Hajj Yatra 2024 : ਹੱਜ ਯਾਤਰੀਆਂ ਲਈ ਜ਼ਰੂਰੀ ਖ਼ਬਰ, ਇਨ੍ਹਾਂ 7 ਸ਼ਹਿਰਾਂ ਤੋਂ ਉੱਡੇਗਾ ਜਹਾਜ਼, ਇੱਕ ਕਲਿੱਕ 'ਚ ਪੜ੍ਹੋ ਪੂਰਾ ਸ਼ਡਿਊਲ
Hajj Yatra 2024 : ਸ਼੍ਰੀਨਗਰ ਤੋਂ ਮਦੀਨਾ ਲਈ ਪਹਿਲੀ ਉਡਾਣ ਸ਼ੁਰੂ ਕੀਤੀ ਗਈ ਹੈ। ਸਪਾਈਸਜੈੱਟ 7 ਸ਼ਹਿਰਾਂ ਤੋਂ ਵਿਸ਼ੇਸ਼ ਉਡਾਣਾਂ ਚਲਾਏਗੀ।
Hajj Yatra 2024 : ਹੱਜ ਯਾਤਰਾ 'ਤੇ ਜਾਣ ਵਾਲੇ ਲੋਕਾਂ ਲਈ ਖੁਸ਼ਖਬਰੀ ਹੈ। ਸਪਾਈਸਜੈੱਟ ਨੇ ਸ਼੍ਰੀਨਗਰ ਤੋਂ ਮਦੀਨਾ ਤੱਕ ਹਵਾਈ ਯਾਤਰਾ ਸ਼ੁਰੂ ਕਰ ਦਿੱਤੀ ਹੈ। ਸਪਾਈਸਜੈੱਟ 7 ਸ਼ਹਿਰਾਂ ਤੋਂ ਵਿਸ਼ੇਸ਼ ਉਡਾਣਾਂ ਚਲਾਏਗੀ। ਪਹਿਲੀ ਫਲਾਈਟ ਵੀਰਵਾਰ ਨੂੰ ਸ਼੍ਰੀਨਗਰ ਤੋਂ ਮਦੀਨਾ ਲਈ ਰਵਾਨਾ ਹੋਈ। ਕੰਪਨੀ ਨੇ ਕਿਹਾ ਕਿ ਉਸ ਨੇ ਹੱਜ ਯਾਤਰੀਆਂ ਲਈ 324 ਲੋਕਾਂ ਦੀ ਸਮਰੱਥਾ ਵਾਲੇ 2 ਵਾਈਡ ਬਾਡੀ ਏ-340 ਜਹਾਜ਼ ਤਾਇਨਾਤ ਕੀਤੇ ਹਨ।
ਏਅਰਲਾਈਨਜ਼ ਮੁਤਾਬਕ ਇਸ ਸਾਲ ਹੱਜ ਲਈ ਉਡਾਣਾਂ ਨਾ ਸਿਰਫ ਸ਼੍ਰੀਨਗਰ ਤੋਂ ਸਗੋਂ 7 ਹੋਰ ਸ਼ਹਿਰਾਂ ਤੋਂ ਵੀ ਉਡਾਣ ਭਰਨਗੀਆਂ। ਸਪਾਈਸ ਜੈੱਟ ਜਿਨ੍ਹਾਂ 7 ਸ਼ਹਿਰਾਂ ਤੋਂ ਵਿਸ਼ੇਸ਼ ਉਡਾਣਾਂ ਚਲਾਉਣ ਜਾ ਰਿਹਾ ਹੈ, ਉਨ੍ਹਾਂ ਵਿੱਚ ਗੁਹਾਟੀ, ਗਯਾ, ਭੋਪਾਲ, ਇੰਦੌਰ, ਔਰੰਗਾਬਾਦ ਅਤੇ ਵਿਜੇਵਾੜਾ ਸ਼ਾਮਲ ਹਨ। ਏਅਰਲਾਈਨਜ਼ ਨੇ ਸ੍ਰੀਨਗਰ ਤੋਂ ਇਲਾਵਾ ਗੁਹਾਟੀ ਵਿੱਚ ਵੀ ਏ-340 ਜਹਾਜ਼ ਤਾਇਨਾਤ ਕੀਤੇ ਹਨ।
ਏਅਰਲਾਈਨਜ਼ ਮੁਤਾਬਕ ਸ਼੍ਰੀਨਗਰ, ਗਯਾ, ਗੁਹਾਟੀ, ਭੋਪਾਲ, ਇੰਦੌਰ, ਔਰੰਗਾਬਾਦ ਅਤੇ ਵਿਜੇਵਾੜਾ ਤੋਂ ਹੱਜ ਸਪੈਸ਼ਲ ਫਲਾਈਟਾਂ ਚਲਾਈਆਂ ਜਾ ਰਹੀਆਂ ਹਨ। ਇਨ੍ਹਾਂ ਸਾਰੇ ਸ਼ਹਿਰਾਂ ਤੋਂ ਮਦੀਨਾ ਲਈ 9 ਮਈ ਤੋਂ 31 ਮਈ ਦਰਮਿਆਨ ਹੱਜ ਵਿਸ਼ੇਸ਼ ਉਡਾਣਾਂ ਚੱਲਣਗੀਆਂ। ਇਸ ਦੇ ਨਾਲ ਹੀ ਜੇਦਾਹ ਤੋਂ ਵਾਪਸੀ ਦੀ ਉਡਾਣ 22 ਜੂਨ ਤੋਂ ਉਪਲਬਧ ਹੋਵੇਗੀ। ਇਸ ਸਾਲ, ਸਪਾਈਸਜੈੱਟ 13800 ਹੱਜ ਯਾਤਰੀਆਂ ਲਈ ਕੁੱਲ 102 ਉਡਾਣਾਂ ਦਾ ਸੰਚਾਲਨ ਕਰੇਗੀ।
ਇਹ ਵੀ ਪੜ੍ਹੋ: Abdu Rozik: 'ਬਿੱਗ ਬੌਸ 16' ਫੇਮ ਅਬਦੂ ਰੋਜ਼ਿਕ ਅਗਲੇ ਮਹੀਨੇ ਕਰੇਗਾ ਵਿਆਹ, ਗਾਇਕ ਬੋਲਿਆ- 'ਸੁਪਨਿਆਂ ਦੀ ਰਾਣੀ ਮਿਲ ਗਈ...'
