(Source: ECI | ABP NEWS)
Nigeria Villagers Killed: ਨਾਈਜੀਰੀਆ 'ਚ ਇਸਲਾਮਿਕ ਸਮੂਹ ਬੋਕੋ ਹਰਮ ਦਾ ਖੂਨੀ ਤਾਂਡਵ, 37 ਪਿੰਡ ਵਾਲਿਆਂ ਦਾ ਕੀਤਾ ਕਤਲ
Nigeria : ਨਾਈਜੀਰੀਆ 'ਚ ਇਸਲਾਮਿਕ ਕੱਟੜਪੰਥੀ ਸਮੂਹ ਬੋਕੋ ਹਰਮ ਨੇ ਬਹੁਤ ਹੀ ਜਾਨਲੇਵਾ ਤਰੀਕੇ ਨਾਲ ਲੋਕਾਂ ਨੂੰ ਬੇਰਹਿਮੀ ਨਾਲ ਮਾਰ ਦਿੱਤਾ। ਇਹ ਗਰੁੱਪ ਪੂਰੀ ਦੁਨੀਆ ਵਿੱਚ ਸ਼ਰੀਆ ਕਾਨੂੰਨ ਲਾਗੂ ਕਰਨ ਦੀ ਗੱਲ ਕਰਦਾ ਹੈ।
Nigeria Boko Haram Attacked: ਉੱਤਰ-ਪੂਰਬੀ ਨਾਈਜੀਰੀਆ ਵਿੱਚ, ਬੋਕੋ ਹਰਮ ਦੇ ਕੱਟੜਪੰਥੀ ਸਮੂਹ ਨੇ ਦੋ ਵੱਖ-ਵੱਖ ਹਮਲਿਆਂ ਵਿੱਚ ਘੱਟੋ-ਘੱਟ 37 ਪਿੰਡ ਵਾਸੀਆਂ ਦੀ ਹੱਤਿਆ ਕਰ ਦਿੱਤੀ ਹੈ। ਇਸਲਾਮਿਕ ਕੱਟੜਪੰਥੀ ਵਿਦਰੋਹੀਆਂ ਨੇ ਸੋਮਵਾਰ ਅਤੇ ਮੰਗਲਵਾਰ ਨੂੰ ਯੋਬੇ ਰਾਜ ਦੇ ਗੀਦਾਮ ਜ਼ਿਲ੍ਹੇ ਵਿੱਚ ਪਿੰਡ ਵਾਸੀਆਂ ਨੂੰ ਨਿਸ਼ਾਨਾ ਬਣਾਇਆ। ਉਨ੍ਹਾਂ ਨੇ ਪਹਿਲਾਂ 17 ਲੋਕਾਂ ਨੂੰ ਗੋਲੀ ਮਾਰ ਕੇ ਮਾਰ ਦਿੱਤਾ, ਜਦਕਿ 20 ਹੋਰਾਂ ਨੂੰ ਮਾਰਨ ਲਈ ਬਾਰੂਦੀ ਸੁਰੰਗ ਦੀ ਵਰਤੋਂ ਕੀਤੀ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਮਾਰੇ ਗਏ 20 ਲੋਕ ਪਹਿਲਾਂ ਮਾਰੇ ਗਏ 17 ਲੋਕਾਂ ਦੇ ਅੰਤਿਮ ਸੰਸਕਾਰ 'ਤੇ ਗਏ ਸਨ।
