਿਕੋਬਾਰ ਦੇ ਵਸਨੀਕ ਨਜ਼ਮਾ ਤੇ ਵੀਰਾਂ ਨੇ ਫਾਜ਼ਿਲਕਾ ਤੋਂ ਪੰਜਾਬ ਰਾਜ ਲਾਟਰੀ ਦੀ ਟਿਕਟ ਖਰੀਦਣ ਲਈ ਚਾਰ ਦਿਨ ਦਾ ਸਫਰ ਕੀਤਾ ਹੈ। ਦੱਸਿਆ ਜਾਂਦਾ ਹੈ ਕਿ ਪਿਛਲੇ ਇੱਕ ਸਾਲ ਦੌਰਾਨ ਹੀ ਫਾਜ਼ਿਲਕਾ ਵਿੱਚ 10 ਕਰੋੜ ਰੁਪਏ ਦੇ ਵੱਡੇ ਇਨਾਮ ਨਿਕਲੇ ਹਨ। ਇਸ ਲਈ ਪੰਜਾਬ ਵਿੱਚ ਹੀ ਨਹੀਂ ਸਗੋਂ ਦੇਸ਼-ਵਿਦੇਸ਼ ਵਿੱਚ ਵੀ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਅੰਡੇਮਾਨ ਨਿਕੋਬਾਰ 'ਚ ਅਧਿਆਪਕਾ ਵਜੋਂ ਕੰਮ ਕਰਨ ਵਾਲੀ ਨਜ਼ਮਾ ਨੇ ਦੱਸਿਆ ਕਿ ਉਸ ਨੇ ਯੂ-ਟਿਊਬ 'ਤੇ ਦੇਖਿਆ ਕਿ ਫਾਜ਼ਿਲਕਾ 'ਚ ਕਰੋੜਾਂ ਦੇ ਇਨਾਮ ਨਿਕਲੇ ਹਨ ਤਾਂ ਉਸ ਨੇ ਪਹਿਲੀ ਵਾਰ ਫਾਜ਼ਿਲਕਾ ਤੋਂ ਲਾਟਰੀ ਦੀ ਟਿਕਟ ਖਰੀਦੀ। ਉਸ ਨੂੰ 2.5 ਹਜ਼ਾਰ ਰੁਪਏ ਦਾ ਇਨਾਮ ਮਿਲਿਆ। ਇਸ ਤੋਂ ਬਾਅਦ ਕਈ ਛੋਟੇ-ਛੋਟੇ ਇਨਾਮ ਨਿਕਲੇ।
ਉਸ ਨੇ ਦੱਸਿਆ ਕਿ ਫਿਰ ਫਾਜ਼ਿਲਕਾ ਆ ਕੇ ਟਿਕਟ ਖਰੀਦਣ ਦਾ ਫੈਸਲਾ ਕੀਤਾ। ਇਸ ਲਈ ਉਨ੍ਹਾਂ ਨੇ ਚਾਰ ਦਿਨ ਦਾ ਸਫ਼ਰ ਤੈਅ ਕੀਤਾ ਤੇ 2.5 ਕਰੋੜ ਰੁਪਏ ਦੀ ਲਾਟਰੀ ਦੀ ਟਿਕਟ ਖਰੀਦੀ। ਉਸ ਨੇ ਕਿਹਾ ਕਿ ਜੇਕਰ ਉਹ ਲਾਟਰੀ ਜਿੱਤਦੇ ਹਨ ਤਾਂ ਉਹ ਫਾਜ਼ਿਲਕਾ ਆ ਕੇ ਗੁਰਦੁਆਰਾ ਸਾਹਿਬ ਵਿਖੇ ਲੰਗਰ ਲਈ 1 ਲੱਖ ਰੁਪਏ ਦਾਨ ਦੇਣਗੇ।
ਉੱਥੇ ਹੀ ਨਜ਼ਮਾ ਦੇ ਪਤੀ ਡਿਫੈਂਸ ਵਿੱਚੋਂ ਸੇਵਮੁਕਤ ਵੀਰਨ ਨੇ ਕਿਹਾ ਕਿ ਉਹ ਇੱਕ ਲੱਖ ਰੁਪਏ ਖਰਚ ਕਰਕੇ ਫਾਜ਼ਿਲਕਾ ਵਿੱਚ ਲਾਟਰੀ ਦੀ ਟਿਕਟ ਖਰੀਦਣ ਆਏ। ਇਹ ਉਨ੍ਹਾਂ ਨੂੰ ਕਾਫੀ ਮਹਿੰਗਾ ਪਿਆ ਹੈ ਪਰ ਜੇਕਰ ਲਾਟਰੀ ਜਿੱਤ ਗਏ ਤਾਂ 2.5 ਕਰੋੜ ਦੇ ਮਾਲਕ ਬਣ ਜਾਣਗੇ।
ਦੂਜੇ ਪਾਸੇ ਰੂਪਚੰਦ ਲਾਟਰੀ ਸੰਚਾਲਕ ਨੇ ਦੱਸਿਆ ਕਿ ਹੁਣ ਤੱਕ ਡੇਢ, ਢਾਈ ਤੇ ਪੰਜ ਕਰੋੜ ਰੁਪਏ ਦੇ ਸਭ ਤੋਂ ਵੱਡੇ ਇਨਾਮ ਨਿਕਲ ਚੁੱਕੇ ਹਨ। ਉਸ ਨੇ ਉਕਤ ਜੋੜੇ ਨੂੰ ਸਪੀਡ ਪੋਸਟ ਰਾਹੀਂ ਕਈ ਟਿਕਟਾਂ ਭੇਜੀਆਂ ਗਈਆਂ ਸੀ। ਇਨਾਮ ਵੀ ਔਨਲਾਈਨ ਟਰਾਂਸਫਰ ਕੀਤੇ ਗਏ ਸੀ। ਉਨ੍ਹਾਂ ਲਈ ਖੁਸ਼ਕਿਸਮਤੀ ਦੀ ਗੱਲ ਹੈ ਕਿ ਉਹ ਫਾਜ਼ਿਲਕਾ ਸਥਿਤ ਉਨ੍ਹਾਂ ਦੀ ਦੁਕਾਨ 'ਤੇ ਟਿਕਟ ਖਰੀਦਣ ਲਈ ਆਏ। ਉਕਤ ਜੋੜੇ ਦੁਆਰਾ ਲਾਟਰੀ ਦੀਆਂ ਟਿਕਟਾਂ ਖਰੀਦੀਆਂ ਗਈਆਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
