ਤਾਲਿਬਾਨ ਨੇ ਮਚਾਈ ਤਬਾਹੀ! 20 ਰਾਜਾਂ 'ਤੇ ਕਬਜ਼ਾ, ਹੁਣ ਕਾਬੁਲ ਤੋਂ ਸਿਰਫ਼ 7 ਮੀਲ ਦੂਰ, ਫੌਜ ਨਾਲ ਗਹਿਗੱਚ ਲੜਾਈ
ਲੋਗਾਰ ਤੋਂ ਸੰਸਦ ਮੈਂਬਰ ਹੋਦਾ ਅਹਿਮਦੀ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਤਾਲਿਬਾਨ ਨੇ ਲੋਗਾਰ ਦੀ ਰਾਜਧਾਨੀ ਪੁਲ-ਏ-ਆਲਮ 'ਤੇ ਵੀ ਕਬਜ਼ਾ ਕਰ ਲਿਆ ਹੈ, ਜੋ ਕਾਬੁਲ ਤੋਂ 60 ਕਿਲੋਮੀਟਰ ਦੂਰ ਹੈ।
ਕਾਬੁਲ: ਅਫਗਾਨਿਸਤਾਨ ਤਾਲਿਬਾਨ ਲਗਾਤਾਰ ਅੱਗੇ ਵਧਦਾ ਜਾ ਰਿਹਾ ਹੈ। ਸਨਿੱਚਰਵਾਰ ਨੂੰ ਤਾਲਿਬਾਨ ਨੇ ਕਾਬੁਲ ਦੇ ਨੇੜੇ ਲੋਗਰ ਪ੍ਰਾਂਤ ਉੱਤੇ ਕਬਜ਼ਾ ਕਰ ਲਿਆ। ਤਾਲਿਬਾਨ ਹੁਣ ਦੇਸ਼ ਦੀ ਰਾਜਧਾਨੀ ਕਾਬੁਲ ਤੋਂ ਸਿਰਫ਼ 11 ਕਿਲੋਮੀਟਰ (ਸੱਤ ਮੀਲ) ਦੂਰ ਰਹਿ ਗਿਆ ਹੈ। ਤਾਲਿਬਾਨ ਹੁਣ ਚਾਰ ਅਸਿਆਬ ਜ਼ਿਲ੍ਹੇ ਵਿੱਚ ਪਹੁੰਚ ਗਏ ਹਨ, ਜਿੱਥੇ ਉਹ ਸਰਕਾਰੀ ਫੌਜੀ ਨਾਲ ਲੜ ਰਹੇ ਹਨ।
ਲੋਗਾਰ ਤੋਂ ਸੰਸਦ ਮੈਂਬਰ ਹੋਦਾ ਅਹਿਮਦੀ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਤਾਲਿਬਾਨ ਨੇ ਲੋਗਾਰ ਦੀ ਰਾਜਧਾਨੀ ਪੁਲ-ਏ-ਆਲਮ 'ਤੇ ਵੀ ਕਬਜ਼ਾ ਕਰ ਲਿਆ ਹੈ, ਜੋ ਕਾਬੁਲ ਤੋਂ 60 ਕਿਲੋਮੀਟਰ ਦੂਰ ਹੈ। ਤਾਲਿਬਾਨ ਨੇ ਅਫਗਾਨਿਸਤਾਨ ਦੇ ਚੌਥੇ ਸਭ ਤੋਂ ਵੱਡੇ ਸ਼ਹਿਰ ਮਜ਼ਾਰ-ਏ-ਸ਼ਰੀਫ 'ਤੇ ਪਹਿਲਾਂ ਹੀ ਕਬਜ਼ਾ ਕਰ ਲਿਆ ਸੀ।
ਤਾਲਿਬਾਨ ਨੇ ਇਕ ਹੋਰ ਸੂਬੇ ਪਕਤਿਕਾ ਦੀ ਰਾਜਧਾਨੀ ਸਾਰਾਨਾ 'ਤੇ ਵੀ ਕਬਜ਼ਾ ਕਰ ਲਿਆ ਹੈ। ਇਸ ਤਰ੍ਹਾਂ, ਅਫਗਾਨਿਸਤਾਨ ਦੀਆਂ 34 ਸੂਬਾਈ ਰਾਜਧਾਨੀਆਂ ਵਿੱਚੋਂ 20 ਨੂੰ ਤਾਲਿਬਾਨ ਨੇ ਆਪਣੇ ਕਬਜ਼ੇ ਵਿੱਚ ਕਰ ਲਿਆ ਹੈ। ਇਨ੍ਹਾਂ ਸਮੇਤ ਅਫਗਾਨਿਸਤਾਨ ਦਾ ਦੋ ਤਿਹਾਈ ਇਲਾਕਾ ਤਾਲਿਬਾਨ ਦੇ ਹੱਥ ਆ ਗਿਆ ਹੈ। ਰਾਸ਼ਟਰਪਤੀ ਅਸ਼ਰਫ ਗਨੀ ਨੇ ਤਾਲਿਬਾਨ ਨੂੰ ਹਿੰਸਾ ਰੋਕਣ ਦੀ ਅਪੀਲ ਕੀਤੀ ਹੈ ਪਰ ਖੁਦ ਅਸਤੀਫਾ ਦੇਣ ਦੇ ਸੰਕੇਤ ਨਹੀਂ ਦਿੱਤੇ। ਤਾਲਿਬਾਨ ਨੇ ਜੰਗਬੰਦੀ ਲਈ ਗਨੀ ਦੇ ਅਸਤੀਫੇ ਤੇ ਸੱਤਾ ਤੋਂ ਹਟਾਉਣ ਦੀ ਸ਼ਰਤ ਰੱਖੀ ਹੈ। ਸ਼ਨੀਵਾਰ ਨੂੰ, ਗਨੀ ਨੇ ਮਿੱਤਰ ਦੇਸ਼ਾਂ ਦੇ ਨੇਤਾਵਾਂ ਨਾਲ ਵੀ ਗੱਲਬਾਤ ਕੀਤੀ
ਤਾਲਿਬਾਨ ਦਾ ਮਜ਼ਾਰ-ਏ-ਸ਼ਰੀਫ 'ਤੇ ਵੀ ਕਬਜ਼ਾ
ਏਐਨਆਈ ਅਨੁਸਾਰ, ਤਾਲਿਬਾਨ ਦੇ ਬੁਲਾਰੇ ਜ਼ਬੀਉੱਲਾ ਮੁਜਾਹਿਦ ਨੇ ਕਿਹਾ ਹੈ ਕਿ ਲੋਗਰ ਸੂਬੇ ਦੇ ਗਵਰਨਰ ਅਬਦੁਲ ਕਯੂਮ ਰਹੀਮੀ ਤਾਲਿਬਾਨ ਵਿੱਚ ਸ਼ਾਮਲ ਹੋ ਗਏ ਹਨ। ਇਸ ਕਾਰਨ ਤਾਲਿਬਾਨ ਸੂਬੇ ’ਤੇ ਪੂਰੀ ਤਰ੍ਹਾਂ ਕਾਬਜ਼ ਹੋ ਗਏ ਹਨ। ਦੱਖਣੀ ਅਫਗਾਨਿਸਤਾਨ ਦੇ ਵੱਡੇ ਸ਼ਹਿਰ ਮਜ਼ਾਰ-ਏ-ਸ਼ਰੀਫ 'ਤੇ ਕਬਜ਼ਾ ਕਰਨ ਲਈ ਤਾਲਿਬਾਨ ਵੱਲੋਂ ਕਈ ਪਾਸਿਆਂ ਤੋਂ ਹਮਲੇ ਕੀਤੇ ਜਾਣ ਦੀ ਖ਼ਬਰ ਹੈ। ਇੱਕ ਅਫਗਾਨ ਸੰਸਦ ਮੈਂਬਰ ਦਾ ਕਹਿਣਾ ਹੈ ਕਿ ਬਲਖ ਪ੍ਰਾਂਤ ਦੀ ਰਾਜਧਾਨੀ ਮਜ਼ਾਰ-ਏ-ਸ਼ਰੀਫ ਤਾਲਿਬਾਨ ਦੇ ਕਬਜ਼ੇ ਵਿੱਚ ਆ ਗਈ ਹੈ। ਡਰ ਕਾਰਣ ਆਮ ਲੋਕਾਂ ਨੂੰ ਇਹ ਸਮਝ ਨਹੀਂ ਆ ਰਹੀ ਕਿ ਆਪਣੇ ਆਪ ਨੂੰ ਬਚਾਉਣਾ ਕਿਵੇਂ ਹੈ।
ਸੂਬੇ ਦੇ ਰਾਜਪਾਲ ਦੇ ਬੁਲਾਰੇ ਮੁਨੀਰ ਅਹਿਮਦ ਫਰਹਾਦ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਦੇਸ਼ ਦੇ ਹੋਰ ਖੇਤਰਾਂ ਵਿੱਚ ਵੀ ਤਾਲਿਬਾਨ ਅਤੇ ਸਰਕਾਰੀ ਸੈਨਿਕਾਂ ਦਰਮਿਆਨ ਲੜਾਈ ਜਾਰੀ ਹੈ। ਸਮਾਚਾਰ ਏਜੰਸੀ ਰਾਇਟਰਜ਼ ਅਨੁਸਾਰ ਕਤਰ ਨੇ ਤਾਲਿਬਾਨ ਨੂੰ ਹਿੰਸਕ ਲੜਾਈ ਦੇ ਵਿਚਕਾਰ ਹਿੰਸਾ ਰੋਕਣ ਦੀ ਅਪੀਲ ਕੀਤੀ ਹੈ। ਕਤਰ ਇਕਲੌਤਾ ਦੇਸ਼ ਹੈ ਜਿਸ ਨੇ ਲਗਾਤਾਰ ਤਾਲਿਬਾਨ ਦਾ ਸਮਰਥਨ ਕੀਤਾ ਹੈ। ਦੱਸ ਦੇਈਏ ਕਿ ਤਾਲਿਬਾਨ ਦਾ ਸਿਆਸੀ ਦਫਤਰ ਕਤਰ ਦੀ ਰਾਜਧਾਨੀ ਦੋਹਾ ਵਿੱਚ ਹੀ ਚੱਲ ਰਿਹਾ ਹੈ।
ਅਮਰੀਕੀ ਸਮੁੰਦਰੀ ਕਮਾਂਡੋਜ਼ ਦੀ ਪਹਿਲੀ ਟੀਮ ਕਾਬੁਲ ਪਹੁੰਚੀ
ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡੇਨ ਨੇ ਸਨਿੱਚਰਵਾਰ ਨੂੰ ਆਪਣੇ ਵਿਸ਼ੇਸ਼ ਸਹਿਯੋਗੀਆਂ ਨਾਲ ਅਫਗਾਨਿਸਤਾਨ ਦੀ ਸਥਿਤੀ 'ਤੇ ਚਰਚਾ ਕੀਤੀ। ਬਾਇਡੇਨ ਦੇ ਸਹਿਯੋਗੀ ਦੇਸ਼ਾਂ ਨਾਲ ਗੱਲਬਾਤ ਤੋਂ ਬਾਅਦ ਇਹ ਵੀ ਸੰਕੇਤ ਮਿਲੇ ਹਨ ਕਿ ਅਮਰੀਕਾ ਨੇ ਅਫਗਾਨਿਸਤਾਨ ਤੋਂ ਆਪਣੀ ਫੌਜ ਵਾਪਸ ਬੁਲਾਉਣ ਦੀ ਪ੍ਰਕਿਰਿਆ ਨੂੰ ਕੁਝ ਦਿਨਾਂ ਲਈ ਮੁਲਤਵੀ ਕਰ ਦਿੱਤਾ ਹੈ।
ਆਉਣ ਵਾਲੇ ਦਿਨਾਂ ਵਿੱਚ, ਅਮਰੀਕਾ ਅਫਗਾਨਿਸਤਾਨ ਵਿੱਚ ਕੁਝ ਹਜ਼ਾਰ ਹੋਰ ਸੈਨਿਕ ਭੇਜ ਸਕਦਾ ਹੈ ਜੋ ਕਾਬੁਲ ਅਤੇ ਹੋਰ ਸ਼ਹਿਰਾਂ ਨੂੰ ਤਾਲਿਬਾਨ ਦੇ ਕਬਜ਼ੇ ਤੋਂ ਬਚਾਉਣ ਵਿੱਚ ਅਫਗਾਨ ਫੌਜ ਦੀ ਮਦਦ ਕਰੇਗਾ। ਅਫਗਾਨਿਸਤਾਨ ਤੋਂ ਕੌਂਸਲਰ ਕਰਮਚਾਰੀਆਂ ਨੂੰ ਕੱਢਣ ਲਈ ਆਉਣ ਵਾਲੇ 3,000 ਸੈਨਿਕਾਂ ਵਿੱਚ ਸ਼ਾਮਲ ਸਮੁੰਦਰੀ ਕਮਾਂਡੋ ਦੀ ਪਹਿਲੀ ਟੁਕੜੀ ਸ਼ੁੱਕਰਵਾਰ ਨੂੰ ਕਾਬੁਲ ਪਹੁੰਚ ਗਈ ਹੈ। ਬਾਕੀ ਅਮਰੀਕੀ ਫ਼ੌਜੀ ਐਤਵਾਰ ਤੱਕ ਪਹੁੰਚ ਜਾਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
