COVID-19 : ਕੋਰੋਨਾ ਦੇ ਖੌਫ਼ ਕਾਰਨ ਮਾਂ-ਧੀ ਨੇ 2 ਸਾਲ ਤੱਕ ਖੁਦ ਨੂੰ ਘਰ 'ਚ ਰੱਖਿਆ ਬੰਦ , ਪੁਲਿਸ ਨੂੰ ਮਿਲੀ ਸੂਚਨਾ ਤਾਂ ਜ਼ਬਰਨ ਕਰਵਾਇਆ ਹਸਪਤਾਲ 'ਚ ਦਾਖਲ

Covid-19 fear : ਆਂਧਰਾ ਪ੍ਰਦੇਸ਼ ਦੇ ਕੋਯਯੂਰੂ ਪਿੰਡ 'ਚ ਕੋਰੋਨਾ ਵਾਇਰਸ ਮਹਾਂਮਾਰੀ ਅਤੇ ਹੋਰ ਸਿਹਤ ਸਬੰਧੀ ਚਿੰਤਾਵਾਂ ਦੇ ਡਰ ਕਾਰਨ ਪਿਛਲੇ ਦੋ ਸਾਲਾਂ ਤੋਂ ਇੱਕ ਦਿਨ ਵੀ ਘਰ ਤੋਂ ਬਾਹਰ ਨਹੀਂ ਨਿਕਲਣ ਵਾਲੀ ਮਾਂ ਅਤੇ ਉਸਦੀ ਬੇਟੀ

Andhra Pradesh

Covid-19 fear : ਆਂਧਰਾ ਪ੍ਰਦੇਸ਼ ਦੇ ਕੋਯਯੂਰੂ ਪਿੰਡ 'ਚ ਕੋਰੋਨਾ ਵਾਇਰਸ ਮਹਾਂਮਾਰੀ ਅਤੇ ਹੋਰ ਸਿਹਤ ਸਬੰਧੀ ਚਿੰਤਾਵਾਂ ਦੇ ਡਰ ਕਾਰਨ ਪਿਛਲੇ ਦੋ ਸਾਲਾਂ ਤੋਂ ਇੱਕ ਦਿਨ ਵੀ ਘਰ ਤੋਂ ਬਾਹਰ ਨਹੀਂ ਨਿਕਲਣ ਵਾਲੀ ਮਾਂ ਅਤੇ ਉਸਦੀ ਬੇਟੀ ਨੂੰ ਮੰਗਲਵਾਰ (20 ਦਸੰਬਰ) ਨੂੰ ਜ਼ਬਰਨ ਆਂਧਰਾ ਪ੍ਰਦੇਸ਼ ਦੇ ਇੱਕ ਹਸਪਤਾਲ 'ਚ ਭਰਤੀ ਦਾਖ਼ਲ ਕਰਵਾਇਆ ਗਿਆ ਹੈ। ਪਰਿਵਾਰ ਦੇ ਰਿਸ਼ਤੇਦਾਰਾਂ ਮੁਤਾਬਕ ਪਰਿਵਾਰ ਦਾ ਮੁਖੀ ਉਨ੍ਹਾਂ ਨੂੰ ਰੋਜ਼ ਰੋਟੀ ਖਿਲਾਉਂਦਾ ਸੀ ਅਤੇ ਪਿਛਲੇ ਇਕ ਹਫਤੇ ਤੋਂ ਮਾਂ-ਧੀ ਰੋਟੀ ਵੀ ਨਹੀਂ ਖਾ ਰਹੀਆਂ ਸਨ। ਇਸ ਕਾਰਨ ਪਰਿਵਾਰ ਦੇ ਮੁਖੀ ਨੂੰ ਅਧਿਕਾਰੀਆਂ ਕੋਲ ਜਾਣ ਲਈ ਮਜਬੂਰ ਹੋਣਾ ਪਿਆ।

 

ਰਿਸ਼ਤੇਦਾਰਾਂ ਨੇ ਦੱਸਿਆ ਕਿ ਸਿਹਤ ਅਧਿਕਾਰੀਆਂ ਨੇ ਪੁਲੀਸ ਦੀ ਮਦਦ ਨਾਲ ਉਨ੍ਹਾਂ ਨੂੰ ਸਰਕਾਰੀ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ। ਔਰਤ ਦੀ ਧੀ ਨੇ ਅਫਸਰਾਂ ਨੂੰ ਸਵਾਲ ਕੀਤਾ , 'ਜਦੋਂ ਅਸੀਂ ਆਪਣੇ ਘਰ ਰਹਿਣਾ ਚਾਹੁੰਦੇ ਹਾਂ ਤਾਂ ਤੁਹਾਨੂੰ ਕੀ ਪਰੇਸ਼ਾਨੀ ਹੈ?' ਅਧਿਕਾਰੀ ਦੋਵੇਂ ਮਾਂ-ਧੀ ਦੀ ਜੋੜੀ ਨੂੰ ਬਾਹਰ ਆਉਣ ਅਤੇ ਉਨ੍ਹਾਂ ਨਾਲ ਸਹਿਯੋਗ ਕਰਨ ਲਈ ਮਨਾਉਣ ਦੀ ਕੋਸ਼ਿਸ਼ ਕਰ ਰਹੇ ਸਨ।

