ਪੜਚੋਲ ਕਰੋ

ਪੰਜਾਬ 'ਚ ਵੱਡੇ ਪੱਧਰ 'ਤੇ ਪ੍ਰਸਾਸ਼ਨਕ ਫੇਰਬਦਲ, 36 IAS/PCS ਟ੍ਰਾਂਸਫਰ, 7 ਜ਼ਿਲ੍ਹਿਆਂ ਦੇ DC ਬਦਲੇ

ਪੰਜਾਬ 'ਚ ਸਰਕਾਰ ਬਦਲਣ ਤੋਂ ਬਾਅਦ ਅਧਿਕਾਰੀਆਂ ਦੇ ਤਬਾਦਲੇ ਸ਼ੁਰੂ ਹੋ ਗਏ ਹਨ। ਨਵੀਂ ਚੰਨੀ ਸਰਕਾਰ ਨੇ 24 ਆਈਏਐਸ ਅਤੇ 12 ਪੀਸੀਐਸ ਅਧਿਕਾਰੀਆਂ ਦੇ ਤਬਾਦਲੇ ਕੀਤੇ ਹਨ।

Written By : ਏਬੀਪੀ ਸਾਂਝਾ | Edited By: Manvir Kaur | Updated at : 04 Oct 2021 12:10 PM (IST)

Transfer

ਪੰਜਾਬ 'ਚ ਸਰਕਾਰ ਬਦਲਣ ਤੋਂ ਬਾਅਦ ਅਧਿਕਾਰੀਆਂ ਦੇ ਤਬਾਦਲੇ ਸ਼ੁਰੂ ਹੋ ਗਏ ਹਨ। ਨਵੀਂ ਚੰਨੀ ਸਰਕਾਰ ਨੇ 24 ਆਈਏਐਸ ਅਤੇ 12 ਪੀਸੀਐਸ ਅਧਿਕਾਰੀਆਂ ਦੇ ਤਬਾਦਲੇ ਕੀਤੇ ਹਨ। ਹੁਣ ਬਠਿੰਡਾ ਵਿੱਚ ਬੀ. ਸ੍ਰੀਨਿਵਾਸਨ ਦੀ ਥਾਂ ਅਰਵਿੰਦ ਪਾਲ ਸਿੰਘ ਸੰਧੂ, ਮੋਗਾ ਵਿੱਚ ਸੰਦੀਪ ਹੰਸ ਦੀ ਜਗ੍ਹਾ ਹਰੀਸ਼ ਨਾਇਰ, ਪਟਿਆਲਾ ਵਿੱਚ ਕੁਮਾਰ ਅਮਿਤ ਦੀ ਥਾਂ ਸੰਦੀਪ ਹੰਸ, ਬਰਨਾਲਾ ਵਿੱਚ ਤੇਜ ਪ੍ਰਤਾਪ ਸਿੰਘ ਫੂਲਕਾ ਦੀ ਥਾਂ ਕੁਮਾਰ ਸੌਰਭ ਰਾਜ, ਮੁਕਤਸਰ ਵਿੱਚ ਐਮਕੇ ਅਰਵਿੰਦ ਦੀ ਥਾਂ ਹਰਪ੍ਰੀਤ ਸਿੰਘ ਸੂਦਨ, ਸ਼ੇਨਾ ਅਗਰਵਾਲ ਦੀ ਥਾਂ ਐਸਬੀਐਸ ਸਪੈਸ਼ਲ ਸਾਰੰਗਲ ਅਤੇ ਫਾਜ਼ਿਲਕਾ ਵਿੱਚ ਬਬੀਤਾ ਨੂੰ ਡਿਪਟੀ ਕਮਿਸ਼ਨਰ ਲਗਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਜਲੰਧਰ, ਪਟਿਆਲਾ, ਅੰਮ੍ਰਿਤਸਰ ਅਤੇ ਬਠਿੰਡਾ ਦੇ ਖੇਤਰੀ ਟਰਾਂਸਪੋਰਟ ਅਥਾਰਟੀ (ਆਰਟੀਏ) ਦੇ ਸਕੱਤਰਾਂ ਨੂੰ ਵੀ ਬਦਲਿਆ ਗਿਆ ਹੈ।

