![ABP Premium](https://cdn.abplive.com/imagebank/Premium-ad-Icon.png)
ਕੈਨੇਡਾ 'ਚ ਗਰਮੀ ਨੇ ਤੋੜੇ ਰਿਕਾਰਡ, ਸਕੂਲ-ਕਾਲਜ ਬੰਦ, ਤਾਪਮਾਨ 100 ਡਿਗਰੀ ਤੋਂ ਟੱਪਿਆ
ਵੈਨਕੂਵਰ ਤੋਂ 200 ਕਿਲੋਮੀਟਰ (124 ਮੀਲ) ਉੱਤਰ ਵਿੱਚ ਬ੍ਰਿਟਿਸ਼ ਕੋਲੰਬੀਆ ਦੇ ਸ਼ਹਿਰ ਲਿਟਨ 'ਚ ਐਤਵਾਰ ਨੂੰ ਤਾਪਮਾਨ 46 ਡਿਗਰੀ ਸੈਲਸੀਅਸ (115.88 ਐਫ) ਤੋਂ ਉੱਪਰ ਦਰਜ ਕੀਤਾ ਗਿਆ।
![ਕੈਨੇਡਾ 'ਚ ਗਰਮੀ ਨੇ ਤੋੜੇ ਰਿਕਾਰਡ, ਸਕੂਲ-ਕਾਲਜ ਬੰਦ, ਤਾਪਮਾਨ 100 ਡਿਗਰੀ ਤੋਂ ਟੱਪਿਆ Canada sets record temperature of almost 116 degrees amid heat wave, forecasts of even hotter weather ਕੈਨੇਡਾ 'ਚ ਗਰਮੀ ਨੇ ਤੋੜੇ ਰਿਕਾਰਡ, ਸਕੂਲ-ਕਾਲਜ ਬੰਦ, ਤਾਪਮਾਨ 100 ਡਿਗਰੀ ਤੋਂ ਟੱਪਿਆ](https://feeds.abplive.com/onecms/images/uploaded-images/2021/06/29/f763114158ce9048f60acaffd3481091_original.jpg?impolicy=abp_cdn&imwidth=1200&height=675)
ਵੈਨਕੂਵਰ: ਬ੍ਰਿਟਿਸ਼ ਕੋਲੰਬੀਆ ਵਿੱਚ ਗਰਮੀ ਤਬਾਹੀ ਮਚਾ ਰਹੀ ਹੈ। ਇੱਥੇ ਗਰਮੀ ਦੇ ਵਧ ਰਹੇ ਪ੍ਰਕੋਪ ਕਾਰਨ ਸੋਮਵਾਰ ਨੂੰ ਸਕੂਲ ਤੇ ਕਾਲਜ ਬੰਦ ਰਹੇ। ਪੱਛਮੀ ਕੈਨੇਡੀਅਨ ਸੂਬਾ ਬੇਰਹਿਮ ਸਰਦੀਆਂ ਤੇ ਬਰਫਬਾਰੀ ਲਈ ਜਾਣਿਆ ਜਾਂਦਾ ਹੈ, ਪਰ ਇੱਥੇ ਹਫ਼ਤੇ ਦੇ ਅੰਤ ਵਿੱਚ ਰਿਕਾਰਡ ਤਾਪਮਾਨ ਦਰਜ ਕੀਤਾ ਗਿਆ। ਦੱਸ ਦਈਏ ਕਿ ਇੱਥੋਂ ਦਾ ਤਾਪਮਾਨ 100 ਡਿਗਰੀ ਫਾਰਨਹੀਟ ਨੂੰ ਵੀ ਪਾਰ ਕਰ ਗਿਆ।
ਵੈਨਕੂਵਰ ਤੋਂ 200 ਕਿਲੋਮੀਟਰ (124 ਮੀਲ) ਉੱਤਰ ਵਿੱਚ ਬ੍ਰਿਟਿਸ਼ ਕੋਲੰਬੀਆ ਦੇ ਸ਼ਹਿਰ ਲਿਟਨ 'ਚ ਐਤਵਾਰ ਨੂੰ ਤਾਪਮਾਨ 46 ਡਿਗਰੀ ਸੈਲਸੀਅਸ (115.88 ਐਫ) ਤੋਂ ਉੱਪਰ ਦਰਜ ਕੀਤਾ ਗਿਆ। ਵਾਤਾਵਰਣ ਤੇ ਜਲਵਾਯੂ ਪਰਿਵਰਤਨ ਕੈਨੇਡਾ ਮੁਤਾਬਕ, ਸਾਲ 1937 ਵਿੱਚ ਸਸਕੈਚੇਵਾਨ ਵਿੱਚ ਹੁਣ ਤੱਕ ਦਾ ਸਭ ਤੋਂ ਵੱਧ ਤਾਪਮਾਨ 45 ਡਿਗਰੀ ਸੈਲਸੀਅਸ ਸੀ। ਇਸ ਗਰਮੀ ਨੇ ਪੱਛਮੀ ਕੈਨੇਡਾ ਵਿੱਚ ਵੀ ਕਈ ਸਥਾਨਕ ਰਿਕਾਰਡਾਂ ਨੂੰ ਤੋੜ ਦਿੱਤਾ ਹੈ।
ਵਿਕਟੋਰੀਆ ਸਥਿਤ ਵਾਤਾਵਰਣ ਤੇ ਜਲਵਾਯੂ ਤਬਦੀਲੀ ਕੈਨੇਡਾ ਦੇ ਸੀਨੀਅਰ ਖੋਜ ਵਿਗਿਆਨੀ ਗ੍ਰੇਗ ਫਲੈਟੋ ਨੇ ਕਿਹਾ, "ਪ੍ਰਸ਼ਾਂਤ ਉੱਤਰ ਪੱਛਮ ਲਈ ਤੇਜ਼ ਬਰਕਰਾਰ ਗਰਮੀ ਅਸਾਧਾਰਨ ਹੈ।" ਇੱਥੇ ਸੂਰਜ ਚੜ੍ਹਨ ਨਾਲੋਂ ਵਧੇਰੇ ਮੀਂਹ ਪੈਂਦਾ ਹੈ, ਜੋ ਉੱਚ ਦਬਾਅ ਪ੍ਰਣਾਲੀ ਦੇ ਕਾਰਨ ਹੁੰਦਾ ਹੈ ਜੋ ਫਿਲਹਾਲ ਅੱਗੇ ਨਹੀਂ ਵੱਧ ਰਿਹਾ। ਫਲੈਟੋ ਨੇ ਕਿਹਾ, “ਅੱਜ ਕੱਲ੍ਹ ਇੱਥੇ ਤਾਪਮਾਨ ਦਿਨ ਵੇਲੇ ਬਹੁਤ ਜ਼ਿਆਦਾ ਗਰਮ ਹੁੰਦਾ ਹੈ ਤੇ ਰਾਤ ਵੀ ਜ਼ਿਆਦਾ ਠੰਢੀ ਨਹੀਂ ਹੁੰਦੀ।”
ਇਹ ਵੀ ਪੜ੍ਹੋ: Red Fort Violence: ਲੱਖਾ ਸਿਧਾਣਾ ਨੂੰ ਵੱਡੀ ਰਾਹਤ, ਗ੍ਰਿਫਤਾਰੀ 'ਤੇ ਅੰਤ੍ਰਿਮ ਰੋਕ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)