Punjab Weather Update: ਅਗਲੇ ਇੱਕ-ਦੋ ਦਿਨਾਂ 'ਚ ਹੋਵੇਗੀ ਮਾਨਸੂਨ ਦੀ ਵਿਦਾਇਗੀ, ਹੁਣ ਦਿਨ 'ਚ ਹੋਵੇਗੀ ਗਰਮੀ, ਰਾਤ ਨੂੰ ਮੌਸਮ ਰਹੇਗਾ ਠੰਢਾ

ਮੌਸਮ ਵਿਭਾਗ ਨੇ ਮਾਨਸੂਨ ਦੇ ਜਾਣ ਦੇ ਸੰਕੇਤ ਜਾਰੀ ਕੀਤੇ ਹਨ। ਪੰਜਾਬ ਤੋਂ ਮਾਨਸੂਨ ਦੀ ਇੱਕ ਤਰ੍ਹਾਂ ਨਾਲ ਵਿਦਾਇਗੀ ਹੋ ਚੁੱਕੀ ਹੈ ਪਰ ਆਈਐਮਡੀ ਇੱਕ-ਦੋ ਦਿਨਾਂ ਵਿੱਚ ਡਿਕਲੇਅਰ ਕਰੇਗਾ , ਕਿਉਂਕਿ ਇਸ ਸਮੇਂ ਮੌਸਮ ਖੁਸ਼ਕ ਹੋ ਗਿਆ ਹੈ ਅਤੇ ਹੋਰ ਬਾਰਿਸ਼ ਨਹੀਂ ਹੋਵੇਗੀ।

Punjab Weather Update

ਚੰਡੀਗੜ੍ਹ : ਮੌਸਮ ਵਿਭਾਗ ਨੇ ਮਾਨਸੂਨ ਦੇ ਜਾਣ ਦੇ ਸੰਕੇਤ ਜਾਰੀ ਕੀਤੇ ਹਨ। ਪੰਜਾਬ ਤੋਂ ਮਾਨਸੂਨ ਦੀ ਇੱਕ ਤਰ੍ਹਾਂ ਨਾਲ ਵਿਦਾਇਗੀ ਹੋ ਚੁੱਕੀ ਹੈ ਪਰ ਆਈਐਮਡੀ ਇੱਕ-ਦੋ ਦਿਨਾਂ ਵਿੱਚ ਡਿਕਲੇਅਰ ਕਰੇਗਾ , ਕਿਉਂਕਿ ਇਸ ਸਮੇਂ ਮੌਸਮ ਖੁਸ਼ਕ ਹੋ ਗਿਆ ਹੈ ਅਤੇ ਹੋਰ ਬਾਰਿਸ਼ ਨਹੀਂ ਹੋਵੇਗੀ। ਮਾਨਸੂਨ ਦੇ ਸੀਜ਼ਨ ਵਿੱਚ ਇਹ ਲਗਾਤਾਰ ਚੌਥੀ ਵਾਰ ਹੈ, ਜਦੋਂ ਮਾਨਸੂਨ ਆਮ ਮੀਂਹ ਵੀ ਨਹੀਂ ਪਾ ਸਕਿਆ ਹੈ।  32 ਸਾਲਾਂ ਵਿੱਚ ਸਭ ਤੋਂ ਕਮਜ਼ੋਰ ਸਤੰਬਰ ਵਿੱਚ ਮਾਨਸੂਨ ਰਿਹਾ ਹੈ। ਇਸ ਵਾਰ ਜ਼ਿਲ੍ਹੇ ਵਿੱਚ ਜੁਲਾਈ ਵਿੱਚ ਹੀ ਮਾਨਸੂਨ ਦੀ ਚੰਗੀ ਬਾਰਿਸ਼ ਹੋਈ ਹੈ। ਇਸ ਤੋਂ ਬਾਅਦ ਅਗਸਤ ਅਤੇ ਸਤੰਬਰ 'ਚ ਮਾਨਸੂਨ ਜ਼ਿਆਦਾਤਰ ਕਮਜ਼ੋਰ ਰਿਹਾ। 

ਜਾਣਕਾਰੀ ਅਨੁਸਾਰ ਸੂਬੇ 'ਚ ਇਸ ਸਮੇਂ 328.7 ਮਿਲੀਮੀਟਰ ਬਾਰਿਸ਼ ਹੋਈ, ਜਦਕਿ ਇਹ 417 ਹੋਣੀ ਚਾਹੀਦੀ ਸੀ। ਅਜਿਹੇ 'ਚ ਇਸ ਸੀਜ਼ਨ 'ਚ 21 ਫੀਸਦੀ ਘੱਟ ਬਾਰਿਸ਼ ਦਰਜ ਕੀਤੀ ਗਈ ਹੈ। ਘੱਟ ਮੀਂਹ ਪੈਣ ਦਾ ਕਾਰਨ ਇਹ ਹੈ ਕਿ ਅਗਸਤ ਮਹੀਨੇ ਤੋਂ ਬਾਅਦ ਸਤੰਬਰ ਮਹੀਨੇ ਵਿੱਚ ਵੀ ਮਾਨਸੂਨ ਬਹੁਤ ਕਮਜ਼ੋਰ ਰਿਹਾ ਹੈ। ਇਨ੍ਹਾਂ ਦੋ ਮਹੀਨਿਆਂ ਵਿੱਚ ਆਮ ਨਾਲੋਂ ਅੱਧੀ ਵੀ ਬਰਸਾਤ ਨਹੀਂ ਹੋਈ। ਇਸੇ ਕਾਰਨ ਪੰਜਾਬ ਵਿੱਚ ਮਾਨਸੂਨ ਦੇ ਸੀਜ਼ਨ ਵਿੱਚ ਲਗਾਤਾਰ ਚੌਥੀ ਵਾਰ ਆਮ ਨਾਲੋਂ ਘੱਟ ਮੀਂਹ ਪਿਆ। 