ਯੋਬੇ ਰਾਜ ਦੇ ਗੀਦਾਮ ਜ਼ਿਲ੍ਹੇ ਦੇ ਲੋਕ ਪਿਛਲੇ 14 ਸਾਲਾਂ ਤੋਂ ਇਸਲਾਮਿਕ ਕੱਟੜਪੰਥੀ ਬਾਗੀਆਂ ਦੇ ਹਮਲਿਆਂ ਦਾ ਸ਼ਿਕਾਰ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਇਸਲਾਮਿਕ ਕੱਟੜਪੰਥੀ ਸਮੂਹ ਬੋਕੋ ਹਰਮ ਨੇ 2009 ਵਿੱਚ ਉੱਤਰ-ਪੂਰਬੀ ਨਾਈਜੀਰੀਆ ਵਿੱਚ ਇਸ ਖੇਤਰ ਵਿੱਚ ਇਸਲਾਮਿਕ ਕਾਨੂੰਨ ਜਾਂ ਸ਼ਰੀਆ ਦੀ ਆਪਣੀ ਕੱਟੜਪੰਥੀ ਵਿਆਖਿਆ ਸਥਾਪਤ ਕਰਨ ਦੀ ਕੋਸ਼ਿਸ਼ ਵਿੱਚ ਬਗਾਵਤ ਸ਼ੁਰੂ ਕੀਤੀ ਸੀ।
ਦਫ਼ਨਾਉਣ ਗਏ ਲੋਕਾਂ ਨੂੰ ਮਾਰ ਦਿੱਤਾ
ਨਾਈਜੀਰੀਆ ਵਿੱਚ ਪਹਿਲਾ ਹਮਲਾ ਸੋਮਵਾਰ (30 ਅਕਤੂਬਰ) ਦੇਰ ਰਾਤ ਗੀਦਾਮ ਦੇ ਦੂਰ-ਦੁਰਾਡੇ ਦੇ ਗੁਰੋਕਾਇਆ ਪਿੰਡ ਵਿੱਚ ਹੋਇਆ, ਜਿਸ ਵਿੱਚ 17 ਲੋਕ ਮਾਰੇ ਗਏ। ਇਸ ਘਟਨਾ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਪਿੰਡ ਗੁਰੂਕਈਆ ਨਿਵਾਸੀ ਸ਼ੈਬੂ ਬਬਾਗਾਨਾ ਨੇ ਦੱਸਿਆ ਕਿ ਮੰਗਲਵਾਰ ਨੂੰ ਜਦੋਂ 20 ਪਿੰਡ ਵਾਸੀ 17 ਲੋਕਾਂ ਨੂੰ ਦਫਨਾਉਣ ਲਈ ਕਬਰਸਤਾਨ ਜਾ ਰਹੇ ਸਨ ਤਾਂ ਰਸਤੇ 'ਚ ਬਾਰੂਦੀ ਸੁਰੰਗ ਦੀ ਲਪੇਟ 'ਚ ਆਉਣ ਨਾਲ ਉਨ੍ਹਾਂ ਦੀ ਮੌਤ ਹੋ ਗਈ।
ਇੱਕ ਹੋਰ ਨਿਵਾਸੀ ਇਦਰੀਸ ਗੀਦਾਮ ਨੇ ਕਿਹਾ ਕਿ ਮਰਨ ਵਾਲਿਆਂ ਦੀ ਗਿਣਤੀ 40 ਤੋਂ ਵੱਧ ਹੈ। ਇਦਰੀਸ ਗੀਦਾਮ ਨੇ ਕਿਹਾ ਕਿ ਇਹ ਬੋਕੋ ਹਰਮ ਦੁਆਰਾ ਹਾਲ ਹੀ ਦੇ ਸਮੇਂ ਵਿੱਚ ਕੀਤੇ ਗਏ ਸਭ ਤੋਂ ਭਿਆਨਕ ਹਮਲਿਆਂ ਵਿੱਚੋਂ ਇੱਕ ਹੈ। ਆਪਣੇ ਅਜ਼ੀਜ਼ਾਂ ਨੂੰ ਗੁਆਉਣ ਤੋਂ ਬਾਅਦ ਇੰਨੀ ਜਲਦੀ ਕਿਸੇ ਦਫ਼ਨਾਉਣ ਵਾਲੇ ਸਮੂਹ ਦੁਆਰਾ ਹਮਲਾ ਕਰਨਾ ਬਹੁਤ ਡਰਾਉਣਾ ਹੈ।