ਯਾਤਰੀਆਂ ਨੂੰ ਨਹੀਂ ਹੋਵੇਗੀ ਕੋਈ ਪਰੇਸ਼ਾਨੂ
ਕੰਪਨੀ ਨੇ ਕਿਹਾ ਕਿ ਏ-340 ਜਹਾਜ਼ਾਂ ਤੋਂ ਇਲਾਵਾ, ਏਅਰਲਾਈਨ ਨੇ ਹੱਜ ਸੰਚਾਲਨ ਲਈ ਬੋਇੰਗ 737 ਮੈਕਸ ਜਹਾਜ਼ ਵੀ ਤਾਇਨਾਤ ਕੀਤੇ ਹਨ। ਪਿਛਲੇ ਸਾਲ ਏਅਰਲਾਈਨਜ਼ ਨੇ ਇਕੱਲੇ ਹੱਜ ਯਾਤਰਾ ਦੌਰਾਨ 337 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਸਪਾਈਸ ਜੈੱਟ ਦੇ ਵਾਈਸ ਪ੍ਰੈਜ਼ੀਡੈਂਟ ਦੇਬਾਸ਼ੀਸ਼ ਸਾਹਾ ਨੇ ਕਿਹਾ, ਏਅਰਲਾਈਨ ਦੀ ਕੋਸ਼ਿਸ਼ ਹੱਜ ਯਾਤਰੀਆਂ ਦੀ ਮੁਸ਼ਕਲ ਰਹਿਤ ਅਤੇ ਆਨੰਦਮਈ ਯਾਤਰਾ ਨੂੰ ਯਕੀਨੀ ਬਣਾਉਣਾ ਹੈ।
ਹੱਜ ਯਾਤਰੀਆਂ ਨੂੰ ਮਿਲੇਗਾ ਨੁਸੁਕ ਕਾਰਡ
ਹੱਜ ਦੇ ਸੀਜ਼ਨ ਦੌਰਾਨ ਪਵਿੱਤਰ ਸਥਾਨਾਂ ਵਿੱਚ ਦਾਖ਼ਲੇ ਲਈ ਨੁਸੁਕ ਕਾਰਡ ਸ਼ੁਰੂ ਕੀਤਾ ਗਿਆ ਹੈ। ਸਾਰੇ ਹਾਜੀਆਂ ਨੂੰ ਨੁਸੁਕ ਕਾਰਡ ਦਿੱਤਾ ਜਾਵੇਗਾ, ਇਸ ਦਾ ਡਿਜੀਟਲ ਸੰਸਕਰਣ ਵੀ ਹੋਵੇਗਾ। ਸਾਰੇ ਸ਼ਰਧਾਲੂਆਂ ਦੀ ਜਾਣਕਾਰੀ ਨੁਸੁਕ ਕਾਰਡ ਵਿੱਚ ਦਰਜ ਕੀਤੀ ਜਾਵੇਗੀ। ਇਹ ਕਾਰਡ ਹੱਜ ਯਾਤਰਾ ਦੌਰਾਨ ਆਪਣੇ ਕੋਲ ਰੱਖਣਾ ਹੋਵੇਗਾ। ਕਾਰਡ ਰਾਹੀਂ ਅਧਿਕਾਰੀ ਆਸਾਨੀ ਨਾਲ ਹੱਜ ਯਾਤਰੀਆਂ ਦੀ ਪਛਾਣ ਕਰ ਸਕਣਗੇ ਅਤੇ ਕਿਸੇ ਵੀ ਫਰਜ਼ੀ ਸ਼ਰਧਾਲੂ ਦੇ ਦਾਖਲੇ 'ਤੇ ਪਾਬੰਦੀ ਲਗਾਈ ਜਾ ਸਕੇਗੀ।
ਇਹ ਵੀ ਪੜ੍ਹੋ: Petrol Diesel Limit: ਸਰਕਾਰ ਨੇ ਪੈਟਰੋਲ-ਡੀਜ਼ਲ ਭਰਵਾਉਣ ਦੀ ਲਿਮਿਟ ਕੀਤੀ ਤੈਅ! ਸਫਰ ਕਰਨ ਤੋਂ ਪਹਿਲਾਂ ਜ਼ਰੂਰ ਪੜ ਲਿਓ ਇਹ ਖਬਰ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