ਸਿੱਖਿਆ ਵਿਭਾਗ 'ਚ ਮੰਤਰੀ ਵਿਜੇ ਇੰਦਰ ਸਿੰਗਲਾ ਦੇ ਜਾਣ ਤੋਂ ਬਾਅਦ ਕ੍ਰਿਸ਼ਨ ਕੁਮਾਰ ਨੂੰ ਵੀ ਹਟਾ ਦਿੱਤਾ ਗਿਆ ਹੈ। ਉਨ੍ਹਾਂ ਦੀ ਥਾਂ ਅਜੋਏ ਸ਼ਰਮਾ ਹੁਣ ਸਕੂਲ ਸਿੱਖਿਆ ਦੇ ਸਕੱਤਰ ਹੋਣਗੇ। ਕ੍ਰਿਸ਼ਨ ਕੁਮਾਰ ਦੀ ਖਾਸ ਗੱਲ ਇਹ ਹੈ ਕਿ ਕੈਪਟਨ ਸਰਕਾਰ ਵਿੱਚ ਸਿੱਖਿਆ ਮੰਤਰਾਲਾ ਦੋ ਵਾਰ ਬਦਲਿਆ ਗਿਆ, ਪਰ ਉਹ ਸਕੱਤਰ ਬਣੇ ਰਹੇ। ਉਨ੍ਹਾਂ ਦੇ ਕਾਰਜਕਾਲ ਦੌਰਾਨ ਹੀ ਪੰਜਾਬ ਸਕੂਲ ਸਿੱਖਿਆ ਵਿੱਚ ਪੂਰੇ ਦੇਸ਼ ਵਿੱਚ ਨੰਬਰ ਇੱਕ ਬਣਿਆ। ਨਵੀਂ ਸਰਕਾਰ ਵਿੱਚ ਵਿਜੇ ਇੰਦਰ ਸਿੰਗਲਾ ਤੋਂ ਸਿੱਖਿਆ ਮੰਤਰਾਲਾ ਪ੍ਰਗਟ ਸਿੰਘ ਨੂੰ ਦਿੱਤਾ ਗਿਆ ਹੈ।

ਇਨ੍ਹਾਂ ਆਈਏਐਸ ਅਧਿਕਾਰੀਆਂ ਦੇ ਤਬਾਦਲੇ

ਅਨੁਰਾਗ ਅਗਰਵਾਲ: ਵਧੀਕ ਮੁੱਖ ਸਕੱਤਰ, ਵਿੱਤ ਕਮਿਸ਼ਨਰ, ਟੈਕਸੇਸ਼ਨ

ਏ ਵੇਨੂ ਪ੍ਰਸਾਦ: ਪਾਵਰਕਾਮ ਦੇ ਸੀਐਮਡੀ ਅਤੇ ਟ੍ਰਾਂਸਕਾਮ ਦੇ ਐਮਡੀ

ਕੇਏਪੀ ਸਿਨਹਾ: ਪ੍ਰਮੁੱਖ ਸਕੱਤਰ, ਵਿੱਤ, ਬਿਜਲੀ ਅਤੇ ਪ੍ਰਮੁੱਖ ਸਕੱਤਰ ਨਵੀਂ ਅਤੇ ਨਵਿਆਉਣਯੋਗ ਊਰਜਾ ਇੰਚਾਰਜ

ਕ੍ਰਿਸ਼ਨ ਕੁਮਾਰ: ਸਕੱਤਰ ਉਚੇਰੀ ਸਿੱਖਿਆ ਸਕੱਤਰ ਐਨਆਰਆਈ ਮਾਮਲੇ, ਪੀਆਈਡੀਬੀ ਦੇ ਐਮਡੀ

ਅਜੋਏ ਸ਼ਰਮਾ: ਸਕੱਤਰ ਸਕੂਲ ਸਿੱਖਿਆ ਅਤੇ ਖੇਡਾਂ ਅਤੇ ਯੁਵਕ ਸੇਵਾਵਾਂ ਦੇ ਇੰਚਾਰਜ

ਤਨੂ ਕਸ਼ਯਪ: ਨਿਰਦੇਸ਼ਕ ਤਕਨੀਕੀ ਸਿੱਖਿਆ ਅਤੇ ਉਦਯੋਗਿਕ ਸਿਖਲਾਈ

ਦਿਲਰਾਜ ਸਿੰਘ: ਸਕੱਤਰ ਖੇਤੀਬਾੜੀ

ਮੁਹੰਮਦ ਤਇਅੱਬ: ਸੀਈਓ, ਪੰਜਾਬ ਵਕਫ਼ ਬੋਰਡ, ਖਜ਼ਾਨਾ ਅਤੇ ਲੇਖਾ ਨਿਰਦੇਸ਼ਕ, ਵਿਸ਼ੇਸ਼ ਸਕੱਤਰ, ਖਰਚਾ ਅਤੇ ਵਿਜੀਲੈਂਸ ਦੇ ਵਿਸ਼ੇਸ਼ ਸਕੱਤਰ

ਨੀਲਿਮਾ: ਪੰਜਾਬ ਇਨਫੋਟੈਕ ਦੇ ਐਮਡੀ

ਵਿਪੁਲ ਉਜਵਲ: ਗਮਾਡਾ ਦੇ ਮੁੱਖ ਪ੍ਰਸ਼ਾਸਕ

ਬਬੀਤਾ: ਡੀਸੀ ਫਾਜ਼ਿਲਕਾ