ਸਾਵਧਾਨ! ਹੁਣ ਪਾਣੀ 'ਚ ਘੁਲਿਆ ਕੋਰੋਨਾ, ਸੀਵਰ ਸਿਸਟਮ ਦੇ ਗੰਦੇ ਪਾਣੀ ਦੇ ਨਮੂਨਿਆਂ 'ਚ ਮਿਲੇ ਕੋਰੋਨਾ ਦੇ ਚਾਰ 'ਗੁਪਤ' ਵੇਰੀਐਂਟ, ਬਣ ਸਕਦੇ ਵੱਡਾ ਖ਼ਤਰਾ
ਯੂਐਸ ਖੋਜਕਰਤਾਵਾਂ ਦੀ ਇੱਕ ਟੀਮ ਨੇ ਨਿਊਯਾਰਕ ਸਿਟੀ ਵਿੱਚ ਇੱਕ ਜਨਤਕ ਸੀਵਰ ਸਿਸਟਮ ਤੋਂ ਗੰਦੇ ਪਾਣੀ ਦੇ ਨਮੂਨਿਆਂ ਵਿੱਚ SARS-CoV-2 ਦੇ ਘੱਟੋ-ਘੱਟ ਚਾਰ 'ਗੁਪਤ' ਰੂਪਾਂ ਦਾ ਪਤਾ ਲਗਾਇਆ ਹੈ।
Corona cases in World: ਦੁਨੀਆਂ 'ਚ ਕੋਰੋਨਾ ਵਾਇਰਸ ਨੇ ਤਬਾਹੀ ਮਚਾਈ ਹੋਈ ਹੈ। ਹਰ ਰੋਜ਼ ਕਰੋਨਾ ਵਾਇਰਸ ਦੇ ਲੱਖਾਂ ਮਾਮਲੇ ਸਾਹਮਣੇ ਆ ਰਹੇ ਹਨ। ਇਸ ਦੇ ਨਾਲ ਹੀ ਕੋਰੋਨਾ ਤੋਂ ਬਚਾਅ ਲਈ ਮਾਸਕ ਤੇ ਸਮਾਜਿਕ ਦੂਰੀ ਨੂੰ ਕਾਰਗਰ ਮੰਨਿਆ ਜਾ ਰਿਹਾ ਹੈ। ਇਸ ਦੌਰਾਨ ਅਮਰੀਕੀ ਖੋਜਕਰਤਾਵਾਂ ਦੀ ਇੱਕ ਟੀਮ ਨੇ ਨਿਊਯਾਰਕ ਸਿਟੀ 'ਚ ਇੱਕ ਜਨਤਕ ਸੀਵਰ ਸਿਸਟਮ ਦੇ ਗੰਦੇ ਪਾਣੀ ਦੇ ਨਮੂਨਿਆਂ 'ਚ SARS-CoV-2 ਦੇ ਘੱਟੋ-ਘੱਟ ਚਾਰ 'ਗੁਪਤ' ਵੇਰੀਐਂਟਾਂ ਦਾ ਪਤਾ ਲਗਾਇਆ ਹੈ, ਜੋ ਕੋਵਿਡ-19 ਵਾਇਰਸ ਦਾ ਕਾਰਨ ਬਣਦੇ ਹਨ।
ਮਿਸੌਰੀ ਯੂਨੀਵਰਸਿਟੀ 'ਚ ਅਣੂ ਮਾਈਕ੍ਰੋਬਾਇਓਲੋਜੀ ਤੇ ਇਮਿਊਨੋਲੋਜੀ ਦੇ ਪ੍ਰੋਫ਼ੈਸਰ ਤੇ ਅਧਿਐਨ ਦੇ ਇੱਕ ਸਹਿ-ਸਬੰਧਤ ਲੇਖਕ ਮਾਰਕ ਜੌਹਨਸਨ ਦਾ ਮੰਨਣਾ ਹੈ ਕਿ ਨਤੀਜਿਆਂ ਤੋਂ ਇਹ ਸੰਕੇਤ ਮਿਲਦਾ ਹੈ ਕਿ ਨਿਊਯਾਰਕ ਸਿਟੀ 'ਚ ਪਛਾਣੇ ਗਏ 'ਗੁਪਤ' ਵੇਰੀਐਂਟ ਸੰਭਾਵੀ ਤੌਰ 'ਤੇ ਜਾਨਵਰਾਂ ਦੇ ਮੂਲ ਨਾਲ ਜੁੜੇ ਹੋ ਸਕਦੇ ਹਨ। ਹਾਲਾਂਕਿ ਇਨ੍ਹਾਂ ਮੂਲਾਂ ਦੀ ਅਜੇ ਤਸਦੀਕ ਨਹੀਂ ਕੀਤੀ ਗਈ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਇੱਕ ਸੰਭਾਵਿਤ ਸ੍ਰੋਤ ਚੂਹੇ ਹੋ ਸਕਦੇ ਹਨ, ਜੋ ਆਮ ਤੌਰ 'ਤੇ ਨਿਊਯਾਰਕ ਸਿਟੀ ਦੇ ਸੀਵਰ ਸਿਸਟਮ 'ਚ ਹੁੰਦੇ ਹਨ।
ਅਜੀਬ ਵੰਸ਼