ਇਸਲਾਮੀ ਕੱਟੜਪੰਥੀ ਸਮੂਹ ਬੋਕੋ ਹਰਮ ਬੇਹੱਦ ਘਾਤਕ
ਨਾਈਜੀਰੀਆ 'ਚ ਇਸਲਾਮਿਕ ਕੱਟੜਪੰਥੀ ਸਮੂਹ ਬੋਕੋ ਹਰਮ ਲੋਕਾਂ ਨੂੰ ਬਹੁਤ ਹੀ ਜਾਨਲੇਵਾ ਤਰੀਕੇ ਨਾਲ ਮਾਰਦਾ ਹੈ। ਇਸ ਗੱਲ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਯੋਬੇ ਦੇ ਗੁਆਂਢੀ ਸੂਬੇ ਬੋਰਨੋ ਵਿੱਚ ਕੱਟੜਪੰਥੀ ਹਿੰਸਾ ਕਾਰਨ ਪਿਛਲੇ 14 ਸਾਲਾਂ ਵਿੱਚ ਘੱਟੋ-ਘੱਟ 35,000 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 20 ਲੱਖ ਤੋਂ ਵੱਧ ਲੋਕ ਬੇਘਰ ਹੋ ਚੁੱਕੇ ਹਨ। ਇਸ ਗਰੁੱਪ ਦੇ ਸੰਸਥਾਪਕ ਮੌਲਵੀ ਮੁਹੰਮਦ ਯੂਸਫ਼ ਅਨੁਸਾਰ ਮੁਸਲਮਾਨਾਂ ਨੂੰ ਵੋਟ ਪਾਉਣ ਅਤੇ ਧਰਮ ਨਿਰਪੱਖ ਹੋਣ ਦੀ ਸਖ਼ਤ ਮਨਾਹੀ ਹੈ।
ਇਹ ਗਰੁੱਪ ਪੂਰੀ ਦੁਨੀਆ ਵਿੱਚ ਸ਼ਰੀਆ ਕਾਨੂੰਨ ਲਾਗੂ ਕਰਨ ਦੀ ਗੱਲ ਕਰਦਾ ਹੈ। ਇਹ ਲੋਕ ਅਕਸਰ ਬੱਚਿਆਂ ਨੂੰ ਮਨੁੱਖੀ ਬੰਬ ਬਣਾ ਕੇ ਹਮਲੇ ਕਰਦੇ ਹਨ। ਇਹ ਲੋਕ ਹਰ ਰੋਜ਼ ਪਿੰਡ ਵਾਸੀਆਂ ਨੂੰ ਮਾਰ ਰਹੇ ਹਨ ਅਤੇ ਫਿਰੌਤੀ ਲਈ ਯਾਤਰੀਆਂ ਨੂੰ ਅਗਵਾ ਕਰ ਰਹੇ ਹਨ, ਜਿਸ ਨੂੰ ਰੋਕਣ ਵਿਚ ਨਾਈਜੀਰੀਆ ਸਰਕਾਰ ਸਫਲ ਨਹੀਂ ਹੋ ਰਹੀ ਹੈ। ਇਸ ਸਾਲ ਮਈ ਵਿੱਚ ਦੇਸ਼ ਦੇ ਰਾਸ਼ਟਰਪਤੀ ਬੋਲਾ ਤਿਨਬੂ ਨੇ ਅਹੁਦਾ ਸੰਭਾਲਿਆ ਸੀ। ਹਾਲਾਂਕਿ ਉਹ ਵੀ ਅਜਿਹੀਆਂ ਘਟਨਾਵਾਂ ਨੂੰ ਠੱਲ੍ਹ ਪਾਉਣ ਵਿੱਚ ਸਫਲ ਨਹੀਂ ਹੋ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