ਪਰਿਵਾਰ ਦੇ ਮੁਖੀ ਸੂਰੀਬਾਬੂ ਨੇ ਮੀਡੀਆ ਨੂੰ ਦੱਸਿਆ ਕਿ ਉਸ ਦੀ ਪਤਨੀ ਅਤੇ ਬੇਟੀ ਕਾਲੇ ਜਾਦੂ ਤੋਂ ਡਰਦੇ ਹਨ ਅਤੇ ਇਸ ਲਈ ਦਿਨ ਵੇਲੇ ਘਰੋਂ ਬਾਹਰ ਨਿਕਲਣਾ ਬੰਦ ਕਰ ਦਿੱਤਾ ਸੀ। ਸੂਰੀਬਾਬੂ ਨੇ ਕਿਹਾ, "ਮੇਰੇ ਵਾਰ-ਵਾਰ ਭਰੋਸੇ ਦੇ ਬਾਵਜੂਦ ਉਹ ਪਿਛਲੇ ਦੋ ਸਾਲਾਂ ਤੋਂ ਦਿਨ ਵੇਲੇ ਘਰ ਤੋਂ ਬਾਹਰ ਨਹੀਂ ਨਿਕਲੀ। ਹਾਲਾਂਕਿ, ਉਹ ਰਾਤ ਨੂੰ ਸ਼ੌਚ ਆਦਿ ਲਈ ਬਾਹਰ ਜਾਂਦੀ ਹੈ। ਜਿਵੇਂ ਹੀ ਉਸਦੀ ਪਤਨੀ ਦੀ ਸਿਹਤ ਪ੍ਰਭਾਵਿਤ ਹੋਣ ਲੱਗੀ, ਸੂਰੀਬਾਬੂ ਨੇ ਸਿਹਤ ਅਧਿਕਾਰੀਆਂ ਨੂੰ ਇਸ ਬਾਰੇ ਸੂਚਿਤ ਕੀਤਾ।

ਕੁਝ ਮਹੀਨੇ ਪਹਿਲਾਂ ਆਂਧਰਾ ਵਿੱਚ ਸਾਹਮਣੇ ਆਇਆ ਸੀ ਅਜਿਹਾ ਮਾਮਲਾ 

ਕੁਝ ਮਹੀਨੇ ਪਹਿਲਾਂ ਆਂਧਰਾ ਪ੍ਰਦੇਸ਼ ਵਿੱਚ ਕੋਵਿਡ-19 ਨਾਲ ਇੱਕ ਗੁਆਂਢੀ ਦੀ ਮੌਤ ਹੋ ਗਈ ਸੀ, ਜਿਸ ਤੋਂ ਬਾਅਦ ਇੱਕ ਪਰਿਵਾਰ ਦੇ ਤਿੰਨ ਮੈਂਬਰਾਂ ਨੇ ਆਪਣੇ ਆਪ ਨੂੰ 15 ਮਹੀਨਿਆਂ ਲਈ ਇੱਕ ਛੋਟੇ ਜਿਹੇ ਘਰ ਵਿੱਚ ਬੰਦ ਕਰ ਲਿਆ ਸੀ। ਰਿਸ਼ਤੇਦਾਰਾਂ ਵੱਲੋਂ ਉਨ੍ਹਾਂ ਦੀ ਸਿਹਤ ਖਰਾਬ ਹੋਣ ਦੀ ਸੂਚਨਾ ਮਿਲਣ 'ਤੇ ਆਂਧਰਾ ਪ੍ਰਦੇਸ਼ ਪੁਲਸ ਨੇ ਕਿਸੇ ਤਰ੍ਹਾਂ ਪਰਿਵਾਰ ਨੂੰ ਬਚਾਇਆ ਸੀ। ਉਸਦੀ ਤਰਸਯੋਗ ਹਾਲਤ ਨੂੰ ਦੇਖਦਿਆਂ ਪੁਲਿਸ ਨੇ ਉਸਨੂੰ ਤੁਰੰਤ ਸਰਕਾਰੀ ਹਸਪਤਾਲ ਵਿੱਚ ਭਰਤੀ ਕਰਵਾਇਆ।