 

2018 ਵਿੱਚ ਹੀ  ਆਮ ਨਾਲੋਂ ਵੱਧ 7 ਮਿਲੀਮੀਟਰ ਮੀਂਹ ਪਿਆ ਸੀ। ਉਸ ਤੋਂ ਬਾਅਦ ਮਾਨਸੂਨ ਲਗਾਤਾਰ ਨਹੀਂ ਬਰਸ ਸਕਿਆ। ਆਈਐਮਡੀ ਅਨੁਸਾਰ 1990 ਵਿੱਚ ਸਤੰਬਰ ਵਿੱਚ ਸਭ ਤੋਂ ਵੱਧ 219.6 ਮਿਲੀਮੀਟਰ ਮੀਂਹ ਪਿਆ ਸੀ, ਜਦੋਂ ਕਿ ਇਸ ਵਾਰ ਸੀਜ਼ਨ ਵਿੱਚ ਸਤੰਬਰ ਦਾ ਮਹੀਨਾ ਸਭ ਤੋਂ ਕਮਜ਼ੋਰ ਸਾਬਤ ਹੋਇਆ ਹੈ। ਇੱਥੇ ਸਿਰਫ਼ 11 ਮਿਲੀਮੀਟਰ ਮੀਂਹ ਪਿਆ ਹੈ। ਇਸ ਵਾਰ ਸਾਰੇ ਜ਼ਿਲ੍ਹਿਆਂ ਵਿੱਚ 99 ਫੀਸਦੀ ਤੱਕ ਘੱਟ ਮੀਂਹ ਦਰਜ ਕੀਤਾ ਗਿਆ ਹੈ।

ਮਾਨਸੂਨ ਸੀਜ਼ਨ ਵਿੱਚ ਅਗਸਤ ਵੀ ਕਮਜ਼ੋਰ ਰਿਹਾ। ਇਸ ਦੌਰਾਨ ਅਗਸਤ ਮਹੀਨੇ ਵਿੱਚ ਸਿਰਫ਼ 53.4 ਮਿਲੀਮੀਟਰ ਮੀਂਹ ਹੀ ਪਿਆ ਹੈ, ਜੋ ਆਮ ਨਾਲੋਂ 64 ਫ਼ੀਸਦੀ ਘੱਟ ਹੈ। ਜਦੋਂ ਕਿ 2014 ਤੋਂ ਬਾਅਦ ਇਹ ਦੂਜੀ ਵਾਰ ਦੇਖਣ ਨੂੰ ਮਿਲਿਆ ਹੈ ਕਿ ਅਗਸਤ ਵਿੱਚ 100 ਮਿਲੀਮੀਟਰ ਦਾ ਅੰਕੜਾ ਵੀ ਪਾਰ ਨਹੀਂ ਕੀਤਾ ਜਾ ਸਕਿਆ। ਸਾਲ 2014 ਵਿੱਚ ਵੀ ਅਗਸਤ ਵਿੱਚ ਸਭ ਤੋਂ ਘੱਟ 52.3 ਮਿਲੀਮੀਟਰ ਮੀਂਹ ਦਰਜ ਕੀਤਾ ਗਿਆ ਸੀ। 

 

ਅਜਿਹੇ 'ਚ 8 ਸਾਲ ਬਾਅਦ ਅਜਿਹਾ ਦੇਖਣ ਨੂੰ ਮਿਲਿਆ ਹੈ। ਮੌਸਮ ਵਿਭਾਗ ਮੁਤਾਬਕ ਹੁਣ ਸਤੰਬਰ 'ਚ ਮੌਸਮ ਖੁਸ਼ਕ ਰਹੇਗਾ, ਦਿਨ ਵੇਲੇ ਤਾਪਮਾਨ ਵਧੇਗਾ, ਜਦੋਂ ਕਿ ਰਾਤ ਨੂੰ ਡਿੱਗਣ ਨਾਲ ਗਰਮੀ ਤੋਂ ਵੱਡੀ ਰਾਹਤ ਮਿਲੇਗੀ। ਜਦੋਂ ਕਿ ਸਵੇਰ ਅਤੇ ਸ਼ਾਮ ਨੂੰ ਮੌਸਮ ਠੰਡਾ ਰਹਿਣ ਵਾਲਾ ਹੈ। ਇਸ ਦੇ ਨਾਲ ਹੀ ਸੋਮਵਾਰ ਨੂੰ ਵੱਧ ਤੋਂ ਵੱਧ ਤਾਪਮਾਨ 33.6 ਅਤੇ ਘੱਟੋ-ਘੱਟ ਤਾਪਮਾਨ 24.6 ਡਿਗਰੀ ਦਰਜ ਕੀਤਾ ਗਿਆ।