ਇਹ ਖੋਜ ਨੇਚਰ ਕਮਿਊਨੀਕੇਸ਼ਨ ਜਰਨਲ 'ਚ ਪ੍ਰਕਾਸ਼ਿਤ ਕੀਤੀ ਗਈ ਹੈ। ਉਦਾਹਰਣ ਵਜੋਂ ਸਾਨੂੰ ਅਜੇ ਵੀ ਨਹੀਂ ਪਤਾ ਕਿ ਓਮੀਕ੍ਰੋਨ ਵੇਰੀਐਂਟ ਕਿੱਥੋਂ ਆਇਆ ਹੈ, ਪਰ ਇਹ ਕਿਸੇ ਥਾਂ ਤੋਂ ਆਇਆ ਹੀ ਹੋਵੇਗਾ।" ਉਨ੍ਹਾਂ ਕਿਹਾ, "ਇਹ ਵੇਰੀਐਂਟ ਹਰ ਥਾਂ ਮਿਲ ਰਹੇ ਹਨ, ਜਿਨ੍ਹਾਂ 'ਚ ਓਮੀਕ੍ਰੋਨ ਵੀ ਸ਼ਾਮਲ ਹੈ, ਜੋ ਆਖਰਕਾਰ ਆਮ ਆਬਾਦੀ 'ਚ ਫੈਲ ਗਿਆ ਤੇ ਤਬਾਹੀ ਮਚਾਈ। ਸਾਨੂੰ ਲੱਗਦਾ ਹੈ ਕਿ ਇਹ ਅਜੀਬ ਵੰਸ਼ ਹੋ ਸਕਦਾ ਹੈ, ਜਿੱਥੋਂ ਕੋਵਿਡ-19 ਦਾ ਅਗਲਾ ਰੂਪ ਆਉਂਦਾ ਹੈ।"
ਖੋਜਕਰਤਾ ਜੂਨ 2020 ਤੋਂ ਨਿਊਯਾਰਕ ਸਿਟੀ 'ਚ 14 ਟਰੀਟਮੈਂਟ ਪਲਾਂਟਾਂ ਤੋਂ ਗੰਦੇ ਪਾਣੀ ਦਾ ਸੈਂਪਲ ਲੈ ਰਹੇ ਹਨ। ਉਹ ਅਮਰੀਕਾ 'ਚ ਹੋਰ ਖੋਜਕਰਤਾਵਾਂ ਤੱਕ ਵੀ ਪਹੁੰਚੇ, ਜੋ ਗੰਦੇ ਪਾਣੀ ਨਾਲ ਖੋਜ ਸਬੰਧੀ ਕੰਮ ਕਰ ਰਹੇ ਸਨ। ਉਨ੍ਹਾਂ ਕਿਹਾ ਕਿ ਕੁਝ ਅਸਾਧਾਰਨ ਨਤੀਜੇ ਦੇਖੇ ਗਏ ਹਨ। ਜੌਹਨਸਨ ਨੇ ਕਿਹਾ, "ਉਹ ਵੱਖੋ-ਵੱਖਰੇ ਸਨ, ਪਰ ਉਹ ਸਾਰੇ ਵਾਇਰਸ 'ਤੇ ਇੱਕ ਖਾਸ ਟਿਕਾਣੇ 'ਤੇ Q498 ਪਰਿਵਰਤਨ ਸਨ। ਹੈਰਾਨੀ ਦੀ ਗੱਲ ਹੈ ਕਿ ਨਿਊਯਾਰਕ ਸਿਟੀ ਦੇ ਜ਼ਿਆਦਾਤਰ ਨਮੂਨਿਆਂ 'ਚ Q498 'ਚ Q, Y 'ਚ ਬਦਲ ਗਿਆ ਸੀ ਜਾਂ ਗਲੂਟਾਮਾਈਨ ਟਾਈਰੋਸਿਨ 'ਚ ਬਦਲ ਗਿਆ ਸੀ। ਜੇ ਤੁਸੀਂ ਡੇਟਾਬੇਸ ਨੂੰ ਵੇਖਦੇ ਹੋ ਤਾਂ ਉੱਥੇ ਕੋਈ ਮਨੁੱਖੀ ਮਰੀਜ਼ ਨਹੀਂ ਸੀ ਤੇ ਨਾ ਹੀ ਉਸ ਪਰਿਵਰਤਨ ਦਾ ਹੋਣਾ ਜਾਰੀ ਹੈ।"
Disclaimer: ਏਬੀਪੀ ਨਿਊਜ਼ ਇਸ ਲੇਖ ਵਿੱਚ ਦੱਸੇ ਤਰੀਕਿਆਂ ਤੇ ਦਾਅਵਿਆਂ ਦੀ ਪੁਸ਼ਟੀ ਨਹੀਂ ਕਰਦਾ। ਇਨ੍ਹਾਂ ਨੂੰ ਸਿਰਫ਼ ਸੁਝਾਵਾਂ ਵਜੋਂ ਹੀ ਲਓ। ਅਜਿਹੇ ਕਿਸੇ ਵੀ ਇਲਾਜ/ਦਵਾਈ/ਖੁਰਾਕ ਦੀ ਪਾਲਣਾ ਕਰਨ ਤੋਂ ਪਹਿਲਾਂ ਡਾਕਟਰ ਨਾਲ ਸਲਾਹ ਕਰੋ।
ਇਹ ਵੀ ਪੜ੍ਹੋ: ਨਵਜੋਤ ਸਿੱਧੂ ਨੇ ਕੀਤਾ ਵੱਡਾ ਖੁਲਾਸਾ, ਆਖਰ 'ਆਪ' ਨਾਲ ਕਿਉਂ ਨਹੀਂ ਸਿਰੇ ਲੱਗੀ ਗੱਲ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
